Ndeshja u zhvilluar në “Wembley” dhe pavarësisht se siguria ka qenë maksimale thuajse në të gjithë kryeqytetin anglez, tifozët kanë zgjedhur metrotë e qytetit për të zgjidhur konfliktet e tyre.

Pjesa e parë është mbyllur me skuadrën e Guardiolës në avantazh. Golin që zhbllokoi takimin u u shënua nga Rahim Stërling, i cili në minutën 12-të çoi në avantazh të tijtë, duke shfrytëzuar topin e dhënë nga fantazisti spanjoll David Silva.

“Community Shield”
Liverpul 0 – 1 Mançester Siti
Shënues: Stërling 12′

 “Siti ndodhet në një situatë të ngjashme me ne. Edhe ata patën shumë lojtarë që nuk morën pjesë në fazën përgatitore. Aguero dhe disa prej lojtarëve brazilianë u janë kthyer këto ditë, por kam dëgjuar që s’do kenë Fernandinjon. Mendoj se zhvilluan një fazë përgatitore më të mirë se ne. Kam parë ndeshjet e tyre dhe kanë luajtur mirë”.

“Nuk ja kam idenë se çfarë formacioni do zgjedhë Guardiola. Mendoj se dhe ai nuk ia ka idenë se cilët lojtarë do përzgjedh unë. Ata kanë shumë zgjedhje dhe kjo ma bën shumë të vështirë. Fillimi i sezonit është përherë i tillë”, tha Klop.

Kosto totale e operacionit ishte 12 milionë euro. Me Angelinon në ekip, Pep Guardiola do të ketë një opsion më shumë përsa i përket krahut të majtë të mbrojtjes që deri më tani është mbuluar nga Fabian Delf dhe Oleksandr Zinçenko, dy mesfushorë të cilët Guardiola i ka konvertuar në mbrojtës.

https://t.co/Z2Pcy1rQCB

— Manchester City (@ManCity) July 3, 2019

Ardhja e Angelinos hedh dyshime mbi të ardhmen e Benzhamin Mendit. Futbollisti francez u ble për 50 milionë euro dy vite më parë, por dëmtimet e njëpasnjëshme në gju kanë bërë që ai t’i shohë shumicën e ndeshjeve nga tribuna.

Sezonin e shkuar, Silva ishte lojtari kyç për Guardiolën në fitimin e tre trofeve në ishullin britanik. Pas përfundimit të sezonit, fantazistit spanjoll iu ofrua një kontratë rinovimi 2-vjeçare, por është refuzuar nga 33-vjeçari, i cili shpjegoi:

“10 vite janë mjaftueshëm. Më është ofruar një rinovim dy vjeçar, por zgjodha të rinovoj edhe për një vit tjetër. Një dekade te Mançester Siti, është një arritje e madhe. Nuk do të qëndroj pas sezonit të ardhshëm, pasi kjo skuadër fantastike meriton që unë të jap maksimumin, gjë që nuk besoj se do t’a bëj në moshën 35-vjeçare”, përfundoi Silva.

Pak ditë më parë, Mançester Siti vendosi të huazojë portierin e Kosovës, Arijanet Muriç, për të marrë një portier më me eksperiencë dhe me cilësi më të mira në rast se numri 1 Ederson dëmtohet. Por Pep ka habitur të gjithë, pasi ka zgjedhur veteranin e Eibar.

Për ta bindur trajnerin spanjoll, ka ndërhyrë trajneri aktual i portierëve të Maçester Sitit, Asnier Mansidor, një mik shumë i mirë i Riesgos. Dyshja kanë punuar më parë së bashku dhe siç raporton Marca, ka qenë Mansidor ai që ka insistuar për të marrë Riesgon në “Etihad Stadium”.

Pritet që portieri 35-vjeçar të nënshkruajë një kontratë 1-vjeçare me Mançester Sitin, për të kaluar më pas si trajner i dytë i portierëve. Le të shpresojmë që Ederson të mos dëmtohet, pasi Guardiolës do t’i duhet t’i besojë Riesgos për të luajtur në kampionatin më të fortë në botë.

Në një prononcim për mediat holandeze, Van Persi është pyetur për ish-skuadrën e tij, Arsenalin, dhe për kampionatin anglez në tërësi, përgjigja e të cilit ishte: “Arsenali është përmirësuar këtë sezon, por ende kanë punë për të bërë. Them që mund të pretendojnë edhe për titullin kampion shumë shpejt, pasi gjithmonë kanë qenë në vendet e para.

Megjithatë, Mançester Siti dhe Liverpuli duken shumë larg të them të drejtën. Pep Guardiola është një trajner i madh dhe largimi i tij do i humbte bukurinë kampionatit anglez. Diferenca mes Liverpulit dhe Mançester Sitit, pa dashur të fyej Klopin, është padiskutim Guardiola”, përfundoi Van Persi.

Për këtë transferim të mundshëm, Hoakim Lëv tha: “Mynihu është gjithmonë një destinacion ideal për lojtarët gjermanë. Nëse e ardhmja e Sane është larg Sitit, kalimi te Bajerni do të ishte i mirë për të dhe për ne (stafi teknik i Gjermanisë). Mendoj se ai ndihet mirë te Mançester Siti, por nuk e di çfarë po mendon për momentin”, përfundoi Lëv.

Sipas asaj që është raportuar nga “Tvi24”, Juventusi nuk është skuadra e vetme që insiston me ngulm për shërbimet e Zhoao Feliks, pasi dhe Barcelona e Mançester Siti kanë bërë gati ofertat. Më të favorizuar tashmë për firmën e Feliks, shihen katalanasit.

Pasi siguruan firmën me Frenki De Jong dhe janë shumë pranë firmës me Matijs De Ligt, Barça synon me doemos edhe talentin Feliks dhe me këta tre lojtarë, e ardhmja e tyre do të ishte në duar të sigurta.

Protagonisti i ndeshjes ishte Rahim Stërling me tripletën e tij, ndërsa në listën e shënuesve pati vend për David Silvën, Zhesus dhe De Brujn.

https://www.instagram.com/p/BxnPeRTn1go/?utm_source=ig_web_copy_link

Me këtë triumf Mançester Siti plotëson tripletën e trofeve lokal në Angli, duke u bërë ekip i parë në Angli që fiton në një sezon, kampionatin, Kupën e Ligës dhe “Fa Cup”.

Mançester Siti 6 – 0 Uotford
Shënues: Silva 26’, Stërling 38’, 81’, 87’, De Brujn 61’, Zhezuz

Pavarësisht aktivizimeve të pakta, Muriç ka filluar të tërheqë interesin e klubeve të ndryshme në Angli. Portali pranë skuadrës së Preston North End, “deepdaledigest.com”, raporton se drejtuesit e ekipit që militon në Championship kanë shfaqur interes për të huazuar 20-vjeçarin për sezonin e ardhshëm.

Klubi i Preston bashkëpunon prej vitesh me Mançester Sitit. Përgjatë viteve të fundit shumë talente premtues të akademisë së kampionëve të Anglisë janë huazuar te skuadra modeste.

Një tjetër fakt që largon portierin e Kosovës nga Mançester Siti është riaftësimi i kilianit Klaudio Bravo, kontrata e të cilit me Sitin zgjat edhe për një sezon.

Pa pikë dyshimi, ai është trajneri më i mirë në botë. Ai ka një mënyrë speciale për t’u lidhur me lojtarët e tij dhe të gjithë e respektojnë. Normalisht, kur je kampion dhe arrin gjëra të mëdha, shumë skuadra duan të të kenë në krye të pankinës së tyre. Ndoshta këtë verë, Pep do të largohet nga Anglia.

Spanja i intereson shumë, është rritur atje. Në Spanjë ka dhe familjen, nuk është e lehtë të qëndrosh larg” tha Rivaldo. Ndërsa vetë Pep Guardiola, pasi fitoi titullin e dytë radhazi me Mançester Sitin, tha: “Mezi po e pres sezonin e ardhshëm. Skuadra është aty ku duhet dhe kemi krijuar diçka shumë të mirë për të ardhmen. Do të rritemi edhe më shumë”, ishin disa nga fjalët e teknikut spanjoll, çka sugjeron se ai mund të qëndrojë në Angli, pavarësisht fjalëve të Rivaldos.

38′ – Goli i Laporte (Man. Siti)

28’ Goli i Agueros (Man. Siti)

27’ Goli i Glen Mërrej (Brajton)

“Unë nuk do ta ndryshoj atë që kam thënë. Kemi bërë gjëra të mëdha këtë sezon dhe lojtarët meritojnë respektin maksimal. Jemi në finalen e Kupës FA, arritëm në çerekfinalet e Ligës së Kampionëve. Jemi sërish favoritë për titullin kampion dhe këto arritje nuk janë pak.

“Sigurisht nuk kemi fituar ende asgjë, por këto janë arritje që shpeshherë nuk vihen re. E mbaj mend mirë kur u eliminuam në Champions, shkatërruan lojtarët, trajnerin, klubin, na sulmuan pa fund dhe kjo gjë do të ndodhë edhe tani, nëse nuk fitojmë. Do të japim maksimumin në ndeshjet e mbetura, duhet të fitojmë dy trofetë që kemi në dispozicion. Me Uotfordin, shumë mendojnë se është ndeshje e fituar, por është një finale dhe në Kupën FA, ka pasur shpeshherë surpriza.

Duhet të fitojmë edhe në kampionat, të ruajmë statusin e kampionit. Nuk e mendoja kurrë se do të ishim në këto pozita, sidomos kur ishim 7 pikë larg Liverpulit. Tani jemi shumë pranë, lojtarët të bëjnë hapin e fundit për të fituar këto trofe”, përfundoi Guardiola.

Sipas “The Telegraph”, trajneri i Mançester Sitit, Pep Guardiola, ka udhëzuar drejtuesit e klubit për të sjellë në Mançester mbrojtësin e Leister Sitit, Ben Çilluell.

Futbollisti 22-vjeçar është kthyer prej dy sezonesh në një lojtar kyç te Leister Siti, ndërsa së fundmi ka besuar besimin e trajnerit të Anglisë, Gareth Sauthgejt, duke mposhtur konkurrencën e Luk Shou dhe Deni Rouz.

Mirëpo, rezultati i takimit dhe rrjedhimisht fati i titullit të Premier Ligës, mund të kishte qenë krejt të ndryshe në rast se s’do të kishte ndodhur një shpërdorim nga sulmuesi i Leisterit, Iheanaço.

https://twitter.com/soccerapy/status/1125505662841126912

Minuta e 88-të e ndeshjes, mesfushori anglez Çuduri jep një pas fantastik për Iheanaçon, i cili i vetëm përballë portierit Ederson çon topin jashtë. Fakti që nigeriani është ish-lojtari i Sitit ka bërë që në Angli shumë të tifozë të shfryjnë në rrjetet sociale duke e akuzuar atë për tolerim ndaj ish-skuadrës së tij.

Tekniku katalanas nuk i kurseu batutat, ndërkohë që lëshoi dhe një “thumbin” për skuadrën e Jyrgen Klop, duke thënë se Liverpuli e ka pasur shumë më të lehtë se ata kampionatin për shkak të mungesës së presionit.

Si u ndjetë në momentin e golit të Kompani?
“Natyrisht u gëzova kur shënuam golin, por e dija që loja ishte e akoma e hapur. Leisteri u tërhoq mbrapa dhe nuk është e lehtë të kalosh mbrojtjen e tyre. Portieri, Shmajkëll, është lojtari i jashtëzakonshëm e lexon shumë mirë lojën e kundërshtarëve. Nuk e patëm të lehtë t’i sulmonim gjatë pjesës së parë. Na duhet dhe një fitore që të shpallemi kampion”.

Kur Kompani u çoi topin përpara, ishit i mendimit që ta gjuante?
“Jo jo. Në mendjen time s’duhet ta gjuante, por ai u tregua i zgjuar që nuk ndoqi mendimet e mija. Goli i pabesueshëm”.

Rëndësia e Vinsent Kompanisë?
“Ky klub ka lojtarë shumë të rëndësishëm. Ky klub ka krijuar histori me tituj. Këto trofe kanë ardhur si pasojë e lojtarëve që i kanë dhënë formë këtij klubi. Xho Hart, Pablo Zabaleta dhe Vinsent Kompani është një prej tyre. Fatkeqësisht dëmtohet shpesh, por kur është në formë është një mbrojtës i kompletuar, ka një personalitet lideri. E falënderojmë për golin, ishte shumë i rëndësishëm”.

“Na mbetet të shkojmë e të fitojmë kundër Brajtonit. Janë një ekip shumë i fortë, tani janë dhe më të lirshëm pasi kanë siguruar qëndrimin në Premier League. Barazuan në trasnfertë ndaj Arsenalit, ndërsa na hapën punë në në gjysmëfinalen e “FA Cup”. Gjithsesi e kemi në duart tona. Dikur ishim 7 pikë mbrapa, fituam 13 ndeshje radhazi dhe ja ku jemi”.

PRESIONI – “Në ndeshjet e fundit kemi fituar me vetëm një gol, por kemi kontrolluar krejtësisht lojën, nuk u kemi lënë skuadrave kundërshtare qoftë edhe një godijte këndi ose një gjuajtje në portë. Në tre muajt e fundit kemi qenë skuadra më e mirë. Nëse nuk fitonim një ndeshje, titulli do të na ikte, ndërsa Liverpuli luan pa presion, pasi ata e dinë që nuk e kanë në dorën e tyre, ata e kanë pasur të lehtë në ndeshjet e tyre, ndërsa ne jo. E meritojmë të ndodhemi këtu ku jemi”.

Kompani nuk shënonte nga jashtë zonës së rreptësisë prej pesë vitesh. A besoni se ishte shkruar ?

“Jo, jo aspak. Sa mbaroi pjesa e parë i thashë Kompanisë, shko përpara dhe gjuaj (qesh). Futbolli është një lojë e paparashikueshme, ka dhe gola të tillë”.

Pjesa e parë rezultoi një 45-minutësh i çmendur, ku Siti iu mohua disa herë goli për meritë të portierit Shmajkëll, ndërkohë që Leister shfaqte rrezikshmërinë hera herës me kundërsulmet.

Në të dytën, Siti vazhdoi dominimin, duke tentuar të çante mbrojtjen e ekipit të Brendan Roxhers, por në mënyrë përrallore goli që zhbllokoi takimin erdhi nga kapiteni Vinsent Kompani.

Vendasit u kanë hapur jo pak punë “dhelprave”, por skuadra e Brendan Roxhers ka arritur të rezistojë në fraksioni e parë të lojës. Rasti më i mirë ishte ai i Serxho Agueros, i cili pa t’i ndalej një top në vijën fatale nga një pritje e shkëlqyer e portierit danez Kasper Shmajkëll.

“Ky është kampionati më  i fortë ku unë kam punuar, kjo për shkak të kualitetit të rivalëve tanë. Vitin e kaluar grumbulluar 100 pikë, por këtë sezon është diçka më e veçantë. Ky Liverpuli po bën diferencën. Pashë ndeshjen në “Camp Nou”, dhe më pëlqeu shumë si luajtën, natyrisht meritat i shkojnë Barcelonës që i mundën 3 – 0. Kanë humbur vetëm një ndeshje në Premier League”.

“Në karrierën time kam luajtur përballë skuadrave jashtëzakonisht të forta, por veçoj vetëm dy. Një është ndër to Barcelona e Luis Enrikes, që kishte në sulm Mesin, Saurezin dhe Nejmarin, ndërsa ekipi i dytë është ky Liverpuli i tanishëm. Ata kanë gjithçka, janë të fortë nga ana fizike, vrapojnë fushë, ndërsa janë përmirësuar shumë në mbrojtje në krahasim me vitin e kaluar. Ishim 7 pikë mbrapa në një moment, shumë vetë menduan se mbaroi”, pëfundoi Guardiola.

https://www.youtube.com/watch?v=D3HTnyQAN38

“Kam kuptuar se të shënoj gola është pika ime më e fortë. Është diçka që më pëlqen shumë dhe nuk mund ta mohoj, gjithmonë kur shënoj jam i lumtur. Sezonin e shkuar, i vura qëllim vetes të shënoj 15 gola në kampionat, ndërsa këtë sezon, doja të shënoja edhe më shumë.

Të luash nën urdhrat e Guardiolës, nëse nuk përmirësohesh, nuk luan në formacion. Prandaj, qëllimi im është të shënoj 20 gola. Është e vështirë për një sulmues anësor që të shënojë, sidomos pasi ke bërë një sezon të mirë edicionin e shkuar, pasi të markojnë 2 ose 3 futbollistë. Megjithatë, jam i lumtur për aq sa kam shënuar”, tha Sterling.

Së fundmi mediet italiane kanë zbuluar se drejtuesit e klubit zikaltër kanë arritur akordin personal me brazilianin e Mançester Sitit, Danilo, por negociatat me klubin në pronësi të sheikëve nga Emiratet e Bashkuara Arabe janë ende pezull.

Sipas televizionit “Sportitalia”, plani B  në rast se transferimi i Danilos dështon është Elseid Hysaj. Mbrojtësi shqiptar nuk është më një lojtar i padiskutueshëm në formacionin e Napolit dhe është e sigurt se në muajt e verës ai do të jetë një ndër lojtarët më të lakuar në lajmet e merkatos.

“Në këtë nivel fitoret janë gjithmonë të vështira. Në pjesën e parë e kishim në të vështirë, por është normale pasi po ndjenim presionin, në të dytën sulmuam më shumë. E dinim që duhet ta fitonim lojën”.

SANE – “Fernandinjo kishte disa probleme muskulore, prandaj futa Sanen më shpejt se sa e kisha parashikuar. Ishte i mahnitshëm,na e bëri lojën më të shpejtë. Sulmi në krah është specialiteti i tij. Shpesh jam shumë kritik me të, pasi e di potencialin e tij dhe duhet ta ndihmoj në zhvillimin e tij me lojën e top dhe pa të. Sot luajti në një nivel shumë të lartë”.

TITULLI – “Siç e kam thënë dhe në ndeshjet e fundit, titulli është në duart tona. Nuk mendoj se Liverpuli do të humbë. Kemi fituar 10 ndeshjet e fundit, është e mahnitshme çfarë kanë bërë djemtë. Po ta kishim fituar këtë ndeshje në nëntor ose dhjetor do të festonim më shumë, por nesër gjithçka ka mbaruar. Duhet të jemi shumë të përqendruar. Tani duhet të shkojmë te Bërnli, ku në dy sezonet e shkuara kam kaluar momente shumë të vështira”.

Trajneri norvegjez u shpreh se pa lojtarë të impenjuar e që vraponin, por në fund Solskjaer pranon me keqardhje që Siti është ekipi më i mirë dhe madje i komplementin duke thënë se ekipi i Guardiolës ka vendosur një standard.

“Skuadra reagoi, por në fund u mundëm nga një kundërshtari më i mirë se ne. Gjithsesi mora një reagim nga skuadra dhe lojtarët. Mund të vërehej qartazi se djemtë po punon fortë, por nuk ishte mjaftueshëm”.

“Ka një diferencë në cilësi. Për këtë arsye ata janë në këtyre dhe ne jemi këtu ku jemi. Ata kanë vendosur një standard. Jetojmë në Mançester dhe s’mund të na pëlqejë kjo gjë. Është në dorën tona që të zvogëlojmë hendekun e t’i kalojmë ata”.

“Sot nuk mund të them se ndonjë nga lojtarët nuk vrapoi. Duket qartë që kishte impenjim dhe përqendrim. Thjesht na duhet të punojmë sërish. Lojtarët e Sitit kanë shumë uri kur humbasin topin. E marrin mbrapsht me agresivitet dhe faulle”, përfundoi Solskjaer.

Pjesa e parë ishte e barabartë me të dyjat skuadrat që krijuan disa shanse për shënim. Situata ndryshoi krejtësisht në fraksionin e dytë të lojës, ku Siti tregoi qartazi që është skuadra me më cilësi. Golat e Sitit erdhën nga këmbët e dy mëngjarashëve të sulmit: Bernardo Silva dhe Liroi Sane.

Bërnli, Leister Siti dhe Brajton janë tri finalet që duhen fituar me çdo kusht nga “qytetarët” që tani kanë vënë njërën dorë te trofeu i dytë radhazi i kampionatit anglez.

Mançester Junajtid 0 – 2 Mançester Siti
Shënues: Silva 54’, Sane 66’

Pas një pjese të parë të barabartë, djemtë e Guardiolës janë kthyer më të karikuar se kurrë në fraksionin e dytë të lojës dhe rastet e vazhdueshme u shpërblyen më në fund në minutën e 53-të. Pak minut më vonë Sane shënon të dytin për Sitin.

Leroi Sane, Bernardo Silva dhe Riad Mahrez luftojnë për një vend në formacion, por Guardiola i ka besuar më shumë portugezit Silva, që po kalon një sezon të shkëlqyer. Flitej për një largim të Sane dhe Mahrez, por Guardiola ka folur sot për këtë temë, ku ka thënë:

“Mahrez është e ardhmja e Mançester Sitit”, tha fillimisht Guardiola, duke injoruar totalisht Sane. “Riad është një lojtar skuadre, që ka qenë gjithmonë i gatshëm. Aftësitë e tij dihen dhe do të qëndrojë këtu jo vetëm sezonin e ardhshëm, por shumë e shumë sezone të tjera”.

Kjo deklaratë e Guardolës bën të kuptohet se Sane me shumë gjasa nuk bën pjesë në planet e tij dhe skuadra e Bajernit të Mynihut është gati të paguajë për shërbimet e tij.

Goli i vetëm i takimit u shënua në minutën e pestë nga 18-vjeçari Fil Foden, i cili provoi për herë të parë emocionet e një goli në Premier Ligë.

Në pjesën e mbetur të lojës Siti vazhdoi të mbante dominimin e topit, por pa mundur të rrezikonte portën e Totenhemit. Lodhja e ndeshjes së të mërkurës dukej qartë në lojën e futbollistëve të të dyja skuadrave.

Man Siti 1 – 0 Totenhem
Shënues: Foden 5’

Mbrojtësi anësor nuk bën pjesë në planet e Pep Guardiolës dhe ka pranuar të largohet nga “Qytetarët”, për t’iu bashkuar Interit në Serie A. Mbetet për t’u bindur vetëm klubi anglez, që kërkon të arkëtojë po aq sa shpenzoi dy sezone më parë, ku i pagoi Realit të Madridit 35 milionë euro.

Interi nuk ka ndërmend të paguajë një shumë të tillë, duke parë që edhe minutat për Danilon këtë sezon kanë qenë me pikatore. Mbetet për t’u parë nëse dy ekipet do të gjejnë gjuhën e përbashkët për këtë transferim, por me shumë gjasa, Danilo do të jetë një nga afrimet e Interit për sezonin e ardhshëm.

Strategu gjerman tha se ndien keqardhje për atë që i ndodhi skuadrës së Mançester Sitit dhe kolegut të tij, Pep Guardiola, me atë vendim të VAR-it për t’i anuluar golin e kualifikimit në sekondat e fundit të sfidës. Në fjalën e tij, Klop tha:

“Nuk e kisha idenë fillimisht se çfarë kishte ndodhur, por ishte e pabesueshme, apo jo? Të gjithë menduan se Siti ia doli dhe u kualifikua, por për pak sekonda, gjithçka u kthye përmbys. Komplimente Totenhemit, por ndjej keqardhje për Mançester Sitin, pasi është një skuadër që nuk e meritonte të largohej në atë mënyrë nga Liga e Kampionëve”.

Megjithatë, për një nga lojtarët e skuadrës londineze festa filloi me vonesë. Bëhet fjalë për mesfushorin francez Musa Sisoko, i cili kur Stërling shënoi golin e avantazhit u nis menjëherë drejt dhomave të zhveshjes.

“Isha në stol kur pashë golin që çoi rezultatin në 5-3. U mërzita aq shumë sa që u nisa direkt për në dhomat e zhveshjes. Isha i vetëm, askush nuk më shoqëroi, ndërsa në atë ambient nuk kishte asnjë televizor që po transmetonte ndeshjen. Në mendjen time ishim eliminuar”.

“Pas pak minutash në dhomë u fut një prej anëtarëve të stafit teknik dhe u sul drejt meje duke më përqafuar: ‘E pabesueshme, ia dolëm!’, tha. Unë i kërkova të shpjegonte se si ishte e mundur dhe pastaj më tha se goli ishte anuluar. Menjëherë vesha sërish bluzën dhe vrapova në fushë pavarësisht se ndjeja akoma dhimbje nga dëmtimi”, përfundoi Sisoko.

“Po, është një goditje e fortë. Është mizore, por na duhet ta pranojmë. Ishte një ndeshje e këndshme për të gjithë. Në pjesën e dytë bëmë gjithçka, por na duhet t’i urojmë Totenhemin gjithë të mirat në gjysmëfinale”.

“Humbëm një penallti në ndeshjen e parë, krijuam shumë shanse ndaj një skuadre të fortë. Dy golat e parë erdhën si pasojë e gabimeve tona. Provuam gjithçka deri në fund. Çfarë kemi bërë në këto dy sezone është e mahnitëse”, përfundoi Guardiola.

“Jam shumë krenar, sidomos për reagimin e tifozëve tanë. Nuk e kam parë kurrë stadiumin si sot. Jemi të trishtuar për të gjithë ata, por ata e dinë që provuam gjithçka, futbolli është i paparashikueshëm dhe fatkeqësisht ne nuk jemi në fazën tjetër”.

“Na duhet të reagojmë të shtunën (ndeshen përsëri në kampionat me Totenhemin), por tani s’duhet ta kemi mendjen aty. Na duhet sa më shumë gjumë dhe më pas do të përgatitemi për atë ndeshje. Kemi luftuar për nëntë ose 10 muaj në kampionat. E kemi në duart tona. Sigurisht, do të jetë e vështirë, por duhet ta marrim kampionatin”.

“Nuk ëndërroj për gjëra që janë shumë larg. Thjesht dua të arrij në gjysmëfinale. Çfarëdo që të ndodh nesër, sezonin e ardhshëm do të jemi sërish te hedhja e shortit në Monako në gusht. E di që lojtarët e mi janë të fokusuar te ndeshja e nesërme, të arritja e gjysmëfinales.

Nuk e di sa duhet të bëjmë që të arrijmë në finale. Një herë kam arritur në finale me vetëm një goditje në portë. Një herë tjetër, kemi gjuajtur 33 herë dhe nuk ia dolëm. Futbolli është thjesht një lojë dhe gjithçka mund të ndodhë.

Po të më pyesni mua, them se jemi në gjysmëfinale. Edhe para ndeshjes së parë, edhe pas ndeshjes, me aq sa kam parë kam besim se do t’ia dalim. Nëse nuk fitojmë me Totenhemi në Champions League dhe në kampionat, humbasin dy trofe. Prandaj lojtarët janë të motivuar.

Liverpuli ka qenë një rival i pabesueshëm. Zakonisht, me 85, 84 pikë fiton titullin kampion. Gjithsesi, në fund vetëm një nga ne do të fitojë! Çdo lojtar është i gatshëm, kemi qenë me fat. Kemi dy ekipe të plota dhe do të konkurrojmë në çdo kompeticion, në çdo ndeshje, në çdo minutë, në çdo sekondë. Ne i arrijmë objektivat tona dhe objektivi ynë momental, është arritja e gjysmëfinaleve të Champions League”, tha Gurdiola.

Sipas informacioneve zyrtare nga Totenhemi, Kejn nuk do të jetë i gatshëm për pjesën e mbetur të Premier Ligës. Dëmtimi është i ngjashëm me atë të para disa muajsh ku mungoi për pesë javë. Edhe pse pritej të kthehej pas dy muajsh 25-vjeçari u kthye brenda pesë javës. Nnëse rikuperimi shkon me të njëjtin avancim si i mëparshmi Kejn mund të arrijë finalen e Kupës se Ligës me Totenhemin dhe atë të Ligës se Kombeve me kombëtaren.

Kështu, Kejn humbet pjesën më delikate të sezonit. Totenhemin e pret një sfidë e vështirë kthimi në Champions kundër Sitit të Guardiolës dhe sfida të ashpra në kampionat, ku renditen të tretët. Në ndeshjen e fundit edhe Dele Ali pësoi një frakturë në dorë. Megjithatë 23-vjeçari nuk ka shfaqur probleme të mëdha dhe pritet të jetë i gatshëm ndaj Brajton në fundjavë.

“Janë dy trajnerë shumë të ndryshëm dhe është e pamundur t’i krahasosh. Fakti është fakt dhe filozofitë e tyre janë shumë të ndryshme, por kanë fituar kudo që kanë shkuar. I shikoj sa mundem si ndeshjet e Liverpulit, ashtu dhe të Mançester Sitit. Premier Liga ka qenë gjithmonë një kampionat shumë i fortë.

Me Klopin flas edhe sot. Ai më dha mundësinë kur isha vetëm 17-vjeç që të luaja me skuadrën e parë dhe që nga ajo ditë, nuk i kemi shkëputur asnjëherë kontaktet. Besoj se këtë sezon do të arrijë të fitojë titullin kampion në Angli”, përfundoi Gëce.

Pas ndeshjes kundër Fulhem, foli mbrojtësi Kajl Uolker, i cili analizoi ndeshjen, rivalitetin me Liverpulin dhe sfidën e këtyre të fundit kundër ish-ekipit të tij, Totenhemit:

“Ishte një ndeshje e shkëlqyer, duke marrë parasysh se të gjithë lojtarët luajtën për kombëtaret e tyre. E rëndësishme që morëm tri pikët. Liverpul-Totenhem? E kemi ne timonin. Nuk i shikoj ndeshjet e kundështarëve, pasi sjell ters. Do të luaj me fëmijët e mi dhe shpresoj që Liverpuli të lërë pikë. Për mua, e rëndësishme ishte të transferohesha te Mançester Siti dhe që të fitoja trofe. Është një nder për mua që jam në këtë skuadër dhe drejtohem nga trajneri më i mirë në botë. Besoj se titulli kampion do të vendoset vetëm në sekondat e fundit” tha Uolker.

Megjithatë, të kuqtë besojnë te një mrekulli këtë fundjavë. Të besuarit e Pep Guardiolës përballën kundër Fulhemit, skuadër e cila ka sulmues kryesor ish-lojtarin e Liverpulit, Rajan Babel. Ky i fundit ka bërë mirë për Fulhemin, madje dhe i shënoi Liverpulit raundin e kaluar, por pa iu prishur punë sa i takon tre pikëve.

Këtë javë, Liverpuli shpreson që Babel të shënojë dhe t’i prishë punë Mançester Sitit, çka do të bënte që të kuqtë e Jurgen Klop të merrnin sërish frenat e kampionatit në duart e tyre.

Për këtë ditë historike të futbollit anglez, ka folur ish-mesfushori i Mançester Junajtid, Tom Kleverli, i cili ka zbuluar dhe fjalët e Ferguson në dhomat e zhveshjes: “Nuk mund të shkonte më keq. Nuk isha i grumbulluar në ndeshjen e fundit kundër Sandërlendit dhe nga tribuna, isha shumë i stresuar. Kur Xheko barazoi 2-2, ma ndjeu zemra se nuk ishte e shkruar që ne të shpalleshim kampionë.

Zbrita menjëherë nga tribuna drejt dhomave të zhveshjes, kur Aguero shënoi. Kishte disa TV në ambientet e stadiumit dhe kur dëgjova komentatorin teksa bërtiste: “Agueroooo”, gjithçka u errësua. Nuk doja ta besoja dhe shkova drejt e në dhomat e zhveshjes. Nuk do ta harroj kurrë atë moment. Ferguson po thoshte: “Iu kam thënë! Ja pse duhet të fitonim me shumë gola, të ishim të pamëshirshëm. Duhet të vrisnim kundërshtarët, humbëm nga golaverazhi! E pabesueshme!”, tha ai dhe ne lojtarët nuk kishim guxim as ta shikonim në sy. Ai ishte një fitues i vërtetë dhe nuk u dorëzua deri sa e fitoi titullin, më pas u largua i lumtur nga bota e futbollit”, përfundoi ish-mesfushori.

Megjithatë, i ati i tij pranoi se një gjë e tillë po konsiderohet: “Aguero mund të rikthehet në fund të sezonit te skuadra e Rasing Avelaneda. Aty ka nisur gjithçka. Ka dhe dy vite kontratë me Mançester Sitin, por kjo gjë nuk e pengon atë që të rikthehet që në sezonin e ardhshëm. Kjo gjë nuk varet vetëm prej tij, pasi duhet të flitet me Guardiolën dhe drejtuesit e klubit”, përfundoi Kastijo.

Pamjet nga momenti i golit janë të qarta dhe dukshëm numri 10 i Mançester Sitit është më i avancuar se mbrojtja e Suonsit. Në Kupën FA, VAR-i përdoret, por në këtë rast nuk u përdor, për një arsye të padëgjuar më parë.

Dhoma e VAR-it është hequr nga stadiumi i Suonsit, “Liverty Stadium”, për shkak se skuadra uellsiane militon në Championship, ligën e dytë angleze. Të gjithë këto faktorë kanë acaruar jo pak tifozët e Suonsit, që e ndjejnë se janë eliminuar në mënyrë të padrejtë dhe kanë shpërthyer në rrjetet sociale. Skuadra e tyre ishte shumë pranë gjysmëfinaleve të Kupës FA, por u eliminuan nga një vendim i padrejtë.