MAN citi

VIDEO | VAR fshehu videon, goli i Totenhemit duhej anuluar!

Sport Ekspres — Thu, 18 Apr 2019 07:39:19 +0000

Goli i sulmuesit spanjoll Jorente në takimin e djeshëm midis Mançester Sitit dhe Totenhemit solli jo pak polemika.

Pep Guardiola ishte i pari nga klubi i eliminuar që ngriti dyshime mbi atë vendim të arbitrit Çakir dhe sistemit “VAR”. Ndërkohë, në Angli ka filuar një debat në lidhje me rastin në fjalë.

Pamjet e kamerës së vendosur mbrapa portës tregojnë qartë që topi u devijua nga bërryli i Jorentes dhe më pas ra në pjesën e këmbëve të spanjollit. Megjithatë, ky kënd nuk ishte pjesë e pamjeve që arbitri Çakir pa në ekranin e sistemit “VAR”. Veprimet e turkut në përfundim të analizës tregojnë qartë që ai është i mendimit që nuk ka pasur kontakt midis topit dhe dorës së lojtarit, diçka kjo e pavërtetë.

Ish-futbollisti Ouen Hargrivs e cilësoi si të rregullt golin, duke thënë se kontakti është shumë i butë dhe Jorente ndodhet në një pozicion natyral: “Jorente është në një pozicion natyral. Do të ishte me të vërtetë shumë e ashpër nëse ai gol do të anulohej. Me pamjet filmike që kemi parë arbitri Çakir nuk e ka parë këtë pamje. Ndoshta do të ndryshonte vendimin e tij, por për mendimin tim është kemi të bëjmë me një detaj shumë të vogël”.

Siti blindon yllin e mesfushës, firmos rinovimin 6-vjeçar

Sport Ekspres — Wed, 13 Mar 2019 18:45:16 +0000

Mançester Siti ka njoftuar rinovimin e kontratës deri në vitin 2025 me lojtarin portugez Bernardo Silva. Futbollisti i blerë nga Monako në verën e 2017-ës ka treguar një rritje të jashtëzakonshme këtë sezon.

Në vitin e parë në Angli, Silva u aktivizua më së shumti si zëvendësues, por tani Guardiola i ka dhënë besimin për të qenë një titullar i përhershëm te “qytetarët”.

Silva është një ndër shumë yjet e Sitit që kanë nënshkruar rinovime afatgjata me klubin gjatë muajve të fundit pas Stërling, De Brujn, Laport.

https://t.co/Q9nFkMzJ9S

— Manchester City (@ManCity) March 13, 2019

Emeri bën optimistin: Sitin nuk e ndalojmë dot, mësojmë nga humbjet

Sport Ekspres — Sun, 03 Feb 2019 21:06:46 +0000

Unai Emeri u shfaq krejtësisht i dorëzuar pas humbjes 3 – 1 në transfertën ndaj Mançester Sitit. Trajneri i Arenalit u shpreh se kundërshtari është dukshëm shumë herë më i fortë se ata dhe prandaj djemtë e tij janë mëse të justifikuar pavarësisht rezultatit dhe lojës.

“Duhet të bëjmë më mirë fazën mbrojtëse dhe sulmuese. Na duhet pak kohë që të ndërtojmë mentalitetin e të kemi vetëbesimin e duhur. Nuk them se skuadra nuk ka mentalitetin e duhur, por kur ndeshemi ndaj kundërshtarëve më të mirë, djemtë e ndjejnë këtë gjë dhe kjo ndikon në lojën e skuadrës. Lojtarët e rinj mësojnë nga këto humbje, duhet të tregohemi optimist”

“Ata kanë shumë lojtarë cilësorë. Nuk kemi si t’i ndalojmë ato lloj golash. Nuk kam se çfarë t’u them lojtarëve të mi. Ata punuan fort dhe u gjendën në vështirësi. Duhet ta pranojmë se ne jemi shumë mbrapa tyre”, përfundoi tekniku spanjoll.

VIDEO | “Masakër” në Angli, Siti “zbraz karikatorin” në Kupë

Sport Ekspres — Wed, 09 Jan 2019 21:44:28 +0000

Siti ka “masakruar” skuadrën e Bërton Albion me një fitore me rezultatin e pabesuëshëm 9 – 0. Ekipi i Pep Guardiolës nuk tregoi mëshirë qoftë dhe për një moment, duke shënuar, pothuajse në çdo rast të rrezikshëm që krijuan.

Sulmuesi brazilian Gabriel Zhezuz ishte ai që shënoi më shumë në këtë takim me katër golat e tij. Listës së golashënuesve iu bashkuan dhe mbrojtësit Uallker dhe Zinçenko.

Ndeshja e kthimit e finales së “EFL Cup” do të zhvillohet më datë 23 janar. Siti tashmë e ka siguruar biletën në finale dhe do të presë, fituesin e gjysmëfinales tjetër midis Çelsit dhe Totenhemit.

Mançester Siti 9 – 0 Bërton Albion