Napoli zyrtarizon zëvendësin e Hysajt

Sport Ekspres — Tue, 07 Aug 2018 16:31:45 +0000

Ashtu siç pritej Napoli ka nënshkruar me një mbrojtës të djathtë. Sot, Napoli ka arritur marrëveshja me Lilën për Kevin Malkuit, i cili mund të quhet pjesë e nënkampionëve të Italisë. Karlo Ançeloti tani do të ketë një alternativë tjetër veç Hysajt në krahun e djathtë të mbrojtjes.

Siç raportohet nga “Sky Sport” operacioni i ka shkurtuar Napolit një shifer prej 13 milion eurosh. Francezi ka nënshkruar një kontratë 4-vjeçare dhe do të jetë alternativë e shkodranit.

Hysaj, edicionin e shkuar ishte një nga lojtarët që luajti më shumë ndeshje, ndaj drejtuesit menduan që të gjenin një alternativë për të. Malkuit shihet si një lojtar mjaft premtues, por duket shumë e vështirë që t’i rrëmbejë vendin shkodranit.

Vazhdon “gjuetia” për konkurrentin e Hysaj, dy mbrojtës në balotazh

Sport Ekspres — Thu, 02 Aug 2018 16:05:10 +0000

Largimi i veteranit Kristian Maxho pas plot dhjetë vitesh nga klubi i Napolit, ka shtyrë këta të fundit të hidhen në merkato për një alternativë tjetër për rolin e mbrojtësit të krahut të djathtë që prej tri sezonesh është i “blinduar” nga mbrojtësi i kombëtares sonë Elseid Hysaj.

Por, sipas lajmeve që po qarkullojnë në mediet italiane, presidenti Aurelio De Laurentis kërkon të afrojë një futbollist të aftë të rivalizojë me shkodranin për një vend titullari dhe jo thjesht një ngrohës stoli për raste emergjencash.

Emrat që kanë qarkulluar kanë qentë të shumtë, por me kalimin e javëve rredhi është ngushtuar në vetëm dy futbollistë. Kandidati më i përfolur është Mateo Darmian, por kërkesat e mëdha financiare të Mançester Junajtid mund të bëjnë që marrëveshje midis palëve të mos konkretizohet, ndërsa plani B ndodhet në kampionatin francez. Bëhet fjalë për mbrojtësin e Lilës, Kevin Malkuit, i cili është një opsion shumë herë më i lirë.