“Teuta nuk është në formën që ishte në fillim, por kjo nuk ka rëndësi shumë. Për ne është si një finale”, u shpreh Ymeraj fillimisht. Më tej ai thekson se lodhja ka induar te bluzinjtë, që kanë zhvilluar ndeshje në Kupa e kampionat.

“Ndeshjet çdo tre ditë janë të vështira. Kemi një muaj që po luajmë tre ndeshje në javë. Ka dalë në pah lodhja besoj. Nuk e meritonim barazimin me Tiranën. E rëndësishme është të marrim pikë”, shtoi mesfushori, i cili vjet ishte pjesë e skuadrës së Kukësit dhe në verë iu bashkua Luftëtarit.

Në ndeshjen e radhës në Durrës gjirokastritët do të kenë mungesa të rëndësishme. Ramadani ende nuk është gati, kurse këtë herë nuk mund ta luajnë edhe dy të tjerë. “Oltion Rapa dhe Rustem Hoxha janë të dëmtuar. Kemi lojtarë që mund t’i zëvendësojnë, por jo si ata që e njohin kampionatin dhe janë me eksperiencë”, tregon Ymeraj.

Në një intevistë për “RTSH Sport”, futbollisti i Luftëtarit është shprehur se takimi i fundjavës ndaj ish-ekipit e gjen atë akoma më të motivuar.

“Çdo gjashtë muaj në futbollin shqiptar ndërrohen lojtarë, por filozofia që fillon që nga presidenti ngelet e njëjta. Nej jemi çuna me shumë motivim dhe na kanë ardhur djem të mirë me shumë kualitet”.

“Unë personalisht kam një motivim më shumë për ndeshjen me Kukësin. Nuk u ndjeva mirë tek ajo skuadër, më mungonte motivimi, pata disa probleme personale. Kam besim se do të marrim një rezultat pozitiv”, tha Ymeraj.

Qendërmbrojtësi Rustem Hoxha u ndëshkua me karton të verdhë në sfidën me Tiranën dhe për durrsakun ishte i katërti. Në këtë mënyrë ai humbet takimin me ish-skuadrën e tij. Një mungesë e rëndësishme për Luftëtarin.

Ahmataj duhet të gjejë një zgjidhje dhe me shumë mundësi do të zhvendoset në qendër të mbrojtjes Oltion Rapa. Ky i fundit është aktivizuar në të djathtë të mbrojtjes së fundmi dhe kjo lëvizje është disi e detyruar.

Por ka edhe lajme të mira, pasi mesfushori Maldin Ymeraj është rikuperuar plotësisht dhe do të jetë gati. Kjo bën që lirisht Aurel Demo të kthehet në linjën e djathtë të prapavijës. Gjatë këtyre ditëve do të shihen lëvizjet që do të planifikojë Ahmataj.

Te Luftëtari nuk ka luajtur vetëm një takim deri më tani, ndërkohë që tregon në një intervistë për “SportEkspres.com” ambientin që ka gjetur në Gjirokastër, ndryshimin e bluzinjve me Kukësin, por edhe objektivat e tij personalë. Nuk mbeten jashtë bisedës me të edhe puna me trajnerin Millosh Kostiç dhe Gentian Mezanin, apo edhe goli i fundit ndaj Partizanit.

INTERVISTOI: JURGEN ZELA

Maldin po luani rregullisht dhe duket se keni rilindur në Gjirokastër, nëse mund të thuhet kështu…
-Unë kërkoja hapësira te Kukësi. Atje nuk më njihnin dhe nuk mora minutat që desha, që ishin të nevojshme për të treguar cilësitë që kam. Te Luftëtari ambienti ishte vjet edhe si vjet. Është një ambient mirëpritës, që krijohet edhe nga lojtarët, edhe nga presidenca. Pastaj këtu më besuan, më dhanë mundësinë dhe po tregoj gjëra në fushë. Besoj që kam akoma për të dhënë. Është vetëm viti im i parë në Superiore.

Ishte ai gol me Partizanin dhurata më e bukur që i bëre vetes?
-Po, ishte. Po e kërkoja golin. Në këto 3 ndeshje isha shumë afër dhe u realizua me Partizanin.

Nga Kukësi te Luftëtari, çfarë ndryshon nga këto dy ekipe?
-Luftëtari është ekip që formon lojtarë dhe ka qëllim të krijojë një ekip që të jenë si familje me njërin-tjetrin, por edhe të jenë gjithmonë të gëzuar lojtarët. Edhe siç e kemi parë, skuadrat shqiptare po blejnë lojtarë nga Gjirokastra. Qëllimi i Kukësit është ndryshe.

Mund të jenë penduar te Kukësi që ju larguan, pasi po tregoni një formë mjaft të mirë?
-Nga Kukësi kërkova vetë të iki, thjesht nuk ndihesha mirë edhe nuk jepja dot maksimumin. Tani kam marrë ndeshje me radhë edhe forma po vjen vetë gradualisht.

Cilat janë synimet tuaja për të ardhmen, mund të kemi ndonjë lëvizje në merkaton e janarit?
-Qëllimi është të mbaroj vitin pa dëmtime dhe të jem në formë sa më  të mirë. Pastaj  për të tjerat nuk i dihet. Në futboll brenda ditës ndryshojnë shumë gjëra.

Si e shikoni luftën për mbijetesë?
-Skuadra kishte disa probleme dhe ato kanë ndikuar te rezultatet. Por çunat kanë treguar të gjithë që kanë cilësi dhe mund të fitojmë ndaj çdo skuadër. As që e mendoj mbijetesën, kam besim se do ta mbarojmë lart me pikë.

Nga Kostiç te Mezani, çfarë ka ndryshuar në skuadër? Më parë ju luanit më shumë.
-Kostiç kishte ide te nivelit të lart në futboll, po këtu në Shqipëri nuk perceptoheshin dot. Mezani që ditën e parë na kuptonte dhe na afroi më shumë. Mundësitë që marr po mundohem t’i shfrytëzoj të gjitha, pastaj janë taktikat e trajnerëve

Ke një dedikim për golin?
-Goli ia dedikoj familjes time, pasi kishin ardhur për herë të parë sivjet në stadium. Kjo duke qenë se ata jetojnë në Athinë

Mund të na e zbulosh pak momentin e golit, kalove disa kundërshtarë dhe realizove…
-Kisha në mendje të isha afër Shkurtajt, pastaj pas një dyluftimi të tij e mora topin dhe vajta vetëm drejt portës e shënova.

Por në mes të gjërave jo pozitive, ka edhe ndonjë të mirë për t’u veçuar. Është Maldin Ymeraj, ai i cili u pa dje mjaft aktiv në fushën e lojës dhe së bashku me Shkurtajn ishin një rrezik konstant për Laçin.

Mesfushori, i cili ka qenë pjesë edhe e kombëtareve të moshave, provoi vjet Superioren për herë të parë. Pas eksperiencave në Greqi dhe Suedi, Ymeraj iu bashkua skuadrës së Kukësit, por nuk pati hapësira.

Tanimë te Luftëtari po luan titullar dhe është ai që po bën fantazistin në vend të të dëmtuarit Eduart Rroca. Verilindorët e lanë të lirë dhe me siguri do të “tërbohen” kur të kuptojnë se kanë humbur një lojtar me vlera.