Malcuit

Interesim për mbrojtësin e Napolit, ndërlikohet e ardhmja e Hysajt

Sport Ekspres — Tue, 26 Mar 2019 18:35:31 +0000

Elseid Hysaj dhe Kevin Malkuit jan dy alternativa shumë të mirë për krahun e djathtë të mbrojtjes te skuadra e Napolit dhe trajneri Ançeloti shpeshherë ka bërë rotacion mes tyre, gjë që nuk i pëlqen asnjërit nga lojtarëve, pasi duan të ruajnë një vend fiks titullari. Si pasojë, shumë skuadra janë vënë në ndjekje të Hysajt dhe Malkuit.

Flitej se do të ishte kapiteni kuqezi ai që do të largohej nga Napoli, por situata ka ndryshuar. Skuadra e Arsenalit në Premier Ligë kërkon me doemos shërbimet e Malkuit dhe flitet se ekipi londinez është shumë pranë firmës me francezin, çka do të bënte që Hysaj të qëndronte në “Sao Paolo”, pasi Ançeloti nuk ka ndërmend t’i lejojë të dy të largohen.

Merkatoja e verës do të vendosë shumë gjëra sa i takon së ardhmes së dy futbollistëve dhe mesa duket, ata nuk janë në garë me njëri-tjetrin vetëm për një vend në formacion, por dhe se kush arrin të largohet i pari për një vend titullari.

Shtohen shanset për Hysajn si titullar, Malkuit drejt Premier Ligës

Sport Ekspres — Mon, 28 Jan 2019 17:57:50 +0000

Mendohej se do të ishte mbrojtësi kuqezi Elseid Hysaj ai që do të largohej drejt kampionatit anglez, por zhvillimet e fundit në merkato kanë bërë që gjërat të ndryshojnë. Hysaj e humbi vendin e titullarit pas paraqitjeve fantastike të francezit Malkuit, i cili mori dhe aprovimin e Ançelotit për të qenë titullar.

Humbja e vendit në formacion bëri që agjenti i Hysajt ta çonte drejt Çelsit, por ky transferim po shtyhet dhe po mbahet ende pezull, për shkak se Blutë e Londrës nuk duan të paguajnë shifrën e kërkuar nga Napoli, që varion nga 45-50 milionë euro.

Si pasojë, Hysaj do të qëndrojë te Napoli dhe do të luftojë për një vend në formacion. Situata e mbrojtësit shkodran duket se do të përmirësohet, pasi Malkuit me shumë gjasa do të largohet drejt Premier Ligës. Skuadra e Arsenalit ka humbur shërbimet e Hektor Belerin deri në fund të sezonit dhe ka shfaqur interes për francezin e Napolit. “Topçinjtë” janë gati të paguajnë shumën e kërkuar nga Napoli për shërbimet e lojtarit dhe me shumë gjasa, do të arrijnë një akord me të.

Shtohen kështu shanset e Hysajt për një vend në formacionin startues, pasi në rast se Malkuit do të largohej, do të ishte alternativa e vetme për Ançelotin në krahun e djahtë të mbrojtjes.

Agjenti i Malkyit zbulon bisedën me Ançelotin, Hysaj në rrezik

Sport Ekspres — Fri, 05 Oct 2018 19:41:22 +0000

Mbrojtësi francez, Kevin Malkyit, u transferua te Napoli nga francezët e Lilës për të rritur konkurrencën në krahun e djathtë të mbrojtjes, ku aktualisht luan dhe mbrojtësi i kombëtares shqiptare Elseid Hysaj. Malkyit është aktivizuar vetëm dy herë deri më tani, por agjenti i lojtarit beson se minutat e francezit do të shtohen në javët në vazhdim.

Kjo deklaratë e agjentit vjen pas një bisede midis tij dhe trajnerit të Napolit, Karlo Ançeloti: “Pata fatin të komunikoja pak me Karlo Ançelotin gjatë javës së shkuar”, tha agjenti francez Bruno Satin në një intervistë për “Radio crc”.

“Fola para ndeshjes ndaj Parmës. I kërkova këshilla për lojën e lojtarit tim, e pyeta për pikat e tij të forta dhe se çfarë duhet të përmirësojë më të ardhmen e afërt. Nuk e di nëse lojtari im do të luajë të dielën, por biseda me trajnerin më dha një përshtypje se ai do të fillojë të marrë më shumë minuta”, përfundoi agjenti.