Malkom debutoi dje në përballjen ndaj Krasnodar. Në një moment të ndeshjes, ultrasit e Zenitit shpalosën një banderolë me mbishkrimin ironik: “Faleminderit drejtuesve për respektimin e traditave të klubit”.

Ultrasit e Zenitit kërkojnë prej vitesh që klubi i tyre të ndjekë një politikë me produkte ruse. Megjithatë, një reagim të tillë si ndaj Malkom nuk ka pasur ndaj serbit Branislav Ivanoviç, iranianit Serdar Azmun ose argjentinasve Driusi, Mamana dhe Rigoni. Është e qartë që problemi i vetëm që ultrasit e Zenitit kanë me Malkom është ngjyra e lëkurës së tij.

Eksperienca e brazilianit te Barcelona ka rezultuar tepër zhgënjyese. Malkom është aktivizuar më së shumti si zëvendësues duke marrë vetëm 610 minuta në total gjatë sezonit të kaluar të kampionatit spanjoll, ku shënoi vetëm një gol.

Malkom pati oferta dhe nga dy klube angleze, por në fund zgjedhja e tij ishin kampionët e Rusisë, ku do të jetë blerja rekord në historinë e klubit.

?????? — ? «??????»! ??

????-????-??????? ? ?????????? ???? «?????????» ???????? ?????????? ? ???????? ???????????? ?????????????. ??? ???????????: https://t.co/eUVjBLAPux#??????????? pic.twitter.com/bh56ZJ74LO

— ?? «?????»? (@zenit_spb) August 2, 2019

Malkom është lojtari me vlerën me të shtrenjtë. Në Barcelonë shpresojnë që të fitojnë të paktën 40 milionë euro nga shitje e mëngjarashit, shumë kjo e njëjtë me atë që u shpenzua një vit më parë për të blerë kartonin e tij nga francezët e Bordosë.

Rafinja, i cili vjen nga një dëmtim synohet që të shitet për 20 milionë euro. Valencia dhe Fiorentina janë dy klubet më të të interesuara për brazilianin.

Sipas ”Sport.es” edhe Malkom i ka shprehur klubit dëshirën për t’u larguar. Anësori dëshiron të ketë më shumë minuta në dispozicion dhe të marrë më përgjegjësi mbi supe. Katalanasit e morën 41 milionë euro nga Bordo, pas një operacioni spektakolar, duke ia hequr nga duart Romës.

Ofertat për talentin nuk mungojnë. Premier Liga shihet si destinacioni më i mundshëm. Shifra që Barça dëshiron për të nuk zbret poshtë 40 milionë eurove. Por drejtuesit blaugrana nuk dëshirojnë të heqin dorë plotësisht nga ylli latin. Në klauzolën e shitjes së tij, Barcelona pritet të përfshijë edhe opsionin e riblerjes më një çmim të fiksuar.

Braziliani megjithëse është treguar efikas sa herë është futur në lojë nuk ka arritur të fitojë një vend në formacion para Kutinjos dhe Dembeles. Së fundmi braziliani kërkohet me ngulm nga Milani. Barcelona është e gatshme të plotësojë dëshirën e lojtarit për t’u larguar.

Kuqezinjtë kanë shfaqur një interes konkret për 22-vjeçarin e talentuar. Në ditët në vijim do të ketë një takim të drejtuesve të “Djallit” dhe agjentit të lojtarit. Barcelona e vlerëson Malkom të paktën 50 milionë euro, shifër që e shqetëson Milanin.

Futbollisti 22-vjeçar ka luajtur shumë pak dhe të dyja palët e kanë kuptuar se transferimi në Spanjë nuk ishte një vendim i goditur. Pavarësisht minutazhit zhgënjyes në La Liga, kërkesa për Malkom mbetet e lartë dhe me shumë gjasa Barcelona do ta shesë atë duke arkëtuar një shumë më të madhe se sa çmimi i blerjes së tij nga skuadra e Bordos.

Sipas medies katalanase “Cadena SER”, drejtori teknik Erik Abidal ka menduar një plan interesant për të zëvendësuar brazilianin. Përfaqësuesit e klubit “blaugrana” po negociojnë prej disa ditësh me agjentin e futbollistit të Mançester Junajtid, Huan Mata.

Transferimi i mëngjarashit në Barcelonë nuk do t’i kushtojë asnjë qindarkë Barcelonës, pasi kontrata e Matës me “djajtë e kuq” mbaron në përfundim të këtij sezoni. Sigurisht, bëhet fjalë për një lojtar me eksperiencë, i gatshëm të pranojë stolin, një fakt ky që e bën Matën një objektiv kryesor të merkatos së Barcelonës.

Malkom ka luajtur vetëm 128 minuta deri më tani në La Liga, shtatë aktivizime si rezervë dhe një si titullar. Është e qartë që situatë e tillë nuk mund të vazhdoj dhe për këtë arsye drejtuesit katalanas kanë vendosur ta nxjerrin në shitje 22-vjeçarin.

Sipas medies katalanse “SPORT”, Barcelona kërkon jo më pak se 70 milionë euro në këmbim të kartonit të lojtarit. Kërkesat e kampionëve të Spanjës janë shumë të larta, por s’duhet janarit për Malkom erdhi një ofertë prej 55 milionë eurosh nga një ekip kinez.

Stiven Berguijn dhe Rodrigo De Paul janë dy objektiva të tjera. Për holandezin e PSV-së ka garë me “kushërinjtë” e Milanit, ndërsa për argjentinasin e Udinezes është futur në garë Napoli i Ançelotit.

Diçka e tillë ka shtyrë drejtuesit zikaltër t’i rikthehen pistës Malkom. Braziliani është një dëshirë e vjetër. Ai u kërkua me ngul verën e kaluar, por 22-vjeçari zgjodhi Romën, për ta “tradhtuar” në fund me Barcelonën.

Aventura me ekipin katalanas nuk po shkon në mënyrën e duhur. Malkom ka shënuar 3 gola në 15 ndeshje këtë sezon (të parin ia shënoi pikërisht Interit në fazën e grupeve në Champions). Gjatë këtij viti ka luajtur vetëm në tre ndeshje, në një total prej 32 minutash.

Ai dëshiron të luajë dhe Interi është gati të përfitojë. Drejtuesit e klubit po përgatisin ofertën e duhur për të bindur Barçën që të heqë dorë nga sulmuesi i Barcelonës. Opsioni më i mundshme është huazimi i tij, që do i kënaqte kështu dy klubet dhe vetë lojtarin.

NDESHJA – “Kundër Realit është gjithmonë një ndeshje e vështirë. Donim të fitonim, por nuk e arritëm këtë gjë. Do të japim gjithçka në Bernabeu që të kalojmë në finale”.

KRAHASIMI ME VINISJUS – “Ai është një lojtar shumë i mirë dhe i kompletuar. Nuk e di kush është më i mirë nga, por të dy jemi pjesë e ekipeve më të mira në planet”.

KËSHILLA E MESIT – Në emision Malkom ndau me gazetarët një këshillë që mori nga ylli i skuadrës Leo Mesi pak minuta para fillimit të takimit, ku “pleshti” e pa nga stoli gjatë të gjithë pjesës së parë: “Të luash një “El Clasico” është një eksperiencë e paharrueshme dhe emocionuese. Ai mu afrua pak minuta para takimit dhe më tha ta merrja gjithçka shtruar. E kujtova këtë gjë dhe bëra një paraqitje shumë të mirë. Do t’i them fëmijëve dhe nipave të mia që kam luajtur me lojtarin më të mirë të të gjithave kohërave ”.

E ARDHMJA – “Kam edhe katër vite e gjysmë kontratë me Barcelonën. Dua që të korr sukses të Barcelona. Do të jap gjithçka që të fitoj trofe dhe të ndihmoj skuadrën. Të ardhmen time u kam lënë dorë agjentëve të mirë dhe ata do të bëjnë më të mirën për mua dhe veten e tyre”, përfundoi Malkom.

Për të interesohet prej kohësh ekipi kinez i Guanzhu Evergrande, ndërsa garës për shërbimet e lojtarit ofensiv i është bashkuar dhe Lacio. Katalanasja “Sport” raporton se Igli Tare, drejtori sportiv i bardhekaltërve, ka nisur negociatat me klubin spanjoll për të siguruar shërbimet e Malkom.

Shqiptari ka marrë mandat nga presidenti Lotito dhe po tenton të transferojë brazilianin në kryeqytetin italian, por kësaj radhë në pjesën me ngjyra bardhekaltër. Lacio nuk e ka problem aspak të paguajë rrogën e lojtarit, ndërsa po punohet për formulën e huazimit deri në fund të sezonit me të drejtë blerje nga ana e Lacios.

Malkom nuk dëshiron të largohet nga Barcelona, por ai e ka bërë të qartë që preferon të luajë në Europë, nëse një gjë e tillë ndodh. Nga ana tjetër, Tare është gati të arrijë marrëveshjen për të, për t’i dhuruar një element cilësor trajnerit Inzagi dhe për të dëshpëruar për herë të dytë “armiqtë” e Romës, të cilëve u iku nga duart Malkom gjatë merkatos së verës.

Sipas asaj që raporton gazeta katalanase “SPORT”, presidenti i Barcelonës, Zhozep Bartomeu, ka përpara një çek prej 50 milionë eurosh, në këmbim të kartonit të lojtarit. Oferta vjen nga kampionati kinez.

Është skuadra e Guangzhou Evergrande, ajo që kërkon me çdokusht mëgjarashin.  Në këtë ekip Malkom do mund të gjejë bashkëkombësin e tij Paulinjo, i cili u ble nga Barcelona gjatë merkatos së verës, pas vetëm një sezoni te katalanasit.

Forma e mirë e kolegëve dhe dëmtimet e pakëta, ka bërë që 21-vjeçari të “ngrohë” stolin gjatë muajve të fundit, megjithatë në ato pak ndeshje që ka luajtur Malkom ka treguar se është një lojtari i niveleve të larta, një shembull i mirë është ndeshja kundër Interit në “San Siro”, ku ndëshkoi ekipin zikaltër pas një aksioni personal.

Për të përfituar nga kjo situata po mendojnë skuadrat kineze, sezoni i të cilave fillon në muajin mars. Sipas së përditshmes sportive “AS”, në zyrat e klubit katalanas ka ardhur një ofertë prej 65 milionë eurosh nga një klub kinez. Shuma është tepër tunduese për drejtuesit e kampionëve të Spanjës, por në fund do të vendosë lojtari.

Gjatë viteve të fundit shumë lojtarë të rinj janë joshur nga pagat marramendëse që ofrojnë klubet kineze. Rastet më të bujshme janë ato të brazilianit Oskar dhe belgut Ferreira Karaskos, të cilët edhe pse në moshë të re, bënë me shpejtësi valixhet për aventurën në lindjen e largët.

Kjo është historia e brazilianit Malkom, të paktën në këto muaj të parë në Spanjë, aty ku u prit si fenomen dhe tashmë është kthyer në rezervën e rezervave.

Talenti brazilian në verë u bë i famshëm vetëm për një gjë: Po merrte avionin për të shkuar në Romë  ku prisnin të firmosnin dhe të prezantohej, por me pas ndryshoi gjithçka dhe futi hundët Barcelona.

41 milionë euro plus bonuse Bordosë, premtime të mëdha 21-vjeçarit dhe Roma mbeti me gisht në gojë, duke akuzuar Barcelonën për pabesi dhe mungesë ndershmërie.

Gjithsesi, tani është Roma ajo që qesh, sepse Malkom nuk ka luajtur fare në Barcelonë dhe është kthyer në objekt humori, ashtu si Barça  që nuk dihet pse e bleu, kur në sulm kishte plot lojtarë dhe është e qartë që Mesi, Suarez, Dembele e Kutinjo janë shumë më lart në hierarki.

Tani Mundo Deportivo shkruan se Malkom i ka kërkuar trajnerit Ernesto Valverde ta lejojë të largohet në janar, për të luajtur rregullisht gjetkë, sepse te Barça është e qartë që nuk ka vend për të. Natyrisht, trajneri blaugrana nuk është kundër, por klubi nuk dëshiron të humbasë financiarisht dhe po sheh a vijnë oferta të rëndësishme, edhe pse huazimi është më i mundshëm, sepse lojtari është ende shumë i ri dhe mund të shpërthejë në të ardhmen.

Mesfushori 21-vjeçar u dëmtua gjatë seancës stërvitore të djeshme dhe analizat e detajuara mjekësore kanë treguar se mesfushori ka pësuar një dëmtim ligamenti që do ta mbajë të paktën dy javë larg stërvitjes. Fatmirësisht për brazilianin, tani fillon dhe pushimi i ndeshjeve kombëtare dhe ka shumë gjasa që ai ta marrë veten në kohë ndeshjet e ardhshme të La Ligës dhe Champions-it.

? [MEDICAL REPORT] Malcom has a sprained right ankle.
More details ? https://t.co/LRFdyef2DX
?? #ForçaBarça pic.twitter.com/LzI2Lw89wB

— FC Barcelona (@FCBarcelona) September 3, 2018

Taleni i sapo blerë Bordoja, Malkom, tregoi vlerat e tij duke zhbllokuar rezultatin në minutën 18’ duke finalizuar me të majtën një aksion personal. Më pas erdhi dhe radha e Mesit t’i shënonte bashkëkombësve të tij. Ndërsa goli i fundit erdhi nga mesfushori Rafinja, i cili këtë vit pritet të ketë më shumë hapësira pas largimeve të Andre Gomesh dhe Paulinjos.

Interesante është dhe fakti që te Barcelona ka filluar një garë e egër për një vend në formacion midis Dembeles dhe Malkomit. Një “problem” i mirëpritur nga tekniku Valverde, i cili do i duhet të zgjedhë midis dy lojtarëve shumë cilësorë.

Malkom 18’ (1) – 0

Mesi 39’ (2) – 0

Rafinja 61’ (3) – 0

Barcelona kishte javë të tëra që tentonte të merrte Uillian nga Çelsi, por klubi anglez refuzoi çdo ofertë, deri në 65 milionë euro.

? ?? Bem-vindo Malcom! Welcome!
?? #EnjoyMalcom
?? #EnjoyBarça pic.twitter.com/nnxVK3hZt4

— FC Barcelona (@FCBarcelona) July 24, 2018

Për këtë arsye, Barcelona u fut fuqishëm mbrëmë në garë për Malkom. Një telefonatë me drejtuesit e Bordosë dhe kalimi i anësorit të djathtë ofensiv u ndal, sepse Roma ofronte vetëm 32 milionë euro plus 4 milionë bonus, ndërsa Barça ka shkuar jashtë çdo parashikimi, duke paguar 41 milionë euro në dorë, plus një milion bonus.

Dje pasdite Roma dhe Bordoja zyrtarizuan marrëveshjen për 37 milionë euro, ndërsa braziliani përgatitej për të fluturuar për në Romë, ku pritej në mbrëmje vonë.

Më pas, befasia e madhe: anulim fluturimi për në Romë! Arsyeja ishte Barcelona, që më një operacion blic bëri lëmsh gjithçka, sepse i ka ofruar thuajse 42 milionë euro Bordosë dhe pagë më të lartë sulmuesit, i cili shuhet si zgjedhja e parë tashmë, duke parë që Çelsi ka refuzuar rreth 70 milionë euro për Uillian.

Te Roma janë tronditur, nuk e prisnin këtë pabesi të Barcelonës, edhe pse drejtori sportiv Monçi nuk e ka për herë të parë, sepse Barcelona i ka vjedhur lojtarë edhe kur ishte te Sevilja.

Tani situata është kaotike, sepse nga Spanja mediat raportojnë se agjentët e brazilianit janë në Barcelonë për të biseduar me klubin, ndërsa gazetari i PremiumSport Andersinjo Markes shkruan se stafi i Malkomit pretendon se i ka ndaluar Bordoja të shkojnë në Romë, por ata dhe Malkom duan ende Romën. Sot pritet të mbyllet gjithçka, Roma nuk do presë më gjatë.