Malaj

Kampionët hapin merkaton, firmos ish-lojtari i Skënderbeut

Sport Ekspres — Tue, 11 Jun 2019 18:36:02 +0000

Feronikeli, klubi kampion i IPKO Superligës së Kosovës po kompleton ekipin për t’u bërë gati për ndeshjet e turit paraeliminator të Champions League. Përforcimi i parë i skuadrës nga Drenasi është mesfushori Argjend Malaj.

Futbollisti 24-vjeçar rikthehet në një skuadër të kampionatit të Kosovës, pesë vite pas largimit nga Prishtina. Gjatë qëndrimit të tij të gjatë në Kategorinë Superiore, Malaj luajti për Tiranën, Skënderbeun dhe së fundmi Skënderbeun.

Më datë 25 qershor, Fernonikeli do të ndeshet ndaj kampionëve të Gjibraltarit Linkoln Red Imps në stadiumin “Fadil Vokrri”, Prishtinë.

Malaj: Boll me ndërrime trajnerësh, me Kukësin s’na kënaq barazimi

Sport Ekspres — Thu, 21 Feb 2019 15:25:01 +0000

Argjend Malaj po bën një sezon të mirë me Kamzën deri më tani, por skuadra periferike e kryeqytetit nuk po arrin të shkëputet nga zona e ftohtë e renditjes. Humbja kundër Kastriotit ishte një goditje e rëndë për skuadrën e Kamzës dhe Malaj pranoi se skuadra duhet të ringrihet dhe të synojë tri pikët përballë Kukësit. Për “Supersport”, mesfushori 24-vjeçar tha:

TRAJNERI I RI – “Deri sa të ambientohesh me një trajner, është e vështirë, por shpresoj të vazhdojmë deri në fund me trajnerin që ka ardhur tani dhe i uroj suksese deri në fund të sezonit. Shpresoj të mos ndryshojmë më trajner”.

SITUATA NË KLUB – “Situata nuk është shumë e mirë, pasi humbëm ndeshje direkte me Kastriotin. Por nuk duhet të ulim kokën dhe të shohim ndeshjen e radhës. Kruja na mposhti, por mund të mposhtim skuadrat tjera. Besoj se do ia dalim të arrijmë te objektivat tona.

KUKËSI – “Kukësi ka cilësitë e veta, por nuk është në situatë të mirë. Barazimi nuk na bën punë dhe normalisht, do të synojmë tri pikët”,- u shpreh Malaj.

Teqja gëzon Kamzën, Malaj “vuan” dënimin ndaj Kukësit

Sport Ekspres — Sat, 17 Nov 2018 16:26:43 +0000

Kamza është në një situatë mjaft të vështirë, pasi humbja 3-0 me Kastriotin i ka ndërlikuar akoma dhe më shumë pozitat e saj. Drejtuesit e ekipit nga periferia e kryeqytetit i besuan stolin Ernest Gjokës, i cili ka një detyrë aspak të lehtë.

Fati deshi që aventura e teknikut kryeqytetas të niste ndaj ish-skuadrës ku fitoi titullin, Kukësit. Një lajm i mirë është pa diskutim rikthimi i Olsi Teqes, i cili pas një muaji më në fund do të jetë i gatshëm për takimin me verilindorët.

Megjithatë, nuk do ta ketë grupin e plotë, pasi për shkak kartonësh do të mungojë Argjend Malaj. Mesfushori u ndëshkua me të verdhë në ndeshjen me Kastriotin, duke plotësuar numrin e katër kartonëve.