Pavarësisht ndarjes, Alegri ndihet i qetë dhe vazhdon të gëzojë respekt për drejtuesit e klubit me të cilin është tifoz që fëmijë. Tani dëshiron vetëm të festojë titullin dhe të pushojë, ndërsa vera do të tregojë më shumë për të ardhmen e tij.

NDARJA – “Falënderoj presidentin dhe lojtarët për atë që më kanë dhënë në këto vite. Kemi marrë shumë kënaqësi dhe po lë një ekip të fortë, që ka mundësi të përsërisë veten në kampionat dhe të zhvillojë një sezon të madh në Champions. Këtë sezon nuk arritëm t’i shkonim deri në fund këtij kompeticioni. Diskutuam dhe shpreha mendimin tim për të mirën e Juventusit. Klubi bëri vlerësimet e veta dhe mori një vendim. Asgjë nuk ndryshon, raportet me drejtuesit mbeten shumë të mirë.

EMOCIONET– “E kam marrë shumë qetësisht vendimin e Juves. Në raporte profesionale mund të ketë edhe ndarje. Nuk kam kërkuar një kontratë afatgjatë, revolucion dhe lojtarë në merkato. Nuk arritëm te ajo pikë diskutimi. Tani duhet të festojmë titullin dhe Juventusi do të jetë akoma dhe më i fortë sezonin e ardhshëm.”

MUNGESA E LOJËS SË BUKUR – “Nuk besoj se ka ndikuar kjo gjë, pavarësisht se është një temë e debatueshme. Në fund të sezonit vlejnë objektivat e vendosura në fillim. Te Juventusi duhet të fitosh dhe ne ia dolëm edhe sivjet. Fakti i lojës së bukur varet nga shumë faktorë. Unë si trajner analizoj gjithmonë lojën e ekipit para rezultatit, i cili nuk vjen pa paraqitje të mirë. Futbolli është edhe strategji. Nuk mund të luash gjithmonë bukur dhe trofetë fitohen edhe me ndonjë ndeshje të shëmtuar. Dikush mund të kënaqet me faktin që ‘luajtëm bukur, por nuk fituam’. Kjo gjë nuk vlen për mua.

Në futboll vlen fitimi i ndeshjeve. Ndeshjet e mëdha fitohen me një mbrojtje të fortë. Reali mbrojti më mirë se ne në finalen e Kardifit. Jam 52 vjeç, por nuk e kam kuptuar akoma se çfarë do të thotë ‘të luash bukur futboll’. Në jetë ka disa kategori: kush fiton, kush humbet, kush rrëzohet dhe kush jo. Nëse dikush nuk fiton kurrë, një shkak e ka. Shikoni Çelinon. Zbriti në Serie B, mori Breshian dhe e riktheu në A. E dini pse? Sepse është më i aftë se të tjerët.”

VLERËSIMI – “Këto 5 vite jam përfshirë edhe në vendimet e klubit. Nuk kam qenë kurrë tipi që të përgjigjet gjithmonë pozitivisht. Të jesh pjesë e një klubi kaq të madh, trajneri duhet të ketë informacion mbi çdo problematikë. Që i vogël jam tifoz i Juventusit. Në shtëpi kisha posterin e Platinisë. Te Juventusi mëson disiplinën dhe kulturën e punës. Kam mësuar shumë dhe jam rritur në këto 5 vite të kaluara në Torino. Tifozët? Gjithmonë janë treguar të ngrohtë dhe e kanë shfaqur dashurinë e tyre për mua.”

E ARDHMJA – “Tani e kam mendjen te festa e titullit. Ndoshta do të më bënte mirë një pushim, por në mes të korrikut mund të kem dëshirë për të rinisur punën. Do të jem i qetë për të vlerësuar ofertën dhe do të marr vendimin e duhur.”

Për këtë ambicie të pashtershme të yllit të tij, ka folur trajneri i Juventusit, Masimiliano Alegri. Italiani nuk ka parë asnjëherë më parë një njeri me mentalitet më të fortë se Ronaldo. Thote se portugezi, përtej moshës, e gjen gjithmonë një synim për të arritur. Në fund e krahason me Ibrahimoviç dhe kënaqësinë e përbashkët të tyre.

“Ronaldo është njeriu me mentalitetin më të fortë që kam njohur. Çdo ditë ai gjen brenda vetes objektiva të rinj për të arritur. Ka fituar gjithçka dhe është 34 vjeç, por akoma ndihet i uritur për triumf. Ka një vendosmëri vdekjeprurëse. Të gjithë duhet të mësojnë nga ai.”

“Edhe unë kam mësuar sepse jo çdokujt i qëllon të punojë me lojtarin më të mirë në botë. Ronaldo ngjan me Ibrahimoviç. Ata të dy arrijnë kënaqësinë vetëm duke fituar ndeshjet, ndryshe nga dikush tjetër që kënaqet duke bërë një lëvizje të bukur apo edhe një gol”, përfundoi Alegri.

Dy janë dëshirat e mëdha: Mauricio Poçetino dhe Didier Deshamp. Argjentinasi i Totenhemit pëlqehet shumë. Largimi i tij nga Spurs duket i sigurt pas fjalëve të vetë trajnerit pas kualifikimit në finalen e Champions Ligës.

“Dëshironi të dini nëse mendoj të largohem nga Totenhemi, nëse fitojmë Champions Ligën? Po, e konfirmoj se do të largohem. Mund të largohem edhe nëse e humbasim finalen”.

Kandidat i fortë është edhe trajneri francez. Deshamp e njeh mirë ambientin dhe mentalitetin bardhezi, pasi ka luajtur dhe drejtuar Juven më parë. Problem mbetet kontrata e tij me kombëtaren franceze dhe fakti që dëshiron të luajë Europianin 2020.

Emri i tretë quhet Zhoze Murinjo. Portugezi është propozuar nga Horge Mendes, agjenti i tij. “Special One” është një trajner fitues dhe intrigon jo pak, ndërsa problem mbetet fakti që është shumë më tepër interist se duhet dhe deklaratat thumbuese që ka bërë gjithmonë për bardhezinjtë.

Alternativa të tjera janë edhe Simone Inzagi me Sinisa Mihajloviç. Megjithatë, më parë duhet larguar Alegri dhe pastaj do të nisë ofensiva për të gjetur trajnerin e ri të Juventusit.

Sipas mediave italiane, drejtuesit e “Zonjës” e kanë ndarë mendjen për të mbyllur ciklin me trajnerin livornez dhe gjithçka do të bëhet zyrtare gjatë ditës së sotme. Maks Alegri fitoi 5 tituj në po kaq sezone në Torino dhe arriti të dërgojë ekipin dy herë në finalen e Champions Ligës.

Diçka e tillë nuk mjafton dhe marrëveshja mes palëve nuk do të zgjasë. Emri që i ka detyruar drejtuesit bardhezi të marrin këtë vendim quhet Antonio Konte. Ish-mesfushori pritet të rikthehet në stol.

Konte e ka drejtuar Juventusin gjatë sezoneve 2011/2014, aty ku fitoi 3 tituj kampion dhe 2 Superkupa Italie. Pavel Nedved ka qenë zëri më i fortë pro-rikthimit të ish-trajnerit të Çelsit, ndërsa Alegri mund të marrë drejtimin e Interit ose të largohet nga Serie A.

Trajneri i portugezit te Juventusi, Masiliano Alegri ka komentuar dygolëshin e Mesit në mbrëmjen e djeshme. Ai mendon se arritjet e Mesit e frymëzojnë Ronaldon, në mënyrë që portugezi të rrisë nivelin e tij të përformancës. “Mesi është një stimul i mirë për Ronaldon. 600 golat e Leos kanë hapur një duel mes tyre. Kristiano do të frymëzohet për të ecur përpara në synimin e tij për të përfunduar si golashënuesi më i mirë i Serisë A”, u shpreh Alegri.

Zidan ishte dëshira e madhe, por francezi zgjodhi një tjetër rikthim, atë në Madrid. Së fundmi ka dalë në skenë emri i Antonio Kontes, por ish-trajnerin e Çelsit e duan të gjithë.

Alegri do të takohet një nga këto ditë me presidentin Anjeli. Aty do të analizohet gjithçka dhe do të vendoset nëse bashkëpunimi do të vijojë apo lart do të ndahen në fund të sezonit.

Trajneri livornez është i qetë, pavarësisht se dallohet qartë fakti që ai e dëshiron sa më shpejt një takim kokë me kokë me Andrea Anjelin.

“Para së gjithash dua të takoj presidentin dhe t’i dëgjoj nga goja e tij idetë që ka në kokë. Juventusi duhet të jetë kompetitiv në të gjitha frontet si gjithmonë, për fitimin e titullit, Kupës së Italisë dhe Champions Ligës. Duhet të takohemi për të programuar dhe për të diskutuar për sezonin që po lëmë pas.

Të nxjerrim në pah gjërat pozitive dhe ato negative, si edhe të flasim për planet e verës. Çdo gjë tjetër është normale. U takuam këtë mëngjes me presidentin, por jemi parë edhe para disa ditësh. Kur ta vendosim, Anjeli do të më telefonojë dhe do të lëmë një takim. Nuk do të ketë asnjë problem”, përfundon trajneri i bardhezinjve.

Trajneri ka bërë përgjithësisht mirë me axurrët, duke i ngritur nga ajo humnerë që ishin, ku nuk arritën të kualifikoheshin në Botërorin e Rusisë. Tani ai do të mundohet t’i çojë në Europian dhe pse jo për të synuar trofeun.

Gjatë intervistës trajneri u shpreh se duhet të ndryshojnë filozofinë e ekipit. Duhet ti japin një mentalitet fitues. Thotë se ka të rinj cilësorë dhe i duket një kombëtare e mirë kjo aktualja. Më pas preku pak edhe çështjën Adani-Alegri. Deklaroi se opinionet duhet të dëgjohen gjithmonë, megjithatë nuk duket si diçka aq shumë serioze.

“Në kombëtare mundohemi të ndajmë sa më shumë mendime. Dua që t’i japim këtyre djemve një mentalitet fitues. Rezultatet e të rinjve janë shumë të mira. Gjithashtu mendoj se kemi një ekip të parë cilësor.”

“Adani-Alegri? Mendoj se opinionet duhet të respektohen. Nuk mendoj se ka ndodhur diçka shumë serioze. Është folur vetëm për futbollin. Në fund ekipi më i mirë fiton”, tha mes të tjerash Mançini.

Trajneri i Juves ju kthye në mënyrë të ashpër, duke i thënë se duhet ta mbyllë gojën, pasi po flet me një trajner që ka fituar shumë tituj. Alegri i tha Adanit se ai vetëm di të flasë edhe pse nuk ka qenë kurrë një trajner. Më pas kreu i stolit bardhezi hoqi kufjet dhe u largua.

Një ditë më pas ka reaguar përsëri Adani. Këtë herë i është përgjigjur me të njëjtën monedhë Alegrit. Ish lojtari i Interit e etiketon sjelljen e trajnerit si arrongante dhe të vrazhdë. Ai tha se nuk mund ta blesh Ronaldon për të mundur Kievon, por për të sunduar në Evropë. Adani u shpreh se çdokush mund të ketë mendime të ndryshme, por kurrsesi nuk duhet të përfundohet duke u shmangur nga biseda në një mënyrë të tillë.

“Thuhet se një analist si unë duhet të jetë detyrimisht trajner. Nuk jam trajner sepse kam zgjedhur një rrugë tjetër. Mendoj se një trajner i madh duhet të jetë një specialist i zoti. Alegri nuk e mori Ronaldon për të fituar kampionatin apo për të mposhtur Kievon. Portugezi erdhi për të vënë diktatin në Evropë. Alegri u tregua i vrazhdë dhe i pasjellshëm, madje arrogant. Dy njerëz mund të kenë mendime të kundërta, por nuk mund ta ndërprisni bisedën duke hequr mikrofonin. Është hera e dytë me mua. Unë argumentoj punën e Alegrit për tifozët dhe ai përfundon bisedën duke u larguar”, u shpre Adani.

Interesante është një video që po qarkullon vrullshëm në internet me trajnerin bardhezi. Ai para përmbysjes ndaj Atletikos pati thënë: “Të martën do të luajmë, nëse kalojmë mirë, nëse nuk kalojmë do e provojmë vitin tjetër”. Këtë frazë autorët e videos e kanë përshtatur me situatën aktuale.

Pikërisht me frazën e fundit të fjalisë e ka edhe video e montuar. Juventusi ka që nga viti 1997, që nuk e ka fituar Champions. Në video përsëritet çdo herë fraza “ne do ta provojmë përsëri vitin tjetër”, nga viti 1997 deri në vitin që jemi.

Drejtuesit vazhdojnë punën për gjetjen e një trajneri të madh në verë dhe në Angli zbulojnë emrin. “London Evening Standar” raporton se Maks Alegri do të ulet në stolin e Junajtid në fund të këtij sezoni.

Trajneri i Juventusit dhe Mauricio Poçetino i Totenhemit janë dy dëshirat e mëdha të drejtuesve, ndërsa italiani preferohet më shumë. Media angleze zbulon dhe faktin që Alegri është pro kalimit në Premier, ndërsa Junajtid ka gati një kontratë 3-vjeçare për të dhe një rrogë rekord, por pa përmendur shifra.

Maks Alegri ka folur në konferencën për shtyp, duke folur për takimin, ekipin kundërshtar dhe formacionin që do të hedhë përballë verdhekuqve. Trajneri i Juventusit ndalet dhe te biseda me Anjelin dhe Moxhin, si dhe tregon minimumin e pikëve për t’u shpallur kampion.

ROMA – “Nuk duhet të mashtrohemi nga renditja e Romës, që është një skuadër plot kualitet. Nëse nuk e kemi qasjen e duhur në ndeshje, mund të na bëjnë keq, kështu që dua që të sulmojmë menjëherë. Ronaldo do të luajë, më pas do të vlerësoj nëse do të pushojë me Atalantën, apo Sampdorian.”

RROTACIONI – “Kanselo ndodhet mirë pas operacionit. Bonuçi ka luajtur shumë se të gjithë, kështu që nesër do të luajë Benatia. Kielini do të jetë në formacion, por do të qëndrojë pushim në ndeshjen e fundit të vitit. Aleks Sandro është më i qetë pas rinovimit të kontratës dhe jam i lumtur, sepse nuk ka shumë lojtarë si ai. Në mesfushë do të luajë Pjaniç. Askush nuk e ka ritmin e boshnjakut për të mbajtur ritmin e skuadrës. Emre Çan dhe Bentakur duhet të rriten në mënyrë që t’i japin shpejtësi manovrës tonë. Në pankinë do të jetë Kedira, i cili ka avancuar më shumë se sa mendohej. Në sulm nuk e kam vendosur akoma për Bernardeskin, Dagllas Kostën dhe Dibala.”

MERKATO DHE TITULLI – “Nuk shkëmbyem letra me Anjelin gjatë mbrëmjes së urimeve. Ne shprehëm vetëm urime, skuadra është konkuruese dhe duhet të arrijmë rezultate nëpërmjet lojës së mirë. Kjo është gjithçka që vlen. Moxhi? Fola 3 minuta me të dhe shkëmbyem urime për vitin e ri. Titulli? Nevojiten 87-88 pikë, maksimumi 90 pikë për të fituar titullin.”

Maks Alegri ka folur në konferencën për shtyp, duke insistuar në rëndësinë e kësaj sfide. Nevojiten tre pikë, humbja me Jang Bojsin duhet harruar dhe tifozët kanë nevojë për një dhuratë në prag të festave. E ku ka më bukur se të mposhtësh rivalët e qytetit?

Trajneri i Juventusit komenton për derbin, sqaron situatën e të dëmtuarve dhe zbulon… më shumë se gjysmën e formacionit. Diferenca me Napolin e vendit të dytë është 8 pikë, por Alegri nuk flet për titullin. Duhen fituar dhe katër ndeshjet e fundit për këtë vit dhe ky është objektivi momental i “Zonjës së Vjetër”.

DERBI – “Kjo është një ndeshje e vështirë, nevojitet karakter dhe teknikë. Nga katër ndeshjet e fundit për këtë vit, është më e vështira. Ekipi duhet të nxjerrë në pah atë që ka brenda dhe atë që nuk e ka, sepse rezultati është shumë i rëndësishëm. Tifozët? Derbi është një ndeshje, që ndihet shumë, por nuk duhet të biem pre e gabimeve të zakonshme. Duhet të jetë një ndeshje futbolli, një mbrëmje sporti.”

TË DËMTUARIT – “Kanselo do të operojë meniskun sot, ose nesër. Probleme ka dhe Kuadrado në gju dhe do të vlerësojmë, nëse ka nevojë për një ndërhyrje. Spinazola ndihet mirë dhe në javët e ardhshme do të kthehet dhe Kedira.”

FORMACIONI – “Emre Çan do të luajë nga minuta e parë. Në mbrojtje do të luajnë Aleks Sandro në të majtë dhe De Shiljo në të djathtë. Në qendër ka balotazh midis Bonuçit dhe Ruganit për një post në krah të Kielinit. Ka balotazh dhe mes Bernardeskit dhe Dagllas Kostës. Ronaldo do të luajë në sulm, ndërsa do të qëndrojë pushim në një nga tre ndeshjet e tjera (Roma, Sampdoria dhe Atalanta janë kundërshtarët). Ia kam thënë një gjë të tillë. Në formacion do të jenë dhe Perin me Manxhukiç. Kroati ishte dje më i freskëti nga të gjithë, ka një motor ndryshe. Benatia? Nuk ka asnjë problem me të, por sapo është rikthyer nga dëmtimi. Kush është te Juventusi duhe të pranojë stolin. ”

TITULLI – “Është herët për të folur për një kampionat të mbyllur. Duhet ta ruajmë këtë diferencë deri në fund të fazës së parë, më pas të shohim. Ka shumë pikë në valle. Pjaniç? Nuk ndodhet në vështirësi, por me tre sulmues në fushë, ka momente kur ai has vështirësi. Gjithsesi, ai mbetet një lojtar vendimtar për ne.”

(MOS)GRUMBULLIMI – “Sot i lashë të lirë djemtë, sepse vijmë nga 5 ditë grumbullime. U kisha dhënë fjalën, ata janë djem të përgjegjshëm, por nesër do të kryejmë stërvitjen e fundit.”

Marko Çivoli, gazetar i “Rai Due”, ka zbuluar një “flirt” midis Interit dhe Maks Alegrit, trajnerit të Juventusit. Çivoli ka rrëfyer një bisedë të bërë para disa kohësh me Masimo Moratin, ish-presidentin e famshëm të klubit zikaltër.

“Ekziston hipoteza që Alegri të bëhet trajner i Interit. Morati, i cili mbetet presidenti i Interit, pavarësisht se nuk e mban më si post, më tregonte kohë më parë se e vlerësonte shumë Alegrin që nga koha kur ishte trajner i Milanit. Nuk do të befasohesha nëse pas një farë kohe, Interi të bënte ndonjë vlerësim për Spaletin.”

Nga ana tjetër, Interi vazhdon të “gërmojë” në merkato për të përforcuar kontingjentin e Spaletit. Klubi italian ka hedhur sytë drejt kampionatit grek, konkretisht tek ekipi i Panathinaikosit, ku luan dhe Ergys Kaçe.

Drejtuesit e klubit po ndjekin Janis Buzukis, mesfushorin e talentuar 20-vjeçar, i cili ka lindur në Prevezë. Buzukis ka rënë në sytë e drejtuesve të Interit në ndeshjen e përfaqësuesve U21, Greqi-Hungari. Ai ka luajtur 12 ndeshje këtë sezon me Panathinaikos, duke numëruar dy asiste dhe dy gola të shënuar.

Siç citon “To10.gr”, Buzukis është vënë në shënjestrën e Interit. Ai konsiderohet si Luka Modriç i ardhshëm, ndërsa ka zhvilluar tre ndeshje dhe shënuar një gol me ekipin U21 të Greqisë.

Juventus u shpall ekipi më i mirë i kampionatit, ndërsa Maks Alegri fitoi çmimin e trajnerit më të mirë. “Falënderoj djemtë, jemi një grup spektakolar. Ronaldo ka sjellë më shumë konkurrencë, por ai është gjithashtu një djalë shumë i përulur”, u shpreh trajneri i bardhezinjve.

Gjatë ceremonisë u përcaktua dhe formacioni më i mirë i sezonit të kaluar. Në portë u zgjodh Alison (ishte pjesë e Romës, ndërsa tashmë luan me Liverpulin). Në mbrojtje Kulibali dhe Kielini në qendër, ndërsa nga krahët u zgjodhën Aleks Sandro dhe Kanselo. Pjaniç, Milinkoviç-Saviç dhe Naingolan ishin treshja më e mirë e mesfushës, ndërsa sulmi përbëhej nga Ikardi, Imobile dhe Dibala.

Lojtari më i mirë i sezonit u shpall Mauro Ikardi. Sulmuesi i Interit fitoi dhe çmimin e golit më të bukur, duke triumfuar me golin me finte kundër Sampdorias (18 mars, 2018). Nga arbitrat u vlerësua Xhanluka Roki, i cili u nderua me statujën e simbolit të Aic.

Dy legjenda dhe kampionë bote me Italinë në 2006, respektivisht Françesko Toti dhe Andrea Pirlo u nderuan me çmimin e karrierës. Çmimin e lojtarit të ri më të mirë e fitoi Sandro Toneli i Breshias, ndërsa Alia Guanji e Fiorentinës u shpall futbollistja më e mirë.

Trajneri i bardhezinjve vlerëson kundërshtarët në konferencën për shtyp dhe flet për Paulo Dibala. Alegri ndalet dhe te rritja e Pjaniç dhe e mbyll me dyshen Manxhukiç-Ronaldo. Portugezi ka sjellë cilësi dhe kualitet, por mbi të gjitha konkurrencë dhe vëmendje të madhe në stërvitjet e skuadrës.

DIBALA – “Paulo është në rritje konstante që nga viti i parë që erdhi. Jam i lumtur për golin që shënoi me Argjentinën. Ai është në gjendje të mirë, rritja e tij duhet të vazhdojë, por varet nga vullneti i tij. Kundër Spalit mund ta nisë nga pankina, ndërsa Manxhukiç dhe Ronaldo do të jenë titullarë. Kemi mungesa dhe dua ta ruaj një zëvendësim.”

DËMTIMET – “Kedira është jashtë, Emre Çan mund të kthehet për pak javë. Matuidit i kam dhënë 3 ditë pushim dhe do të kthehet sot. Kishte nevojë për një gjë të tillë. Në mesfushë nuk jemi në emergjencë.”

SPAL – “Qëndrimi ynë është i rëndësishëm për këtë ndeshje. Ata luajnë bukur dhe kanë arritur rezultate jashtë fushës së tyre. Janë një skuadër fizike dhe duhet të luajmë një ndeshje serioze. Nga ekipet e rangut të ulët, Spali është ndër më të rrezikshmet.”

PJANIÇ – “Miralem është bërë shumë i mirë. Ka përmirësuar gabimet e tij dhe është bërë një lojtar serioz. Ndonjëherë e zëvendësoj që të pushojë. Ai dhe Bentakur ndajnë së bashku ndërtimin e lojës tonë.”

MANXHUKIÇ-CR7 – “Futbolli nuk është një shkencë ekzakte, është alkimi. Mario dhe Kristiano ndihen mirë me njëri-tjetrin. Edhe kur luajnë të dy bashkë me Dibala kanë harmoni mes tyre. Ronaldo ka rritur shkallën e konkurrencës, sidomos në stërvitje. Kjo gjë ka shtuar rritjen e vëmendjes të të gjithë lojtarëve në seancat stërvitore.”

Trajneri i bardhezinjve ka treguar emocionet e tij pas çmimit të marrë, duke u treguar modest dhe duke konfirmuar objektivat e tij kryesorë për këtë sezon.

“I falënderoj të gjithë, por sidomos klubin dhe lojtarët, të cilët janë ata që zbresin në fushë dhe fitojnë ndeshjet. Për mua është gjithmonë kënaqësi të ndodhem këtu, jam i emocionuar si gjithmonë. Merita, e përsëris, i takon të gjithë atyre që punojnë me mua. Jam me shumë fat që kam një staf, që punon shumë mirë. Objektivi im është të fitojmë titullin e tetë rresht dhe pastaj këtë Champions të bekuar. Të shohim nëse do të kemi dhe pak fat në anën tonë”, komenton Alegri, ndërsa janë ndarë dhe çmimet për “Pankinën e Argjendtë”.

Fitues është shpallur Aurelio Andreacoli, i cili udhëhoqi Empolin drejt rikthimit në Serie A dhe u pushua nga puna, vetëm para pak ditësh. Andreacoli mblodhi 30 vota, duke lënë pas tij Roberto D’Aversën e Parmës dhe Filipo Inzagin e Bolonjës (sezonin e kaluar ishte trajner i Venecias).

Çdo gjë rregullohet me punë, ndërsa në mesjavë rikthehet Champions-i dhe në Torino vjen Mançester Junajtid i Murinjos. Një rezultat pozitiv kualifikon bardhezinjtë me tej dhe Alegri dëshiron ta mbyllë të mërkurën çështjen e kualifikimit. Kielini dhe Bernardeski janë gati, ndërsa do të vlerësohet gjendja e Matuidi, i cili ka pësuar një goditje të fortë kundër ekipit sard.

FITORJA – “Për atë që krijuam dhe pësuam, e merituam fitoren. Skuadra e nisi mirë ndeshjen, kishim mundësi të shënonim golin e dytë, nuk e bëmë dhe më pas e humbëm pak. Duhet të përmirësohemi në mbrojtje, po pësojmë shumë dhe kjo nuk shkon. Lejuam shumë krose dhe mesfushorët tonë nuk ishin gjithmonë në pozicionet që dua. Ishte e rëndësishme të fitonim dhe të ruanim distancën. Tani kemi ndeshjen me Junajtid dhe një rezultat pozitiv na kualifikon.”

INTER-NAPOLI – “Ata po bëjnë mirë, kanë histori, traditë dhe duhet të tregohemi të kujdesshëm. E njëjta gjë për Napolin, ata luajnë një futboll të bukur, po bëjnë mirë dhe duhet t’i kemi kujdes.”

JUVENTUSI – “Kielini është rikuperuar, besoj të njëjtën gjë dhe për Bernardeskin. Matuidi ka pësuar një goditje, por të shohim. Të mërkurën do të zbresin 11 lojtarë në fushë. Nuk jemi aq solidë sa duhet, duhet të vazhdojmë të punojmë. Në Champions kemi motivim ndryshe, por duhet të përmirësohemi dhe në kampionat. Juventusi që më pëlqen është ai që fiton. Pa Manxhukiç driblojmë më shumë, por duhet të jemi më të aftë me ata që na vijnë nga pas.”

Trajneri i bardhezinjve kërkon fitoren kundër Kaljarit dhe i bën thirrje mbrojtjes të mos pësojë. Pasi flet për formacionin e mundshëm, Alegri ndalet te Champions Liga. Ndihet si trajneri i një skuadre, që mund të fitojë kompeticionin, por Barcelona është favoritja kryesore për këtë vit.

KALJARI – “Djemve iu kërkoj fitoren kundër Kaljarit. Me Empolin e pamë që nuk ka ndeshje të thjeshta, ndërsa kundërshtarët e kanë gjithmonë të rëndësishme ndeshjen kundër nesh. Duhet të fitojmë në fushë, pa lënë pikë rrugës, sepse Napoli dhe Inter janë afër. Kampionati ka më shumë nevojë për vëmendje dhe kemi patur ndonjë rënie tensioni, në ndryshim nga Champions-i. Kaljari është një kundërshtar i vështirë, është skuadra që vrapon më shumë se të gjithë dhe janë të rrezikshëm në zonë.”

CR7 – “Si Mesi, ose Ibrahimoviç te Milani, janë futbollistë, të cilët e krijojnë vetë golin. Kemi dhe lojtarë si Dibala dhe Manxhukiç, të cilët shënojnë. Po presim gola nga mesfushorët dhe mbrojtësit, sidomos në goditjet standarde.”

BARELA – “Ai, Bernardeski, Romanjoli dhe Rugani janë e ardhmja e kombëtares së Italisë.”

FORMACIONI – “Bernardeski dhe Kielini nuk janë gati, ndërsa do të kthehen Manxhukiç dhe Kedira. Do të luajnë Pjaniç dhe Matuidi. Aleks Sandron mund ta lë pushim, ndërsa Spinazola do të luajë disa ndeshje me ekipin e të rinjve. ”

CHAMPIONS – “Kemi luajtur dy finale në katër vjet, pa harruar eliminimet kundër Realit dhe Bajernit. Kemi nevojë dhe për pak fat. Ndihem trajneri i një skuadre, që mund të fitojë Champions-in, por nuk është e thënë se do ta fitojmë. Këtë vit favoriti kryesor është Barcelona. Ne jemi mes 3-4 kandidatëve, por duhet qetësi.”

GODITJET E DËNIMIT – “Ato nga larg do t’i godasë Ronaldo, ndërsa ato më afër do t’i gjuajnë: Dibala dhe Pjaniç. Duhet t’i shfrytëzojmë të gjithë.”

MBROJTJA – “Nuk e fiton dot kampionatin, nëse pëson më shumë se 30 gola. Duke filluar nga nesër duhet të përpiqemi të mos pësojmë më.”

Drejtuesit e Junajtid janë lodhur me këtë situatë dhe po shohin për alternativat e duhura. Siç citojnë mediat angleze, dy janë kandidatët kryesorë për stolin e “Djajve të Kuq” në sezonin e ardhshëm: Antonio Konte dhe Maks Alegri.

I pari shkëputi marrëdhënien me Çelsin dhe është i lirë, por emri i tij shihet afër stolit të Real Madrid. Vështirë do të jetë për të mbërritur dhe te trajneri i Juventusit, i cili po bën mirë me bardhezinjtë dhe dëshiron të fitojë Champions-in, pas dy finaleve të humbura. Mbi të gjitha, Alegri ka refuzuar më parë ofertat e Arsenalit dhe Çelsit.

Trajneri i bardhezinjve nuk dëshiron më hapa flas në kampionat, ndërsa iu kujton të tijve barazimin kundër Xhenoas. Lojtarët u treguan pula kundër Xhenoas dhe kjo gjë nuk duhet përsëritur. Alegri nuk e fsheh objektivin e klubit, që është fitimi i Champions-it.

EMPOLI – “Vijmë nga një fitore e bukur kundër Mançester Junajtid, por dhe nga barazimi në kampionat përballë Xhenoas. Nuk mund t’i lejojmë vetes të humbasim më pikë. Do të jetë një ndeshje e komplikuar me Empolin, kemi bërë mirë në kampionat deri tani, ndërsa Xhenoa na nxori jashtë ndeshje. Ata u treguan të aftë, ndërsa ne u treguam pula. Në Champions është më e lehtë, sepse ka më shumë hapësira, kemi shumë teknikë në ekip dhe arrijmë ta shfaqim atë. Nesër duhet të fitojmë me patjetër.”

SULMI – “Ronaldo ndihet mirë, do të luajë nesër dhe të shohim më vonë nëse do të pushojë. Dibala? Po kalon një moment të mirë fizik dhe psikologjik. Nuk është akoma në formën e tij më të mirë, por e ka golin në këmbë dhe kjo është e rëndësishme për ne.”

FORMACIONI – “Duhet të jemi më të rafinuar në pasimin e fundit. Krijojmë shumë, por shënojmë pak gola. E kam gjithmonë të vështirë të zgjedh mbrojtësit titullarë. Kam pesë qendërmbrojtësa, të cilët janë ndër më të mirët në qarkullim. Rugani nuk ka shumë eksperiencë dhe penalizohet për këtë fakt, por ai është e ardhmja jonë. Aleks Sandro zhvilloi një nga ndeshjet e tij më të mira kundër Junajtid. Nuk e di nëse Dagllas Kosta do ta nisë nga fillimi, sepse mund të luajmë me tre mesfushorë. Kedira do të kryejë testet të hënën, ose të martën, për të tentuar rikthimin në grup. Sa i përket Emre Çan, mendoj se mund të jetë nevoja e një ndërhyrje kirurgjikale.”

CHAMPIONS – “Drejtuesit kanë bërë blerje të shkëlqyera. Ronaldo ka rritur ndërgjegjësimin e vetëbesimin e të gjithëve. Kur të tërhiqem nga futbolli, do ta kujtoj fitoren në ‘Old Trafford’ si shumë fitore të tjera, por unë nuk krahasohem me Guardiolën dhe Ançelotin në nivelin e Champions. Kemi humbur dy finale dhe shpresojmë që ky të jetë viti i duhur. Marota? I dërgoj urimet më të mira kudo që të shkojë. Ka qenë arkitekti i sukseseve tona bashkë me drejtuesit e tjerë. Ka nisur një epokë e re me njerëz, të cilët, gjithashtu, kanë shkruar historinë e Juventusit.”

Ai zbulon disa detaje nga formacioni që do të hedhë në fushë, ndërsa flet dhe për Kristof Piatek, sulmuesin e rrezikshëm të Xhenoas dhe golashënuesin më të mirë të Seria A. Në fund fjalë pozitive për kombëtaren e Italisë. Djemtë e Mançinit dhuruan një paraqitje fantastike kundër Polonisë dhe arritën të siguronin tre pikët në fundin e takimit.

XHENOA – “Duhet të mbajmë një profil të ulët, të punojmë dhe të mendojmë ndeshje pas ndeshje. Pozitiviteti i tepërt e ul energjinë. Ndodhemi në një moment të rëndësishëm dhe gabojmë nëse mendojmë se e kemi fituar ndeshjen pa luajtur. Ndeshja e parë pas ndërprerjes është e rrezikshme dhe Xhenoa do të luajë në mënyrë agresive kundër nesh. Duhet të vrapojmë dhe të përdorim trurin, përveç teknikës që zotërojmë.”

PIATEK-CR7 – “Ai është një katalizatori i topave të zonës. Topi arrin aty ku Piatek dëshiron të arrijë. Kristiano është shumë i qetë, po punon mirë, ndërsa nuk më takon dhe nuk dua të përgjigjem për gjëra personale të tij. Ai është përshtatur shumë mirë me ne, ka një përulësi të madhe dhe ka rritur ndjenjën e përgjegjësisë në ekip, që ky ekip e ka pasur gjithmonë. Pastaj është goli, gjëja që di të bëjë më mirë se të gjithë.”

FORMACIONI – “Në portë do të luajë Shezni, ndërsa Kielini do të qëndrojë pushim. De Shiljo mund të luajë në krahun e majtë të mbrojtjes. Duhet të vlerësoj gjendjen e Aleks Sandros, i cili nuk luajti në ndeshjen e fundit me kombëtaren, por dje zhvilloi një stërvitje të mirë. Bentakur mund ta nisë nga fillimi me Emre Çan që mund të luajë para mbrojtjes. Uruguaiani mund të bëjë mirë dhe njërin nga dy qendrat e mesfushës. Duhet të vlerësoj gjendjen e mesfushorëve, përpara se të vendos. Dagllas Kosta do të nisë nga stoli dhe mund të luajë 30 minuta. Ka punuar mirë, por i mungojnë minutat në këmbë. Edhe Dibala mund ta nisë nga fillimi.”

KOMBËTARJA – “Jam i lumtur me mënyrën se si Italia luajti kundër Polonisë, sepse vazhdon të përflitet fakti që nuk kemi lojtarë, kombëtarja është e dobët dhe gjithçka është një katastrofë. Nëse dikush të thotë çdo ditë se je një idiot, edhe pse ti nuk e beson, vjen një moment kur e pyet veten: ‘sinqerisht që nuk jam një idiot, apo jo’? Duhet të shohim gjërat pozitive. Ka nisur një cikël i ri me lojtarë të rinj dhe Mançinin. Italia zhvilloi një futboll të bukur, të pëlqyeshëm dhe fitoi përballë Polonisë.”

“Pas shtatë titujve kampionë dhe katër kupave të Italisë, synojmë fitimin e Champions, që pothuajse e kemi prekur në dy finalet e arritura në katër vitet e fundit. Samsung dhe Juventus përfaqësojnë përsosmërinë, kërkimin e vazhdueshëm të perfektes, pasionin dhe vëmendjen ndaj detajeve.”

Trajneri bardhezi jep dhe opinionin e tij sa i përket çështjes së Kristiano Ronaldos dhe akuzave të ish-modeles amerikane, Ketrin Majorga, e cila akuzon portugezin për përdhunim.

“Kristiano zhvilloi një ndeshje pozitive në Udine dhe shënoi një gol të jashtëzakonshëm. Jam përgjigjur më parë në konferencë dhe në disa raste të tjera, sa i përket kësaj çështje. Besoj se tani është e drejtë të flasim për gjëra të tjera”, përfundon trajneri livornez i bardhezinjve.

Në fund dhe një sqarim për batutën e lëshuar ndaj Bernardeskit në ndeshjen me Jang Bojs, ku trajneri i ulëriti lojtarit: “Nuk jemi Fiorentina”, pas një driblimi të panevojshëm.

CR7 – “Kristianon e shoh në gjendje të mirë, pavarësisht të gjitha peripecive. E njoh prej tre muajsh, mund të them që ai ka treguar një profesionalizëm të madh dhe qetësi brenda dhe jashtë fushës gjatë 15 viteve të karrierës. Ronaldo është dikush, i cili i është dedikuar dhe i dedikohet shumë dhe çështjeve sociale. Për mungesën në kombëtare e dija. Ka folur me trajnerin dhe presidentin e Federatës dhe për ne është diçka e mirë, sepse do të punojë me ne. Sa i përket mbrojtjes së Juves, është e drejtë, sepse klubi po e mbështet në një moment delikat, por ai i ka shpatullat e gjëra dhe është i fokusuar te ndeshja me Udinezen.”

FORMACIONI – “Bentakur mund të luajë, por do të vendos pas stërvitjes. Sa i përket sulmit, ose do të luajnë të tre: Ronaldo, Manxhukiç dhe Dibala, ose njëri mes kroatit dhe argjentinasit do të jetë në stol. Do të mendohem akoma, sepse dhe Kuadrado është në formë të mirë. Gjithashtu dhe Bernardeski, pavarësisht qortimeve të mia.”

FIORENTINA – “Nuk kam dashur të nënvlerësoj Fiorentinën, që këtë vit është një skuadër e bukur dhe luan bukur. Unë jam vetë toskan dhe më duken simpatikë njerëzit e Firencës. Unë thashë vetëm një fakt: kur je te Juventus, pesha specifike e çdo topi që prek është më e madhe se në çdo ekip tjetër. Një lëvizje mund të bëjë që të fitosh, ose të humbësh.”

UDINEZE – “Kjo është një ndeshje ku janë vendimtare aspekti fizik dhe ai psikologjik. Vitin e kaluar fituam 6-2, por ishte një ndeshje e çuditshme.”

“Ne nuk jemi Fiorentina”, i ka ulëritur trajneri 24-vjeçarit, i cili më parë është aktivizuar me ekipin nga Firence. Bernardeski po kalon një moment shumë të mirë fizik, është përshtatur mirë me ekipin bardhezi dhe ka shënuar dhe dy gola në kampionat, por kjo nuk mjafton për trajnerin nga Livorno.

Alegri i vlerëson shumë cilësitë e lojtarit ofensiv, por kërkon ta mbajë me këmbë në tokë dhe hekuri rrihet sa është i nxehtë. Një gjë të tillë trajneri e ka bërë dhe në fundin e ndeshjes me deklaratën e tij. “Bernardeski zhvilloi një ndeshje të mirë, edhe pse i tërhoqa veshin, sepse duhet të pasonte më shpejt topin në disa situata të caktuara”.

 

View this post on Instagram

 

#juventus#j#juve#young#boys#sport#calcio#football#italy#torino#blackandwhite#finoallafine#biancoenero#instagram#instagood @mrallegriofficial

A post shared by @ robertocasanova1973 on Oct 3, 2018 at 12:09am PDT

KUNDËRSHTARI – “Do të sfidojmë një Bolonja, që ka fituar pastër me Romën. Ata janë një ekip që dinë të vuajnë dhe të qëndrojnë në ndeshje dhe Inzagi është i aftë për ta bërë ekipin të luajë kështu. Aspekti psikologjik është i rëndësishëm, por duhet të luajmë si me Frozinonen, ku ekipi luajti në mënyrë të matur dhe të përgjegjshme.”

SITUATA E EKIPIT – “Kristiano ndihet mirë fizikisht dhe ka nevojë të vazhdojë të bëjë gola. Do të luajë dhe Dibala, i cili ka nevojë të kapë ritmin e duhur. Në portë do të jetë Perin, ndërsa nëse luan Barzalji, mund të luajmë me tre mbrojtës, ose me dy…ose nëse nuk luan, do të rikthehemi me katër mbrojtës. Aleks Sandro është në dyshim dhe nëse nuk ia del, do të luajnë Kanselo në të majtë dhe Kuadrado në të djathtë.”

KIN-BENTAKUR – Mund të luajë dhe Kin, i cili është një futbollist i Juventusit në të gjith aspektet dhe mund ta vendos përkrah Ronaldos dhe Dibala. Bentakur zhvilloi një ndeshje të mirë me Frozinonen në hapësirat e ngushta, por duhet të jetë më i bindur kur futet në zonë dhe godet portën. Do të kthehet dhe Matuidi dhe më duhet të zgjedh njërin nga Matuidi dhe Emre Çan.

RONALDO – “Kristiano Ronaldo është lojtari më i fortë në botë së bashku me Mesin dhe për ne është një vlerë e shtuar. Ka shënuar vetëm dy gola, por ka gjuajtur shumë drejt portës dhe ka patur shumë raste. Jam i kënaqur me të, por skuadra ka një fizionomi loje dhe në vitet e fundit ka arritur rezultate të rëndësishme. Jam i sigurtë që do të bëjë një ndeshje të mirë, si ajo që zhvilloi në Champions. Pritshmëritë ndaj tij janë të mëdha, por Ronaldo kërkon shumë nga vetja dhe i duhet të zbresë në fushë, të argëtohet dhe të vazhdojë të shënojë.”

SITUATA E EKIPIT – “Ndodhemi në një moment të rëndësishëm të kampionatit. Frozinone ka luajtur mirë, kundër nesh do të bëjë ndeshjen e jetës dhe kanë një lojtar të rrezikshëm si Perika. Nuk duhet të ulim përqendrimin, pavarësisht se ka shumë entuziazëm dhe energji pozitive. Të mërkurën zhvilluam një ndeshje të bukur dhe kjo duhet të jetë normale për Juventusin. Duhet të arrijmë në sfidën direkte me Napolin në kushtet më të mira. Perin do të luajë të mërkurën përballë Bolonjës, ndërsa dikush do të pushojë nesër. Barzalji mund të rikthehet të mërkurën, De Shiljo do të kryejë disa kontrolle të martën për të kuptuar se në çfarë gjendje është, ndërsa Dagllas Kosta dhe Kedira do të rikthehen pas ndeshjeve të kombëtares.”

MBROJTJA ME TRE? – “Nesër mund të luajmë më tre mbrojtës dhe njëri prej Aleks Sandros, Kanselos dhe Kuadrados do të pushojë. Pjaniç, Emre Çan dhe Bentakur mund të luajnë së bashku, ndërsa Manxhukiç dhe Matuidi kanë nevojë të pushojnë, sepse janë të fundit që janë bashkuar me ekipin, por duhet të jem me fat për të kuptuar momentin për t’i lënë pushim.”

PAULO DIBALA – “Dibala mund të luajë pas sulmuesve, siç e bëri me Sasuolon, ose në sulm me dy anësorë të fortë në krah. Nesër do të luajë, është shumë i rëndësishëm për ne dhe e ka golin nëpër këmbë.”

DAGLLAS KOSTA -“Brazili nuk e ka grumbulluar, por ai nuk mund të luante me kombëtaren, sepse është i dëmtuar. Klubi e ka gjobitur dhe ai e ka kuptuar gabimin e bërë.”

Braziliani pështyu kundërshtarin dhe doli jashtë me të kuqe, ndërsa pritet një dënim me disa javë, por dhe një gjobë nga klubi. Alegri është i kënaqur me fitoren, por nuk kursehet sa i përket episodeve të shëmtuara. Në konferencën për shtyp të pas ndeshjes, trajneri i Juventusit ndalet tek episodi i brazilianit, golat e Ronaldos dhe analizon paraqitjen e ekipit të tij.

Dugllas Kosta – “Ndoshta ishte një faull në fillim, por janë episode që nuk duhet të ndodhin. Pështyma ishte e papranueshme, Dugllas është një djali i mirë dhe e di se ka gabuar. Ai do të mungojë në disa ndeshje dhe kjo na dëmton. Duhet ta menaxhonte topin, por ai reagoi për një faull. Reagimi nuk justifikohet, klubi do të marrë masa për të dhe duhen evituar gjëra të tilla.”

Provokimet – “Nuk duhet të biem pre e provokimeve. Ndeshja po shkonte drejt fundit, pothuajse ishte mbyllur dhe ndoshta mund të shënonim golin e tretë. Por, nuk luajtëm si skuadër, filluam të gjithë të driblonim dhe kjo nuk është një shenjë e mirë. Dikush të ndërhyn, një tjetër nervozohet dhe ndodhi ajo që ndodhi. Në fillim Kanselo, pastaj Dugllas Kosta dhe në fund Bentakur… Duhet të tregohemi më të aftë, sepse janë episode që mund të penalizojnë.”

Zhbllokimi i CR7 – “Nuk ishte i nevojshëm gjitha ai ankth i krijuar. Nëse shohim tre ndeshjet e para, Kristiano ka patur disa raste. Ndodhi gjithçka shumë shpejt dhe futbolli ta jep atë çfarë të heq. Pastaj, goli i dytë ishte i mrekullueshëm.”

Dibala – “Duke luajtur kështu kemi më pak amplitudë, por anësorët e krahut u treguan të aftë. Sasuolo bëri një ndeshje të mirë, por ne e morëm ndeshjen në kontroll dhe e dërguam aty ku duhet të shkonte. Ju thashë që dje se Dibala do të ishte titullar, por e dija që nuk do ta besonte askush. ”

CR7 – “Duhet të jemi pak fatalistë, në ndeshjet e para Ronaldo ka gjuajtur shumë në portë, por nuk e ka gjetur golin. Ai ka punuar mirë dhe besoj se nesër do të shënojë përballë Sasuolos. Për çfarë ka bërë këtë sezon do ia jepja çmimin e ‘FIFA Best Player’, pa i hequr asnjë meritë Luka Modriç.”

Dibala – “Jam shumë i kënaqur me mënyrën se si u fut në fushë në Parma. Ai duhet të bëjë të njëjtën gjë me lojtarët e tjerë, të stërvitet dhe të gjejë formën e duhur. Kam një kontingjent të rëndësishëm dhe kam shumë lojtarë teknik, të cilët duhet t’i lë jashtë dhe t’i përdor si zëvendësues, sepse luajnë vetëm 14 lojtarë.

Dibala nuk ka luajtur për shkaqe teknike. Askush nuk i diskuton cilësitë e Paulos, por ekziston një problem ekuilibri. Nëse luajnë Dibala, Ronaldo dhe Manxhukiç bashkë nevojitet një sakrificë e madhe dhe vuajmë në fazën difensive. Për më tepër, në tre ndeshjet e para kemi lënë hapësira të mëdha mbrapa. Dibala duhet të fitojë vendin në formacion, duke punuar fort në stërvitje.

“Nuk njoh ndonjë mënyrë tjetër. Presioni po shtohet kundrejt tij dhe kjo nuk i bën mirë, sepse nëse nesër luan dhe nuk bën një ndeshje të mirë, të gjithë do ta ‘masakrojnë’. Jeni të parët që e doni në fushë dhe pastaj e ‘masakroni’ me kritika.”

Sasuolo – “Përveç Matuidit, të gjithë ata që kanë luajtur në dy ndeshjet me kombëtaret vështirë të luajnë të dielën. Shezni do të jetë në portë, por Perin po punon mirë dhe do të luajë së shpejti. Kielini mund të pushojë, sepse Benatia dhe Rugani janë në formë. Pjaniç nuk ka probleme, por mund ta nisë nga pankina. Mendoj që do të jetë momenti i Emre Çan për ta nisur nga fillimi, Manxhukiç është i sigurtë, ndërsa nuk e kam vendosur akoma për Kedirën.”

Lacio – “Lacio është një skuadër fizike dhe e drejtuar mirë. Ata preferojnë të luajnë me nisje të shpejta dhe do te na duhet të bëjmë një ndeshje të kujdesshme. Inzagi është një nga trajnerët e rinj më të mirë dhe kjo demonstrohet nga rezultatet dhe loja e Lacios. Kjo është përballja e parë direkte që duhet të fitojmë. Të shtunën pësuam dy gola dhe duhet të ndezim antenat.”

Ronaldo – “Sa më shumë që stërvitemi, aq më shumë njihemi. Ai është një kampion i ndërtuar me punë dhe sakrificë. Një shembull i mirë për të gjithë. Me Lacion do të vihet re përmirësimi i Ronaldos Mandzukiç dhe Dibala. Nevojitet qetësi, por kundër Kievos, Ronaldo goditi gjashtë herë portën dhe të gjitha topat përfunduan në kuadrat.

Shumë ndeshje na presin dhe Ronaldo do të ulet dhe në stol ndonjëherë për të fituar formën e tij më të mirë, siç ndodhi vjet me Realin. Kur të luajmë me Dibala, portugezi është më mirë në qendër të sulmit, ndërsa kur të luajmë me Mandzukiç, ai do të spostohet në krah. Por, mund të luajnë dhe të tre bashkë. Kristiano duhet shfrytëzuar për karakteristikat që ka dhe do të vendoset në rolin ku jep më të mirën e tij.”

Penalltitë – “Ronaldo dhe Dibala janë ata që do të gjuajnë penalltitë, por problemi qëndron tek goditjet e dënimit, sepse kam rreth 6-7 lojtarë që mund ta bëjnë diçka të tillë.”

Kampionati – ”E vetmja fjalë që njoh është: duhet. Duhet të mendojmë për atë që duhet të bëjmë, me intensitet, pasion dhe mbi të gjitha respekt. Vuajtja me Kievon na ndihmon për të kuptuar që duhet të pedalojmë. Sipas mendimit tim na nevojiten 88-90 pikë për të fituar kampionatin.”

Super Juventus – “Në letër ky është ekipi më i fortë që kam trajnuar, por fusha i tregon të gjitha. Drejtuesit e kanë përmirësuar skuadrën krahasuar me sezonin e kaluar. Të shtunën nis kampionati dhe përballë Kievos duhet të vrapojmë, të luajmë mirë dhe të fitojmë ndeshjen. Sivjet kemi ambicien pët të tentuar të fitojmë Champions Ligën.

Miqësorja – “Djemtë e morën seriozisht ndeshjen e sotme dhe kjo është një çështje mentaliteti dhe inteligjence. Afrimet e Ronaldos, Emre Çan, Spinazolës dhe Kanselos kanë rritur entuziazmin, por diçka e tillë duhet venitur, sepse na duhet të gjejmë ekuilibrin e duhur. Duhet të zbresim në fushë dhe ta bëjmë një gjë të tillë.”

Champions League – “Ambicia për të fituar Champions-in këtë vit është më e lartë se sezonet e kaluara, por duhet ta tregojmë në fushë diçka të tillë, sepse askush nuk ti dhuron trofetë pa i merituar në fushën e blertë. Ronaldo na ka shtuar kualitetin dhe eksperiencën e nevojshme në nivelin ndërkombëtar dhe kjo mund të jetë një stimul për të rritur lojtarët e rinj dhe gjithë ambientin. Por kjo nuk duhet të na bëjë të heqim dorë nga karakteristikat e Juventusit, që janë dëshira për të fituar nëpërmjet punës dhe sakrificës. Edhe skuadrat e tjera, si Reali, i cili ka fituar katër Champions në pesë vitet e fundit, kanë fituar dhe sakrifikuar dhe askush nuk të dhuron gjë. Ky duhet të jetë Juventusi i këtij viti. Asgjë nuk duhet të ndryshojë dhe siç e përsëris gjithmonë, duhet shumë ekuilibër dhe qetësi.

Bonuçi & Ronaldo – “Bonuçin e rigjeta mirë dhe mund të them që Leo është një lojtar i rëndësishëm me eksperiencë dhe e ka rritur nivelin teknik të repartit të mbrojtjes. Sa i përket Ronaldos, më kishin thënë që është një profesionist i madh. Rezultatet nuk arrihen rastësisht dhe një lojtar, i cili ka fituar 5 topa të artë, shumë herë titullin e golashënuesit më të mirë dhe gjithçka tjetër dhe mbi të gjitha ai dëshiron të fitojë gjithmonë. Kjo është dëshmia që Juventus ka blerë një futbollist të madh si në fushë, por sidomos jashtë saj.”