VIDEO | Hyka vazhdon spektaklin në Izrael, asist në ndeshjen vendimtare

Sport Ekspres — Mon, 29 Apr 2019 14:40:01 +0000

Sulmuesi shqiptar, Jahmir Hyka, po kalon një formë të shkëlqyer në kampionatin izraelit ku luan me skuadrën e Makabi Netajës.

Pas dopietës së shënuar një javë më parë kundër Hapoel Haderës, Hyka ka treguar sërish aftësitë në takimin e kësaj fundjave ndaj Hapoel Ber Shevas ku shërbeu me një asist të bukur në fitoren 2-0 të skuadrës së tij.

Me tri pikët e marra në këtë takim, Netaja parakalon Ber Shevën duke i marrë vendin e tretë, që garanton një biletë për në kualifikueset e Europa League.

VIDEO | Katër “tunele” radhazi, e pabesueshme çfarë bën futbollisti shqiptar

Sport Ekspres — Sun, 03 Feb 2019 17:36:53 +0000

Driblimi i kundërshtarit duke ia kaluar topin mes këmbëmëve është një ndër triket më të bukura të futbollit. Shpesh jemi mësuar të shohim Lionel Mesin teksa turpëron kundërshtarët më këtë lloj mënyre.

Megjithatë ajo që ka bërë sulmuesi shqiptar Fatos Beqiraj është krejtësisht e pabesueshme. “Bomberi”, i cili aktivizohet në Izrael me Makabi Netajan, mrekulloi të pranishmit në takimin e djeshëm ndaj Hapoel Ber Shevës.

Futbollisti i lindur në Pejë, realizoi katër “tunele” radhazi brenda katër sekondash, edhe vetë Mesi nuk e ka arritur këtë gjë deri më tani.