Mainc

VIDEO | “Vetëvrasje” e Ajntrahtit, një nigerian i shuan ëndrrën Champions

Sport Ekspres — Sun, 12 May 2019 18:03:15 +0000

Ajntrahti i Frankfurtit ka hedhur në erë sezonin brenda tre ditësh. Nëse përballë Çelsit zhvilloi një ndeshje të madhe dhe humbi finalen e madhe të Ligës së Europës për shkak të penalltive, sot ishte hija e vetvetes.

Ekipi surprizë i këtij sezoni u mposht në shtëpi nga Mainci me rezultatin 0-2. Miqtë nuk luanin për asgjë dhe befasuan ekipin nga Frankfurtit, që humbi shansin të ngjitej në vendin e katërt. Dy gola të shpejtë të shënuar nga nigeriani Ujah në fillimin e pjesës së dytë vendosën ndeshjen, ndërsa Joviç e Rebiç me shokë nuk ishin në ditën e tyre.

Ajntrahti renditet në vendin e gjashtë me 54 pikë, një më pak se Gladbahu dhe Leverkuzen. Shanset për një vend në Champions janë minimale, pasi ndeshja e radhës është kundër Bajernit në Mynih.

Ajntraht Frankfurt-Mainc 0-2
(Ujah 53’, 57’)

VIDEO | Sanço i magjishëm, Dortmundi vë nën presion Bajernin

Sport Ekspres — Sat, 13 Apr 2019 18:36:12 +0000

Humbja e fundjavës së shkuar ndaj Bajernit është hedhur pas krahëve nga Borusia e Dortmundit. Verdhezinjtë mposhtën në “Signal Iduna Park” Maincin me rezultatin 2 – 1, duke kaluar presionin nga Bajerni, i cili luan nesër ndaj Dyseldorfit. Dortmundi me një ndeshje më shumë ndodhet në vend të parë me 66 pikë, dy më shumë se bavarezët.

Pjesa e parë nisi në mënyrë të shkëlqyer për skuadrën gjermane që gjeti shënoi dy gola të shpejtë me anë të talentit anglez Sanço. Në të dytën Mainci filloi të shfaqej i rrezikshëm, por portieri Burki e mbajti të paprekur portën e tij deri në minutën e 86-të, ku miqëtë shënuan golin e nderit me anë të suedezit Kuaizon.

Dortmund 2 – 1 Mainc
Shënues: Sanço 17’, 24’/ Kuaizon 86’

Standings provided by Sofascore LiveScore

VIDEO | Kthim pas në kohë, shijoni perlën e “bomberit” Jyrgen Klop

Sport Ekspres — Sat, 15 Dec 2018 12:47:20 +0000

Jyrgen Klop pati një karrierë të suksesshme te skuadra e Maincit, ku luajti për 10 vite. Fatkeqësisht, trajneri i Liverpulit nuk pati mundësinë që të luante në Bundesligën e parë gjermane.

“Kisha talentin e një lojtari të kategorisë së katërt, por trurin e një lojtari të kategorisë së parë, prandaj përfundova në kategorinë e dytë”, tha Klop me humor, kur u pyet nëse kishte pendesë për faktin që s’kishte provuar kurrë shijen e kampionatit më elitar në Gjermani.

Gjithsesi, Klop ka me së të krenohet kur e kthen kokën pas. Në një takim ka shënuar katër gola. Pjesa dërrmuese e 52 golave që Klop shënoi me Maincin ishin me kokë ose goditje të thjeshta nga brenda zonës së rreptësisë, megjithatë ka dhe gola të veçantë. Në sezonin 1997/1998 Klop shënoi një kryevepër ndaj Mepenit. Një goditje stil “volej” që nuk përfundoi në trekëndëshin e portës së kundërshtarit, mesi këtë gol nuk ka se si ta harrojë.

https://twitter.com/hypergoals/status/1073497860086382592

Havertz nderon Leverkuzen, “Aspirinat” gjejnë fitoren e parë

Sport Ekspres — Sun, 23 Sep 2018 15:30:24 +0000

Pas fitores në Europa League kundër Ludugorec, Bajer Leverkuzen ka arritur të marrë pikët dhe fitoren e parë në Bundesligë për këtë sezon. “Aspirinat” mposhtën Maincin me rezultatin 1-0. Kei Havertz ishte heroi i takimit me golin e shënuar në minutën e 64.

Pjesa e parë e takimit u mbyll pa gola, ndërsa Mainc gjeti golin në fillimin e fraksionit të dytë, por u anulua për një prekje me dorë të Kuaizon. Disa minuta më vonë erdhi dhe goli i vetëm i takimit. 19-vjeçari shfrytëzoi një krosim të Julian Brandt dhe shënoi bukur me kokë, duke i dhënë tre pikët e para ekipit të tij.

Ndeshja nuk pati më gola deri në fund dhe sida u mbyll me rezultatin 1-0. Leverkuzen rigjeti fitoren pas tre humbjeve në start, ndërsa Mainc ndodhet në vendin e shtatë në kuotën e shtatë pikëve.

Leverkuzen – Mainc 1-0
(Havertz 64′)