Mane triumfoi përballë Mahrez në Champions League, ndërsa ylli algjerian i “vodhi” titullin kampion në Angli dhe sot, do të luhet raundi i fundit për këtë sezon. Janë publikuar dhe formacionet e kësaj sfide dhe yjet në fushën e lojës nuk mungojnë.

Mane, Gueje, Saivet, Sarr dhe Niang janë armët më të forta të Senegalit, ndërsa Algjeria ka një “tridhëmbësh” të frikshëm me Mahrez-Benaser-Fehguli. Një finale e gjitha për t’u ndjekur…

Kupa e Afrikës, finale

Senegal – Algjeri  (21:00)

FORMACIONET

Senegal: Gomish, Gasama, Sabali, Sane, Kojate, Gueje, Ndiaje, Saivet, Sarr, Mane, Niang

Algjeri: M’bohli, Zefane, Basenbaini, Benlamri, Mandi, Guedioura, Fehguli, Benaser, Mahrez, Belaili, Bunedjah

Fillimisht, në minutën e 40-të, Algjeria do të gjente avantazhin falë një autogoli të mbrojtësit nigerian, Ekong. Edhe pse në disavantazh në pjesën e parë, Nigeria barazoi gjithçka në të dytën. Sulmuesi Ighalo shënon falë një penalltie në minutën e 72-të dhe dukej se ndeshja do të shkonte në shtesa, por një “perlë” e Mahrez nga goditja e dënimit i jep fitoren 2-1 Algjerisë dhe i çon ata në finale, ku do të ndeshen përballë Senegalit të Sadio Mane.

Kupa e Afrikës, gjysmëfinale

Algjeri – Nigeri  2-1
Ekong (ag) 40’, Mahrez 90+4’ / Ighalo (p) 72’

Leroi Sane, Bernardo Silva dhe Riad Mahrez luftojnë për një vend në formacion, por Guardiola i ka besuar më shumë portugezit Silva, që po kalon një sezon të shkëlqyer. Flitej për një largim të Sane dhe Mahrez, por Guardiola ka folur sot për këtë temë, ku ka thënë:

“Mahrez është e ardhmja e Mançester Sitit”, tha fillimisht Guardiola, duke injoruar totalisht Sane. “Riad është një lojtar skuadre, që ka qenë gjithmonë i gatshëm. Aftësitë e tij dihen dhe do të qëndrojë këtu jo vetëm sezonin e ardhshëm, por shumë e shumë sezone të tjera”.

Kjo deklaratë e Guardolës bën të kuptohet se Sane me shumë gjasa nuk bën pjesë në planet e tij dhe skuadra e Bajernit të Mynihut është gati të paguajë për shërbimet e tij.

Minutat e pakta, duket se kanë sjell një krisje mes tij dhe Sitit, me 28-vjeçarin që sipas raportimeve nga mediat angleze, ka kërkuar largimin. Mahrez ka luajtur në vetëm 13 takime si titullar në Premier Ligë dhe kjo gjë e ka lënë të pakënqur.
Ndërkohë, nga ana tjetër, Mançester Siti ka shpenzuar një shumë të madhe për ta marrë algjerianin dhe zor se mund ta lërë të largohet lehtë, vetëm me përjashtim të një oferte të parefuzueshme.

“Blofet” më të mëdha të merkatos së këtij sezoni vijnë nga Anglia, pikërisht vendi ku ka më shumë para se në çdo vend tjetër.

Havier Pastore (Roma, 25 milionë euro)

Roma pagoi 25 milionë euro për të rikthyer në Itali, Havier Pastoren. Argjentinasi ka rezultuar një zhgënjim tepër i madh. Pastore i Palermos është zhdukur. 29-vjeçari është aktivizuar vetëm 450 minuta gjatë këtij sezoni të Serie A.

Zhan-Mikel Seri (Fulhem, 30 milionë euro)

Në verën e 2017-ës, mesfushori i Nicës Zhan-Mikel Seri ishte shumë pranë transferimit te Barcelona, por marrëveshja u prish më momentet e fundit. Një vit më vonë lojtari nga Bregu i Fildishtë u ble nga londinezët e Fulhem për 30 milionë euro. Përshtatja në kampionatin anglez nuk qenë aspak e lehtë dhe sezoni i tij dhe skuadrës në përgjithësi rezultoi një katastrofë e vërtetë.

Keita Balde (Inter, 36 milionë euro)

Keita Balde ka shënuar 4 gola me skuadrën e Interit gjatë këtij sezoni. Shumë lojtarë do të ishin të kënaqur me këtë kontribut, por senegalezi ishte blerja rekord e Interit në merkaton e verës që lamë pas me plot 36 milionë euro të shpenzuara për të. Konkurrenca e Mateo Politanos dhe Ivan Perishiç rezultoi tepër e fortë për 24-vjeçarin.

Fred (Mançester Junajtid, 60 milionë euro)

Blerja rekord e Mançester Junajtid gjatë verës së 2018-ës, ishte mesfushori brazilian Fred. Futbollisti vinte nga kampionati ukrainas, por kishte bindur Zhoze Murinjon me paraqitjet në Champions League. Muajt e parë te Junajtid rezultuan një katastrofë e vërtetë, pasi braziliani shikohej rrallë në stol e jo më  në fushë. Me ardhjen e Solskjaer situata është përmirësuar, por për një lojtar me kosto 60 milionë euro duhet shumë më shumë.

Mahrez (Mançester Siti, 70 milionë euro)

Pep Guardiola ishte i bindur se Rijad Mahrez do të ishte përforcimi ideal për skuadrën e tij, megjithatë në praktikë nuk rezultoi kështu. Algjeriani i kushtoi Sitit 70 milionë euro, por gjatë gjithë sezonit nuk ka qenë më shumë se një lojtar stoli, për shkak të konkurrencës nga lojtarë si Rahem Stërling dhe Bernardo Silva.

Ekipet në përgjithësi janë munduar që mos të ndryshojnë fytyrën e tyre në dy ndeshjet e para dhe shumë lojtarë kanë ngelur akoma pa u aktivizuar, ose janë aktivizuar jashtëzakonisht shumë pak. E përditshmja spanjolle “Marca” ka bërë formacionin e lojtarëve që janë aktivizuar shumë pak ose aspak deri tani në këtë Champions.

Një formacion ku spikasin emra si Kurtua, Keita Balde, Gelson Martins apo dhe finalisti i vjetshëm Dejan Lovren. Gjithashtu Vidal, Draksler apo Kaliniç e Mahrez janë pjesë e këtij formacioni.

Gjithsesi, Pep me siguri nuk do ta lejojë më 27-vjeçarin që të godasë nga pika e bardhë e penalltisë, të paktën jo si alternativë të parë. Statistikat flasin vetë për Mahrezin, i cili i ka një makth penalltitë.

Vetëm një futbollist në Premier League ka bërë më keq se ai. Në të shkuarën vetëm Pablo Angel ka gabuar në 5 nga 10 penalltitë që ka goditur, pse e thënë ndryshe 50% të penalltive të tij nuk kanë përfunduar në rrjetë. Diçka më mirë ka bërë Mahrez, i cili ka shënuar 7 nga 12 penalltitë që i janë dhënë, por duhet të ketë kujdes, nëse do të evitojë vendin e parë… për keq!

Derbi i parë për këtë sezon do të luhet me 11 nëntor në fushën e djemve të Guardiolës, por fryma që qëndron në lojtarët e të dy kampeve duket se është miqësore.

Mbrëmjen e së dielës mesa duket disa nga lojtarët e dy ekipeve rivalë kanë darkuar së bashku si dhe kanë kaluar kohë në shoqëri të njëri tjetrit. Pogba, Martial, Lindelof, Mendi apo dhe Mahrez janë parë në shoqëri të njëri-tjetrit mbrëmë në Mançester.

Pol Pogba dhe Benxhamin Mendi njihen për miqësinë e ngushtë që kanë me njëri tjetrin, ku këtë verë u kurorëzuan dhe si kampionë bote. Gjithashtu Mahrez ka një të kaluar në Francë, ku ka luajtur për Le Havre së bashku me Mendi.

Klima deri tani në Mançester duket se është miqësore, por deri në muajin nëntor që përkon dhe me sfidën që do të luhet mes dy ekipeve mbetet për t’u parë se sa do të vijojë kjo klimë.

“Djajtë e kuq” duan me çdo kusht një lojtar krahu me eksperiencë dhe, meqë Perishiç nuk mund të blihet dot nga Interi, ndryshe nga sa mendohej më parë, algjeriani shihet si alternativa ideale, sidomos kur merr parasysh faktin se po dobëson një ekip rival.

Lajmi vjen nga “SFR Sport”, sipas të cilit Mahrez e ka bërë të ditur se dëshiron të largohet nga “Dhelprat”. Për t’u përmendur është fakti që edhe Roma ka shprehur interes për mesfushorin.