Maguire

Leister nuk “lëshon pe”, Meguajër shitet për shumën rekord

Sport Ekspres — Sun, 21 Jul 2019 20:27:10 +0000

Mançester Junajtid u mundua për javë të tëra për të negociuar transferimin e qendërmbrojtësit të Lestër Siti, Herri Meguajër. Negociatat filluan me një ofertë prej 60 milionë eurosh, por drejtuesit e Lestër nuk “lëshuan pe”, duke mos ulur për asnjë moment kërkesën prej 90 milionë eurosh (80 milionë paundë).

Sipas sajtit të njohur “Bleacher Report” ditën e sotme, Junajtid është dorëzuar duke pranuar plotësisht kushtet e vendosura nga Lestër Siti. Transferimi i Junajtid e çon 145 milionë shifrën e shpenzuar nga “djajtë e kuq” deri më tani.

United finally agreeing terms on the £80m Maguire deal.
Mad amount of money to spend on him and Wan-Bissaka this summer but also very necessary

— Dean Jones (@DeanJonesSoccer) July 21, 2019

Klubi i drejtuar nga Ole Gunar Solskjaer ka zyrtarizuan disa javë më parë blerjet e Eron Uan-Bisaka (50 milionë paundë) dhe Daniel Xhejms (15 milionë paundë).

Roxhers kërcënon blerësit: Meguajër ikën me kushtet tona

Sport Ekspres — Thu, 18 Jul 2019 13:25:41 +0000

Mançester Junajtid po kërkon me çdo kusht të transferojë mbrojtësin e Lestër Siti, Herri Meguajër. Futbollisti anglez ka një çmim prej 80 milionë paundësh, por drejtuesit e “djajve të kuq” po hezitojnë të shpenzojnë këtë shumë kolosale.

Në negociata ka ndërhyrë dhe trajneri i Lestërit, Brendën Roxhers, i cili i ka dhënë një mesazh të qartë Junajtid: Meguajër ikën vetëm me kushtet tona!

“E kuptojmë situatën e Meguajër. Nëse ai do të largohet kemi në mendje disa lojtarë që mund ta zëvendësojnë. Megjithatë, klubi ndodhet në një gjendje financiare të mirë dhe nuk kemi asnjë arsye që të na shtyjë të shesim lojtarët më të mirë të skuadrës. Nëse kërkesat e drejtuesve nuk plotësohen, të jeni të bindur se asnjë transferim nuk do të kryhet”.

Meguajer te Junajtid, Leister paguan 45 milionë për zëvendësuesin

Sport Ekspres — Sun, 14 Jul 2019 17:54:50 +0000

Skuadra e Leister Sitit ka humbur shërbimet e Herri Meguajer, pasi Mançester Juanjtid ka paguar 80 milionë paundë për shërbimet e gjigantit anglez. Largimi i mbrojtësit nga “Dhelprat” ka bërë që drejtuesit e klubit të nisin menjëherë punën për të gjetur pasuesin.

Sipas mediave britanike, Leister ka bërë një ofertë zyrtare për Luis Dunk, mbrojtësin e Brajton. Sapo ky lajm është publikuar, tifozët e Leister nuk e kanë pritur mirë, pasi Dunk nuk është ndonjë emër shumë i njohur dhe shifra që pritet të paguhet për të duket qesharake.

Megjithatë, disa tifozë mbeten optimistë, pasi dhe kur Meguajer erdhi para dy sezonesh nga skuadra e Hull Sitit, nuk ishte ndonjë emër i njohur. Transferimi i Meguajer pritet të lëvizë shumë gjëra në Premier.

“Meguajer më i mirë se De Ligt”, habit analisti anglez

Sport Ekspres — Sat, 11 May 2019 16:52:50 +0000

Ish-mesfushori i Anglisë dhe i Totenhemit, Xhermein Xhenas, i ka habitur të gjithë sot me deklaratën e tij. I ftuar në studion e radios “BBC 5, Xhenas tha se Heri Meguajer, mbrojtësi i Leister Sitit, është një lojtar shumë më i mirë se mbrojtësi fenomen i Ajaksit, Matijs De Ligt:

“Mendoj se De Ligt është një lojtar shumë i mirë dhe një talent mjaft premtues. Vetëm 19-vjeç dhe ka aftësi të jashtëzakonshme. Megjithatë, mendoj se Heri Meguajer është një lojtar më i mirë se ai. Nëse jam Mançester Siti, do të synoja firmën e Meguajer e jo të De Ligt.

Te Leister, Meguajer po bën një sezon shumë të mirë. Një mbrojtës shumë i sigurt me topin në këmbë, aftësitë e një mesfushori. I fortë në ajër dhe një lojtar shumë i kompletuar”, u shpreh ish-mesfushori i Anglisë.

“If I was Man City, I would go for Harry Maguire over De Ligt”

Maguire or De Ligt? ?

Right now, @JJenas8 favours the Englishman.

? ??? https://t.co/0kUniWPgQm pic.twitter.com/Djk8A3ZTGA

— BBC 5 Live Sport (@5liveSport) May 10, 2019

Murinjo prenoton mbrojtësin e ri, Roho “bëhet kurban”

Sport Ekspres — Sat, 28 Jul 2018 09:35:34 +0000

Mançester Junajtid është shumë pranë finalizimit të marrëveshjes me Leister Sitin për transferimin e qendërmbrojtësit Meguajër, por për të siguruar kartonin e futbollistit anglez duhet që të bëhen sakrifica.

Sipas medieve angleze, Zhoze Murinjo ka drejtuar gishtin drejt argjentinasit Markos Roho. Mbrojtësi mëngjarash nuk po arrin të gjejë më minuta te “Djajtë e Kuq” dhe largimi duket më pranë se kurrë.

Destinacioni më i mundshëm për 28-vjeçarin është Uolverhemptoni. Klubi i sapo ngjitur në Premier League
është gati të paguajë 30 milionë euro për lojtarin e kombëtares argjentinase, ofertë kjo që plotëson kërkesat e Junajtid.