Njoftimi i KF Ballkanit:

“Në përpjekje të vazhdueshme për konsolidim të skuadrës, në veçanti të sulmit para pak çastesh FC Ballkani ka arritur marrëveshje një vjeçare me futbollistin këmbëshpejtë Artur Magani.

Arturi është formuar si futbollist në shtetin amë, duke mbrojtur ngjyrat e ekipeve si KF Teuta, KF Shkumbini, ndërsa Superligën e ka shijuar me fqinjët nga Prizreni FC Liria dhe se fundmi tek kampioni i Kosovës KF Feronikeli.”

Trajneri i ekipit kavajas, Gugash Magani, ka folur për “RTSH SPORT” në përfundim të takimit. Tekniku peqinas mori përgjegjësitë për lojën e dobët të skuadrës së tij, por nuk ngurroi të sulmonte arbitrin Klajdi Kola, të cilin e akuzon për njëanshmëri.

Në fakt, dua ta filloj nga pjesa teknike e lojës. Mund të them që kemi zhvilluar një ndeshje të dobët. Kanë ndikuar dy faktorë: Presioni, që na duhej patjetër, por mund të luhej edhe për barazim. E dyta është që kur kanë ardhur arbitrat, kanë qenë të paragjykuar dhe pasi pashë lojën, jam dakord për paragjykimin.

Gjithsesi, unë mendoj që goli i Bylisit ka qenë faull para se topi të shkonte atje. Kemi dyshime për një penallti që na u mohua. Kartoni i kuq i vuri vule gjithçkaje. Lojtari godet topin, ai i nxjerr karton të kuq lojtarit tim. Për dy rastet e para, nuk mund të jap një mendim të saktë, por te kartoni i kuq ka qenë diçka e papranueshme.

Mendonim që do të vinte një gjyqtar i FIFA-s. Gjithsesi, loja fitohet në fushë dhe me drejtësi. Sot, nuk kishte drejtësi. I njëjti arbitër më ka ndëshkuar edhe në Durrës. Nuk mund ta them se pse mund ta paragjykoj arbitrin. Përderisa ai gjykon në Superiore, nuk është i paaftë. Ai na ka ndëshkuar me dashje. Trajnerët në Shqipëri nuk thonë gjithmonë të vërtetën, por unë po e them. Marr përsipër lojën e dobët të skuadrës dhe fjalët që thashë për arbitrin” përfundoi Magani.

Takimi – “Në fakt, e nisëm ndeshjen jo keq, këtu i referohem faktit që nuk kemi dëmtime, pasi dhe skuadra është pak e lodhur duke parë ngarkesën që kemi marrë këtë 10 ditë. Kryesoja është të mos kemi dëmtime dhe të punojmë që filozofinë që kemi si klub, të bëjmë më të mirën për objektivin që kemi, Superiore.

“Këtë ndeshje e nisëm me 80 % të skuadrës së parë. Lojtarët plotësuan shumicën e detyrave që unë i kërkova. Është miqësore dhe rezultati nuk ka shumë rëndësi. E rëndësishme ishte që është një u zhvillua një ndeshje Fairplay.”

Rikthimi si “ish” – “Kujtimet janë të paharruara, sepse unë vij si ish-trajneri i Tiranës, skuadër të cilën kam pasur për nder ta drejtoja për gati dy vite, me gëzime dhe zhgënjime, por kështu e ka futbollit. Gjithsesi, unë i përkas Besës dhe doja ta fitoja këtë takim, që të tregohem i sinqertë.

Superiore – “Unë mendoj se janë dy skuadra për tu ngjitur në Superiore, por përfshij edhe Egnatian dhe Orikumin, pasi ka shumë ndeshje dhe përgjysmohen pikët. Besoj se janë 3-4 skuadra për të luftuar deri në fund. Besa e ka potencialin për në Superiore, pasi kemi potencial më shumë se Bylisi. Se çfarë do të shpalosi Besa, kjo i ngelet koha.

Merkato – “Besoj se përqindja më e madhe e lojtarëve kanë ardhur, por nëse vjen një sulmues, do e prisnim me kënaqësi.

Vendimi – “Atëherë, unë e thashë dhe më përpara që mua më pëlqejnë sfidat, pasi nuk është hera e parë që drejtoj  Besën. Isha pushim dhe ftesën që më bëri presidenti i Besës e pranova me kënaqësi, nuk e shikoj fare si ulje “grade gjenerali” fakti që drejtoj Besën në Kategorinë e Parë. Kam pasur oferta dhe nga Superiorja, por zgjodha Besën”,- përfundoi Magani.

Flamurtari vijon të kryesojë, duke i habitur të gjithë. Në shtëpi kuqezinjtë nuk kanë falur. Ka qenë Liria e Prizrenit klubi që e ka pësuar këtë herë. Feronikeli duket i rilindur. Largimi i Sulejman Starovës i ka bërë mirë ekipi nga Drenasi.

Rikthimi i Zekerija Ramadanit është shoqëruar me një fitore të thellë në transfertë kundër Ferizajt. Dy gola të shënuar nga Feronikeli për të marrë pikët e plota. Fitorja pritej, nisur edhe nga niveli i kundërshtarit. Trepça ’89 e drejtuar nga Gugash Magani ka shënuar një “mal” me gola kundër KEK-ut. 1-5 ka triumfuar klubi nga Mitrovica, që tanimë duhet të mendojë për ndeshjen e radhës.        

Superliga e Kosovës, Java 4

DJE

Ballkani – Prishtina          1 – 1

Shënues: Baftiu / Mankenda

Drenica – Gjilani               0 – 0

SOT

Flamurtari – Liria             3 – 1

Shënues: Shillova 2x, Kuansah / Binishi

Drita – Llapi                        1 – 2

Shënues: B.Shabani / Hajdari, Alidema

KEK – Trepça 89                1 – 5

Shënues: Mircevski, Bujcevski, Vitija, Shosha (pen), Velinov / Berisha

Ferizaj – Feronikeli         0 – 2

Shënues: Fazlliu, Karioka

Barazimi ndaj Feronikelit në debutim krijoi shpresa të mëdha, por më pas erdhi humbja shtëpiake ndaj Prishtinës dhe sot humbja e dytë rresht.

Skuadra e drejtuar nga Sadat Pajaziti shënoi me Sezar në minutën e 32-të dhe pati edhe fatin me vete, sepse portieri Kaçiu i priti një penallti Mirçevskit të Trepçës ’89.

Është shumë herët, por në Kosovë nuk durojnë shumë dhe mund të thuhet pa frikë se Magani rrezikon shkarkimin.

Flamurtari i Prishtinës ka befasuar me fitoren me përmbysje në Transfertës së Gjilanit. Kaja zhbllokoi ndeshjen për ndeshjen për kampionët në fuqi, por në pjesën e dytë Flamurtari përmbysi gjithçka falë golit të Shabanit dhe dopietës së Shillovës.

Ferizaj ka mundur në shtëpi Lirinë falë golit të Halitit, duke siguruar fitoren e parë për këtë sezon. Skuadra nga Prizreni pëson humbjen e dytë radhazi dhe renditet në fundin e tabelës me 0 pikë së bashku me KEK-un .

Rezultatet ditës së sotme

Trepça ’89 – Prishtina 0:2
Shënues: Basriu 23’ (aut), Boshnjaku 90’

Drita – Flamurtari 1:3
Shënues: Kaja 21’ / Kabashi 47’, Shillova 80’, 97’

Ferizaj – Liria 1:0
Shënues: Haliti 85’

Tabela e renditjes pas javës së dytë 

Të dy teknikët iu bashkuan skuadrave në mes të sezonit të kaluar, por asnjëri prej tyre nuk arriti të kapte objektivat që i kishte vendosur klubi. Gjatë kësaj merkatoje të dy klubet kanë afruar shumë lojtarë dhe mbetet për t’u parë se çfarë do të tregojë fusha e lojës.

Konkurrenca në kampionatin kosovar mbetet më e fortë se kurrë. Mbi pesë ekipe pretendojnë për titullin kampion, shpenzimet në merkato tregojnë qartë që në Kosovë do zhvillohet një kampionat mjaft i luftuar.

Një kampion duhet të luajë për një ekip kampion dhe duket se Memini kështu ka menduar, kur pas largimit nga Kukësi ka zgjedhur të luajë për Trepçën ’89, kampionen në fuqi të Kosovës, atje ku ka firmosur zyrtarisht sot.

Firma me klubin nga Mitrovica nuk është e rastësishme, sepse këtë janar aty ka shkuar edhe Gugash Magani. Në sezonin 2012/13 Magani shkoi në Europa League me Teutën dhe atë sezon Memini nisi të luante në Superiore, duke shtruar rrugën për të shkuar më pas të Kukësi, aty ku vjet fitoi titullin me Gjokën duke luajtur 879 minuta në Superiore, por ku doli në plan të dytë me Milinkoviçit, duke mos prekur fushat e Superiores në pjesën e parë të sezonit aktual.

Trepça ’89 është klub serioz e ambicioz, vlerat e Maganin njihen, tani e ka radhën Memini të bëjë hapin final dhe të kalojë në etapën e ardhshme, atë të mbrojtësit të afirmuar e të besueshëm për formacionin bazë. Nëse pastaj fiton edhe titullin në Kosovë, ai është rekord për t’u mburrur e për ta konsideruar veten hajmali.

Lajmin e ka dhënë vetë faqja zyrtare e Trepçës ’89, duke konfirmuar se Zeka ka gjetur marrëveshjen dhe ndërkohë ka shkuar në Turqi për të organizuar fazën përgatitore, që do të zhvillohet në Antalia prej 27 janarit deri më 9 shkurt. Bashkë me Maganin do të udhëtojë për në Kosovë edhe Klodian Dervishi, i cili ka qenë gjithmonë krah ish-trajnerit të Teutës.

Në fillim të sezonit drejtuesit e Teutës habitën të gjithë, duke nisur të pëshpëritnin pak si shpesh se Teuta do të luftonte për një vend në kupat e Europës dhe tek-tuk u përmend edhe fjala titull. Ndoshta kjo është gafa e drejtuesve durrsakë, që infektuan edhe trajnerin Gugash Magani dhe lojtarët, që në gusht e pas fitoreve të para sezonale e rritën dukshëm shënjestrën, duke harruar që Teuta është ribërë këtë verë dhe nuk ka shans të rivalizojë për kreun me emra si Skënderbeu, Kukësi e Partizani, për shembull.

Pas humbjes së djeshme Magani u shpreh se të ardhmen e tij e kishin në dorë drejtuesit: “Jam i hapur për çdo vendim të presidentit pas tri humbjeve. Është trajneri ai që mban përgjegjësi edhe pse gabimet i bëjnë lojtarët që luajnë”.

Megjithatë, në Durrës nuk gabojnë sërish dhe është vendosur që Magani të vazhdojë punën, pa asnjë kusht, aq më shumë që tashmë kalendari bëhet më i thjeshtë dhe një fitore të shtunën në Lushnje do të sillte kthesën e shumëpritur.

BILANCI – Starti perfekt i sezonit u zbeh pak nga humbja kundër Flamurtarit dhe frenimi në fundin e ndeshjes në Kamzë. Nëse vinte fitorja në ndeshjen e fundit, gjithçka do të ishte perfekte, por edhe 7 pikë në 4 ndeshje janë një bilanc mjaft i mirë, duke parë ç’po ndodh në Superiore, ku asnjë skuadër nuk duket e kompletuar, me përjashtim të Skënderbeut. Një arsye më shumë për të qenë optimistë në Durrës është se fillimi i sezonit ishte pjesa më e vështirë, pasi skuadra është rindërtuar, ndërsa në vazhdim Magani ka kristalizuar formacionin dhe e ardhmja duket shumë pozitive.

“Çdo njeri ka perceptimin e vet, por unë mendoj se kemi lënë dy pikë me Kamzën. Duhej të ishim treguar profesionistë dhe të kishim shënuar golin e dytë. Vazhdoj të them që skuadra nuk është gati për të luajtur në nivele të larta, kjo u pa edhe me ndërrimet sot, luajtën lojtarë të rinj që nuk e justifikuan besimin. Për sa i përket lojës, ishim superiorë, deri në momentin e golit, ndërsa më pas ndryshuam dhe gabuam, duhej menaxhuar ndryshe avantazhi. Për gabimin e mbrojtësit, është diçka e pranueshme, u ndodh edhe lojtarëve më cilësorë. Më shqetëson fakti që skuadra ra pre e presionit në fund dhe mund të kishim humbur, nëse do të luhej edhe 5 minuta më shumë.

“Tërheqja e skuadrës? Nuk e kërkova unë, erdhi si pasojë e presionit të kundërshtarit. Kishim lojtarë ofensivë dhe të shpejtë për të goditur në kundërsulm, si Çyrbja e Osemene, ndaj mund dhe duhej të kishim shënuar golin e sigurisë.

Dediç? Luajti në një pozicion të ri dhe e bëri mirë. Nuk e kam kritikuar personalisht, por thjesht komentova një ndërrim në ndeshjen e shkuar. Edhe sot e zëvendësova, por në raport me ndeshje të tjera jam më i kënaqur sot.

Nuk jam dakord që Kamza ishte superiore, është e kundërta. Lojtarët duhet të justifikojnë fanellën, sepse duhet të japin gjithçka në ço moment, që të meritojnë të luajnë, sepse sapo kemi filluar një projekt dhe jemi ende në hapat e parë, duhet shumë punë. Tani kemi një ndërprerje të shkurtër, që do të na ndihmojë paksa, sepse do të kemi kohë të punojmë në stërvitje”.

Në Durrës ka kohë që besojnë se ky mund të jetë edicioni i tyre dhe entuziazmi nuk ka rënë, as pas humbjes së parë shtëpiake, kundër Flamurtarit. Pas ndeshjes me të drejtë trajneri Gugash Magani deklaroi humbja ishte e mirëpritur kaq herët, sepse jep mundësinë që gabimet të korrigjohen. Me shumë ndryshime në organikë bregdetarët do të tentojnë që këtë edicion t’i rikthehen zonë europiane që në fund të sezonit të jetë ajo “hirushja” e sezoni, diçka që me teknikun Magani e kanë arritur dhe dy vite më parë.

Edhe pse gjërat duket se po shkojnë mirë për Teutën, bie në sy fakti se problemi i vetëm është reparti i sulmit. Edhe pse deri më tani kanë shënuar në të treja ndeshjet, nuk mund të anashkalohet fakti se 3 nga katër golat e shënuar kanë ardhur nga mesfushorët dhe vetëm një realizim i përket sulmuesit Ardit Shehaj. Edhe në ndeshjen e kthimit të Kupës së Shqipërisë, kundër Tërbunit, u pa se skuadra vuajti shumë për të gjetur golin dhe golat u gjetën në 10 minutat e fundit të ndeshjes. Pritshmëritë janë më të mëdha për repartin e avancuar, ku shpresohet që veç Shehajt të kontribuojë dhe sulmuesi ganez Latif me golat e tij, pasi në kampionat ende nuk e ka bërë “sefte”. Po ashtu dhe nga nigeriani Onieka Osemene, i cili ka pasur minutat e tij në të tre javët e kampionatit. Ambiciet mund të jenë të mëdha, por është e qartë që në Shqipëri shkojnë larg vetëm skuadrat që e kanë nga një lojtar goli. Jo më kot, Flamurtari triumfoi në Durrës me dy gola nga Bushiç, ndaj duket qartë që Teuta ka një problem jo të vogël në këtë moment.

Humbja e fundit e pësuar ndaj Flamurtarit duket se ka lënë në njëfarë mënyre pasoja te Teuta, që në ndeshjen e djeshme ndaj Tërbunit e ka zgjidhur kualifikimin vetëm në fund të ndeshjes. Humbja 1-0 e pësuar në Pukë dy javë më parë bënte që durrsakët të hidheshin në sulm që në fillim, pasi u duhet një fitore me dy gola diferencë. Kjo nuk ishte aspak e lehtë, pasi Tërbuni luajti gjithë kohës i tërhequr prapa, por mund edhe të kishte shënuar në dy momente në pjesën e parë me Hoxhajn dhe Saliajn. Sigurisht që Teuta arriti të dominonte në lojë, por goli nuk po vinte, çka solli edhe tension. 45 minutat e para u mbyllën me rrjeta të paprekura dhe Teuta u hodh në sulm për të gjetur golin e avantazhit. Trajneri Magani hodhi në fushë edhe Osemenen, Vilën e Peqinin, duke shtuar forcat sulmuese në fushën e blertë. Për të ardhur goli duhej pritur minuta e 81-të dhe ishte sulmuesi Latif Amadu ai që shënoi për Teutën. Sulmet u intensifikuan derisa erdhi edhe penalltia në favor të vendasve për një pengim të sulmuesit Peqini. Miqtë kontestuan, por për arbitrin kryesor nuk kishte dyshime. Nga pika e bardhë kapiteni Lena u tregua i saktë dhe me golin e shënuar “vulosi” shifrat 2-0. Me këtë rezultat Teuta kalon në raundin tjetër, ku do të përballet me ekipin që do kualifikohet nga Kamza-Iliria.

MAGANI – Pas ndeshjes, tekniku peqinas i Teutës, Gugash Magani, e pranoi se kualifikimi ishte shumë i komplikuar. “Ishte një ndeshje tepër e vështirë ndaj një kundërshtari që gjatë gjithë kohës ka menduar vetëm për mbrojtjen. U munduam ta gjenim golin me të gjitha mënyrat, por ishte e pamundur”, tha fillimisht Magani për mediat, ndërkohë që më tej u tregua i sinqertë, duke thënë se nuk e kishte pritur ta kishte kaq të vështirë. “Të them të drejtën nuk e kisha menduar kaq të vështirë. Pas atij dominimi në pjesën e parë, mendova se do të shënonim në të dytën, por goli nuk po vinte. Në këtë mënyrë presioni u rrit dhe gjithçka po bëhej më e vështirë. Gjithçka e zgjidhëm në fund, por ishte një kualifikim shumë i mundimshëm. Eliminimi? Kupa është objektivi ynë dhe do të ishte dramë nëse nuk do të ishim kualifikuar”, përfundoi Magani.

Teuta – Tërbuni    2-0

Shënues: Latif 81’, Lena 89’ (pen.)

Teuta: Moçka, Beqaj, Sykaj, Shkalla, Lika (Osemene 75’), Dediç, Lena, Çmajçanin (Peqini 75’), Çyrbja (Vila 47’), Shehaj, Latif. (Në dispozicion: Kastrati, Shehi, Oluasina, Bilali). Trajner: Gugash Magani

Tërbuni: Mehidri, Shytani, Beci, Balaj, Zagani (Janot 84’), Hasaj, Pepaj, Saliaj, Shaba, Blinishta, Hoxhaj (Lekaj 73’). (Në dispozicion: Rexhepi, Dallnesi, Prendi, Rrustemaj, Uska). Trajner: Kreshnik Krepi

Gjyqtarë: E. Durmishi, E. Shehu, Xh. Mani, A. Stolaj

“Po t’i referohem pjesës së parë, them se nuk kemi qenë fare skuadër në fushë. Ishim krejtësisht të shthurur taktikisht, pa grintë. U ndëshkuam për dy gabime tonat, por kuptohet edhe për meritë të kundërshtarit. Kishim probleme me shpejtësinë e mendimit dhe kjo më shqetëson.

“Kam pretendime për një penallti në pjesën e parë. Nëse do të jepej, do të kishte tjetër rrjedhë loja. Kështu e ka futbolli, në lojë ishin të tre rezultatet për këtë ndeshje dhe nuk kam thënë kurrë që do të fitojmë titullin. Nuk po e bëj tragjedi këtë që po them, Flamurtari nuk vodhi asgjë në këtë ndeshje.

“Euforia? Ka qenë prezente te lojtarët që ende nuk kanë eksperiencën dhe nuk dinë ta mbajnë presionin e të luftuarit për gjëra të mëdha. Gjithsesi, ky është një leksion dhe unë marrë përgjegjësitë e mia.

“Teuta u përmirësua pas ndryshimeve në pushim? Dediç nuk është në gjendjen e tij më të mirë. Kam rezervat e mia për këtë lojtar. Në pjesën e goditjeve standarde nuk ishim aty ku duhet, sepse kishim shumë të tilla, por nuk i shfrytëzuam. Mund ta kishim ndëshkuar kundërshtarin në këto raste.

“E keqja më e mirë apo e mira më e keqe, është që u ndalëm në këtë moment. Nëse do të jemi aty ku duhet në javën e pestë apo të gjashtë, do të shikojmë një Teutë tjetër. Në pjesën e parë ishim shumë të plogësht, duke e nënvlerësuar kundërshtarin. Nuk arritëm ta lexonim lojën dhe ky është e rëndësishme”.

Tani, që Gashi e tepron, e tepron, Teuta e tij ende nuk të bind për titull, por nëse ke 6 pikë pas dy sfidave dhe ke fituar në Shkodër duke dominuar e duke mos rrezikuar asnjëherë, do të thotë që pa gjë nuk je. Ndonjëherë nuk kuptohej kush ishte skuadër vendase, Teuta apo Vllaznia. Meqenëse jemi te Vllaznia. Sa herë ky ekip rrethohet nga euforia, kushedi pse e pëson.

Fitorja në Fier dhe treshja Hasani-Vucaj-Lika kishin sjellë më shumë se 7 mijë njerëz në stadium, por si i thonë fjalës, njerëzit mirë që i sjell, por duhet të dish dhe t’i mbash. Megjithatë, Vllaznia është ajo që është dhe dihet se mund të ketë dhe ditë “jo”, ndërsa Teuta, duhet t’i kërkosh ndjesë Maganit se gjatë verës të bezdiste me refrenin që është viti i duhur. Qenka e vërtetë. Ishalla nuk e lexon Gashi këtë shkrim. Pas nëntë vitesh pa fituar asnjë trofe, edhe nuk të besojnë më njerëzit. Bëj shaka, ai pikërisht për ato çka bërë gjithë këto vite e supermeriton një trofe.

“Objektivi ynë është i qartë të jemi mes skuadrave që do të kualifikohen në kompeticionet europiane. Nuk do të jetë e lehtë sepse rivalët janë përforcuar gjithashtu ndaj ne duhet ta fitojmë këtë vend në fushën e lojë, pasi rivaliteti është shumë i madh

Duke u ndalur te merkatoja, Magani konfirmon edhe një nga lojtarët e ardhur këtë verë si kapiten: “Moçka ka qenë dhe më parë pjesë e skuadrës, mbaroi kontratën dhe rinovoi përsëri. Lena ka qenë pjesë e Kukësit, e njoh mirë sepse e kam drejtuar edhe te Flamurtari. Është njohje e vjetër e imja, kam këmbëngulur për ta rikthyer në skuadër dhe shumë mirë që e kemi marrë. Për këtë arsye i kam dhënë shiritin e kapitenit. Afrikanët kanë ardhur me vonesë dhe kanë probleme, nuk janë në formën e duhur fizike, por deri në fillimin e sezonit do të përshtaten dhe jam i sigurt se do të jenë në formë optimale për fillimin e kampionatit. Kemi marrë edhe një lojtar nga Elbasani, Bilali, i cili një i ri me të ardhme mjaft premtuese.”

Mesfushori i njohur ka folur për Supersport, ku ka shpjeguar arsyen që ka zgjedhur të vazhdojë me Teutën: “Nuk e pata të vështirë të vendosja për të zgjedhur Teutën. Më ofruan një kontratë dy-vjeçare me kushte shumë të favorshme dhe me presidentin që kanë durrsakët besoj se është shumë e thjeshtë të gjesh gjuhën për të punuar sa më lehtë në sport.”

Lena vjen nga një sezon i shkëlqyer në Kukës, ku fitoi titullin, por këtë verë ka preferuar të kthehet në bregdet, aty ku siguroi kualifikimin në kupat e Europës në sezonin 2015/2016: “Herën e fundit u renditëm të katërtët, tashmë synimi ynë është për më lart, që të rivalizojmë me 3 skuadrat kryesore. Nuk është e thjeshtë pasi dhe ekipet e tjera janë përforcuar por ne kemi besim se mund të bëjmë një kampionat shumë të mirë duke mos ju trembur askujt.”

MAGANI

Trajneri Gugash Magani deklaron para nisjes për në Ohër se skuadra që ka në dispozicion është mjaft cilësore dhe premton një Teutë ambicioze, që do të luftojë për gjëra të mëdha këtë sezon: “Merkatoja ka qenë shumë e kënaqshme, kemi pasur afrime të rëndësishme që besoj se e kompletojnë grupin. Gjithashtu gjatë fazës përgatitore deri në këto momente nuk kemi pasur dëmtime dhe kjo është shumë pozitive dhe tregon dhe punën e mirë të stafit. Tani na mbetet që investimet e presidencës t’i kthejmë në rezultate në fushën e lojës duke synuar objektiva të rëndësishëm. Unë nuk premtoj titullin por them se do të bëjmë maksimumin ndeshje pas ndeshje për të mbërritur te ai.”

Magani i kënaqur me kalendarin: Tani dua përforcime!

Shorti i djeshëm për Kategorinë Superiore 2017-2018 ka lënë të kënaqur trajnerin e Teutës, Gugash Magani, i cili sheh një fillim disi më të lehtë të sezonit se një vit më parë. Duke folur për neësport.al, trajneri peqinas shpjegon: “Këtë vit m’u duk një kalendar më favorizues për Teutën në katër ndeshjet e para. Ishte më ndryshe sesa ai i vjetshmi, ku skuadrat ishin agresive në fillim të kampionatit. Unë personalisht vlerësoj maksimalisht çdo skuadër dhe për mua janë të gjitha njëlloj të rëndësishme. Ky është një perceptim i parë pasi pashë sesi kishte rënë kalendari i Teutës”.

Për Maganin, tashmë mendja është vetëm te ndërtimi i skuadrës në kohë, pasi gjithçka ka nisur thuajse nga zero në qershor. Trajneri i Teutës sqaron se ku pret përforcime: “Ende nuk e kemi mbyllur merkaton dhe nevojat që kam për ekipin. Kërkoj një mbrojtës të majtë, një sulmues të majtë, një fantazist dhe një sulmues të dytë. Kam folur me presidentin e klubit dhe kemi rënë dakord për kërkesat e mia. Të gjithë do të vijnë nga jashtë, por do të shohim edhe në merkaton brenda vendit pasi sikurse dihet nuk lejohen më shumë sesa katër të huaj”.

E veçantë është se djali i tij Artur Magani iku nga Teuta për të luajtur në Kosovë te Liria, por në Superiore është ngjitur djali tjetër, Endri: “Jam i lumtur për karrierën e tyre, ku njëri i është bashkëngjitur ekipit të Bledi Shkëmbit dhe tjetri është me ekipin e Lushnjes, duke filluar aventurën në Superiore. Si prind, shoh më të mirën për karrierën e tyre futbollistike”, shprehet Gugash Magani.

Endri Vrapi, Jetmir Sefa, Artur Magani e Kristi Kote janë tashmë pjesë e Lirisë, duke u bashkuar me Bledi Shkëmbin.

“Jam i kënaqur për marrëveshjen. Shpresoj të bëjmë më të mirën’, ka thënë Endri Vrapi, me të arritur në Prizren.

Sulmuesi i ri, Artur Magani po ashtu shpreh kënaqësinë që ndodhet në këtë mes, sikurse edhe Jetmir Sefa e Kristi Kote. Këta dy të fundit ka pesë ditë që janë të grumbulluar me Lirinë.

Tani Magani lë jo vetëm Teutën, por edhe Shqipërinë, sepse do të shkojë në Kosovë, te Liria e Prizrenit, mëson “Sport Ekspres”.

Sulmuesi i talentuar, autor i 12 golave në dy sezonet e fundit në Superiore, si pjesëtar i Teutës, ka arritur marrëveshjen me klubin nga Prizreni, ku gazeta mëson se ai pritet të firmosë të hënën.

Natyrisht, edhe Magani ka qenë një kërkesë e trajnerit të ri Bledi Shkëmbi, i cili vlerëson cilësitë e 23-vjeçarit peqinas, një sulmues i aftë të luajë në disa pozicione në fushë.

Javën e ardhshme pritet takimi final në Prizren, ku Magani do të diskutojë detajet e fundit dhe do të firmosë, duke u larguar për herë të parë nga futbolli brenda Shqipërisë.

Këtë verë klubi durrsak për ndërton nga e para skuadrën dhe në këtë moment skuadra është e pakompletuar, ndaj në një intervistë për Supersportin, trajneri Gugash Magani e pranon se dy muaj kohë i mjaftojnë për të ndërtuar një skuadër serioze: “Ne ishim nga ato klube që kërkonim që kampionati të niste në datën 20 ose 27, pavarësisht pauzës për angazhimet e Kombëtares. Megjithatë, shtyrja e kampionatit nuk mund të them se na penalizon. Të gjithë ekipet e nisin garën njësoj. Ajo që kërkoj në këto momente është që skuadra të formatohet sa më shpejt. Si unë, presidenti ashtu edhe bashkë-presidenti, jemi të gjithë në një linjë: që të ndërtojmë një skuadër dhe më tej të vendosim objektivat në startin e kampionatit. Qetësia që më japin drejtuesit, bën që tashmë çdo gjë të jetë përgjegjësia ime për të marrë riskun, si për mirë ashtu edhe për keq.”

Nën urdhërat e Maganit ishin edhe dy përforcimet e reja, Beqja e Hrkaç, por Magani e pranon se duhen ende shumë lojtarë: “Këtë javë do të punojmë me tre seanca dhe vetëm javën e ardhshme do të stërvitemi përditë. Do të vendosim themelet dhe gjatë kësaj kohe do të punojmë për formatimin e skuadrës, pasi kemi pasur shumë largime. Do të punojmë kujdesshëm që të mos bëjmë gabime. Lojtarët e rinj duhet të kenë karakter dhe përveç kualitetit duhet të jenë në shërbim të ekipit, të kenë uri e dëshirë për rezultate. Do të punojmë këto dy javë në Durrës dhe më pas faza do të vijojë në Itali. Natyrisht që kemi programuar edhe disa ndeshje stërvitore. Dy të parat do ti luajmë këtu me skuadrat që stërviten aktualisht, ndërsa më pas do të vijojmë në Itali.”

“Pjesën më të madhe të mbrojtjes e kemi formatuar dhe po punojmë për një mbrojtës të majtë. Në qendër të mesfushës ku kemi pasur edhe largime, dhe pa diskutim edhe sulmi, ku jo vetëm ne, por çdo skuadër synon më shumë. Mendoj që nëse një skuadër e ka sulmin mirë edhe performancën do ta ketë shumë të mirë.”

Teuta e sezonit të ri do të jetë thuajse e transformuar, sepse shumica e titullarëve kanë ikur tashmë zyrtarisht nga Durrësi. Eshtë folur për një Teutë shumë më të fortë, pretendente për vendet e para, fakt që pohohet edhe nga drejtuesit e klubit, edhe pse jo në rrugë zyrtare. Në fakt, nuk bëhet fjalë për një revolucion te “djemtë e detit”. Të gjithë atyre futbollistëve të larguar nga skuadra u ka përfunduar kontrata dhe ka qenë zgjedhja e tyre për ta vazhduar karrierën diku tjetër. Nga drejtuesit e Teutës nuk është larguar askush.

MAGANI – Trajneri Gugash Magani është pjesë e rëndësishme e skuadrës së sezonit të ri. Ai për momentin është duke punuar për ndërtimin e Teutës së re dhe mësohet se duhet rreth një javë kohë, që skuadra të nisë të marrë formë. Nga burime pranë gazetës mësohet se pritet “ok”-i për një investim më të madh për Teutën e re, por kuptohet që detyra do të jetë shumë e vështirë për stafin teknik, duke pasur parasysh faktin se tregu vendës i lojtarëve është relativisht i varfër. Nga Teuta kanë ikur jo pak lojtarë cilësorë, siç janë Dita, Kotobelli, kapiteni Rustem Hoxha, Artur Magani etj, ndaj dhe duhen bërë shumë blerje për kompletimin e grupit.

AMBICJET – Synimi i drejtuesve durrsakë është që Teuta të rivalizojë me “bigët” e futbollit shqiptar sezonin e ardhshëm dhe ndoshta merkatoja do të jetë e orientuar në tregun e huaj. Nga grupi i kampionatit që shkoi do të qëndrojnë disa titullarë dhe më pas do të bëhen afrimet e duhura, që mendohet të jenë vërtet cilësore. Pas një jave do të flitet më konkretisht për merkaton, pasi më parë duhet të zyrtarizohet projekti ambicioz që kanë drejtuesit e Teutës. Në Durrës duket se janë lodhur me një skuadër, që lufton për mbijetesë dhe po lëvizin për të nderuar një skuadër të denjë për të pretenduar trofe. Nuk është thashethem i merkatos së verës, por një projekt ambicioz, që drejtuesit durrsakë duan ta vënë në jetë sa më parë.

MERKATO – Trajneri Ramadan Ndreu do vazhdojë të drejtojë skuadrën e Kamzës, ndërkohë që një pjesë e mirë e lojtarëve që e mbyllën sezonin do të rinovojnë kontratat. Klubi ende nuk ka nisur bisedimet për ta bërë diçka të tillë, por kjo nuk do të vonojë, pasi edhe lojtarë duan të dinë situatën e tyre dhe të vendosin për të ardhmen. Kështu, numri i largimeve nuk do të jetë i madh, ndërkohë që do të ketë edhe afrime. Një emër që po përmendet gjatë kësaj periudhe është ai i Artur Maganit, sulmuesit 22-vjeçar që u largua para pak ditësh nga Teuta. Për sulmuesin peqinas do të ishte një rikthim në Kamzë, pasi ai ka luajtur aty për gjashtë muaj në sezonin 2013-2014, kur shënoi edhe tre gola. Veç Maganit pritet të ketë edhe afrime të tjera të rëndësishme, pasi dihet se Superiorja është mjaft e vështirë dhe duhet një kontingjent i pasur me lojtarë dhe këtë e di mjaft mirë trajneri Ramadan Ndreu, që sezonin e fundit drejtoi për disa javë edhe skuadrën e Laçit.