“Më bëhet qejfi për Aron (Muriç). Ai është një djalë punëtor dhe shumë i turpshëm. Ishte e këndshme të shikoje fansat në fund të ndeshjes, teksa e duartrokisnin dhe brohoritnin emrin tij. Ishte brilant në lojë, kreu një pritje shumë të mirë me këmbë dhe më pas, sigurisht dy penalltitë”.

“Aro është gjigant (qesh) dhe kundërshtarët vihen në presion nga kjo gjë. Ai ka reflekse të mira dhe këmbë të fushishme. Mori vendimet e duhura gjatë 11-metërshave, madje ishte afër pritjes së penalltisë së Meguajër”, tha Guardiola.

???? “In pre-season in the States he was incredible, commanding the line against Bayern Munich and Liverpool.”

Pep Guardiola praised the performances of youngsters Aro Muric and @ericgm3 after the @Carabao_Cup win over Leicester. pic.twitter.com/Pjb6iYwtDq

— Manchester City News (@ManCityMEN) December 19, 2018

Klubi i krijuar plot 119 vite më parë,  u ngjit për herë të parë në histori në elitën e futbollit anglez, pikërisht tre vite më parë. Këtë sezon po surprizon jo pak, teksa e sheh veten në vendin e gjashtë me 17 pikë. Bornmuth gjithashtu njihet si një ekip që ka investuar rregullisht në lojtarët e rinj dhe ka paguar shuma jo të vogla.

Nathan Ake është një nga shembujt. Holandezi është blerja e dytë më e shtrenjtë në historinë e klubit, ku vitin e kaluar u ble për 20 milionë sterlina nga Çelsi. Paraqitjet e mbrojtësit kanë qenë në rritje të vazhdueshme, teksa po grumbullohet rregullisht tashmë në kombëtaren e Holandës. Shumë klube të mëdha janë vënë në lëvizje për 23-vjeçarin, ku siç raportojnë mediat angleze, Mançester Siti duket se po mendon seriozisht për blerjen e Ake.

Guardiola njihet si një teknik, i cili që kur ka ardhur te Siti ka shpenzuar jashtëzakonisht shumë për repartin difensiv dhe duket se së fundmi është bindur nga aftësitë e mbrojtësit për ta pasur sa më parë në ekipin tij. Siç thuhet Mançester Siti ka bërë gati ofertën prej 40 milionë sterlinash që në merkaton e janarit Ake të mund të bëhet lojtar i tyre. Nathan Ake mund të luajë disa pozicione, teksa është aktivizuar si mbrojtës i majtë, qendërmbrojtës, por edhe si mesfushor shkatërrues.