“Iku një ikonë, frymëzim për të rinjtë”, Ali Mema përcillet në banesën e fundit

Sport Ekspres — Wed, 27 Mar 2019 11:23:43 +0000

Sot paradite, në ambientet e stadiumit “Selman Stermasi”, u organizua ceremonia e përcjelljes në banesën e fundit të ish-futbollistit të 17 Nëntorit dhe Kombëtares, Ali Memës. Emri i këtij futbollisti të madh në futbollin shqiptar u nderua jo vetëm nga familja e madhe bardheblu. Bashkëkohës të Liut, ish-futbollistë nga e gjithë Shqipëria, i dhanë lamtumirën e fundit kësaj legjende të futbollit shqiptar.

PRESIDENTI I SHQIPËRISË, ILIR META – Kreu i shtetit, i pranishëm në ceremoninë mortore, tha për mediat: “Ndarja nga jeta e Ali Memës është një mungesë e pazëvendësueshme për Tiranën dhe gjithë futbollin shqiptar. Ishte një lojtar i madh, i cili sfidoi edhe kampionë të Botës. Një model në ekip dhe në shoqëri. Kontributi i tij do mbetet vepër e përjetshme në futbollin tonë”.

KOSTANDIN SHKURTI, ZËVENDËSMINISTËR I MAS – “Me dhimbje, por me respekt të madh, e përcjellim sot Ali Memën e madh. Një ikonë e vërtetë në fushë e jashtë saj. Liu ishte lideri i 17 Nëntorit të madh, i cili nuk u dorëzua kurrë. Edhe sot ai nuk është dorëzuar”, tha Shkurti.

LUTFI NURI, ZËVENDËSPRESIDENT I FSHF-SË – “Ky njeri nuk i vjen më futbollit shqiptar. Për atë madhështi që ai tregoi në futboll e jashtë tij, pak do të ishte një bust në stadium. Të gjithë brezat në futbollin tonë do ta kenë frymëzim këtë futbollist të gjithanshëm dhe me karakter”, deklaroi Nuri, një dashamirës i Tiranës dhe donator në të shkuarën në klubin me më shumë trofe në vend.

AGRON KAJA

“Jam gati gjithmonë për Tiranën”, mesazh për Refik Halilin

Sport Ekspres — Sun, 13 Jan 2019 12:06:25 +0000

“Së shpejti do njiheni me donatorin e ri”, kjo fjali sigurisht që ka bërë që në kampin bardheblu të mendojnë për ata biznesmenë që mund të bashkëpunojnë me Refik Halilin. Kur përmendet Tirana është e vështirë ta ndash këtë emër nga ai Lutfi Nurit.

Luti, siç edhe e thërrasin miqtë, është gati në çdo momentin për Tiranën dhe këtë e ka shprehur edhe në një prononcim të dhënë së fundmi për Report Tv. “Unë e dua me gjithë shpirt Tiranën sepse aty jam rritur. Kjo nuk është në dorën time, por nëse më ofrojnë mundësinë jam i gatshëm që nesër të kontribuoj. Këto janë punë që mbi të gjitha bëhen me dokumente dhe jo me fjalë”, shprehet Nuri.

Më tej ai shton: “Unë nuk kursehem për Tiranën, pasi është pjesë e familjes në situata të mira apo të këqija. Kam qenë aty kur klubi fitonte tituj, tani dua të jem në këtë situatë të vështirë, sepse kur je mirë të gjithë të duan”.

“Unë s’kam kërkuar dhe s’do të kërkoj asnjëherë asgjë që kam dhënë për Tiranën, as nuk do t;i numëroj kurrë ato para. Nëse Halili del nga kjo situata, unë do vijoj të jem një tifoz i Tiranës ashtu siç kam qenë gjithmonë”, përfundoi zëvendëspresidenti i Federatës Shqiptare të Futbollit, i cili në të shkuarën.