Shijakasit kanë arritur të triumfojnë me rezultatin 2-1. Golat për vendasit janë shënuar në fundin e pjesës së parë nga Xhixhiua dhe Fatjon Sefa. Kaq ka mjaftuar për të siguruar fitoren. Në pjesën e dytë Teqja ka ngushtuar diferencën për Lushnjen, por pa patur energjinë e duhur për të barazuar dopietën e kundërshtarit.

Miqësore

Erzeni-Lushnja 2-1

Xhixhiua ’41, Sefa ‘45+2\ Teqja ‘75

Këtë lëvizje të fundit e konfirmon për SportEkspres.com edhe trajneri Ilir Gjyla. “Haremi është një portier me eksperiencë dhe ne mendojmë se do japë kontribut në realizimin e synimeve të Lushnjes për sezonin e ri. Ka nënshkruar për Lushnjën”, deklaroi tekniku Gjyla.

Që nga viti 2011, 26-vjeçari Haremi ka qenë pjesë e Lushnjes për gjashtë sezone resht, ndërkohë që në dy sezonet e fundit ishte pjesë e Egnatias. Në sezonin e kaluar luajti 26 ndeshje si titullar dhe ky është një rikthim i tij te skuadra ku edhe e nisi karrierën. 

AGRON KAJA

Për SportEkspres.com, zëvendëstrajneri i Lushnjes, Dritan Çuko, deklaroi se ishte një ndeshje testuese për të dyja skuadrat, ndërkohë që për skuadrën e tij në fushë ishin edhe prurjet e reja. “Ne i testuam të tre afrimet e reja në këtë merkato dhe deri tani vlerësimet janë normale. Por, prisnim edhe sulmuesin Jaupaj, ndërsa Brahimaj tregoi vlera. Gjithsesi, u luajt një ndeshje e barabartë, me objekt vëzhgimin e gjendjes së lojtarëve”.

Ndërsa për fillimin e përgatitjeve dhe vazhdimin e merkatos, Çuko e fokuson te siguria financiare që bashkia i ka garantuar. “Lushnja ka disa sezone që lojtarët i ka të mirëpaguar dhe siguria financiare nga bashkia ka qenë shumë korrekte. Ndaj edhe ardhjet e reja tregojnë se ky është një tregues pozitiv për skuadrën tonë, e cila javën e ardhshme ka menduar që të nisë përgatitjet e sezonit të ri, dhe do vazhdojmë me merkato, ku 2-3 futbollistë janë në planet tona”.

AGRON KAJA

Këtë lajm e ka konfirmuar vetë klubi lushnjar në faqen zyrtare në Facebook.“Pas Xhafës, ikën dhe Bufazi. Dy qendërmbrojtësit që do lënë një boshllëk të madh në mbrojtje, por për ekipin e sezonit të ri vendos Ilir Gjyla! I urojmë Xhafës dhe Bufazit suksese kudo që do luajnë”, kështu shkruhet në postimin e KF Lushnja, nëpërmjet të cilit thuhet qartë se për këtë largim ka vendosur trajneri Ilir Gjyla.

Së bashku me Erjon Xhafën, Franci Bufazi ishte njeri nga qendërmbrojtësit e Lushnjës në sezonin e kaluar, ndërkohë që kishte katër sezone resht që luante si titullar. Katër sezone më parë Bufasi la Pogradecin, me të cilin luajti në tre sezone, dhe u kthye te Lushnja nga tani është larguar.

AGRON KAJA

“Të dashur miq dhe dashamirës të ekipit tonë të zemrës, Lushnja. Ju bëj me dije se prej të premtes nuk jam më pjesë e ekipit, edhe pse kundra dëshirës time! Nga trajneri më është komunikuar që nuk bëj pjesë në planet e tij! I zhgënjyer dhe i mërzitur nuk më ngel gjë tjetër veç të respektoj vendimin e tij,  ashtu siç kam bërë gjithmonë.

Mirënjohje dhe respekt për të gjithë ata që e duan me shpirt këtë fanellë, në veçanti tifozët dhe tifo grupin DELEGATET, për mbështetjen e tyre të pa diskutueshme çdo vend të Shqipërisë. I uroj gjithë të mirat ekipit dhe tifozëve. GJITHMONË E PERGJITHMONË FORCA LUSHNJA!“.

Afrimin e Ruços e konfirmon vetë klubi i futbollit lushnjar në faqen e tij në Facebook, madje duke e quajtur rikthimin e tij si një pikë të fortë për mbrojtjen e Lushnjës në sezonin e ri futbollistik. Kështu, pas akordit me mbrojtësin Klajdi Broshkës dy ditë më parë, verdhejeshilët përforcohen serish.

Lushnjari i krahut të majtë e kishte sezonin e parë tek Egnatia dhe rikthehet përsëri te skuadra mëmë. Në karrierën e tij, Ruço ka luajtur edhe me skuadra të tjera në futbollin shqiptar, si me Kamzën, Albpetrolin dhe Naftëtarin.

AGRON KAJA

“Rikonfirmimi zyrtar më është bërë pasditen e së martës dhe për këtë besim e falenderoj presidentin Fatos Tushe. Natyrisht që është një përgjegjësi e madhe kjo, sepse synimi këtë sezon nuk është i lehtë, por ngjitja në Superiore. Shumë shpejt do nisim me organizimin e skuadrës, bazuar në titullarët e sezonit të kaluar, por edhe tek akademia e të rinjve”, theksoi Ilir Gjyla për SportEkspres.com.

Për merkaton ai deklaron se parimisht është rënë dakord me qëndërmbrojtësin Klajdi Broshka, i cili në sezonin e kaluar ishte pjesë e Egnatias së Rrogozhinës. “Broshka është një qendërmbrojtës shumë i mirë dhe Lushnjes i bën punë. Natyrisht që nuk do jetë i vetmi, pasi jemi në kontakt me 2-3 futbollistë të tjerë. Lushnja ka edhe shumë lojtarë të shpërndarë në skuadra të tjera, të cilëve u kemi bërë oferta”.

AGRON KAJA

SITUATA – “Lojtarët të gjithë janë me pushime, por ne si staf teknik dhe drejtuesit e klubit i kemi mbajtur kontaktet me të gjithë. Nga sezoni i kaluar ne nuk kemi asnjë lëvizje zyrtare, por gjatë kësaj periudhe deri në fillimin e përgatitjeve do kemi më shumë afrime. Përgatitjet do t’i nisim në ditët e para të korrikut këtu në Lushnjë dhe gjatë muajit gusht dy javë do zhvendosemi në bregdet”.

ZGJEDHJET – “Për ne si skuadër nuk ka asnjë ndikim kjo situata e zgjedhjeve të 30 qershorit. Vërtet ne jemi në administrim nga Bashkia, por garancinë financiare e kemi. Madje do t’u thoja se këto ditë u miratua një fond për fazën përgatitore për 10 ditë dhe ne si staf do kërkojmë që të bëhet për dy javë. Edhe për merkaton kjo situatë nuk ka asnjë ndikim. Në javën e parë të korrikut ne do nisim përgatitjet”.

MERAKTO – “Po ju them një sekret të merkatos sonë në këto ditë. Na janë afruar shumë lojtarë dhe kur them shumë, janë mbi 30 vetë. Kanë mësuar se Lushnja është korrekte me pagesat e premiot, ku pagat shkojnë 600 deri në 800 mijë lekë në muaj. Duke shtuar edhe premiot për fitore brenda e jashtë fushe, kërkesat janë të shumta. Ne do bëjmë përzgjedhjen tonë”.

INFRASTRUKTURA – “Natyrisht që ka nevojë për përmirësim të infrastrukturës sonë, si në stadium, ashtu edhe në fushat stërvitore. Duke e parë në kompleks ritmikën e futbollit në qytetin e Lushnjes, kjo është ngarkesë financiare për pushtetin lokal, edhe pse me mundësitë e tyre vit pas viti kanë bërë restaurime në stadium. Duhen shumë fonde, FSHF-ja duhet të na ndihmojë”.

Gjithsesi, rezultatet nuk i janë përgjigjur këtij kujdesi. Edhe pse zgjedhjet e 30 qershorit janë në prag, për SportEkspres.com, trajneri Ilir Gjyla deklaron se shumë futbollistë po kërkojnë që të afrohen te kjo skuadër, duke patur garanci të larta financiare.

SITUATA – “Lushnja ka vite në varësi të plotë administrative të Bashkisë së Lushnjës dhe kjo është edhe një prej arsyeve që skuadra po arrin jo vetëm të mbijetojë në të Parën, por edhe ka hyrë në zonën Play-off. Mungesa e një sponsori është një prej faktorëve që na penalizon për më shumë, gjithsesi, ne kemi marrë maksimumin në sezonin e kaluar dhe situata është normale në këtë periudhë pushimesh”.

VAZHDIMËSIA – “Duke qenë se financat tona janë të qëndrueshme dhe shumë të mira, në këtë periudhë pushimesh na kanë ardhur disa oferta nga lojtarë cilësorë të Kategorisë së Parë. Duke parë seriozitetin që ka bashkia jonë në pagesat e larta, këta futbollistë na kanë garantuar që pas 30 qershorit të jenë pjesë e skuadrës sonë. Ne do ulemi këto ditë dhe do flasim me drejtuesit tanë, për të ndërtuar një skuadër më të mirë në sezonin e ri”.

PANKINA – “Unë kam një kontratë pune me drejtuesit e skuadrës, por edhe me tifozerinë lushnjare, dhe do vazhdoj të jem në drejtimin e Lushnjes. Mua më nxisin profesionalisht projektet ambicioze që ka Bashkia për futbollin lushnjar në tërësi, dhe në veçanti për këtë skuadër që unë do vazhdoj ta drejtoj. Sezonin tjetër do kemi një Lushnje që nuk do të kënaqet duke qenë në zonën Play-off, por me synim ngjitjen në Superiore”.

INFRASTRUKTURA – “Unë nuk bëj pjesë te ata trajnerë që qahen, se për të marrë rezultate më të larta i ka penguar infrastruktura. Çdo trajner e ndërton punën në skuadër në atë infrastrukturë që ka, dhe a ka nevojë për përmirësime? Natyrisht që po, por mendoj se duhet të jemi më të formuar profesionalisht që kapacitetet në skuadër të dimë ti vemi në shërbim të rezultateve pozitive”.

AGRON KAJA

Mbrojtësi Erjon Xhafa shprehet se te Lushnja lojtarët e përvojës janë të domosdoshëm: “Nuk mendoj se te Lushnja ka lojtarë me moshë shumë të madhe për t’i larguar nga skuadra. Jemi tre apo katër lojtarë mbi 30 vjeç, por ne kemi qenë baza e kësaj skuadre. Gjithsesi, për mua ka ende kohë dhe nuk shoh arsye të tërhiqem, sepse ndjehem shumë mirë fizikisht”.

Ndeshje radhës për Lushnjën është në transfertë me Egnatian dhe Xhafa për SportEkspres.com deklaron: “Në Rrogozhinë ne shkojmë pa asnjë kompleks prej klasifikimit, por me motivin e vetëm që të marrim tri pikët. Me Egnatian jemi rivalë dhe mendojmë që nga kjo sfidë t’i afrohemi më shumë mesit të renditjes në grupin tonë. Gjithçka do të jetë e mundur me rezultatin në favorin tonë”.

AGRON KAJA

Vetë Sefa nuk mund të luajë për shkak kartonësh, por tenton të karikojë pjesën tjetër të futbollistëve. Për SportEkspres.com ai deklaron: “Edhe pse do të mungoj në Ballsh për shkak se jam i skualifikuar nga kartonët, skuadrën e motivoj si kapiten që të bëjë lojën e saj më të mirë. Tradicionalisht mes Lushnjes e Bylisit ka patur rivalitet, si në kampionat, ashtu edhe në ndeshjet miqësore. Edhe kjo sfidë e tillë do të jetë”.

Kapiteni i lushnjarëve thekson se pozicionet në renditje nuk do të ndikojnë në këtë përballje. “Do jemi dinjitozë deri në fundin e kampionatit. Në ndeshjen e kësaj jave në Ballsh nuk do na pengojë pozicioni që kemi në renditje për të synuar maksimumin. Ne do guxojmë”, u shpreh Sefa.

AGRON KAJA

KËRKESAT DHE QËNDRIMI I KLUBIT – “Delegatët” kanë kërkuar Bashkia që për sezonin 2019-2020 të krijohet një skuadër që të ngjitet në Kategorinë Superiore, të rikonstruktohen të gjitha anekset pranë stadiumit, që t’u shërbejnë edhe moshave, si dhe të ketë pjesëmarrje në Sh.a edhe të bizneseve.

Për SportEkspres.com, sekretari i FK Lushnja, Edison Koçi, deklaron se tifozët janë të lirë për kërkesat e tyre dhe ai beson se ato do të kenë prioritet nga Bashkia. “Tifozët kanë të drejtën e tyre për kërkesat që kanë paraqitur. Ata janë të lirë të mendojnë e kërkojnë çdo gjë që e mendojnë në të mirën e skuadrës. Por ato varen nga Bashkia, si administratore, jo nga klubi. Gjithsesi, besoj se ato do të vlerësohen e shikohen me prioritet për sezonin tjetër”, shprehet Koçi.

AGRON KAJA

“I kam bërë një projekt Bashkisë për sezonin tjetër dhe këtë hapësirë e kam shfrytëzuar më shumë për elementë të rinj lushnjarë”, tregon tekniku, i cili më pas flet edhe për ndeshjen e radhës me Orikun. Edhe në atë takim do të aktivizohen disa të rinj.

“Ne nuk po i nënvlerësojmë ndeshjet e fazës së tretë, edhe pse kemi aktivizuar elementë të rinj. Në Orikum do shkojmë për të bërë lojën tonë më të mirë, pse jo edhe të marrim tri pikët. Në tre ndeshjet e kësaj faze kemi pasur stabilitet në lojë dhe kjo do na ndihmojë për ndeshjen e radhës”, përfundoi Gjyla deklaratën e tij.

AGRON KAJA

Këtë e deklaron për SportEkspres.com edhe zëvendëstrajneri Dritan Çuko, i cili thekson se  te skuadra e tyre po mendohet edhe për të ardhmen. “Ne jemi skuadër që kemi dalë nga objektivat dhe në ndeshjet e fazës së tretë nuk kemi motivimin e duhur. Zgjatja e kampionatit për ne është e tepërt, por gjithsesi jemi duke punuar edhe me të rinjtë.

Kjo pasi në përbërje kemi disa futbollistë me moshë të madhe që nuk japin shumë garanci për të ardhmen.  Në këtë fazë krijohet mundësia e aktivizimit të atyre futbollistëve që jo vetëm kanë pak eksperiencë, por janë edhe në moshë të re”, përfundon Çuko.

AGRON KAJA

Në grupin B Bylisi e Besa do duelojnë në distancë. Lushnja, që dy javë më parë mposhti kavajasit, këtë herë do tentojë të ndalojë ballshiotët. Ndërkohë verdhezinjtë luajnë në transfertë. Besa ka disa mungesa, por edhe tek Egnatia do të shohim sot një “revolucion” në formacion. Problemet financiare mbeten prezente dhe lojtarët kanë bojkotuar sërish stërvitjen. Mbetet të shihet se kush do ta ketë shëtitje sot. Në pesëshen e dytë Elbasani pret Pogradecin dhe do synojë tre pikët, për të tentuar lënien e vendit të parafundit në vazhdimësi.

KATEGORIA E PARË – Java 19

GRUPI A / PLAY-OFF
Datë 3 mars 2019
Besëlidhja-Erzeni        15:00

GRUPI B / PLAY-OFF
Datë 3 mars 2019
Lushnja-Bylis              15:00
Egnatia-Besa               15:00

GRUPI B / PLAY-OUT
Datë 3 mars 2019
Elbasani-Pogradeci     15:00

Për SportEkspres.com, portieri Mikel Spaho deklaron se kjo ishte Lushnja më e mirë, nisur nga përbërja dhe mundësitë që krijonte. “Ne e quajmë normale dhe sukses këtë renditje të dy fazave të para. Kemi patur edhe oshilacione, që vinin nga organika e cunguar e skuadrës .

Objektivat tona për këto dy faza u arritën dhe është mëse normale të them se ky është një sukses që ka ndihmën serioze të Bashkisë së Lushjes”, deklaroi gardiani i Lushnjes, Mikel Spaho. Më pas ai thekson se gara ende vazhdon.

“Në fazën e tretë Lushnja do të vazhdojë të jetë dinjitoze në garë. Përgjysmimi i pikëve të jep mundësi, sepse ofron alternativa edhe për ta synuar kreun e Grupit B. Gjithsesi, ne kemi më parë ndeshjen e javës së 18-të në Pogradec. Shkojmë me objektivin për të fituar. Çdo rezultat është i mundur, pasi Pogradeci është një skuadër që në fushën e vet të lejon të zhvillosh lojën më të mirë”.

AGRON KAJA

Lagunarët shënuan nga një gol për pjesë. Alushi gjeti golin e avantazhit në minutën e 12-të, ndërsa Fatjon Sefa vulosi fitoren e ekipit vendas 11-të minuta përpara fundit të ndeshjes. Kjo fitore e ngjit Lushnjen në vendin e katërt me 27 pikë, ndërsa Besa e Maganit mbetet në vendin e dytë me 32 pikë (7 larg Bylisit kryesues.)

Ndeshja tjetër mes Bylisit dhe Tomorit nuk u zhvillua, pasi ekipi beratas nuk u paraqit, ashtu siç e kishte paralajmëruar më parë një gjë të tillë. Ekipi ballshiot do të fitojë ndeshjen në tavolinë me shumë mundësi, çka do e ngjiste në kuotën e 40 pikëve.

Lushnja-Besa 2-0
(Alushi 12’, Sefa 79’)

Është vetë trajneri Ilir Gjyla, i cili për SportEkspres.com deklaron se vështirësitë në çdo ndeshje janë prezente, ndërsa formula e fazës së tretë me përgjysmimin e pikëve ua shton edhe më shumë ngarkesën skuadrave.

“Të dielën do luajmë me Besën, skuadër që pretendon kreun e Grupit B. Ne e kemi vlerësuar si një ndeshje të fortë, por jo të vështirë për t’u fituar nga ana jonë. Vetëm fitorja na mban në grupin e pesë skuadrave të para në renditje, ndaj nga ana jonë ka vlerësim maksimal. Do të kemi përballë një skuadër të fortë, që kërkon kreun e Grupit B”, deklaroi trajneri i Lushnjes, Ilir Gjyla.

Ndërkohë, për teknikun e skuadrës lushnjare ka edhe një fakt tjetër që e bën më të domosdoshme fitoren e tyre. “Formula e fazës së tretë me përgjysmimin e pikëve e bën edhe më të domosdoshme fitoren tonë. Kjo është ndeshja e parafundit e fazës së dytë, ndërsa ne e mbyllim në Pogradec. Nga kjo sfidë me Besën mendojmë të sigurojmë renditjen në pesë skuadrat e para të Grupit B”, përfundoi tekniku i verdhejeshilëve.

AGRON KAJA

Duhet të djersinë më shumë se të tjerat Kukësi e sidomos Laçi nëse duan që të avancojnë më tej. Edhe pse të dyja skuadrat veriore janë konsideruar si eksperte në këtë kompeticion, kanë hasur vështirësi, respektivisht ndaj Apolonisë dhe Bylisit. Kuksianët u mundën në Fier 2-1. Edhe me një fitore minimale do të kalonin në turin tjetër, ndërsa Laçi duhet të bëjë një përmbysje të madhe, pasi duhet të fitojë me tre gola diferencë ndaj ballshiotëve, të cilët në shtëpinë e tyre fituan 2-0.

Partizani duket se e ka likuiduar Kastriotin që në takimin e parë, ashtu si dhe Luftëtari Egnatian. Edhe Teuta duhet të administrojë suksesin e ndeshjes së parë. Skënderbeu po ashtu nuk pritet që ta ketë të vështirë ndaj Besëlidhjes, ashtu si dhe Tirana që ka fituar pastër në kryeqytet me Flamurtarin që ka pa fund probleme.  Interesante duket ndeshja mes Vllaznisë dhe Kamzës, ku mbetet rezultati i hapur.

Kupa e Shqipërisë – Turi i dytë (ndeshjet e kthimit)

E mërkurë, më 6 shkurt
Ora 13:30 | Partizani-Kastrioti (4-2)
Ora 13:30 | Kamza-Vllaznia (1-2)
Ora 13:30 | Luftëtari-Egnatia (3-0)
Ora 13:30 | Skënderbeu-Besëlidhja (2-1)

E mërkurë, më 6 shkurt
Ora 13:30 | Kukësi-Apolonia (1-2)
Ora 13:30 | Teuta-Lushnja (3-1)
Ora 13:30 | Flamurtari-Tirana (0-2)

Ora 13:30 | Laçi-Bylisi (0-2)

Lushnja fitoi bindshëm me rezultatin 3-1, duke bërë një lojë shumë të mirë dhe duke marrë një rezultat të kënaqshëm. Golat për lushnjarët u shënuan nga sulmuesi Fatjon Sefa, që realizoi dy herë, si dhe nga mesfushori Okeljan Baze, që po ashtu gjeti rrugën e rrjetës në këtë takim.

Lushnja deri më tani ka bërë një sezon jo shumë të mirë në Kategorinë e Parë dhe është plot 9 pikë nga Bylis kryesues. Gjithsesi, në kampin lushnjar mbeten optimistë për shanset e tyre për tu ngjitur në Superiore dhe ndeshja e sotme tregoi se kjo skuadër ka potencial.

Miqësore, 17 janar 2019, Ulqin

KK Mornar – Lushnja  1-3
Shënues: Sefa x2, Baze

Për SportEkspres.com trajneri Ilir Gjyla konfirmoi këtë “shtegtim” duke treguar edhe arsyen, ndërkohë që deklaroi se deri më sot në skuadrën që ai drejton nuk ka as largime, por edhe afrime të reja lojtarësh. “Nuk mundeshim të stërviteshim në terrenin aktual dhe falë ndihmës së Bashkisë së Lushnjes, nisemi sot ora 13:00 për në Ulqin, ku me një program dyjavor do të përqendrohemi në disa tregues stërvitorë, kryesisht në mbajtjen e formës më të mirë të lojtarëve për gjysmën e dytë të sezonit”.

Edhe pse nuk ka ndonjë konfirmim për largime apo afrime të reja në skuadër, Gjyla ka besim se grupi që mbylli gjysmën e parë të kampionatit do t’ia dalë për të arritur synimet e sezonit. Lushnja është e para skuadër e Kategorisë së Parë që do kryejë minifazën përgatitore dimërore jashtë Shqipërisë. Në 14 javët e luajtura, Lushnja ka grumbulluar 21 pikë dhe renditet në vendin e 5-të, 9 pikë larg Bylisit të vendit të parë në Grupin B.

AGRON KAJA

Ditë më parë, Bushiç e ka paditur klubin vlonjat në FIFA për pagesa të pashlyera, duke kërcënuar me largim të tij nga skuadra, madje sot nuk ka qenë me skuadrën në Lushnje. Gjithsesi, pjesa e parë e kësaj miqësoreje u mbyll me rezultatin 1-0 për lushnjarët pas golit të Griseld Dervishit, ndërsa në të dytën ishin vlonjatet që barazuan me anë të Andi Ribaj. Një rezultat ky që e ngushëllon trajnerin Ilir Daja të Flamurtarit në këtë situatë, ndërsa për Lushnjen barazimi mbetet nje test i mirë në këtë periudhë.

Lushnja tregon se është një kockë e fortë, ndaj një Flamurtari që duket se është i shpërqendruar me problemet jashtë fushe. Pa Bushiç e Alvesh, fuqia sulmuese duket se nuk është e njëjtë. Gjithsesi, kur bëhet fjalë për miqësore, rezultati kalon në plan të dytë, pasi kryesore është që trajneri të marrë përgjijget e duhura nga lojtarët.

AGRON KAJA

INTERVISTOI: AGRON KAJA

Në analizën tuaj për gjysmën e parë të këtij sezoni, i ka realizuar Lushnja pritshmëritë?
-Me këtë situatë në renditje jemi të kënaqur, edhe pse kishim mundësi për më shumë. Gjithsesi, me këtë kontigjent që kemi aktualisht, kjo renditje tregoi se skuadra ka bërë më të mirën e saj në 14 javë, duke përjashtuar ndeshje të veçanta në të cilat edhe kemi lënë pikë.

Pse skuadra e Lushnjës tregoi ulje e ngritje në këto 14 javë?
-Kemi bërë ndeshje shumë të mira dhe kemi fituar me skuadra që janë pretendente për kreun e grupit. Por kemi gabuar që nuk kemi shënuar me skuadra më inferiore, njëherësh edhe që kemi pësuar gola që nuk duhet të kishte ndodhur.

Sa e konsoliduar ka qenë skuadra lushnjare në këtë ecuri të saj në gjysmën e parë të këtij sezoni?
-Problemi i konsolidimit na ka munguar, sepse në gjysmën e parë të këtij sezoni, në dispozicion kemi patur vetëm 11 futbollistë. Të tjerët janë të rinj që nuk janë përshtatur mirë me skuadrën. Nga kjo ngarkesë, në javët e fundit lojtarët treguan shenja lodhjeje.

Jeni mbështetur më shumë tek i gjithë grupi, apo Bejte në portë dhe Sefa në sulm kanë qenë baza e skuadrës?
-Patjetër që të dy këta futbollistë kanë qenë shtylla e skuadrës, por duhet kuptuar se konsolidimi nuk bëhet si me buton. Dhe Lushnja do kohën e vet për të arritur në 100% të saj. Gjithsesi, vlerat dhe kontributi i Bejtes e Sefës kanë qenë pozitive për pjesën tjetër të ekipit.

Skuadra e Lushnjës financohet nga Bashkia, si kanë qenë marrëdhëniet administrative dhe financiare të saj me skuadrën?
-Deri më sot, gjithçka që është shkruar në kontratat e futbollistëve është realizuar. Me sa kam informacion, nga ana e Bashkisë janë likuiduar edhe disa paga të prapambetura të sezonit të kaluar, ndërkohë që premiot për këtë sezon janë në likuidim e sipër.

Kjo periudhë pushimi pa aktivitet zyrtar, si do të shfrytëzohet nga skuadra juaj?
-Është një periudhë e shkurtër që nuk të jep shumë hapësirë, por ne kemi marrë miratimin nga Bashkia për një fazë përgatitore dyjavore, në mesin  e së cilës do të shikojmë edhe për përforcime të reja, si edhe për ndeshje miqësore.

Do të ndryshojë synimi i Lushnjës për kreun e Grupit B, apo do të kënaqeni me renditje në pesë skuadrat e para?
-Synimi ynë final do të varet shumë pas përgatitjeve dhe merkatos që do të bëjmë në këtë periudhë dimërore. Nëse afrimet do të na rezultojnë cilësore, nuk është sekret ta them se do të jemi pretendentë për kreun e grupit.

Pika i vlejti më shumë ekipit fierak, ndërsa lagunarët humbën shansin për të shkurtuar diferencën me kreun. Ky barazim e mban Lushnjen në vendin e pestë me 21 pikë, nëntë më pak se kryesuesit e Bylisit, ndërsa Apolonia ngjitet në vendin e shtatë me 17 pikë.

Gara në grupin B të Kategorisë së Parë është e fortë, ndërsa Bylis kryeson me 30 pikë. Pas ekipit ballshiot renditet Besa e Kavajës me 26 pikë dhe Egnatia 25 pikë. Këto janë tre ekipet që do të garojnë deri në fund për një vend në Superiore, ndërsa pas tyre vijnë Pogradeci dhe Lushnja me nga 22 dhe 21 pikë.

Lushnja-Apolonia 0-0 

Për këtë dukuri, trajneri i lushnjarëve Ilir Gjyla, deklaron për Sportekspres.com se, “sekreti” i kësaj situata qëndron te forca e skuadrës. “Nuk ka ndryshuar asgjë nga skuadra e 8 ndeshjeve të para, por mendoj se në tre ndeshjet e fundit është konsoliduar mirë. Sepse te Lushnja në fillimin e sezonit erdhën disa futbollistë jashtë forme”, kështu theksoi trajneri Gjyla për Sportekspres.com.

Duke qenë se 9 pikët e marra në tri ndeshje e kanë ngjitur Lushnjen në renditje, tekniku tregon se gabimet e javëve të para janë minimizuar. “Kur them konsolidim, kam parasysh minimizimin e gabimeve në 8 javët e para, por këtu mendoj se edhe fati ka qenë me ne”.

Për ndeshjen e radhës me Egnatian, Gjyla kërkon të ulë euforinë e skuadrës së tij. “Egnatia është një skuadër simpatike, ka në përbërjen e saj disa futbollistë lushnjarë, shumë cilësorë. Do jetë si një “derbi” lushnjarësh, ku Lushnja do të fitojë”.

Por kujt i intereson dhe çfarë mund t’u kërkosh futbollistëve, që gjysmën e pagës që marrin e lënë rrugëve. Për t’u ushqyer si profesionistë as që bëhet fjalë. Hartën e klubeve në të Parën me probleme financiare e zgjeron Iliria e Fushë-Krujës. Së fundmi edhe te skuadra e drejtuar nga Fatmir Sala ka pasur probleme.

Te Lushnja, edhe nëse nuk do të ketë probleme financiare, ekziston një problem tjetër që ka të bëjë me kushtet ku ekipi stërvitet. Tani që po hyjmë në dimër, ditë më të vështira do të ketë për ekipin e drejtuar nga Ilir Gjyla.

Aneksi pranë stadiumet është amortizuar prej vitesh dhe ekipi stërvitet aty mes baltës. Shpesh është punuar edhe në stadium, çka e dëmton tapetin. Ende asnjë zgjidhje nga Bashkia e Lushnjës, që në fakt tregohet shpesh bujare me fondet që akordon dhe që shkojnë në 300-400 milionë lekë.

Në grupin A, Veleçiku ka mundur Burrelin me rezultatin 1-0. Ishte goli i Plishtit në pjesën e dytë që bëri diferencën në këtë sfidë. Në këtë mënyrë është skuadra nga Kopliku shkon në vendin e 5 me 12 pikë, ndërsa Burreli mbete në vendin e parafundit me vetëm 6 pikë.

Në grupin tjetër Besa ka marrë një fitore jo pak të vuajtur ndaj Lushnjes, pasi ka pritur deri në minutën e 87-të për të gjetur golin e avantazhit. Tedi Cara ka realizuar golin me vlerën e tre pikëve, duke i rikthyer kavajasit në vendin e parë në grupin B me 17 pikë. Në krahun tjetër del duarbosh Lushnja, e cila e sheh veten në kuotën e 8 pikëve, duke u pozicionuar në vendin e tetë.

Ndeshja e sotme, e luajtur në Cërrik, u zhbllokua në minutën e 35-të, kur Duka shënoi golin e parë të takimit. Elbasani arriti ta ruajë avantazhin në 45 minutat e para të takimit dhe u bë maksimumi edhe më pas për të fituar, por pa sukses.

Alushi i Lushnjës ishte ai që shënoi në mesin e pjesës së dytë dhe shmangu humbjen për skuadrën e tij. Pas shtatë javësh kampionat, Lushnja renditet në vendin e tetë me po kaq pikë. Verdhejeshilët, të bazuar tek elementët vendas, nuk pa arrijnë të jenë në lartësinë e duhur për të pretenduar rikthimin në Superiore.

Kategoria e Parë – Java 7

E hënë, më 29 tetor 2018, ora 14:00
Stadiumi “Nexhip Trungu”, Cërrik

Elbasani-Lushnja 1-1
Shënues: Duka 35’ / Alushi 71’

Nuk ia ka hedhur lehtë Lushnja, pas incidenteve në ndeshjen Lushnja-Bylis, pasi stadiumi “Roza Haxhiu” do t’i ketë dyert e mbyllura për 4 ndeshjet e ardhshme, por po ashtu është gjobitur me 100.000 mijë lekë. Po ashtu janë pezulluar dhe Rediol Ademi i Lushnjes me 5 ndeshje, ndërsa Valentino Murataj dhe Elis Doksani  të Bylisit me nga dy ndeshje. Po ashtu edhe Arbër Sino i ballshiotëve është dënuar me 8 ndeshje pezullim

1. KF “Vllaznia, në bazë të Nenit 13 të KDS, paralajmërohet se në rast të përsëritjes së hyrjes së personave të pa autorizuar në fushën e lojës do të jenë subjekt i dënimeve që parashikon Kodi i Disiplinës Sportive.
2. KF “Lushnja”, për sjellje të gabuar të spektatorëve,në bazë të Nenit 66/1 dhe 66/3/b të KDS, dënohet me gjobë në masën 100.000 (njëqindmijë) lek dhe me 4 (katër) ndeshje pa spektatorë në stadiumin përkatës. Në aplikim të Nenit 136/1.a të KDS, gjoba paguhet në masën 50%.
3. Zyrtari i KF “Bylis”,Arbër Sino, për sjellje të gabuar ndaj zyrtarëve të ndeshjes,në bazë të Nenit 49/2/a të KDS, dënohet 8 (tetë) ndeshje pezullim nga aktiviteti. Në bazë të Nenit 20, zyrtarit i ndalohet hyrja dhe qëndrimi në dhomat e zhveshjes, territorit përreth fushës së lojës si dhe stolit të rezervave.
4. Lojtari i KF “Lushnja”, Rediol Ademi, për sjellje të gabuar ndaj kundërshtarit, në bazë të Nenit 48/1/e të KDS, dënohet me 5(pesë) ndeshje pezullim nga aktiviteti.
5. Lojtari i KF “Bylis”, Valentino Murataj, për provokim të publikut,në baze te nenit 53/1 të KDS, dënohet me 2 (dy) ndeshje pezullim.
6. Lojtari i KF “Bylis”, Elis Doksani ,për provokim të publikut,në bazë të nenit 53/1 të KDS, me 2 (dy) ndeshje pezullim nga aktiviteti.
7. KF “Kevitan”, për mos marrje masash organizative dhe dështim në përmbushjen e përgjegjësive në ndeshjen e kundër KF “Gramshi”, në bazë të Nenit 64/1 dhe Nenit 65/2 të KDS, humbet ndeshjen në tavolin me rezultatin 3 me 0.
8. KF “Naftëtari”, për dështimin në përmbushjen e detyrimeve për organizimin e ndeshjes,në bazë të Nenit 65/1 të KDS, dënohet me gjobë në masën 100.000 (njëqindmijë) lek. Në aplikim të Nenit 136/1.b të KDS, gjoba paguhet në masën 20%.
9. Lojtari i KF “Naftëtari” Elton Gjolikaj, për sjellje të gabuar ndaj zyrtarit të ndeshjes, në bazë të Nenit 49/1/a të KDS, dënohet me 4 (katër) ndeshje pezullim nga aktiviteti.
10. Zyrtari i KF “Gramozi”, Ilir Qirjako, për protesta ndaj zyrtarëve të ndeshjes, në bazë të Nenit 56/1/a të KDS, dënohet 2(dy) ndeshje pezullim nga aktiviteti. Në bazë të Nenit 20 të KDS, zyrtarit i ndalohet qëndrimi në stolin e rezervave, dhomat e zhveshjes si dhe territorit përreth fushës.
11. KF “Tomorri” U-19, për mos paraqitje në ndeshje KF “Skënderbeu” U-19, në bazë të Nenit 55/1 të KDS, humbet ndeshjen në tavolin me rezultatin 3 me 0.
12. Lojtari KF “Spartaku” U-19,Bojken Sulaj, për goditje ndaj zyrtarëve të ndeshjes,në bazë të Nenit 49/1/b të KDS, dënohet me 12 (dymbëdhjetë) muaj pezullim nga cdo aktivitet futbollistik.
13. Lojtari i KF “Oriku” U-17,Elvi Dalipi, për sjellje jo sportive ndaj lojtarit kundërshtar, në bazë të nenit 48/1.d të KDS, dënohet me 2 (dy) ndeshje pezullim nga aktiviteti.
14. Lojtari i KF “Butrinti” U-17, Ervin Brahimi për sjellje jo sportive ndaj lojtarit kundërshtar, në bazë të nenit 48/1.d të KDS, dënohet me 3 (tre) ndeshje pezullim nga aktiviteti
15. Lojtari KF “Apollonia” U-17, Arian Hoxha, për goditje me shkelm ndaj lojtarit kundërshtar, në bazë të nenit 48/1.e të KDS, dënohet me 5 (pesë) ndeshje pezullim nga aktiviteti.
16. Rrëzimin e kërkesës së lojtarit të KF “Bylis”, Alfred Zefi si të pa bazuar në Kodin e Disiplinës Sportive.
17. Rrëzimin e kërkesës së KF “Shënkolli”, si të pa bazuar në Kodin e Disiplinës Sportive.
18. Rrëzimin e kërkesës së lojtarit të KF “Shënkolli”, Ruben Danaj si të pa bazuar në Kodin e Disiplinës Sportive.
19. Rrëzimin e kërkesës së lojtarit të KF “Shënkolli”, Ilir Caushaj si të pa bazuar në Kodin e Disiplinës Sportive.
20. Rrëzimin e kërkesës së lojtari të KF “Shënkolli”, Emirjon Mirdita si të pa bazuar në Kodin e Disiplinës Sportive.

“Lushnja shquhet për tifozllik dhe për kulture dhe Lushnja nuk shquhet për dhunë. Ama kur ne na provokojnë në shtëpinë tonë, kur ne na kërcënojnë në shtëpinë tonë dhe kur na kërkojnë të na largojnë me forcë nga shtëpia jonë, ne nuk e durojmë dot.

Ne video Besnik Kapllanaj, presidenti i dënuar përjetësisht i Bylisit që kërcënon tifozët e Lushnjes. Ndërkohë Federata kujdeset për sigurinë e tij dhe largon me forcë tifozët e Lushnjes, ndryshe ndeshja mbyllej 0-3 në tavolinë.

Turp për drejtuesit tanë që i servilosen Federatës dhe nuk i dalin në mbështetje tifozëve të tyre si në rastin e sotëm. Sot e kuptuam që edhe ju na e paskeni me hile, edhe ju na e futët pas krahëve.

DELEGATET JANE TE PAPREKSHEM, DELEGATET JU GJAKOSIN NESE I PROVOKON!

MOS NA PROVOKONI!

https://www.facebook.com/285834961430424/videos/255368321814368/

Por këtë herë rrezikojnë mbylljen e stadiumit, pasi disa herë më parë Komisioni i Disiplinës i ka gjobitur. Ndërkohë nga ana e klubit ballshiot ka ankesa për dhunë. Sipas tyre, sulmuesi Kofi dhe trajneri Dovedan janë goditur.

“Dhunë barbare! FSHF të marrë masa, pasi krahas sulmuesit Dose është goditur dhe trajneri Veljko Dovedan! Jo vetëm kaq, por është nxjerrë jashtë edhe e vetmja femër në stadium, gazetarja e FSHF-së! FSHF të dënojë ashpër dhunën e Lushnjës!”, shkruhet në postimin e klubit ballshiot.

Si Tomori, ashtu edhe Lushnja, kanë treguar se janë skuadra të brishta dhe që bëjnë shumë gabime, si për sa i përket mungesës së konkretizimit para portës, ashtu edhe në repartin e mbrojtjes, ku beratasit në mënyrë të veçantë çalojnë shumë në qendër të saj, ndërsa sulmuesit afrikanë janë shumë larg të qenit sulmues të mirëfilltë.

Pjesa e parë ka qenë e zbehtë dhe me raste të pakta për shënim, por Sulkja ka befasuar Tomorin, me nmjë goditje të saktë me kokë brenda zone.

Fraksioni i dytë nis me ndryshime në formacionin e Tomorit, që hedh në fushë dy mesfushorë shumë aktivë, Dobra dhe Dyca, që i japin impuls sulmit vendas, dhe rastet pasojnë njëri tjetrin në të dy portat. Lushnja shpërdoroi raste të shkëlqyera dhe atë që nuk e bëjnë miqtë e kanë bërë beratasit, që fitojnë një 11-metërsh me anë të Dycës, të cilin lushnjarët e kontestojnë fort, por kapiteni Çaço realizon nga pika e bardhë dhe 1-1 pas një ore lojë, rezultat që do të mbetet i tillë deri në përfundim të takimit, edhe pse emocionet nuk kanë munguar tek të dy portat me raste flagrante për gol. Dy herë Ogbodike për vendasit, edhe duke shmangur portierin në një rast, nuk shënon, apo Dyca përpara tij që i devijohet topi në korne, ndërsa miqtë bëjnë gabimin e radhës me Sefën dhe me Mezinin që falin përballë Kaloshit.

TOMORI  – LUSHNJA      1 – 1

Shënues: Çaço 66′ 11-m. / Sulkja 34′

TOMORI: Kaloshi, Beci, Mujkic, Rodrigo ( Dyca 64′ ), Paja, Koleci, Joti ( Gega 92′ ), Friday, Çaço, Sharavolli ( Drabo 46′ ), Kingsley. Në dispozicion: Braçe, Mersini, Gjonaj, Mahmutaj .

Tr: Gersi Arbëri

LUSHNJA: Bejte, Xhafa, Bufasi, Sulkja, Korreshi, Alushi ( Fejzaj 93′ )  Taullau, Musaku, Allkanjari ( Baze 70′ ), E. Gjyla ( Mezini 75′ ), Sefa Në dispozicion: Spaho, Qose, Ademi, Dervishi .

Trajner: Ilir Gjyla

KARTONË TË VERDHË: Mujkic 90′ / Alushi 15′, Allkanjari 63′, Bejte 87′, Fejzaj 89′

GJYQTARË: E. Hamiti, P. Simoni, E. Muca ( Lezhë )

Pas ndeshjes:

1. AGALLIU ( ZV.TRAJNER I TOMORIT)” Ju e patë edhe vetë që ky takim ishte një mundësi shumë e mirë për tu fituar nga ana jonë, por mendoj se meqenëse rastet nuk na munguan, ka qënë mungesa e fatit besoj unë ajo që na mbajti larg fitores, edhe pse si një skuadër e re do të na duhet që të punojm,ë akoma më shumë për harmonizimin e grupit.
2. GJYLA (TR. LUSHNJA): Kishim ardhur në Berat për një nga dy rezultatet pozitive, dhe skam pse ta fsheh që jam i kënaqur nga ky rezultat, edhe pse mund dhe duhej ta kishim fituar këtë takim, po të kemi parasysh që kemi humbur raste flagrante për gol, dhe madje duhej ta kishim dyfishuar avantazhin. Sa për 11-metërshin e dhënë në favor të Tomorit unë kam dyshimet e mia, por janë pamjet televizive ato që do të gjykojnë më mirë, ne tani duhet të ulim kokën dhe të punojmë shumë, sepse kjo është vetëm java e parë, dhe për të qenë pretendent do të na duhet të ulim kokën dhe të punojmë fort.

TË VEÇANTA:

1) Në Berat askush nuk është kujtuar edhe në këtë start kampionati që të zhvillohet sipas traditës një ceremoni me shkelmim topi nga qendra të një figure të njohur të futbollit beratas, dhe të shumtë kanë qenë sportdashës dhe specialistë që e kanë komentuar me keqardhje këtë vendim të klubit që edhe në sezonet e mëparshme nuk ka zhvilluar ceremoni të tilla.

2) Mungesa e forcave të rendit brenda ambienteve të stadiumit, nuk do të thotë se forcat e policisë nuk kanë qenë aspak indiferente, pasi në bashkëpunim të ngushtë me delegatin Besnik Çela janë marrë të gjitha masat për mbarëvajtjen e këtij takimi.

3) Në funksion të rregullave të hekurta në stadium, tifozeritë kanë qenë të ndara dhe larg njëra tjetrës, ata beratas në njërën anë të tribunës qendrore, ndërsa miqtë nga Lushnja të grupimit “DELEGATET” janë vendosur në pjesën veriore pas njërës prej portave të fushës.

4) Në minutën e 25′ kryesori i takimit ka ndërprerë lojën për t’u dhënë mundësi futbollistëve të freskoheshin për shkak të motit shumë të nxehtë.

5) Tomori për të gjashtin vit radhazi nuk fiton dot ndaj Lushnjës në një ndeshje shtëpie.

6) Pas përfundimit të ndeshjes tekniku i Tomorit Gersi Arbri ka lënë stadiumin.

7) Menjëherë pas ndeshjes, futbollistët e Tomorit që nuk u aktivizuan në këtë takim, kanë dalë në stërvitje.

8) Pas përfundimit të ndeshjes delegati Besnik Cela ka kërkuar që të shikoj nëpërmjet pamjeve filmike momentin e 11-metërshit të akorduar në favor të Tomorit duke e cilësuar si të rregullt vendimin e gjyqtarit kryesor Hamitaj, madje këtë ja ka komunikuar në mënyrë miqësore edhe teknikut lushnjar Ilir Gjyla pas takimit.

Miqësorja e sotme u mbyll me rezultatin e barabartë 1-1. Golin për Vllazninë e shënoi Silvio Zogaj, sulmuesi anësor i marrë nga skuadra e Laçit së fundmi. I riu në të shkuarën ka qenë pjesë e Luftëtarit dhe vetë trajneri Hasan Lika e ka pasur nën urdhra lezhjanit, i cili gjithashtu ka luajtur edhe me Vllazninë U19.

Pjesa e parë u mbyll 1-0, kurse në të dytën Veleçiku barazoi me anë të Lamit në minutën e 72-të. Pavarësisht kohës në dispozicion, Vllaznia nuk arriti ta realizojë golin e fitores. Ky takim u mbyll me rezultatin 1-1.

Me të njëjtat shifra ka përfunduar edhe ndeshja miqësore mes Elbasanit dhe Lushnjës. Këto dy ekipe garojnë në grupin B të Kategorisë së Parë dhe do tentojnë të rikthehen në Superiore. Tjetër takim miqësor që është mbyllur në barazim është ai mes Pogradecit dhe Egnatias. Asnjëra skuadër nuk shënoi dot dhe gjithçka u mbyll 0-0.

Vasil Shkurtaj realizoi golin e parë, ndërkohë që e pasoi Milosavljev. Në pjesën e dytë ishte Maldin Ymeraj, mesfushori me tipare sulmuese i marrë nga Kukësi, ai që shënoi edhe golin e tretë dhe të fundit në këtë takim. Ballshiotët nga ana tjetër patën mundësinë të testojnë disa lojtarë në këtë miqësore.

Një takim tjetër miqësor u luajt në stadiumin “Roza Haxhiu” të qytetit të Lushnjës. Vendasit pritën Egnatian, në një takim që u mbyll pa fitues. Të dyja skuadrat gjetën rrugën e rrjetës nga një herë. Ademi realizoi për Lushnjën, kurse nigeriani Ezike për rrogozhinasit.

Miqësore – E shtunë, më 11 gusht

Bylisi-Luftëtari 0-3
Shënues: Shkurtaj 20′, Milosavljev 35′, Ymeraj 67′

Lushnja-Egnatia 1-1
Shënues: Ademi / Ezike

Lushnja këtë verë ka humbur shumë lojtarë dhe është në proces rinovimi, ndaj humbja 2-1 ndaj Apolonisë nuk është surprizë.

Fierakët po punojnë më mirë, ka kohë që janë stabilizuar dhe me një ekip të ri e ambicioz kërkojnë të luftojnë si zakonisht për 3-4 vendet e para në Kategorinë e Parë.

Lushnja shënoi e para, me Mezinin në minutën e 21-të, por ndeshja ishte shumë e ekuilibruar dhe në minutën e 42-të Hysenshahaj barazoi nga pika e bardhë.

Në pjesën e dytë Apolonia e rriti presionin dhe në minutën e 61-të Ksement Mehmeti shënoi një supergol direkt nga goditja e dënimit, gol që vendosi fatet e derbit.

Gjyla pranoi se lushnjarët i masakrojnë, por edhe i snobojnë, sepse kanë rënë në Kategorinë e Parë. “Përveç gabimeve tona në fushën e lojës, ne kemi lëvizur shumë lojtarë nga një pozicion në tjetrin. Me tre-katër ditë nuk mund të bësh dot gjë. Po ashtu, nuk them se fitoren e Laçit e dha arbitri, por penalltia e Laçit është e diskutueshme. Duhen ndarë gjërat. Dua të them vetëm diçka, ata që janë për piano le të vazhdojnë pianon, mos të merren me gjykim si arbitër. Skuadrat nuk kanë harruar se Lushnja është në kampionat. Edhe pse jemi në vendin e fundit, ne jemi ende në lojë dhe janë disa faktorë që po na ndëshkojnë. Laçi ta marrë si të dojë”, është shprehur Gjyla.

Kukësi 2-1 Lushnja

Shënues: Guri 33′, Balde 59’/ Pepa 39′

GOLAT

33′ – Koreshi gabon në mbrojtje dhe Guri nuk fal i vetëm me Spahon, duke e kaluar topin mbi portierin mik.

39′ – Papa merr një 11-metërsh pas një ndërhyrje të Hoxhës dhe Pepa merr përsipër ekzekuton duke vënë sërish ekuilibrin.

59′ – Zhderiç harkon nga e djathta, Balde i sapofutur në lojë me kokë godet saktë dhe i jep golin e avantazhit Kukësit.

Kukësi: Frashëri, Zhderiç, Hoxha, Musolli, Rrumbullaku, Idrizi, Dzaria (Joti 90+4′, Imami, Shkodra (Peposhi 62′), Ethemi (Balde 56′), Guri. Trajner: Peter Pakult. Të gatshëm: Koliçi, Sadiku, Koldashi, Bytyçi.

Lushnja: Spaho, Magani, Koreshi, Premçi (Meto 23′), Marku, Gava, Taullau (Haxhiu 70′), Pepa, Papa, Mone, Sefa. Trajner: Ilir Gjyla. Të gatshëm: Bejte, Pergjini, Ademi.

Kartonë të verdhë:  Hoxha 38′, Zhderiç 79′, Peposhi 84’/ Sefa 2′, Koreshi 65′, Haxhiu 73′, Papa 80′

Kartoni kuq: Pepa 78′

Kukësi 2-1 Lushnja

Shënues: Guri 33′, Balde 59’/ Pepa 39′

33′ – Koreshi gabon në mbrojtje dhe Guri nuk fal i vetëm me Spahon, duke e kaluar topin mbi portierin mik.

39′ – Papa merr një 11-metërsh pas një ndërhyrje të Hoxhës dhe Pepa merr përsipër ekzekuton duke vënë sërish ekuilibrin.

59′ – Zhderiç harkon nga e djathta, Balde i sapofutur në lojë me kokë godet saktë dhe i jep golin e avntazhit Kukësit.

Kukësi: Frashëri, Zhderiç, Hoxha, Musolli, Rrumbullaku, Idrizi, Dzaria, Imami, Shkodra (Peposhi 62′), Ethemi (Balde 56′), Guri. Trajner: Peter Pakult. Të gatshëm: Koliçi, Joti, Sadiku, Koldashi, Bytyçi.

Lushnja: Spaho, Magani, Koreshi, Premçi (Meto 23′), Marku, Gava, Taullau (Haxhiu 70′), Pepa, Papa, Mone, Sefa. Trajner: Ilir Gjyla. Të gatshëm: Bejte, Pergjini, Ademi.

Kartonë të verdhë:  Hoxha 38′, Zhderiç 79′, Peposhi 84’/ Sefa 2′, Koreshi 65′, Haxhiu 73′, Papa 80′

Kartoni kuq: Pepa 78′

Megjithatë, nuk mund të mos theksohet katrahura e një arbitrimi me shumë se të turpshëm. Kur një arbitër, me gjithë ndihmësit e tij, gabon dy herë në mënyrë skandaloze dhe vendos rezultatin e ndeshjes, duhen bërë disa vlerësime. Së pari, Lushnja nuk kishte nevojë për pikë, ndaj arbitri nuk e ka favorizuar me qëllim. Së dyti, Partizani nuk kërcënon as Skënderbeun e as Kukësin, ndërsa duket e vështirë që arbitri të favorizojë Luftëtarin duke dëmtuar Partizanin.

Meqë jemi te Luftëtari, në Lushnjë arbitronte “krimineli” i Gjirokastrës, Blerim Ziri. Ky person gjykoi Luftëtari-Teuta në nëntor dhe nëse ajo ndeshje përfundoi 2-3, ishte ai njeriu që vendosi gjithçka, aq sa në Gjirokastër jo vetëm që është “Non grata”, por as në qytet nuk shkel më.

Federata Shqiptare e Futbollit e largoi nga Superiorja, pasi Luftëtari kërcënoi me bojkot dhe nxorri dhe fakte që ky zotëria, Ziri, kishte marrë ryshfet kur Luftëtari ishte në Kategorinë e Parë.

U zhduk pak javë Ziri, por u kthye qetë-qetë në Kategorinë e Parë, ku ka drejtuar këtë vit. Tani shefat e arbitrave e caktuan në Lushnjë, me shpresën se do kalonte pa vënë re, se fundja Partizani duhej ta kthente në stërvitore. E keqja është se Partizani ishte në ditë ters dhe për dreqi, ky Ziri nuk i dha një penallti sa një mal dhe me pas shpiku një penallti për Lushnjën. Ishte edhe një anësor i verbër që nuk e pa penalltinë për Partizanin pas një ore lojë, ndaj këtu diçka nuk shkon.

Kush i vendos këta arbitra të paaftë apo dashakeq? E ka fajin Ziri dhe shokët e tij, apo kush i përzgjedh? Për çfarë i duhen futbollit tonë këta të paaftë e shkatërrues të investimeve të klubeve? Pse nuk u hapet rruga të rinjve, sado gabime të bëjnë, por vazhdohet me të paaftë, persona që akuzohen çdo tre muaj për korrupsion? Dikush duhet të përgjigjet atje lart, në FSHF…

https://www.facebook.com/Digitalb/videos/1567748759989708/

“E kam thënë që në fillim që ne do e vazhdojmë garën deri në fund pavarësisht se ku ndodhemi. U bënë katër javë që punojmë. Kishim mungesa, megjithatë lojtarët luajtën qetë dhe e dinë se duhet të respektojnë veten. Kemi një projekt për vitin e ardhshëm. Kishim lojtarë nga të rinjtë, një që nga fillimi dhe tre i aktivizuam ngjatë ndeshjes. Kishim ardhur për të luajtur dhe mund të dilnim dhe me pikë. Ky është futbolli. Bëmë dy gabime në mbrojtje, por ky është futbolli, kush shënon fiton”.

Kemi një projekt për vitin tjetër por nuk duhet ta lëshojmë që këtë vit. Do afrojmë disa lojtarë që luajnë në Kategori të Parë dhe nga të rinjtë. Qëllimi i ardhjes time ishte nisja e projektit për vitin e ardhshëm . I kam ndjekur lojtarët e rinj dhe besoj se kam marrë më të mirët. Besoj se është pozitive”.

“Ne nuk do bëjmë ato pazaret që jemi mësuar të shohim. E kam thënë në një ndeshje më parë që të respektosh kampionatin dhe vetën është të marrësh pikë, megjithatë është shumë e vështirë të kthesh opinion si te vetja e lojtarët. Gjykimet nuk na ka goditur shumë, por në mendjen e  tyre dhe në përgjithësi janë se Lushnja ka dalë nga kategoria. Ne sot mund të merrnim dhe pikë, por mos harroni se kishim më shumë se 4 mungesa në formacion”.