Rexhepi ishte një ndër përforcimet e kryera nga Partizani gjatë merkatos së janarit. Qendërmbrojtësi pati një debutim të shkëlqyer teksa ishte një ndër më të mirët në fushë në fitoren 1 – 0 të Partizanit në Korçë ndaj Skënderbeut, por më pas 26-vjeçari nuk mundi të tregonte vazhdimësi në kampionat.

Rexhepi është qendërmbrojtësi i dytë që largohet nga “demat” gjatë kësaj merkatoje pas nigerianit Sodik Atanda. Tanimë në dispozicion të trajnerit Franko Lerda mbeten vetëm dy qendërmbrojtës, Egzon Belica dhe Eneo Bitri.

Në takimin me durrsakët mungon edhe Rubin Hebaj dhe Jurgen Bardhi, të cilët me shumë mundësi do të kthehen të gatshëm ndaj verilindorëve. Shqetësimi më i madh për momentin është mesfushori Bruno Telushi, i cili luajti vetëm në 45 minutat e para dhe më pas i la vendin Kotes.

“Për fat të mirë Hila u rikthye, por u dëmtua dikush tjetër. Janë dy javë pushim dhe shpresoj të rikuperohen të gjithë. Telushi ka pasur një problem ne gjoks dhe nuk u ndje mirë. Pati probleme me frymëmarrjen. Po interesohet grupi mjekësor. Ndërsa Hebaj dhe Bardhi kanë probleme muskulore. Shpresoj këto dy javë të rikuperohen dhe të rikthehen”, deklaron Gega.

“Mungon edhe Rexhepi? Atandës i kemi dhënë ‘titullin’ të luajë në disa pozicione, por nuk flasim dot për Kukësin që tani, Të qetësohemi pak dhe pas dy ditëve të fillojmë përgatitjet për atë ndeshje”, u shpreh trajneri i të kuqve për mediat pas ndeshjes me Teutën.

TELUSHI – Mbrëmjen e djeshme Bruno Telushi ishte në spital dhe kreu disa kontrolle mjekësore. Nga ajo që mëson “SportEkspres.com”, mjekët i kanë thënë që trajtimi i marrë pas dëmtimit nuk ka qenë i duhuri.

Dyshimi është për një problem në mushkëri dhe realisht Telushi rrezikon ndeshjen me Kukësin. Gjithsesi për momentin me rëndësi shihet që mesfushori të jetë mirë në aspektin shëndetësor. Kontrollet mjekësore të hollësishme që pritet të bëjë do të nxjerrin edhe problemin real që ai ka.

Më pas vjen përballja me një tjetër rival në kampionat, Kukësin që renditet aktualisht në vendin e dytë. Te Partizani ka vetëm një futbollist që rrezikon ta humbasë sfidën me verilindorët prej kartonëve dhe ai është mbrojtësi Lum Rexhepi.

Futbollisti 26-vjeçar, edhe pse është aktivizuar në pesë ndeshje në Superiore, është ndëshkuar tre herë me kartonë të verdhë. Kështu ai duhet të ruhet në sfidën me Teutën, në mënyrë të jetë i gatshëm për ndeshjen kundër Kukësit.

Të kuqtë këtë herë duhet të fitojnë për shumë arsye: luajnë në shtëpi dhe duhet të ruajnë diferencën me rivalët. Ekipi pritet të jetë më i plotë, pasi mbrojtësi Lum Rexhepi është drejt rikuperimit të plotë. Shtatlarti të shtunën pritet të jetë i gatshëm.

Gega pritet të bëjë sërish lëvizje në formacion, me Atandën që me shumë mundësi do të kthehet sërish në mesfushë. Ekuilibrat aty janë të rëndësishme, ndërkohë që Lukas Kardozo ka humbur pikë pas paraqitjes së bërë në Laç.

Mensah është gati, por edhe Duka në aspektin fizik po vjen në rritje. Mesfushori erdhi në Shqipëri si kërkesë e trajnerit Gega, ndaj ka shanset e tij për ta nisur nga minuta e parë. Alternativë për mesfushën është edhe Kristi Kote, kurse për Ardit Hilën ende nuk dihet se kur do të jetë i gatshëm për lojë.

Një mundësi e mirë për Partizanin të paktën për të ruajtur diferencën me ndjekësit, qoftë edhe përmes një barazimi. Gjithsesi objektivi është fitorja dhe të kuqtë do mundohen të shfrytëzojnë presionin ku është futur Laçi pas tre ndeshjeve pa fitore në kampionat.

Trajneri Gega për këtë takim me shumë mundësi nuk do të ketë të gatshëm mbrojtësin Lum Rexhepi. Shtatlarti u zëvendësua që në pjesën e parë në takimin e fundit me Kastriotin dhe ditën e djeshme nuk është stërvitur me grupin.

Ai vijon fazën rikuperuese dhe nuk mund të luajë të dielën. Tërheqja e pësuar do ta lërë pushim deri mesjavën e ardhshme. Kështu trajneri Gega duhet të mendojë për atë që do të luajë në qendër të mesfushës, pasi në prapavijë pritet të rikthehet Atanda sërish. Kote dhe Duka janë alternativat dhe gjithçka do të shihet gjatë seancave stërvitore në vijim.

Impakti i parë – “Unë personalisht e vlerësoj Skënderbeun shumë lart dhe këto tri pikë që kemi marrë janë me shumë vlera. Fusha sot ishte e vështirë, por u adaptuam shpejt dhe luftuam më shumë se kundërshtari. Aty e fituam ndeshjen, te duelet një kundra një”.

Përshtatja – “Po, unë e ndjej që jam pjesë e skuadrës dhe nuk kam asnjë problem. Belicën e njoh nga koha e Finlandës dhe kjo gjë më ndihmon. Nuk kam asnjë problem për momentin”.

Penalltia e diskutueshme – “Unë isha shumë larg nga situata dhe nuk e pashë ishte penallti apo jo. Përveç penalltisë, e kemi pasur një shans me Kardozon, që ka qenë gol i sigurt. Gjithsesi, fituam dhe kjo gjë është kryesorja.

Rivali kryesor – “I analizojmë të gjithë kundërshtarët dhe surpriza nuk ka. Do të luajmë si të barabartë përballë kujtdo”.

DIFERENCAT MIDIS FUTBOLLIT NË FINLANDË – “Këtu ka më shumë talente, futbollistët janë më të talentuar se në Finlandë. Atje luajnë shumë ngadalë, këtu loja është shumë dinamike. Në Finlandë mungojnë sulmuesit, ndërsa këtu janë shumë të shpejtë dhe shumë të fortë”,- u shpreh Rexhepi.

Sa i takon Superiores, ai shtoi: “E njoh pak. Pas Euro 2016 e kam ndjekur më shumë, di që ka lëvizje në liga të mëdha të Europës dhe afrime cilësore nga jashtë. Është një mundësi e mirë për mua”. Përshtatja është një element i rëndësishëm, që do kohën e vet.

“Mbërrita që në fazën përgatitore dhe për fat tashmë e njoh ekipin. Përshtatja ka qenë e shpejtë, tani jam i përqendruar te ndeshja ndaj Skënderbeut”, tha Rexhepi, i cili u ngacmua më pas edhe për titullin kampion.

“Për mua ndeshja më e rëndësishme është ndeshja e radhës, ajo me Skënderbeun. Nuk e di çfarë do ndodhë deri në fund, të shohim”, shtoi qendërmbrojtësi i Kosovës, ndërkohë që më pas ka fjalë të mira për lojtarët e të kuqve.

“E dija që ishte ekip i mirë, por disa lojtarë më kanë befasuar me cilësitë e tyre. I kemi të gjitha mundësitë të shpallemi kampionë. Nuk dua të hyj në emra lojtarësh të veçantë, por kemi lojtarë shumë të mirë. Trashi e Telushi janë lojtarë shumë të mirë për këtë ligë dhe mund të luajnë jashtë Shqipërisë. Konkurrenca? Unë do të jap maksimumin në çdo stërvitje, pastaj e ka në dorë trajneri se kush luan. Nuk e njihja para se të vija te Partizani, por kam kuptuar se ai hedh në fushë ata që e meritojnë”, përfundoi Lum Rexhepi fjalën e tij.

Kishin mbetur disa detaje për të arritur te marrëveshja, që tashmë është gjetur. Burime të SportEkspres.com pranë klubit të kuq bëjnë me dije se Rexhepi do ta nënshkruajë kontratën ditën e nesërme dhe më pas do e dërgojë në klub. Me shumë mundësi të hënën do bashkohet me grupin e lojtarëve në Turqi.

Rexhepi ka luajtur me moshat e Finlandës dhe ka provuar të luajë më pas edhe me Kosovën. Sezonin e fundit ka qenë pjesë e Kups në Finlandë. Në të shkuarën ka luajtur edhe për Honka, Helsinki dhe Pallohonka. Gjithashtu qendërmbrojtësi është aktivizuar në Holandë me Go Ahead Eagles dhe në Norvegji me Lillestrom.