Luksemburg

Surpriza Dudelanzh dhe diferencat e frikshme me Milanin

Sport Ekspres — Thu, 20 Sep 2018 16:30:53 +0000

Thuajse çdo vit, kualifikueset e Europa League sjellin skuadra surprizë. Edicionin e kaluar ishin suedezët e Ostersund që lanë me gojë hapur Europën, teksa eliminuar Gallatasarajin e PAOK-un. Këtë vit stafetën e ka marrë Dudelanzh.

Skuadra luksemburgase arriti të kualifikohej për herë të parë në Europa League dhe sot në qytezën që mban të njëjtin emër do të luajë një “gjigant” europian si Milani. Për të shpjeguar diferencat e mëdha midis skuadrave mjafton të themi se stadiumi mitik i italianëve “San Siro” ka 40-fishin e stadiumit të Dudelanzh, që ka një kapacitet prej 2000 vendesh, ndërsa qyteza ka vetëm 2000 banorë.

Sigurisht që stadiumi “liliput” nuk i kap kërkesat e UEFA-s, prandaj ndeshja do të luhet në kryeqytet. Një tjetër diferencë e frikshme është dhe ajo midis selive të ekipeve. Zyrat qëndrore të klubit të Dudenlanzhit janë një dyqan i vogël më pak se 80 metra katrorë, ndërkohë Milani krenohet me godinën 9000 metra katrorë “Casa Milan”, që në brendësi ka një muze, restorante dhe ambiente të tjera tregtare.

Sido që të përfundojë ndeshja e sotme për Dudelanzhin përballja me Milanin në një ndeshje zyrtare është një fitore më vete, një ëndërr e bërë realitet me plot kuptimin e fjalës.

Shqipëri zhgënjyese, rënia nuk ndalet më

Sport Ekspres — Sun, 04 Jun 2017 18:54:55 +0000

Tetor 2016, fitore në Lihtenshtejn dhe shpresa të mëdha: qershor 2017, humbje në Luksemburg dhe jemi në “ferr”.

Disfatë 2-1, ndaj një rivali inferior, që fiton një herë në disa vite, sinjali më i qartë i krizës së thellë ku jemi futur.

Europiani është një kujtim i largët, ndërsa tashmë duhet të kthehemi në vitin 2003 për të gjetur 5 humbje rresht për kuqezinjtë.

Kundër Luksemburgut ishte një miqësore, por ritmi ishte aq i ulët saqë kot që luajtëm.

Pjesa e parë nisi me ecje, ndërsa e rritëm presionin vetëm në fundin e saj, duke krijuar disa raste për shënim.

Golin e shënoi Roshi në minutën e 52-të, por më pas gjumë dhe pak nga pak Luksemburgu mori zemër, derisa gjeti golin e barazimit.

Aq u desh që Shqipëria të tronditej dhe pas gabimit të parë në mbrojtje, erdhi edhe i dyti, sepse një gabim në mbulim prodhoi golin e dytë vendas.

Fundi ishte kaotik, shumë sulme e asnjë ide. Në fund, festë për vendasit dhe zhgënjim për qindra tifozë shqiptarë në stadium.

Jemi bërë aristokratë, më parë ndeshje të tilla i shihnim si finale dhe fitorja ishte detyrim, tani duket sikur nuk e vrasim më mendjen.

MIQËSORE

LUKSEMBURG – SHQIPËRI 2-1

Golat: Turpel 63′, Malget 75′ / Roshi 52′

KRONIKA

77′ Del Abrashi, futet Latifi

75′ GOL LUKSEMBURGU Goditje nga këndi për vendasit, mbulim shumë i dobët nga mbrojtja jonë dhe Malget, i pambuluar, shënon me kokë.

67′ Luksemburgu ka marrë zemër dhe pas disa pasimesh rresht në zonë, Zherson Rodrigez gjuan, por mbi traversë.

63′ BARAZON LUKSEMBURGU. Gabon Kukeli në mbylljen e një korridori, Turpel del i vetëm me portierin tonë dhe nuk gabon, 1-1.

62′ Del Lenjani, futet Aliji. Për Lenjanin ndeshja e parë pas shumë kohësh, pasi edhe në kampionatin francez kishte kohë jashtë planeve të Renës. Del edhe Roshi e futet Grezda.

55′ Sërish Shqipëria e rrezikshme. Këndore që gjen Gjimshitin në zonë, por qendërmbrojtësi godet me kokë paksa mbi traversë. Dominimi në rritje i Shqipërisë jep fryte. Odise Roshi kombinon bukur me Hysajn dhe më pas godet bukur, duke gjetur cepin ku portieri vendas nuk mund të reagonte.

52’ ROSHI GOL! Hysaj me shum klas gjen kombinimin me Roshin, i cili shmang bukur njw prej kundwrshtarwve dhe dhe godet bukur duke gjetur cepin tjetër tw portës, aty ku portieri nuk kishte mundësi qw tw reagonte .

NIS PJESA E DYTË Dalin Cikalleshi e Kaçe, futen Basha e Sadiku.

45′ Memushaj humbet rastin e radhës, pasi gjuajtja e tij grushtohet nga portieri.

43′ Roshi në hyrje të zonës, i vetëm me portierin, gjuan me të majtën mbi traversë. Rast i shkëlqyer për Shqipërinë, që dominon në fundin e pjesës së parë.

38′ Lenjani brenda zone, pas ekzekutimit të faullit nga Cikalleshi, por gjuajtja e mesfushorit anësor grushtohet në këndore nga portieri vendas.

37′ Cikalleshi shkon drejt portës, shmang mbrojtësin Mahmutoviç dhe pengohet prej tij. Faull dhe karton i verdhë. Gjyqtari fal mbrojtësin vendas, meritonte karton të kuq, si lojtar i fundit që ndal aksion goli, pasi Cikalleshi doli i vetëm me portierin.

21′ Tjetër goditje dënimi e rrezikshme për Shqipërinë, fituar nga Cikalleshi. Memushaj gjuan me të majtën, por mbi traversë.

9′ Pas një fillimi të ngadaltë, dalim përpara dhe fitojmë një goditje dënimi pranë zonës. ekzekutim i shkëlqyer nga Kaçe, grushton po aq bukur portieri vendas Shon.

19′ Rrezikon Luksemburgu. Një kros drejt zonës, gjuan një nga Zherson Rodrigez, por jashtë.

Luksemburg-Shqipëri, direkt

Sport Ekspres — Sun, 04 Jun 2017 17:06:44 +0000

Ka nisur miqësorja Luksemburg-Shqipëri, miqësore në prag të sfidës sonë kualifikuese në Izrael. Luksemburgu ka marrë vetëm 1 barazim në 11 ndeshjet e fundit, Shqipëria vjen nga 4 humbje rresht. Jemi favoritë të detyruar, por trajneri De Biazi mbendon kryesisht të shohë skuadrën në prag të sfidës në Izrael, me lojtarë si Lenjani që kanë kohë pa luajtur me kombëtaren.