Mbrojtësi i majtë anglez ka folur për shokun e tij argjentinas në një prononcim për “Soccer AM”. Shou zbulon karakterin e ashpër të 29-vjeçarit, i cili nuk toleron kurrë dhe ua nxin jetën shokëve të tij edhe në stërvitje.

“Sinqerisht, askush nuk i afrohet Markos në stërvitje. Ai duhet pranuar ashtu siç është. Njerëzve iu pëlqen agresiviteti i tij dhe është e rëndësishme të kesh një lojtar të tillë në skuadër. Por, ndoshta, është më shumë seç duhet agresiv. Në 90% të rasteve ai të ndërhyn në spërkatë gjatë stërvitjeve dhe të gjithë duan t’i qëndrojnë larg”, përfundon Luk Shou.

Një ndër më të mirët e sfidës së mbrëmshme ishte dhe mbrojtësi anglez, Luk Shou. Mbrojtësi i majtë i Junajtid, duket i rilindur këtë sezon dhe ka dhuruar mjaft performanca të mira që nga nisja e kampionatit. Pas ndeshjes, 23-vjeçari u shfaq mjaft i lumtur për suksesin e arritur dhe njëkohësisht u shfaq mjaft i nervozuar me gazetarët dhe njerëzit që nuk besojnë te Junajtid.

“Ishte një fitore shumë speciale, sidomos kur përmbys një rezultat në fund. Ndihem shumë mirë. Të paktën një herë në jetë na thoni një fjalë të mirë. Shoh vetëm kritika sa herë bëhet fjalë për Mançester Junajtid. Mundëm Juventusin në shtëpi, të paktën mund të thoni diçka”, ka përfunduar mbrojtësi.