Drejtori i ri sportiv në Paris, Leonardo e njeh mjaft mirë brazilianin, pasi ishte ai që e solli në Milano. Kuqezinjtë paguan plot 35 milionë euro për të bindur Flamengon ta lërë të largohet. 21-vjeçari në një intervistë mohon zërat për largimin e tij nga Italia.

“Zërat për largimin tim janë vetëm spekulime. Jam i lumtur te Milani. Nuk kam shumë që kam ardhur dhr nuk kam pse largohem. Po mundohem të përshtatem. Dua të kem një sezon të mirë në mënyrë që të rritem në karrierën time”, u shpreh ylli brazilian.

Tensioni i madh dhe ndërhyrjet e ashpra e acaruan lojtarin ofensiv, i cili nuk u përmbajt as kundër arbitrit. Sot ka dalë edhe vendimi për të. 3 javë pezullim është dënuar 21-vjeçari, që përkthehet ndryshe fund i parakohshëm i sezonit.

Kjo do të jetë një mungesë e madhe për trajnerin Gatuzo. Kuqezinjtë kanë nevojë për fitore në tre ndeshjet e mbetura dhe gjërat do të vështirësohen edhe më shumë pa fantazinë dhe talentin e brazilianit në fushë.

Trajneri po mendon një lëvizje për t’i dhënë gjallëri lojës ofensive të kuqezinjve dhe mesa duket e ka gjetur. Lukas Paketa do të aktivizohet më afër portës. Braziliani i talentuar do të luajë në rolin e numrit 10.

Suso dhe Çalhanoglu janë të fikur dhe po luajnë pa ide, ndërsa Piatek dhe Kutrone janë shumë të izoluar me pjesën tjetër të ekipit. Paketa është zgjidhja dhe të gjithë besojnë te fantazia dhe talenti i tij.

21-vjeçari sapo është rikthyer nga dëmtimi dhe është gati të ofrojë afër portës Milanin. Objektivi Champions duhet arritur me çdo kush dhe testi i parë është fitorja kundër ekipit të Mihajloviç.

Gatuzo është në dyshim edhe për diçka të fundit: të luajë me dyshen Piatek-Kutrone në sulm dhe Paketën pas tyre, apo Piatek në sulm, me Paketën pas polakut dhe Suson e Çalhanoglunë nga krahët.

Lajm i mirë për trajnerin dhe tifozët është fakti që Lukas Paketa e ka lënë pas krahëve dëmtimin. Braziliani u ndal në barazimin e 2 prillit kundër Udinezes. U fol për një qëndrim jashtë prej 20-40 ditësh, por 21-vjeçari punoi fort dhe u rikuperua më shpejt.

Në fundjavë ishte në pankinë kundër Parmës, por nuk ishte gati për lojë dhe Gatuzo nuk e rrezikoi. Lojtari ofensiv do të zhvillojë disa minuta kundër Lacios dhe do ta nisë si titullar në fundjavë.

Transferta kundër Torinos është deçizive për Milanin. Fitorja është alternativa e vetme për të siguruar vendin e katërt dhe me Paketën në fushë, gjërat thjeshtësohen më shumë.

“Është koha për t’u përshëndetur, jam gati për të nisur një aventurë të re. E falënderoj Flamengon për gjithçka më ka dhënë, por pas 12 vitesh besoj se është momenti i duhur për t’u larguar. Në ditët në vijim do të kem shumë gjëra në kokë, do të më duhet të pushoj dhe të punoj mirë për t’u përgatitur për ndeshjen e fundit. Besoj se do të jetë një mirupafshim, jo një lamtumirë”, shkruan mesfushori.

Paketa në janar do t’i bashkohet Milanit, që pas dëmtimeve të pësuara së fundmi me zor e pret mesfushorin. Në fillim u mendua që ai të lihej te Flamengo deri në verë, por me situatën e krijuar te kuqezinjtë kjo gjë duket e pamundur.

Ai ka një objektiv për të realizuar përpara se të marrë avionin drejt Milanos. Dëshiron titullin kampion për të lumturuar tifozët dhe për t’u larguar pa pengje. Flamengo renditet në vendin e dytë, me katër pikë më pak se Palmeiras.

Kampionati ka dhe tetë javë për të përfunduar, ndërsa java e ardhshme do të përcaktojë shumë sa i përket luftës për titull. Luhet Flamengo-Palmeiras dhe një fitore e ekipit të Paketës do të çonte në një pikë diferencën mes dy ekipeve.

“Nuk mund të flas shumë për shkak të çështjeve të kontratës, por jam i lumtur dhe entuziast. Po kaloj një moment pozitiv dhe plot gëzim. Ëndërroj t’iu dhuroj kampionatin tifozëve të Flamengos, përpara se të largohem“, komenton shkurt Lukas Paketa.

Nga ana tjetër, “Coluna de Flamengo” zbulon se Milan ka paguar 5 milionë euro në arkat e Flamengos për Paketën, ndërsa 30 milionë eurot e tjera do të paguhen me tre këste midis viteve 2019 dhe 2020.

Por, përderisa nuk ka akoma një zyrtarizim, Real Madrid shpreson të arrijë te fantazisti brazilian. Siç citon “Marca”, Paketa është një futbollist që pëlqehet shumë në kampin madrilien dhe ata kanë një plan për t’ia rrëmbyer Milanit.

Reali do të “përdorë” dy brazilianët: Marselo dhe Vinisius për të bindur Paketën. Të dy janë miq të mirë të 21-vjeçarit dhe do të bëjnë të pamundurën për të bindur yllin e Flamengos të marrë rrugën drejt Madridit.

Një gjë pothuajse e pamundur të ndodhë, pasi Milani ka dy armë të forta në këtë operacion. Akordin me klubin brazilian dhe dyshen Leonardo-Kaka, të cilët janë gati për ta çuar deri në fund misionin e tyre për të transferuar Lukas Paketën në “San Siro”.