Lukas Kardozo

Merkato në dalje te Partizani, klubi i vendos kushte sulmuesit

Sport Ekspres — Mon, 22 Jul 2019 08:38:28 +0000

Merkato e Partizanit është fokusuar në repartin e sulmit. Transferimet e lojtarëve si Solomon dhe Braun kanë bërë që te “demat” të krijohet një ngjeshje e madhe dhe logjikisht dikush duhet të largohet.

Një ndër lojtarët e përfolur më së shumti për një ndarje me kryeqytetasit është Lukas Kardozo. 25-vjeçari ka qenë i pafat gjatë qëndrimit të tij me kryeqytetasit. Një dëmtim i rëndë në gju gjatë vitit të kaluar bëri që braziliani të qëndronte për më shumë se 8 muaj larg fushave të blerta.

Një largim nga Shqipëria preferohet nga sulmuesi, por fjala e fundit i takon klubit kryeqytetas. Braziliani ka një ofertë konkrete, gjithsesi largimi nga “demat” s’do të jetë aq i thjeshtë. Partizani nuk pranon ta lëshojë futbollistin pa u kompensuar nga ana financiare.

Kardozo iu bashkua të kuqve në janar të vitit 2018 nga maqedonasit e Pelister. Për kartonin e 25-vjeçarit u pagua një shumë te përafërsisht 30 mijë euro, shumë kjo që Partizani kërkon ta marrë mbrapsht në rast largimi të futbollistit.

VIDEO | Mensah “vallëzon” me numrin e ri, ja si shënoi Kardozo

Sport Ekspres — Tue, 02 Jul 2019 12:38:01 +0000

Partizani mposhti sot Krakovian dhe golin e vetëm të ndeshjes e shënoi sulmuesi Lukas Kardozo. Klubi i kuq ka publikuar pamjet e golit të realizuar nga braziliani, i cili ka bërë detyrën brenda zonës, duke e shtyrë topin në rrjetë.

Protagonist ishte Emanuel Mensah, i cili e mori topin nga Kardozo prej mesit të fushës dhe përparoi drejt zonës dhe në fund asistoi për brazilianin. Bie në sy edhe fakti që ganezi tashmë ka marrë numrin nëntë, që mbahej vjet nga Rubin Hebaj.

MIQËSORE – E MARTË, MË 2 KORRIK

Partizani-Krakovia 1-0
Shënues: Kardozo 74’

Partizani: Hoxha, Ibrahimi, Belica, Bitri, Hakaj, Telushi, Hila, Kote, Asani, Uilliam Kordeiro, Çinari. (U aktivizuan: Malaj, Mensah, Kardozo, Broja, Kodra). Trajner: Franko Lerda

Fitore befasuese, Partizani thyen polakët e Krakovia

Sport Ekspres — Tue, 02 Jul 2019 10:36:55 +0000

Partizani largohet nga Sllovenia me fitore, pasi ka mundur polakët e Krakovia me rezultatin minimal 1-0. Të kuqtë kishin bërë ndryshime në formacion, teksa në sulm ishte pozicionuar Çinari dhe në krahun e majtë të prapavijës Esin Hakaj.

Pjesa e parë e ndeshjes u mbyll pa gola, ndërsa në të dytën trajneri Franko Lerda bëri disa lëvizje, në repartin e sulmit. Kardozo dhe Mensah u hodhën në fushë dhe ishte braziliani ai që arriti të shënonte golin e vetëm dhe të fitores.

Në miqësoren e sotme debutoi edhe Rron Broja, i cili u aktivizua për disa minuta në pjesën e dytë. Tashmë të kuqtë do të rikthehen në Shqipëri, për t’u bërë gati për ndeshjen e 10 korrikut me Karabakun në stadiumin “Selman Stërmasi”.

MIQËSORE – E MARTË, MË 2 KORRIK

Partizani-Krakovia 1-0
Shënues: Kardozo 74’

Partizani: Hoxha, Ibrahimi, Belica, Bitri, Hakaj, Telushi, Hila, Kote, Asani, Uilliam Kordeiro, Çinari. (U aktivizuan: Malaj, Mensah, Kardozo, Broja, Kodra). Trajner: Franko Lerda

Partizan “gjysmak”, Kardozo jep sinjale pozitive

Sport Ekspres — Fri, 12 Oct 2018 19:50:10 +0000

Partizani i është rikthyer përgatitjeve. Pushimi i kombëtares ka bërë që trajneri Skënder Gega t’i lërë tre ditë pushim lojtarët e tij. Tashmë është koha për të punuar dhe lojtarët u vunë sot nën urdhrat e stafit teknik.

Ajo që binte në sy kishte të bënte me faktin se ekipi nuk është ende i plotë. Kapiteni Alban Hoxha është i grumbulluar me kombëtaren, sikurse edhe Hebaj e Mala me Shpresat. Portieri Malaj është me Shqipërinë U19, kurse mesfushori Besnik Ferati me Maqedoninë U19.

Një tjetër lojtar që ende nuk mund të punojë me grupin është braziliani Lukas Kardozo. Gjithsesi ka përmirësim dhe tashmë ka nisur punën me topin. Së shpejti sulmuesi anësor do të jetë gati për stafin teknik dhe do të jetë një alternativë e vlefshme.