Blerjet më “të çmendura” janë bërë nga këto tre superfuqi. Lojtarë të mëdhenj, me talent bio dhe personalitet të hekurt. Këto janë karakteristikat e atyre, që kanë kushtuar më shtrenjt këtë merkato.
3-Vendin e tretë e mban Frenki De Jong. Tulipani ka mrekulluar gjithë opinionin sportiv me atë çka shfaq nq fushë, por edhe jasht saj. Një djalosh që flet thjeshtë, por bukur, me çiltërsinë e një fëmije, sikur nuk e di se çështë presioni.

Ai është ndoshta përfaqësuesi më i mirë i gjeneratës që po vjen. Një mesfushor “kameleon”, që mund të mbulojë shumë mirë fazën difensive, por edhe e nxjerr rrufeshëm ekipin në sulm. 21-vjeçari u bë pjesë e Barcelonës për 75 milionë euro nga Ajaksi. Këta të fundit e patën blerë për 1 euro nga Vilhelm II.
2-Në vendin e dytë është Lukas Hernandez. Kampion bote me Francën, ku ishte titullar i padiskutieshëm, madje një nga ingranazhet kryesorë për funksionimin e ideve të Deshamp.

Vetëm 23-vjeç, por ka luajtur mbi 100 ndeshje me një gjigant si Atletiko Madrid. Mbulon qendrën dhe krahun e majtë të mbrojtjes. Lojtar tepër i vlefshëm për çdo trajner. Kovaç është me fat. Vjen në “Allianz Arena” në këmbim të 80 milionë eurove.
1-Në shkallën më të lartë të podiumit është Eden Hazard. Një lojtar i konfirmuar tashmë, që shkon në Madrid me synime të qarta. Për ta ngjitur ekipin përsëri në majë dhe për të fituar trofeun më të madh individual për një futbollist, Topin e Artë.

Një nga lojtarët më të mirë të dekadës së fundit, nga ata që i janë afruar më shumë talentit të Mesit dhe Ronaldos. Vlera e tij është shumë më e lartë, por u transferua për 100 milionë euro në Madrid sepse kontrata e tij me Çelsin skadonte verën e ardhshme.

DENIS LALA

Futbollisti francez do t’i nënshtrohet një ndërhyrje kirurgjikale për të rregulluar ligamentet e dëmtuara në gjurin e djathtë, problem ky që u zbulua gjatë analizave mjekësore në Mynih.

Gazetarët e “Bild” kanë arritur të mësojnë më shumë mbi natyrën e dëmtimit. Ligamenti i Hernandez ishte i mbushur me disa vrima të vogla përgjatë të gjithë strukturës së tij. Kjo ka ardhur si pasojë e përdorimit të një substance steroidi hormonal të quajtur Kortizon që shërben për të ngritur rezistencën e trupit ndaj dhimbjeve. Substanca është e ndaluar nga “WADA”, por përdorimi i saj për shkaqe terapeutike është i lejueshëm me anë të një leje të veçantë.

Mjekët e Atletikos kanë dashur që ta riaftësonin futbollistin sa më shpejt që të jetë e mundur, por në përfundim plani i tyre ka sjellë dëme akoma dhe më të mëdha, pasi sezoni i Hernandez është mbyllur që tani, dhe futbollisti pritet të rikthehet në muajin gusht.

Hernandez po pritet me padurim në Mynih, madje austriaku David Alaba ka folur në lidhje me afrimin e mundëshëm të francezit në një intervistë për gazetën gjermane “Bild”.

“Sigurisht, që ai është një lojtar shumë i mirë, përderisa Bajerni po e kërkon. Jam i bindur se ai i ka aftësitë për ta ndihmuar skuadrën tonë. Konkurrenca? Ndihem mirë si mbrojtës i mjatë, por edhe po të më kalojnë në mesfushë”, përfundoi Alaba.

Sipas së përditshmes spanjolle “MARCA”, kampionët e Gjermanisë do të finalizojnë blerjen e mbrojtësit Lukas Hernandez nga Atletiko Madrid në ditët në vazhdim. Gjithçka do të kryet para 4 janarit, që është data kur do të fillojë faza përgatitore e Bajernit në Doha të Katarit.

Klauzola e largimit në kontratën e mbrojtësit francez është 80 milionë euro, por marrëveshja pritet të arrihet për një shumë më të vogël. Me ardhjen e Hernandez te Bajerni, numri i lojtarëve të cilët kanë një medalje kampioni bote te Bajerni shkon në gjashtë.

Bajerni ka vendosur ta paguajë këtë shumë dhe francezi do të mbërrijë në janar në Gjermani. Mbrojtësi i majtë është rritur shumë dhe ka arritur të lërë në stol Filipe Luis. Ai u shpall kampion bote me Francën në Rusi dhe është një nga më të mirët në rolin e tij.

Por, Atletiko e Madridit ka reaguar pas lajmit të publikuar, duke përgënjeshtruar gjithçka. “Duke konsideruar informacionet e publikuara në ‘Marca’, mbi një marrëveshje të supozuar të Bajernit me lojtarin tonë Lukas Hernandez dhe faktin që gjermanët do të paguajnë shifrën e klauzolës, Atletiko Madrid dëshiron të bëjë të ditur se ka biseduar me lojtarin, i cili mohon ekzistencën e akordit me Bajernin dhe synimin për t’u larguar nga Atletiko. Nga ana tjetër, duke marrë parasysh raportet e mira midis klubeve tona, presidenti i Bajernit ka telefonuar presidentin tonë për të mohuar këtë operacion për mbrojtësin francez”, thuhet në deklaratën e klubit madrilien.

Sipas së përditshmes sportive spanjolle “MARCA”, klubi bavarez është në negociata me mbrojtësin e Atletiko Madrid, Lukas Hernandez. Mëngjerashi, i cili ishte një ndër titullarët e përfaqësueses franceze në Botërorin “Rusi 2018”, ka pësuar një rritje të admirueshme gjatë viteve të fundit dhe për të ka pasur interes nga shumë klube.

Lajmi konfirmohet dhe nga gazetari francez Muhamed Buhafsi, i cili njihet për burimet e tij të sakta, pasi ishte i pari që zbuloi kalimin e Nejmar nga Barcelona te PSG-ja. Sipas tij lojtari ka shfaqur interes dhe palët po vazhdojnë negociatat. Ndër të tjera ai shkruan se 22-vjeçari ka një klauzolë largimi prej 80 milionë eurosh, që do ta bënte francezin blerjen më të shtrenjtë në historinë e bavarezëve.

L’info de @marca annonçant l’arrivée de Hernandez au Bayern n’est pas infondée. Le joueur dispose d’une clause avoisinant 80M€ ! Il a une offre du Bayern Munich entre les mains et lui est intéressé ! Discussions avancées entre le joueur et le club allemand.

— Mohamed Bouhafsi (@mohamedbouhafsi) December 19, 2018

22-vjeçari i krahut të majtë u shpall Kampion Bote me Francën në Rusi, ndërsa vazhdon të dhurojë paraqitje pozitive me ekipin e Simeones. Hernandez ka një klauzolë prej 80 milionë eurosh në kontratën e tij. Junajtid ka bërë një ofertë “ofenduese” sipas gazetës spanjolle, ndërsa lojtari është një nga të preferuarit e Zhoze Murinjos për krahun e majtë të mbrojtjes.

Nga ana tjetër klubi anglez po mendon për rinovimet në ekip. Huan Matës i skadon kontrata në verë, por drejtuesit e klubit janë gati për t’i ofruar rinovimin mesfushorit 30-vjeçar siç citon “The Sun”.

Lojtari shënoi golin e parë në fitoren me përmbysje kundër Njukasëllit. Klubi nuk dëshiron ta humbasë lojtarin me parametra zero në verë, ndërsa është gati për të zgjatur marrëveshjen me futbollistin spanjoll.