Nëse ekipi i Gatuzos e mbyll kampionatin në një nga katër vendet e para, atëherë arkat mbushen dhe është më e thjeshtë për të bindur ata lojtarë që po kërkon. Leonardo dhe Maldini po punojnë edhe në aspektin e rinovimeve.

Lukas Bilja është një prej tyre. Mesfushorit i përfundon kontrata në vitin 2020 dhe ai përfiton një rrogë prej 3.5 milionë eurosh në sezon. Agjenti i tij ka fluturuar për në Itali dhe do të takohet nga afër me drejtuesit.

Këta të fundit pritet t’i ofrojnë një kontrate me një rrogë më të ulët. 33-vjeçari kërkohet nga Boka Zhuniors. Nëse rinovimi nuk vjen, Milani mund të vendosë ta shesë te klubi argjentinas.

Ata pak para të fituara dhe ruajtja e rrogës së tij do të shtonin diçka në arkat e kuqezinjve, të cilët do t’i përdornin për blerjen përfundimtare të Bakajokos nga Çelsi për shumën e 35 milionë eurove.

Sipas raportimeve të “Fox Sports”, objektivi kryesor quhet Lukas Bilja. 34-vjeçari i Milanit pëlqehet shumë nga drejtuesit e “Xeneizes”. Mesfushori luan prej vitit 2006 në Europë, atëherë kur la Independienten për t’u transferuar tek Anderlehti.

Më pas kalimi në Itali te Lacio, aty ku qëndroi katër sezone. Bilja u transferua te Milani në verën e vitit 2017. Ky sezon është karakterizuar nga dëmtimet dhe lojtari numëron një gol të shënuar në 17 ndeshje të zhvilluara me kuqezinjtë.

Përveç tij, Boka synon dhe Arturo Vidal të Barcelonës dhe Papu Gomez të Atalantës. Drejtuesit kanë objektiva të mëdha për sezonin e ri dhe kërkojnë të përforcojnë ekipin me cilësi dhe eksperiencë.

32-vjeçari ka folur për “Sky Sport”, ku tregon situatën e ekipit të Milanit dhe atmosferën e derbit të qytetit. Bilja falënderon trajnerin Gatuzo për besimin e dhënë dhe është gati për të zhvilluar një sezon pozitiv me ekipin.

MOMENTI – “Po kalojmë një moment të mirë. Kemi një objektiv të qartë dhe e dimë që duhet të bëjmë mirë për ta arritur. Nëse niveli rritet të gjithë japim më shumë. Ekipi është në formë të mirë. Sezonin e kaluar vuajta për shkaqe të ndryshme. Nuk kërkoj alibi, ndërsa këtë vit isha gati për ‘hakmarrje’. I falënderoj të gjithë që më dhanë një tjetër mundësi, në një ekip tjetër ndoshta do të më largonin. Falënderoj trajnerin dhe stafin e tij. Tani ndihem më i qetë, ndihem si në shtëpi, e njoh ambientin dhe pak nga pak po arrij të shfaq cilësitë e mia.”

NDRYSHIMI PAS NDESHJES ME KALJARIN – “Sipas meje gjëja më e rëndësishme ishte të hiqnim dorë nga alibitë dhe mos kërkimi i fajtorëve. Kualiteti është, por duhet të përmirësohemi. E kemi kuptuar që jemi në që i bëjmë dëm vetes. Trajneri punon shumë në këtë aspekt.”

ÇFARË I MUNGON MILANIT – “Diçka ka ndryshuar në ditët e fundit, por akoma mungon diçka. Jemi afër dhe e rëndësishme është të dimë të rritemi. Në disa ndeshje nuk kemi ditur të vuajmë. Nuk duhen shënuar çdo ndeshje 3-4 gola për të fituar. Duhet të jemi kompaktë.”

DERBI – “Klima e derbit ndihej që para ndeshje me Kievon, por duhet ta fitonim atë ndeshje. Kemi patur një javë për të punuar me qetësi dhe që nga e hëna fillon një fazë vendimtare e sezonit tonë. Derbi mbetet një ndeshje e veçantë. Jemi dy ekipe të forta dhe me histori. Derbit duhen fituar. Ata janë të fortë dhe në formë, por kemi besim shumë te vetja.”

GATUZO – “E respektoj shumë. Fjala respekt ka një rëndësi të madhe për të. E falënderoj atë dhe stafin e tij. Nëse ndodhem këtu është vetëm prej besimit të Gatuzos. Kam luajtur dhe kundër tij, ndërsa është një kënaqësi ta kem si trajner. Ai arrin të marrë më të mirën nga lojtarët dhe nuk ke shanse për t’u çlodhur asnjë sekondë.”

MALDINI-LEONARDO – “Një emocion i madh t’i takosh. Me trajnerin jemi mësuar, ndërsa me ata të dy ndonjëherë ndihem i turpëruar. Para disa javësh i kërkova trajnerit të bënim një foto dhe më dërgoi në sallën e kupave.”

HIGUAIN – “Gjëja e parë që prisja ishte që Gonzalo të ndihej mirë që në fillim, sepse e njoh mirë dhe e di sa të nevojshme e kishte. E meritonte gjithë këtë pas zhgënjimit në Botëror. Kur e pashë se si e priti skuadra, e kuptova që do të bënte mirë. Ai është një lider. Kam njohur një tjetër Higuain, ndërsa ky i sotmi është një tjetër person. I ndihmon shumë lojtarët, sidomos të rinjtë.”

SUSO – “Higuain tha të vërtetën, kur u shpreh se dëshironte të luante me Suson. Ma thoshte shpeshherë në kombëtare. Suso ka rigjetur kombëtaren dhe jemi të lumtur për të. Shpresojmë që të rritet akoma. Do të bëjë gjëra të rëndësishme për Milanin.”