Në kampin tjetër është Luka Modriç. Kroati nuk del kundër klubit, por mendon se uellsiani duhet të ishte trajtuar më denjësisht pas gjithë asaj që ka dhënë për atë fanellë. Gjithashtu, mesfushori ka idenë se Zidan mund të zgjidhte fjalë më të buta për të shpjeguar situatën e Bejl për mediet. Përtej gjithë kësaj uellsiani është drejt largimit.

Bëhet fjalë për Luka Modriç, i cili pritet të firmosë sot kontratën e re, që do ta mbajë të lidhur me madrilenët deri në vitin 2021. Kroatit i skadonte kontrata e vjetër në fund të sezonit të ardhshëm, por tashmë të gjitha dyshimet janë shuar.

«Niente Italia per #Modric: rinnova con il #RealMadrid» ? https://t.co/4y0iRnqMfE

— Corriere dello Sport (@CorSport) May 23, 2019

Sipas raportimeve firma është çështje orësh, me Interin që i venitet çdo shpresë e mundshme tashmë. E ardhmja e Modriç do vijojë të jetë përsëri në Madrid…

Zinedin Zidan nuk është i kënaqur me rendimentin e Luka Modriç dhe po mendon shitjen e tij në merkaton e verës. Sipas trajnerit francez, 33-vjeçari ka arritur maksimumin dhe forma e tij do të jetë në zbritje nga tani e prapa.

Ndryshe mendon klubi. Reali beson shumë te fituesi i “Topit të Artë” dhe nuk ka ndërmend të heqë dorë nga kroati. Interi vazhdon dhe ëndërron që Modriç të zbarkojë në “San Siro” dhe shpreson që krisja me trajnerin Zidan të thellohet akoma edhe më shumë.

Vendin kryesor të kësaj liste e zë Garet Bejl. Uellsiani është i pari mes emrave si Mariano Diaz, Dani Sebajos apo Markos Jorente. Një “ushtri” me spastrime, por nuk mjafton me kaq pasi kësaj liste i shtohet edhe Rafael Varan. Mbrojtësi ka shprehur vetë dëshirën për të shkuar larg Madridit.

Një mes Toni Kros dhe Luka Modriç është gjithashtu në dyshim mbi prezencën e tyre tek Reali në sezonin e ardhshëm. Gjermani ka kohë që përflitet se do të largohet, por edhe Modriç nuk do të ishte aspak çudi nëse nuk e shohim vitin tjetër të vishet i bardhë.

Ardhja e njërit prej Kristian Eriksen apo Pol Pogba do t’i shtonte shumë shancet për një largim të njërit prej mesfushorëve.E gjithë kjo listë largimesh do të gjenerontë shumë miliona për Perez dhe do të hapte rrugën për blerje faraonike në Madrid, ku mungojnë prej kohësh.

Kështu Zidan do të bënte seleksionimet e tij, por edhe do të sigurojën një pjesë të mirë të të ardhurave për lojtarë si Hazard, Pogba, Eriksen, Salah apo Militao.

Fituesi i “Topit të Artë” do të nënshkruajë deri në vitin 2021 dhe me kontratën e re do të kthehet në futbollistin më të paguar te Reali. Modriç është bindur nga Perez, i cili i ka ofruar kontratë deri në moshën 36-vjeçare kroatit. Vlerësim për mesfushorin, që po kërkohej me ngulm nga Interi.

Situata e mësipërme të bën të kuptosh edhe lëvizjet e italianëve, që tashmë po tenton të blejnë nga Barcelona mesfushorin Ivan Rakitiç. Palët janë pranë marrëveshjes dhe deri më tani thuhet se zikaltrit kanë ofruar 40 milionë euro, pesë më pak se sa kërkojnë katalanasit. Sikurse kuptohet, ëndrrat me Modriçin kanë përfunduar në Itali.

Gjithsesi, lajmet e fundit, duket se i japin një goditje të madhe shpresave të Interit dhe tifozëve zikaltër për të afruar fituesin e topit të artë në “San Siro”. Sipas raportimeve nga prestigjiozja “AS”, mesfushori kroat është shumë pranë rinovimit të kontratës së tij me Realin e Madridit.

Modriç aktualisht ka një kontratë që i skadon qershorin e vitit 2020. Tashmë, pritet që 33-vjeçari të firmosë kontratën e re, e cila do ta mbajë të lidhur me klubin madrilen deri në verë të vitit 2022. Me një rinovim të mundshëm, besoj mbyllet çdo gjë për sa i përket një largimi të mundshëm të Modriç nga “Bernabeu”.

Kroati kishte konkurrencë të fortë për sa i përket çmimit, pasi dhe lojtarë të tjerë si Rakitiç apo Manxhukiç e Lovren, kanë bërë mjaft mirë këtë vit, por gjithsesi në fund triumfues u shpall mesfushori i Realit, duke i shtuar koleksionit të tij një tjetër çmim.

Lukas Vaskez pati një debat me Luka Modriç në fund të ndeshjes, madje arriti dhe të ofendonte fituesin e “Topit të Artë”. Mediat spanjolle flasin për një shaka mes dy lojtarëve, por pamjet tregojnë të kundërtën.

Vaskez ka qenë i acaruar për ndonjë pasim të munguar nga ana e mesfushorit, ka kapur Modriç nga jaka dhe e ka ofenduar atë me fjalët: “pse nuk ma pason topin kroat m… ?” Nervat e lojës janë të pranishme në futboll, por te Reali nuk gëzohen as kur fitojnë, me Vaskez që e ka ekzagjeruar, duke ofenduar rëndë lojtarin më të mirë në botë të këtij viti.

Luka Modric y Lucas Vázquez discutieron tras ganar el Mundial de Clubes https://t.co/pnrWdY3Svr pic.twitter.com/BoalPUB5ud

— Diario El Bocón (@elbocononline) December 22, 2018

La ‘discusión’ de Luka Modric y Lucas Vázquez tras la final del Mundialito https://t.co/nyCs7H8tBx pic.twitter.com/9hKJpgQl3G

— Futbol de Honduras (@hondufut) December 24, 2018

Përpara fillimit të ndeshjes, lojtarët po kryenin nxehjen si zakonisht, ndërsa Luka Modriç kryen një gjest të lartë teknik. Mesfushori, i cili u shpall dhe fitues i “Topit të Artë”, ka stopuar një top në mënyrë të pabesueshme.

Kroati ka shumë talent dhe inteligjencë në këmbët e tij dhe një gjë e tillë dallohet lehtësisht dhe në pamjet e videos së mëposhtme. Reali do të përballet me Al Ain në finalen e madhe të shtunën në orën 17:30 dhe djemtë e Solarit do të bëjnë të pamundurën për ta mbyllur me trofe vitin, për të lënë pas krahëve krizën e sezonit të ri.

? That touch though…@lukamodric10 | #RMCWC pic.twitter.com/tsXAbY2fMx

— Real Madrid C.F. ???? (@realmadriden) December 20, 2018

Portieri dhe mesfushori kanë folur për “Marca” pas fitores kundër Rajo Vajekanos, duke insistuar se Simeone i bën të gjitha këto gjëra për të rritur popullaritetin te tifozët e tij.

“Simeone e kritikon Realin e Madridit për t’u bërë edhe më popullor përpara tifozëve të tij. Ai e bën gjithmonë, e sulmon Realin, sepse është skuadra më e mirë në botë. Simeone ka thënë që unë u shpalla portieri më i mirë në botë, pasi kalova te Reali? Kur luajta në Botëror isha akoma pjesë e Çelsit dhe votat e portierit më të mirë u bënë në gusht, kur nuk isha pjesë e Realit. Nuk është e drejtë që ka tentuar të më ulë vlerat. Kam punuar 3 vite me të tek Atletiko dhe gjithmonë sulmon Realin për të rritur populizmin e tij te tifozët e Atletikos”, është shprehur portieri belg i Realit.

Pak a shumë të njëjta fjalë ka thënë dhe Luka Modriç. Fituesit të “Topit të Artë” nuk i kanë pëlqyer deklaratat e “Cholos”, i cili u shpreh se Antuan Grizman e meritonte të shpallej futbollisti më i mirë.

“E respektoj Simeonen, por nuk është e drejtë që sukseset tona të shërbejnë për t’i dhënë zë tezës së tij populiste për favorizime ndaj Realit”, komenton shkurt mesfushori kroat i Realit.

Në një intervistë për revistën kroate “SN”, mesfushori i Real Madrid u shpreh se veprimi i Mesit dhe Ronaldos nuk ka qenë i aspak i hijshëm. Në të njëjtën intervistë 33-vjeçari shpjegon se përse e meriton ai çmimin.

Çfarë mund të thoni për mungesën e Mesit dhe Kristiano Ronaldos në ceremoninë e Topit të Artë dhe për kritikat e shumta që erdhën nga rrethi i tyre i ngushtë e fansat e tyre pasi ju u shpallët fitues?

Nuk mund ta di se përse dikush nuk erdhi, kjo është zgjedhja e tyre. Sidoqoftë si pas meje nuk ka shumë logjik të mos marrësh pjesë në ceremoninë e Topit të Artë. Mesa duket kanë pasur qejf të vijnë vetëm kur e dinin se do të fitonin çmimin. Nje sjellje e tillë është e padrejtë ndaj lojtarëve, fansave, futbollit dhe votuesve që ia kanë dhënë çmimin për 10 vite rresht. Por, në fund të fundit çcdokush mund të veprojë si të dojë.

Ndoshta atyre nuk u ka pëlqyer fakti që ti i dhe fund dominimit që ata i bënë këtij çmimi ?

Shiko, gjithçka është shumë e thjeshtë për mua. Mesi dhe Ronaldo janë dy fenomenë që kanë dominuar futbollin këto dhjetë vitet e fundit. Ata janë një nivel mbi të gjithë të tjerët përsa i përket aftësive. Por, ky është një çmim sezonal. Shumica e trajenerëvem lojtarëve aktivë dhe jo-aktivë, gazetarëve dhe fansave votuan për mua dhe jo vetëm në këtë çmim. A ka qenë të gjithë gabim? Nëse çmimet do të jepen vetëm sipas kriterit të aftësive, atëherë le t’i mbyllim votimet dhe t’ua japim çdo vit Ronaldos dhe Mesit.

Gjiganti suedez ka dhënë një përgjigje të shkurtër për “Fox Sports Asia” dhe diçka e tillë do të shkaktojë polemika. Sulmuesi i Los Anxhelos Galaksi ka bërë të qartë ndikimin e fortë të Realit të Madridit në çmimin prestigjioz.

“Tani e kemi të qartë që ka qenë Florentino Perez ai, i cili ka rivalizuar me Leo Mesin për ‘Topin e Artë’, jo Kristiano Ronaldo”, komenton Ibrahimoviç, i cili nuk nguron t’i qiajë si vendime “politike” dhe 5 “Topat e Artë” të fituar nga Kristiano Ronaldo, po aq sa ka dhe Leo Mesi.

Mes të dyve nuk ka patur kurrë simpati, por Ibra nuk ka as për Luka Modriç. As kroati dhe as portugezi i Juves nuk ishin pjesë e formacionit më të mirë të suedezit, i cili me shumë siguri mendon që “Topin e Artë” duhet t’ia jepnin vetëm dikujt: Zllatanit…

Pasi e shprehu në këtë mënyrë lumturinë e fitimit të “Topit të Artë”, kroati ka rrëfyer një detaj interesant. Ka lidhje me Zinedin Zidan, ish-trajnerin e tij te Reali. Francezi e “transformoi” Modriç në një rol all-Pirlo, madje parashikoi dhe fitimin e “Topit të Artë” nga ana e 33-vjeçarit.

“Kur Zizu u bë trajner i Realit, më thirri një ditë pas stërvitjes në zyrën e tij. Më tregoi se çfarë priste dhe shpresonte nga unë. Mendonte se isha një lojtar i rëndësishëm dhe besonte se një ditë do të fitoja ‘Topin e Artë’! Nëse një gjë e tillë ta thotë dikush me personalitetin dhe historinë e tij, atëherë fillon e mendon me të vërtetë… Më konsideronte të qetë dhe pak të turpshëm, por ai shpresonte të shprehesha në fushë. Kishte nevojë të kthehesha një pikë kyçe e skuadrës, në një periudhë ku kemi luajtur një futboll shumë të bukur. Fjalët e Zidan më ndihmuan për të dhënë më të mirën. Falë tij fillova të besoj më shumë te vetja”, përfundon Luka Modriç, futbollisti më i mirë në botë i këtij viti.

Stoiçkov luante me Barcelonën dhe arriti të dërgojë Bullgarinë në gjysmëfinalet e Botërorit të zhvilluar në SHBA. Dështonte përballë Baxhos dhe Maldinit për të kaluar në finalen e madhe dhe dilte me kokën ulur përballë Maldinit në një tjetër finale të madhe, finalen e Ligës së Kampioneve (Milan-Barcelona 4-0). Megjithatë, ai ia doli të shpallej më i miri dhe t’i dhuronte emocione e krenari Bullgarisë së tij.

Sonte është nata e Luka Modriç. Në ndryshim nga Stoiçkov, ai është i “ftohtë”, i thjeshtë dhe modest, përveçse i super talentuar. 33-vjeçari kroat i Realit të Madridit ka arritur të thyejë “duopolin” Mesi-Kristiano Ronaldo. Dyshja e famshme kishte ndarë midis tyre 10 trofetë e fundit, ndërsa mesfushori arriti t’i jepte fund diçkaje të tillë.

Lajmi është zbuluar përpara zhvillimit të ceremonisë së ndarjes së çmimit. Një foto e renditjes përfundimtare ka filluar të qarkullojë në rrjetet sociale gjatë orëve të fundit, duke i dhënë fund përpara kohe dilemave të fituesit të “Topit të Artë” 2018.

Modriç është një nga futbollistët më të mirë në botë dhe e meriton pa dyshim këtë vlerësim. Unik në rolin e tij, cilësi dhe inteligjencë futbollistike të një niveli të lartë dhe shumë sakrifica për ekipin dhe shokët e skuadrës mes përulësisë dhe kilometrave pafund të përshkruara.

Talenti i tij është natyral, por puna për të mbërritur deri këtu nuk ka qenë e lehtë. Profesionalizëm dhe perfeksionim i stilit të lojës në mënyrën më të thjeshtë të mundshme, me pak fjalë një futbollist “bio”. Gjithmonë njësoj, çdo ndeshje e më mirë. Kroati vjen nga një sezon i pabesueshëm! Champions-i i tretë rresht i fituar me Realin e Madridit dhe nënkampion bote me Kroacinë.

Të paharrueshme ndeshjet epike të ekipit kroat në Rusi, udhëhequr nga Daliç në pankinë dhe Luka në fushë. Lideri i heshtur ka fituar të gjithë çmimet individuale këtë vit, duke u shpallur lojtari më i mirë i Botërorit 2018, fitues i çmimeve të FIFA-s dhe UEFA-s për lojtarin më të mirë të vitit dhe tashmë fitimi i “Topit të Artë”.

Një lojtar, të cilin thjesht e adhuron dhe askush nuk guxon të thotë të kundërtën, pavarësisht ekipit me të cilin luan. Sonte është 3 dhjetori 2018, është nata e Luka Modriç dhe ai e meriton absolutisht…

Luka Modriç është favoriti kryesor dhe një gjë e tillë konfirmohet dhe nga Spanja. Sipas “Ondo Cero”, mesfushori kroat i Realit të Madridit do të jetë fituesi i “Topit të Artë”.

Gjatë këtyre ditëve u përfol për një garë francezo-kroate, me Luka Modriç, Rafael Varan dhe Kilian Mbape në podin e fituesve. Por, lajmi i “Onda Cero” thekson dhe diçka tjetër. Varan dhe Mbape nuk do të jenë në treshën e parë. Nëse Modriç do të jetë fituesi i çmimit, në pod do të ngjiten Kristiano Ronaldo dhe Antuan Grizman.

Me pak fjalë, të tre lojtarët më të mirë të këtij viti vijnë nga La Liga spanjolle. Portugez u largua nga vendi iberik dhe ka nisur aventurën italiane me Juventusin, por deri në maj ai ishte pjesë e Realit të Madridit.

Një gjë e tillë është një asist për Interin, me zikaltrit që do të nisin përsëri sulmet në janar për transferimin e kroatit në Serinë A. 33-vjeçari është ëndrra e Interit dhe lojtari dëshiron të njëjtën gjë. Perez rezistoi në verë, ndërsa tashmë ka vendosur të mos rinovojë me mesfushorin.

Kontrata e Modriç me Realin skadon në verën e vitit 2020, ndërsa klubi nuk e llogarit më për të ardhmen. Kampionët e Europës në fuqi janë futur në garë për Kristian Eriksenin e Totenhemit. Nevojiten 80 milionë euro për kartonin e danezit, paratë janë dhe një lëvizje e tillë mund të bindë dhe trajnerin Poçetino të transferohet te Reali.

Argjentinasi është një nga dëshirat kryesore të Perez. Rikthehemi tek Inter. Në verë i ofruan mesfushorit kroat një kontratë 4-vjeçare me 10 milionë euro rrogë në sezon. Zyrtarizimi i Marotës te klubi zikaltër nuk ka ardhur ende, por një gjë e tillë nuk është një problem i madh. Ish-drejtuesi i Juventusit ka marrëdhënie të mira me Realin dhe detyra e tij e parë tek Interi është transferimi i Luka Modriç tek ekipi i Spaletit.Inter

Shumë njerëz u bënë tifozë me ekipin ballkanas, ndërkohë që djemtë e Daliç u pritën si heronj të vërtetë në Zagreb. Mes mijëra njerëzve që festonin ishte dhe Piter. Djaloshi vuan nga sindroma “Down”, ndërsa kapiteni i Kroacisë dhe fituesi i çmimit lojtari më i mirë sipas FIFA-s dhe UEFA-s ishte idhulli i tij.

Gjatë festimeve të paharrueshëm, Modriç e ftoi Piterin në skenë, duke i plotësuar ëndrrën djaloshit, një gjë që do e mbajë mend gjithmonë.

Familja e tij ka përgatitur një video emocionuese dhe ka dashur t’ia tregojë një gjë të tillë dhe Lukës. Ky i fundit ka qenë i grumbulluar me Kroacinë, ndërsa dikush e ka thirrur të ndalojë. Pasi heziton një moment, Modriç ndalon dhe nga afër i shpjegojnë se Piteri dëshiron ta përshëndesë me anë të kësaj video.

Luka “humbet” duke parë videon dhe emocionohet pa masë. Një skenë fantastike, ndërkohë që nga ana tjerr shihen Piter dhe nëna e tij, e cila nuk rresht së falënderuari të madhin, Luka Modriç.

Que crack Modric
pic.twitter.com/dEOVQgrRgG

— Reporte Fútbol (@Reporte_Futbol) November 17, 2018

33-vjeçari kroat zbulon tre futbollistët me të cilët do ëndërronte të luante, thur elozhe për Kristiano Ronaldon dhe Kilian Mbape. Në fund Topi i Artë, me Modriç kandidat favorit, por lojtari i Real Madrid është i përulur dhe nga goja e tij nuk do të dalë kurrë një kompliment për veten e vet.

FUTBOLLI SIPAS MODRIÇ – “Ekzistojnë disa skuadra që dëshmojnë se, në të njëjtën kohë, mund të fitosh dhe të ofrosh një shfaqje të mirë. Ka shuma mënyra për të kuptuar futbollin, por mendoj se është e mundur të kombinosh rezultatin me lojën e bukur. Edhe sot, kur përgatitja fizike e futbollistëve është më  mirë se kurrë, ka akoma vend për talentin dhe teknikën për kërkimin e së bukurës. Gjithmonë do të jetë kështu, sepse futbolli është një lojë që luhet me tru. Ti mund të vendosësh të gjithë forcën fizike që zotëron, por është diçka që quhet inteligjenca futbollistike, inteligjenca e ndeshjes, që do të jetë gjithmonë thelbësore. Fiziku nuk do e zëvendësojë kurrë inteligjencën.”

ËNDRRA – “Do të dëshiroja të kisha luajtur me Zvonimir Boban, idhullin e kombëtares kroate. Pastaj zgjedh Zinedin Zidan, të cilin kam patur fatin ta kem trajner. Ndonjëherë ai luante me ne dhe ishte mbresëlënëse të shihje elegancën e tij dhe lëvizjet që bënte. I treti është Ronaldo Nazario.”

CR7 – “Ronaldo i përket një niveli tjetër futbollistësh. Unë jam një person i turpshëm dhe i rezervuar. Nuk e preferoj ekspozimin në media. Unë preferoj thjeshtësinë. Nuk mendoja se Zidan do të largohej nga Reali dhe të njëjtën gjë mendoja dhe në rastin e Kristianos. Kur mediat po flisnin për largimin e tij, filluam të vinin baste në dhomat e zhveshjes. Ishim të bindur që do të qëndronte, por të gjithë bëjnë zgjedhjet e tyre në jete.”

MBAPE – “Jam i sigurt që Kilian do të vazhdojë të përmirësohet. Ai është një talent i jashtëzakonshëm, një premtim i madh për të ardhmen, por që e ka treguar potencialin e tij që tani. Ai është i veçantë. Më kujtohet kur shoku im te kombëtarja, Daniel Subashiç më tha një ditë: ‘Është një lojtar i ri te Monako, do e shohësh, është i pabesueshëm dhe një ditë do të jetë një nga më të mirët në botë’. Po më fliste për Mbape, kur nuk e njihte akoma askush.”

TOPI I ARTË – “Në të vërtetë nuk më pëlqen të flas në këtë mënyrë dhe të them: ‘Po, unë jam ai që meriton të fitojë Topin e Artë’. Gjëja më e rëndësishme për mua është të zbres në fushë dhe të luaj siç kam bërë këto muaj. Ky ka qenë padyshim viti më i mirë i karrierës time dhe qëllimi im i vetëm është të vazhdoj me këtë ritëm. Ju nuk do arrini kurrë të dëgjoni nga goja ime: ‘Unë jam ai që duhet të fitoj këtë’.”

“Atmosfera në dhomat e zhveshjes nuk është e mirë. Sigurisht, nuk mendonim se do të ktheheshim pa pikë në shtëpi, por tani duhet të ngremë kokën dhe të përpiqemi të zgjidhim problemi sa më shpejt të jetë e mundur. Në tre ndeshjet e fundit, sidomos kundër Seviljes dhe CSKA, nuk kemi luajtur siç dimë dhe fakti që nuk arrijmë të shënojmë prej tre ndeshjesh, është pak shqetësues.”

“Por, jam i sigurtë që do të gjejmë mënyrën për të dalë nga kjo situatë. Duhet të kemi guxim, të jemi pozitivë dhe të vazhdojmë të punojmë. Kjo është mënyra për t’u rikthyer te fitoret”, përfundon prononcimin për “AS”, kroati i mesfushës së Real Madrid.

19-vjeçari, i cili u transferua nga Botosani te Steaua në dhjetor të vitit të kaluar, shihet si një nga talentët më të mëdhenj të futbollit rumun dhe presidenti nuk përmbahet kur flet për të. Morutan bën pjesë te lojtarët më të mirë në botë dhe çmimi i tij mund të prekë shifrën e 100 milionë eurove sipas Bekalit.

“Nëse Steaua arrin të kualifikohet në Champions dhe Rumania bën mirë në eliminatoret e ardhshme, çmimi i Morutan shkon në 100 milionë euro. Dibala është 26 vjeç dhe është një xhuxh 1.65 metra i gjatë, ndërsa Morutan nuk është jashtë listës së 11-të lojtarëve më të mirë në botë. Morutan është dyfish më i fortë se sa ishte Modriç në moshën e tij”, përfundon Xhixhi Bekali për “Gsp. Ro”.

Ish-sulmuesi i famshëm ka kritikuar sjelljen e Leo Mesit dhe Kristiano Ronaldos, të cilët nuk morën pjesë në ceremoninë e ndarjes së çmimeve të zhvilluar në Londër. Mesfushori kroat i Realit të Madridit la pas Ronaldon dhe Salah dhe i shtoi trofeve të tij, një tjetër çmim prestigjioz.

“Nuk është momenti për të ndërprerë festën, por një ditë do ta them qartë se çfarë mendoj. Nuk mund të jesh i pranishëm vetëm kur gjithçka është fushë me trëndafila, por duhet të sillesh si zotëri edhe kur humbet”, thekson Davor Shuker për “TeleDeporte”.

Kroati nuk kishte paguar në arkën e organeve tatimore taksat e të ardhurave që ka fituar nga të drejtat e imazhit. Siç citon “El Mundo”, Modriç do të paguajë 40% të shumës së pa raportuar dhe 250 euro në ditë për të evituar 8 muajt burg, për një total prej 60 mijë eurosh.

Për të paguar të gjitha borxhet, duke përfshirë dhe një çështje të vjetër të vitit 2012, 32-vjeçari do të paguajë në total 2.6 milionë euro autoriteteve tatimore të vendit iberik.

Mbrëmjen e nesërme Real do të presë Espanjol në “Santiago Bernabeu” për javën e 5 të Ligës spanjolle. Një ditë përpara sfidës trajneri Lopetegui ka dhënë konferencën e tij të zakonshme përpara mediave. Tekniku i madrilenëve ndër të tjera ka dhënë një deklaratë, e cila nuk ka kaluar pa rënë në sy. Lopetegui mendon se më i miri në botë nuk është as Mesi dhe as Ronaldo dhe se topin e artë sipas mendimit të tij duhet ta fitojë dikush tjetër.

Për këtë çështje duket se tekniku është mjaft i lëkundur. Përpara se ai të merrte drejtimin e Real Lopetegui kishte thënë se për të Leo Mesi ishte lojtari më i mirë. Më pas, në momentin që ai mori drejtimin e kryeqytetasve duket se ndryshoi mendim dhe deklaroi se Ronaldo ishte më i miri në botë. Fill pas disa muajsh duket se trajneri ka ndryshuar përsëri mendje.

“Unë nuk e përkrah shumë lojën individuale sepse e shoh futbollin si një sport kolektiv. Unë do të doja që topi i artë të fitohet nga lojtari ynë, Modriç, i cili ka bërë një vit fantastik. Ai është më i miri në botë për momentin. Gjithsesi ajo që ka më shumë rëndësi për mua është ndeshja që do të zhvillojmë nesër”,deklaroi Lopetegui gjatë konferencës për shtyp.

Motor në mesfushë dhe në çdo cep të fushës. Të gjitha topat e kroateve përpunoheshin nga mesfushori i Realit, i cili u shpall lojtari më i mirë i Botërorit të Rusisë. Shumë punë, sakrificë dhe energji, për të mos harruar tre ndeshjet me shtesa të kroatëve, të cilët luajtën më shumë minuta se çdo skuadër tjetër në Rusi. Diçka e tillë ka lënë pasojat e saj dhe 32-vjeçari ka folur për ketë temë pas fitores kundër Romës në Champions.

“Botërori më rraskapiti fizikisht dhe mendërisht. Tani ndihem më mirë dhe po e marr veten nga dita në ditë. Topi i Artë? Nuk është një obsesion për mua. Nëse do e fitoja, do të isha shumë i lumtur, por nëse nuk do e fitoja, jeta vazhdon gjithsesi”, përfundon Luka Modriç, i cili fitoi dhe çmimin e lojtarit më të mirë të vitit të FIFA-s.

“Mund të them se ka qenë një ndeshje e përsosur nga ne, pasi kemi luajtur shumë mirë futboll. Patëm kontrollin e lojës. Kundërshtari vitin e shkuar gati sa nuk shkoi në finale, ndaj duhet ta vlerësojmë lojën. Bëmë një ndeshje perfekte. Të krijosh 30 raste është meritë e gjithë ekipit, sidomos ndaj një ekipi si Roma, që është shumë e mirë taktikisht”.

Braziliani flet edhe për raportin me lojtarët e tjerë në mesfushë, si dhe për Marianon. “Kam luajtur me Luka Modriç dhe Toni Kros për një kohë të gjatë dhe me kualitetin që ata kanë është shumë e lehtë të luash futboll. Unë i njoh ata. Mariano? Ishte e qartë se ishte i etur për të bërë debutimin e tij dhe për të treguar se pse ka  ardhur këtu. Ai është pjesë e jona dhe ka shënuar një gol të madh”, shtoi mesfushori.

I pyetur se kush e meriton “Topin e Artë”, Kasemiro tha: “Mendoj se viti i fundit i Luka Modriç ka qenë fondamental. Do ja jepja Kristianos për atë që ka bërë vitin e shkuar”.

ISKO – Mesfushori spanjoll hapi takimin, teksa shënoi nga një goditje dënimi. “Jam i kënaqur me lojën dhe me rezultatin. Mund të kishim shënuar edhe më shumë. Duhet të vazhdojmë të përmirësohemi. Bëmë një lojë të mirë. Mund të jemi edhe më mirë. Jemi në rrugën e duhur. Goditjet e dënimit?Jam mirë në goditjet e dënimit dhe Ramos m’i ka lënë mua. Jam i lumtur për golin dhe për tre pikët.

Ndryshe nga Kasemiro, Isko mendon se “Topin e Artë” e meriton Modriç: “Ne të gjithë e njohim atë. Është një lojtar i madh dhe në çdo ndeshje na jep shumë ne. Shpresojmë që të gjithë të jemi në nivelin e tij. Mendoj se e meriton Topin e Artë, pasi ka qenë një lojtar unik për ne dhe Kroacinë”.

Bëhet fjalë për të ardhurat e vitit 2012 siç citon “El Mundo”, me Modriç, i cili ka fshehur të ardhurat e vitit. Mesfushori 32-vjeçar u detyrua të paguante 2.1 milionë euro për mos pagesën e taksave në vitin 2013 dhe 2014, ndërsa tashmë i duhet të paguajë 1.2 milionë euro për vitin 2012.

Para një jave ishte Marselo, i cili pranoi një dënim me kusht për katër muaj burg. Mbrojtësi i majtë brazilian ka arritur akordin për t’i shpëtuar burgut dhe do të paguajë pak më shumë se 750 mijë euro.

“Kam një raport të mirë më Ronaldon dhe do të vazhdoj ta kem. Çmimet individuale janë të rëndësishme, por edhe më të rëndësishme janë ato kolektive. Jam i lumtur kur vijnë çmime individuale, por gjithmonë dua më të mirën e skuadrës. Kam folur me Kristianon mbas fitimit të çmimit, më dërgoi një mesazh për të më përgëzuar dhe më tha që shpreson të më takojë së shpejti.

Siç ju thashë, kam një marrëdhënie të bukur me Ronaldon dhe, pavarësisht nga ajo që njerëzit thonë, ne do të vazhdojmë ta ruajmë atë raport”, përfundon 32-vjeçari i Realit të Madridit, duke përgënjeshtruar njëherë e mirë thashethemet mbi situatën jo të mirë të marrëdhënies së dy lojtarëve.

Më tej ai ka folur edhe për largimin e portugezit: “Kur kam firmosur me Realin e Madridit, Ronaldo e kishte shprehur se donte të largohej. Ai e kishte marrë rrugën e tij”. Lopetegui ndërkohë është i kënaqur nga Bejl dhe Benzema. “Ata kishin një dëshirë të madhe që në momentin e parë që kam ardhur këtu”.

Trajneri i Realit ka komentuar edhe në lidhje me fituesin e “Topit të Artë”, teksa favorizon kroatin Luka Modriç, madje është i sigurt se do e fitojë ai. “Luka Modriç do të fitojë ‘Topin e Artë’, pasi është lojtari më i mirë në botë”.

Lopetegui nuk është shumë dakord me faktin që do të luajnë ndeshje të La Liga-s në Shtetet e Bashkuara të Amerikës, ndërkohë që në fund është në emisionin “The Stile” është ngacmuar edhe në lidhje me Barcelonën.

“A mendoj që një ditë të ulem në stolin e Barcelonës? Jam në ekipin më të mirë në botë dhe nuk mund të mendoj për gjë tjetër për momentin”, është shprehur mes të tjersh trajneri i Realit të Madridit,Hulen Lopetegui.

“Modiç ka pasur një sezon fantastik. Tani ai është numri 1 në kampionatin spanjoll dhe ne kroatëve duhet të na bërë shumë krenarë kjo gjë. Ai ka fituar gati gjithçka që mund të fitohet, por Topi i Artë i mungon, do të dëshiroja që ai ta fitonte ai këtë vit, pasi e meriton”, tha 30-vjeçari.

Më pas Rakitiç foli edhe për të ardhmen e tij te Barcelona: Është shkruar shumë për një largimin tim, por nuk ka qenë asgjë e vërtetë. Ndihem shumë i lumtur te Barcelona, është një klub dhe qytet fantastik.

Reali i Madridit denoncoi Interin në FIFA për rastin në fjalë. Spanjollët akuzuan homologët italianë për sjellje jo korrekte dhe për faktin që nisën tratativat me mesfushorin kroat pa marrë lejen e klubit.

Gjatë javës së kaluar, FIFA dëgjoi versionet e Realit të Madridit, Interit dhe Luka Modriç. Mbasi shqyrtuan të gjitha versionet, FIFA vendosi ta mbyllë këtë çështje njëherë e mirë duke mos marrë asnjë vendim penalizues për klubin zikaltër.

Qeveria e futbollit botëror iu ka dërguar nga një letër klubeve ku qartëson se hetimet paraprake janë mbyllur, sepse mungonin elementët e duhur që provonin bisedimet e fshehta midis Interit dhe lojtarit kroat.

Të Reali nuk është pritur mirë mungesa e Ronaldos, sepse ai fitoi çmimet si lojtar i klubit spanjoll, pavarësisht se tashmë është transferuar te Juventusi. Madrilienët e shohin dhe si një mungesë respekti faktin që Ronaldo mungoi në çmimin që fitoi ish-shoku i tij i skuadrës. Megjithatë, Ramos ka folur si një kapiten i vërtetë duke thumbuar Ronaldon dhe mbështetur Luka Modriç.

“E morëm vesh mungesën e Ronaldos, kur po vendoseshin mikrofonët dhe ishte një surprizë që nuk mori pjesë. Por, le të bëjë çfarë ka qejf”, flet mbrojtësi dhe i spanjollëve për “Marca”. Nga ana tjetër, ai ndalet dhe te mesfushori Luka Modriç.

“Nuk besoj se Kristiano është i zemëruar me faktin që çmimin e futbollistit më të mirë e fitoi Luka. Me shumë mundësi mund të jetë i zemëruar, sepse nuk e fitoi ai, por jo sepse e fitoi një shoku i tij. Por, mendoj që nëse ishte një person në botë që e meritonte atë çmim, ai ishte Modriç”, përfundon 32-vjeçari.

I pyetur nga “Globo” për fituesin e Topit të Artë për vitin 2018, Kaka, ka dhënë një përgjigje mjaft befasuese. 36-vjeçari tha se për të janë vetëm dy kandidatë në garë, Mbape dhe Modriç, të dy lojtarë që shkëlqyen në Botërorin “Rusi 2018”.

Ronaldo dhe Mesi e kanë fituar Topin e Artë prej 10 vitesh radhazi, ndoshta ky është viti që “hegjemonia” e tyre në futbollin botëror do të thyhet.

Rasti i mesfushorit çoi në përplasjen midis klubeve të Realit dhe Interit. Spanjollët akuzuan zikaltrit për negociata të fshehta me lojtarin dhe janë gati për ta çuar çështjen në gjyq, por klubi italian ka replikuar duke mohuar gjithçka.

Së fundmi lojtari ka thyer heshtjen dhe ka folur për çeshtjen e shumëpërfolur. Ai ka komentuar duke zbuluar se si qëndron e vërteta.

“Sinqerisht, kurrë nuk kam besuar në ardhjen e kroatit në Itali. Florentino Perez humbi Ronaldon dhe nëse do të kishte humbur dhe Modriç, atëherë ai do e kishte të pamundur të rizgjidhej në krye të klubit.

Reali është mësuar të blejë yje dhe për momentin nuk është se ka shumë të tillë. Interi mbetet konkurrenti kryesor i Juventusit në Itali, por kujdes dhe Milanin”, përfundon 72 vjeçari në prononcimin për “Radio Deejay”.

“Herët apo vonë, Luka do të luajë në Itali. Modriç dëshiron të jetë një yll në Serinë A me Interin, por të shohim…”, është shprehur agjenti i kroatit për gazetën “Tuttosport”.

Reali i Madridit nuk dëshiron në asnjë mënyrë largimin e një prej mesfushorëve më të mirë në botë dhe është gati për t’i rinovuar kontratën. Ky i fundit po reziston dhe dëshira e tij është kalimi në futbollin italian, ku Interi dhe tri kroatë si: Brozoviç, Vërsaljko dhe Perisiç, po e presin me padurim.

Nëse 32-vjeçari kroat nuk rinovon dhe Reali refuzon çdo ofertë, ekziston mundësia që Modriç të transferohet në Milano vitin e ardhshëm. Kontrata me Realin i skadon në vitin 2020 dhe këta të fundit do të dorëzoheshin, pasi nuk mund ta humbasin lojtarin pa asnjë fitim.

Interi nga ana tjetër e kërkon që këtë vit, por duhet të përgatisë një ofertë bindëse për klubin spanjoll, pasi koha është kundër. Merkato në Itali mbyllet ditën e premte dhe klubi milanez ka pak kohë në dispozicion.

Reali i Madridit ka vendosur ti rrisë rrogën nga 8 në 10 milionë euro në sezon. Kjo do të bënte që mesfushori të kishte të njëjtën pagë më Serxho Ramos.

Klubi “Merengues” dëshiron të shpërblejë 32-vjeçarin kroat për performancat e mira dhe e sheh atë si një lojtar jetik për ekipin. Siç raporton gazeta spanjolle, diçka ka ndryshuar gjatë ditës së sotme dhe në klubin e Realit janë të bindur që rinovimi i Modriç do të vijë shumë shpejt.

Siç citon “Libertad Digital”, argjentinasi është kthyer në “modë” në Madrid dhe drejtuesit e gjigantëve spanjoll kanë udhëtuar drejt Italisë dhe për momentin ndodhen në Romë. Qëllimi i tyre është akordi me sulmuesin argjentinas. Drejtuesit madrilienë po negociojnë me Vanda Narën, njëkohësisht agjentja dhe gruaja e Ikardit.

Luka Modriç dëshiron kalimin në Milano dhe në Spanjë nuk kanë çfarë bëjnë përballë dëshirës së lojtarit. Reali po mendon të bëjë të njëjtën gjë me Ikardin. Nëse bindet lojtari dhe arrihet akordi me të, ai do i kërkonte largimin Interit dhe duke përfshirë kroatin në tratativë, gjithçka do të ishte më e lehtë për spanjollët.

Gazeta “AS” shkruan se nëse ikën Modriç, Reali është gati të blejë një tjetër lojtar. Në listë janë Sergej Milinkoviç-Saviç, Miralem Pjaniç dhe Marko Verrati.  Për të arritur te ky i fundit duket e pamundur, duke njohur edhe fuqinë ekonomike të PSG-së, që vjet refuzoi ofertën e bërë nga Barcelona. Jo vetëm kaq, por e bindi italianin të nënshkruante kontratë të re.

Milinkoviç-Saviç dhe Pjaniç për rreth 100 milionë euro mund të marrin rrugën për në Spanjë. Veç këtyre emrave të njohur, Reali i mban sytë edhe nga mesfushori i Ajaksit. Frenki De Jong është gjithashtu në listën e dëshirave. Për 21-vjeçarin ka konkurrencë, pasi edhe Barcelona po e ndjek me kujdes dhe po tenton ta blejë atë.

Duke qenë se Modriç ende nuk i është bashkuar spanjollëve në stërvitje, kanë nisur të qarkullojnë shumë zëra mbi të ardhmen e mesfushorit, i cili shkëlqeu në “Rusi 2018” me Kroacinë e tij që shkoi deri në finale dhe u mund nga Franca.

Për të bindur Modriç ka ndërhyrë grupi “Sunning”, që i ofron mesfushorit që për katër vite të nënshkruajë me Interin, ndërsa më pas do të transferohet te Jiangsu. Miliona për të në moshën 36-vjeçare dhe mbyllje karriere në Kinë.

Siç citon “As”, Pjaniç i Juventusit, Milinkoviç-Saviç i Lacios, Verrati i PSG dhe De Jong i Ajaksit janë alternativat e Modriç. Mesfushori rikthehet të merkurin në Madrid dhe personi i parë që do të takojë është presidenti i tij, duke sqaruar gjithçka për të ardhmen e tij.

Nëse rrugët e tyre ndahen, Reali do të hidhet në sulm për zëvëndësuesin dhe njëri nga të katër emrat e mësipërm do të zbarkojë në kryeqytetin spanjoll.