Luis Van Gal është një ekpert i sutdimit të futbollit. Holandezi gëzon një eksperiencë të madhe në botën e futbollit dhe është me vend që një si ai të japë këshilla edhe për një trajner të madh si Guardiola. Van Gal mendon se Guardiola duhet të studiojë kundërshtarin dhe jo vetëm të perfeksionojë lojën e tij për të fituar një kompeticion si Champions League.

“Fitimi i kampionatit për herë të dytë rresht është fantastike. Guardiola ka fituar gjithçka që mund të fitohet në Angli, por niveli më i madh është Championsi. Dhe se ai nuk mundi të fitonte as me Sitin as me Bajernin. Kjo vjen si pasojë e shqetësimit të tepërt në lidhje me lojën e ekipit të tij dhe humbja e kujdesit për lojën e kundërshtarit. Gjithmonë duhet ta respektoni kundërshtarin. Guardiola dhe Ten Hag kanë ekipe me cilësi të lartë për rivalët e tyre brenda vendit, por kjo nuk vlen për Championsin”, u shpreh ish-strategu holandez, që dikur e ka stërvitur si lojtar Guardiolën.

Megjithatë, në vitet e fundit kemi parë një rritje të jashtëzakonshme të Premier Ligës. Ardhja e trajnerëve të mëdhenj dhe nxitja e një konkurence të jashtëzakonshme bën që të vendosemi mes një dileme mjaft të madhe kur na bëhet pyetja se cila është liga më e mirë. Lius Van Gal përpiqet t’i japë fund këtij dyzimi.

Megjithatë, edhe holandezi nuk arrin të japë një përgigje të prerë. Ai shprehet se La Liga është më e mirë taktikisht dhe teknikisht, por Premier Liga është më konkuruese.

“Kampionati anglez është më kompetitiv se La Liga, por jo sepse ka futbollistët më të mirë. Përkundër gjithë nënshkrimeve Anglia nuk ka më të mirët sepse filozofia e Spanjës është të rrisë lojtarë për t’i përdorur në të ardhmen. Klubet angleze blejnë sepse kanë më shumë mundësi financiare, por kjo strategji ka riskun e mospërshtatjes. Taktikisht dhe teknikisht La Liga është më e mira. Por Premier Liga është më konkuruese për shkak të presionit të lartë të kundërshtarit”, u shpreh Van Gal.

Luis Van Gal ka mbetur i befasuar nga ky rezultat. Ish-trajneri i njohur është personi që ka sjellë Champions Ligën për herë të fundit në Amsterdam. 67-vjeçari kritikon ekipin e Ten Hag dhe zbulon gabimin e bërë në pjesën e dytë.

“Ishte i admirueshëm fakti që Spurs patën guximin për të mos u dorëzuar, por ishte krejtësisht e panevojshme që Ajaksi ta lejonte t’i ikte ndeshja nga dora. Kjo humbje ishte e panevojshme pas rezultatit 2-0 në pjesën e parë. Totenhemi rrezikoi në pjesën e dytë dhe futi më shumë sulmues në fushë. Ajaksi bëri zgjedhje të gabuar me qarkullimin e topit në ato momente”, thekson Luis Van Gal.

Luis Van Gal ka një këshillë për të. Trajneri i njohur sheh tre ekipe ku De Ligt do të ndihej shkëlqyeshëm. Në një prononcim për “Ziggo Sport”, Van Gal analizon mendimin e tij dhe tregon opsionet më të mira për bashkëkombasin.

“Juventusi mund të jetë një opsion shumë i mirë. Bardhezinjtë janë maestrot e mbrojtjes në Itali. Po të isha në vend të De Ligt, do të shkoja te Barcelona ose Mançester Siti. Këto dy ekipe nuk kanë qendërmbrojtës aq të aftë sa Matijs dhe ai do luante si titullar”, thekson Luis Van Gal.

Rivaliteti për titullin kampion është i egër, por Luis Van Gal zgjedh ekipin e Klopit. Trajneri holandez ishte pjesë e Mançester Junajtid për dy vite, ndërsa bëri maksimumin për të rikthyer “djajtë e kuq” në shinat e duhura pas largimit të Aleks Ferguson.

Ai fitoi vetëm një “FA Cup” me Junajtid për t’i lënë vendin më pas Zhoze Murinjos. Van Gal shpjegon arsyet e kësaj zgjedhje, vlerëson shumë të dy ekipet e vendeve të para si dhe tregon ndryshimin midis Jurgen Klop dhe Pep Guardiolës.

DUELI – “Nëse do të më duhej të vija bast, do të zgjidhja Liverpulin, sepse ata kanë një mbrojtje më solide se Mançester Siti. Sa i përket aspektit kualitativ, Liverpuli nuk është favorit, pasi lojtarët më të talentuar i kanë kundërshtarët e tyre. Por, Guardiola ka një pikë të dobët, sepse i stërvit ekipet e tij vetëm në aspektin sulmues. Është e tmerrshme kur lojtarët e tij duhet të mbrojnë.”

TRAJNERËT – “Liverpuli di të mbrojë më mirë se Siti. Klop e ka transformuar ekipin në një makinë luftarake, si në sulm dhe në mbrojtje, pavarësisht faktit nëse topi zotërohet nga ata, apo jo. Kjo është ajo çfarë i mungon ekipit të Guardiolës. Siti ka ide të mrekullueshme për futbollin dhe në fushën e blertë janë të shkëlqyer, por nuk kanë shpirtin e duhur. Më pëlqen të shoh Sitin duke luajtur, por Klop e bën Liverpulin të luajë në një mënyrë absolutisht fantastike.”

Trajneri holandez, i cili ka drejtuar Barcelonën në dy periudha të ndryshme (1997-2000 dhe 2002-2003), është kundër rikthimit të brazilianit në ekipin katalanas dhe e argumenton në këtë mënyrë mendimin e tij për “Beteve”.

“Mendoj se nuk do të ishte një gjë e mirë rikthimi i Nejmarit te Barcelona, por ky është thjeshtë mendimi im. Braziliani është shumë individualist dhe i fokusuar te vetja e tij, prandaj mendoj se Barcelona duhet të jetë vigjilente dhe të mendohet mirë përpara se të vendosë për ta rikthyer. Nejmar është akoma një futbollist i ri dhe mund të vazhdojë të rritet e përmirësohet. Ai duhet të mësojë të jetë një lojtar skuadre“, përfundon 67-vjeçari holandez.