Osman Dembele, Filip Kutinjo, Luis Suarez, Malkom dhe Grizman janë në betejë për vetëm dy pozicione. Shumë specialistë hedhin dyshime mbi përdorimin e francezit në mesfushë. Por ky repart së pari nuk është i përshtatshëm për karakteristikat e 28-vjeçarit.
Së dyti ardhja e De Jong ka krijuar edhe aty një mbipopullim, nga i cili hidhen dyshime edhe mbi praninë e Buskets në formacion. Së treti Barçës i duhet një mesfushor më difensiv në atë pozicion, duke parë aftësitë jo të mira mbrojtëse të lojtarëve të sulmit. Pra aktivizimi i Grizman në mesin e fushës krijon destabilitet repartesh.

Grizman si mesfushor është gati e pamundur. Qëndron si një opsion mjaft i volitshëm krahu i djathtë i sulmit, ku aktivizohet Kutinjo ose Dembele. Ai është një pozicion mjaft ideal për Grizman, të cilin e ka aplikuar te Atletiko dhe Franca. Kjo atlernativë bie poshtë në rast se Nejmar zbarkon në Barcelonë, ngjarje kjo që ka shumë mundësi të ndodhë. Gjithashtu besimi i madh që Bartomeu ka te Dembele bën që 21-vjeçarit t’i jepet më shumë mundësi të shpalosë talentin e tij.
Kështu e vetmja mundësi është qendra e sulmit. Në majë aktivizohet Luis Suarez. 32-vjeçari nuk ka qenë në versionin më të mirë dy vitet e fundit. Championsi është pika më e dobët. Mosha e tij jep sinjalet e nevojës së një risie në sulm. Grizman e ka dëshmuar shumë mirë se mund të jetë perfekt edhe në atë rol. Suarez mbetet “koka e turkut” për momentin në “Camp Nou”.

                                                                                                                                                                      DENIS LALA

Ndeshja përfundoi në barazim pa gola, ndërsa fati i penalltive ju buzëqeshi peruanëve. Nëtë gola të shënuar dhe vetëm një gabim, ai i sulmuesit të Barcelonës. 32-vjeçari shpërtheu në lot pas eliminimit të dhimbshëm të djemve të Oskar Tabarez, të cilët ishin ndër pretendentët kryesorë për fitimin e trofeut të madh.

“Dëshiroja të godisja lart dhe fort, por ndodhi vetëm e dyta. Pavarësisht eliminimit tonë, mund të them që ky rezultat nuk ishte aspak i drejtë”, thekson Suarez, i cili goditi fort, por gjuajtja e tij ishte pothuajse tokazi dhe portieri i Perusë kreu një pritje të bukur.

?? LUIS SUÁREZ: “En el penalti le quise pegar arriba pero fuerte. A pesar de haber perdido, este resultado es injusto” pic.twitter.com/ZrppEP3IzV

— El Chiringuito TV (@elchiringuitotv) June 30, 2019

Luis Suarez ishte i pari që goditi dhe i vetmi që gaboi. 29-vjeçari Pedro Galese e priti goditjen e sulmuesit të Barcelonës, ndërkohë që të gjithë nëntë goditjet e tjera përfunduan në rrjetë.

Edison Flores shënoi penalltinë deçizive, duke dërguar shokët dhe tifozët e tij në festë dhe Suarez në lot. 32-vjeçari e përjetoi shumë keq këtë situatë dhe ishte pothuajse e pamundur për ta qetësuar.

Ky është futbolli, para një muaji e gjysmë ai qeshte përpara fytyrës së Endi Robertson, skocezit të Liverpulit, pas golit të tretë të Mesit në fitoren e parë në ndeshjen gjysmëfinale të Champions Ligës.

Më pas ndodhi përmbysja e madhe e djemve të Klopit në Anfield, Barça humbi edhe finalen e Kupës së Mbretit, ndërsa tani vjen eliminimi prej Kupës së Amerikës.

Luis Suarez crying after missing a pen to send Uruguay out of Copa America….. Remember when he laughed at Andy Robertson. You love to see it! pic.twitter.com/juvET7vXlL

— Stanley House ??6?? (@StanleyHouseLFC) June 29, 2019

This is exactly what I was thinking about last night. He pays for this epic disrespectful behavior. pic.twitter.com/c7vjABbJDq

— Alexandros Morellas (@A_Morellas) June 30, 2019

Për fat të mirë ka hequr dorë nga kafshimi i mbrojtësve, diçka që desh i shkatërroi gjithçka. Në verën e vitit 2014 luhej Botërori i Brazilit. Suarez dhe Kielini nuk kursyen asgjë në duelet e tyre të ashpra në ndeshjen Itali-Uruguaj.

Në një moment sulmuesi nuk duroi më dhe thirri dhëmbët në ndihmë. Rast i përsëritur, më parë kishte kafshuar Ivanoviç të Çelsit. Nëntë ndeshje pezullim me Uruguaian dhe katër muaj pushim absolut ishte dënimi për të.

Suarez sapo ishte transferuar te Barcelona, por duhej harruar prezantimi dhe sezoni me ekipin e ri do të niste në janarin e ardhshëm. 32-vjeçari ka vuajtur shumë gjatë asaj periudhe. Në një prononcim për “Fox Sport”, bomberi i ekipit katalanas rrëfen që i është dashur të marrë ndihmën e psikologëve, të cilët e ndihmuan të linte pas krahëve atë episod fatkeq.

“Gruaja më pyeste se çfarë kishte ndodhur dhe un i përgjigjesha se ishim përleshur. Nuk e pranoja realitetin dhe ky ishte gabimi më i madh. I kërkova ndihmë një psikologu, i cili më ndihmoi shumë për të pranuar gabimet dhe për t’u rritur. Kam vuajtur shumë, u bëra me të vërtetë shumë keq. Për gruan, fëmijët edhe miqtë e mi.

Ishte çnjerëzore mënyra me të cilën u trajtova. Sapo kisha firmosur me Barcelonën dhe nuk ishte bërë akoma prezantimi. Mendoja se karriera ime kishte marrë fund. Kur drejtuesit e klubit më thirrën për të firmosur kontratën, kam qarë gjithë ditën nga gëzimi”, përfundon Luis Suarez.

Inter Miami është ekipi i anglezit, që do të nisë rrugëtimin në futboll në vitin e ardhshëm. Klubi i Bekam do të regjistrohet menjëherë në elitën e futbollit amerikan dhe ish-ylli i Realit dhe Mançester Junajtid po përpiqet të ndërtojë një ndër skuadrat më të forta.
Suarez ka një kontratë që e mban të lidhur me Barçën deri në vitin 2021, por në fund të sezonit të ardhshëm duhet përmendur fakti që uruguajani do të jetë plot 33 vjeç dhe ndoshta në Katalonjë do të mendojnë për një tjetër sulmues.

? Beckham quiere llevar a Suárez a la MLS
? “Queremos jugadores que tengan hambre, que hayan jugado en el nivel superior, pero que quieran ganar”https://t.co/K7A1UexdQN

— AS (@diarioas) June 4, 2019

Kështu, pavarësisht se Suarez nuk ka dhënë ndonjë reagim për këto spekulime, gjithçka duket më se e mundur, me sulmuesin që do ta shohim sezonin e ardhshëm përtej oqeanit.

Kjo për shkak të një dëmtimi që ai ka pësuar në menisk. Uruguaiani tanimë duhet t’i nënshtrohet terapisë deri në rikuperimin e plotë. Suarez kështu e ka mbyllur sezonin dhe ndeshja më e rëndësishme që humbet është finalja e Kupës më Valencian.

Trajneri Ernesto Valverde do të gjejë një zgjidhje, pasi alternativat te Barcelona janë të shumta. Eliminimi nga Championsi i ka inatosur katalanasit, që do kërkojnë të paktën ta mbyllin me një tjetër trofe sezonin. Titullin kampion e kishin siguruar më parë.

Megjithatë, sulmuesi uruguaian pret që tifozët ta duartrokasin, të paktën shumica e tyre: “Për atë që i kam dhe këtij klubi, mendoj se shumica e tifozëve do më duartrokasin. Kush ndihet mirë nëse më fishkëllen, nuk ka problem. Unë i jam mirënjohës këtij klubi, mendoj se kam dhënë kontribut për ta kthyer në Champions League dhe kam kujtime të shkëlqyera këtu.

“Në Liverpul ka lindur një nga fëmijët e mi, aty ka shkelur për herë të parë në një stadium dhe kaq mjafton”.

Suarez shpjegon arsyen e festimit: “Kemi vuajtur shumë, eliminimi i vjetshëm na dhemb ende. Nuk ishte një festim kundër Liverpulit, por për rëndësinë e një goli që kishte vlerë të madhe. Nuk shënoj prej 3 vitesh jashtë fushe në Champions, por nëse shënoj në Anfield, nuk do të festoj. Kam respekt maksimal për Liverpulin dhe ashtu si bëra me Ajaksin në një ndeshje në Groningen, nuk do të festoj as në Liverpul”.

Pikërisht ky i fundit, ka folur për mediat, ku edhe ka deklaruar se Liverpuli i kohëve të sotme nuk është aspak i njëjtë me Liverpulin që ka luajtur Suarez. Uruguajani shtoi se çdokush do të kishte dëshirë të bashkohet me Liverpulin e sotëm dhe se “The Reds”, ndryshe nga më parë, shpenzojnë edhe më shumë tashmë.
“Kur unë isha atje, ishte shumë ndryshe. Ekipi nuk ishte aq i mirë sa është sot dhe atëherë nuk shpenzonin aq shumë sa sot. Çdo futbollist do të kishte dëshirë të bashkohej me Liverpulin sot, më parë ishte ndryshe. Nëse do të kishim fituar kampionatin, mendoj se do të ishte arritje më e madhe se sa do të jetë nëse e fiton ekipi aktual”, përfundoi Suarez.

Me këtë gol “El pistolero” jo vetëm ndihmoi ekipin e tij, por i shërbeu edhe për të thyer një rekord. Ai tashmë është golashënuesi më i mirë uruguaian në La Liga, me 129 gola me fanellën e Barcelonës. Këtë rekord e mbante Diego Forlan, me 128 gola me fanellat e Vilarealit dhe Atletikos së Madridit.

32-vjeçari renditet i dyti pas Mesit në listën e golashënuesve, me 19 të rrjeta të tundura. Argjentinasi ka shënuar 32 herë. Suarez ka shfaqur një formë relativisht të mirë gjatë këtij sezoni dhe momentet më vendimtare janë golat ndaj rivalëve të përjetshëm, Realit të Madridit.

Suarez barazoi dhe rekordin e Diego Forlan me golin e shënuan dje në mbrëmje. Goli i 128-të në La Liga për sulmuesin e Barçës, i cili barazon patriotin e tij.

Megjithatë, 32-vjeçari ka pësuar një dëmtim që do e mbajë disa ditë larg fushave të blerta. Sipas raportimeve të mediave spanjolle, Suarez do të qëndrojë 15 ditë pushim. Ai do të kurohet nga stafi mjekësor i Barcelonës, pasi vendosi të mos grumbullohej me kombëtaren.

Lojtari ka pësuar një dëmtim në kavilje e djathtë dhe kontrollet e ditës së sotme e kanë konfirmuar këtë gjë.

Pikërisht, pasditen e sotme Barcelona do të presë në fushën e saj Rajo Vajekanon, ku pritet të jetë një ndeshje e veçantë për Luis Suarez. 32-vjeçari do të ketë mundësinë të shndërrohet në golashënuesin më të mirë uruguajan të La Ligas.

Luis Suárez is only two goals away from becoming the Uruguayan player with the most goals scored in La Liga. This record is currently held by Diego Forlán who scored a total of 128 goals. Forlán defended the shirts of Villarreal (2004-2007) and Atlético Madrid (2007-11). [sport] pic.twitter.com/zOYXYEWiHG

— barcacentre (@barcacentre) March 9, 2019

Aktualisht, fronin e mban Diego Forlan, i cili njihet për periudhën e kaluar në Spanjë me fanellat e Vijareal dhe Atletiko Madrid, ku shënoi plot 128 gola. Suarez numëron vetëm dy më pak dhe sot do të ketë mundësinë të thyejë këtë rekord dhe të bëhet i pari lojtar nga Uruguaji që shënon më shumë se 128 gola.

Shumë tifozë u trishtuan për fundin e hidhur të “Los Blancos”, të cilët nuk u ngritën asnjëherë gjatë këtij sezoni në nivelin e duhur. Më të shumtë janë ata që u kënaqën nga dështimi i ekipit të Solarit.

Diçka normale duke marrë parasysh faktin që Reali ka bërë shumë tifozëri të vuajnë në 5 kompeticionet e fundit të Champions Ligës (kanë fituar 4 herë). Luis Suarez është ndjerë dyfish i lumtur mbrëmjen e kaluar. Sulmuesi i Barcelonës nuk mund të mos kënaqet kur “armiqtë” e Realit dështojnë, por ai është krenar dhe për ndeshjen madhështore të Ajaksit.

Uruguaiani ka qenë pjesë e “Harkëtarëve” për katër sezone, aty ku shënoi 83 gola në 114 ndeshje, përpara se të transferohej te Liverpuli në verën e vitit 2011. “Urime, do të jem gjithmonë një tifoz i Ajaksit”, shkruan Suarez në rrjete sociale, duke postuar dhe një foto të ekipit holandez, të cilët festojnë pas kualifikimit me tifozët e tyre.

Gefeliciteerd! Ik ben altijd ajacid ???? @AFCAjax https://t.co/HS21XavcIq

— Luis Suarez (@LuisSuarez9) March 5, 2019

Një i tillë ndodhi dhe në përballjen e kaluar midis Luis Suarez dhe të riut madrilen Serxho Reguilon. Mëngjarashi i Realit filloi të kapej me fjalë me uruguaianin, i cili është një ndër ato lojtarë që i mirëpret ngacmimet e kundërshtarëve. Një televizion spanjoll ka zbuluar fjalët ndërmjet të dyve me anë të teknikës së leximit të buzëve.

No mesmo lance Reguilon chamando Suárez de “Coelho, feio” e perguntando para Messi “O que você quer? O que te incomoda pulga”

MADRIDISMO! pic.twitter.com/DJki3wpWS5

— Real Madrid Brasil (@RealBrasil_BR) March 4, 2019

Reguilon: Mos më prek, mos më prek! E di çfarë shëmtire që je a e di çfarë shëmtire je. Hej çfarë the ti (i drejtohet Mesit), plesht çfarë fole ma thuaj tani

Më pas Suarez fillon të tallet me Reguilon duke i imituar me ironi momentin ku ai shpërtheu në lot pas humbjes 3 – 0 në takimin e Kupës së Mbretit të zhvilluar vetëm pak ditë më parë. Natyrisht kuptohet që uruguaiani është një “ujk i vjetër” përsa i përket anës së pistë së futbollit dhe acarime të këtij lloji nuk kan si t’i bëjnë përshtypje atij.

Golat në transfertat e Champions League duket se janë kthyer në një makth për sulmuesi i katalanasve. Goli i fundit i Suarez në këto lloj ndeshjesh daton në 16 shtator të 2015-ës, ku tundi rrjetën e Romës në një takim që u mbyll me shifra të barabarta 1 – 1.

Duhet përmendur që paraqitjet e Suarez në dy edicionet e fundit të Champions kanë qenë shumë zhgënjyse. Gjatë vitit të kaluar 32-vjeçari gjeti vetëm njëherë rrugën e rrjetës, ndërsa në sezonin e mëparshëm regjistroi 3 gola.

Video e golit të fundit në transfertë të Luis Suarez

Sulmuesi i Barcelonës ka vërtetuar këtë histori në një intervistë për gazetën katalanase “SPORT”. Uruguaiani zbuloi detajet e këtij momenti që ka ndodhur më 5 nëntor të 2014-ës, në transfertën ndaj Ajaksit në Amsterdam.

Suarez kishte vetëm 10 ditë që ishte kthyer nga dënimi katër mujor që mori nga FIFA pas kafshimit të Kielinit në Kupën e Botës. Përgjatë muajve të parë të parë të kampionatit, Luis Enrike në mungesë të Suarezit ia kishe besuar Mesit rolin e sulmuesit të qendrës. Ja si e shpjegon uruguaiani këtë histori.

“Është e vërtetë (qesh). Sistemi që kishim me Luis Enriken, ishte i tillë që Mesi duhet të luante si 9-sh fals, ndërsa unë isha vendosur në krah të sulmit dhe kisha për detyrë të gjeja hapsira midis mbrojtësit të krahut dhe të qendrës. Në një ndeshje kundër Ajaksit ata u vendosën të gjithë në mbrojtje dhe Mesi nuk po gjente shumë hapsira. Në një moment u futa në qendër dhe bëmë dy aksione të mira dhe Mesi më tha: “Do të qëndrosh këtu?”. Pas ndeshjes Luis Enrike na pyeti nëse dëshironim të vazhdonim të luanim në atë mënyrë, të tre ishim dakord”, tha Suarez.

Humbja kundër ekipit andaluzian ka lënë shije të hidhur te Barça, që nuk iu gëzua në maksimum rikthimit të Leo Mesit nga dëmtimi. Kapiteni shënoi dy herë, por tre pikët shkuan për Betisin.

Siç citon “Superdeporte”, në dhomat e zhveshjes së Barcelonës ka patur zënka dhe ngritje zërash. Zherard Pike dhe Luis Suarez kanë debatuar mes tyre, me sulmuesin që u ankua për mungesën e një pasimi nga ana e mbrojtësit. Kjo gjë nuk i ka pëlqyer Pikesë, i cili është përgjigjur: “mos më çaj k… për një pasim”.

Por, jo vetëm kaq. Sipas kamerave të “Movistar”, Pike dhe Arturo Vidal kanë debatuar për një rast në fundin e takimit, çka mund të sillte barazimin e djemve të Valverdes. Vidal ka qenë fare i lirë, por Pike ka goditur vetë duke humbur rastin. “Nëse thua ‘e imja’, ta lëj, por nuk kam dëgjuar kurrë në jetën time fjalën ‘unë’”, janë fjalët e thëna nga mbrojtësi kundrejt mesfushorit kilen.

Të shtunën e kaluar, në “Centenario”, u organizua koncerti i Roxher Uaters, që i dha goditjen e fundit barit të fushës në Montevideo. Në fotot që u shfaqën pas koncertit fusha shihej në gjendje skandaloze dhe për këtë arsye duket se punëtorët e fushës kanë vendosur të ndërhyjnë.

Në një video të postuar nga Luis Suarez, i cili shfaqej mjaft i dëshpëruar, vihet re se punëtorët po e lyejnë pjesën e fushës me ngjyrë të gjelbër. Diçka mjaft shqetësuese, pasi në mbrëmje do të zbresin ekipet që do të diskutojnë trofeun më të rëndësishëm në vend. Suarez shkruante në postimin e tij:

“E pabesueshme që finalja më e rëndësishme e futbollit tonë do të luhet në një fushë të tillë. Ju lutem, ta ndryshojmë imazhin tonë”.

Increíble que se vayan a jugar las FINALES MÁS IMPORTANTES de nuestro fútbol en una cancha así ….porfavor cambiemos nuestra IMAGEN ???? pic.twitter.com/lTay3qowrV

— Luis Suarez (@LuisSuarez9) November 9, 2018

“Jam 31 vjeç dhe klubi duhet të mendojë për të ardhmen. Besoj se është normale të mendosh të blesh një sulmues të ri, një numër 9 të ri. Në moshën që jam, nuk mendoj për atë që thonë për mua. Jam shumë kritik ndaj vetës time. Kur më thonin që isha shëndoshur dhe jashtë forme, e dija se ishte një gjë normale. Sapo isha kthyer nga Botërori dhe nuk isha stërvitur maksimalisht. Kjo gjë është pjesë e punës tonë, por duhet të qëndrojmë të përqendruar.”

Sulmuesi uruguaian i rikthehet dhe njëherë klasikes kundër Realit të Madridit dhe fitore së thellë 5-1. Suarez shënoi një tripletë dhe e shijoi këtë gjë në maksimum, por ai shfaqet një lider i vërtetë, duke insistuar që puna dhe ndihma për ekipin është më e rëndësishme sesa shënimi i golit.

“Në ndeshjen e fundit i shënova 3 gola Realit, por u ndjeva rehat, sepse po ndihmoja ekipin. Isha i qetë dhe i lumtur. Je i qetë, kur e di se po bën më të mirën për ekipin. Kështu që, të shënosh ose jo, nuk është një problem. Gjithmonë duhet të bashkëjetosh me kritikat dhe kur të bëjnë komplimente, nuk duhet të mendosh se je më i miri.”

Portugezi luante me Sportingun e Lisbonës, ndërsa Suarez kishte sinjalizuar disa herë klubin e Interit për të marrë shërbimet e lojtarit. Një gjë e tillë nuk mori vëmendjen e duhur nga drejtuesit dhe presidenti Morati, me talentin portugez që kaloi te Junajtid i Ferguson një vit më vonë.

“Kristiano Ronaldo erdhi në Itali me 16 vite vonesë. Ia kisha këshilluar Interit, kur ai ishte 17 vjeç, por që nuk ishte formuar akoma. A i tregova Moratit për të? I tregova të gjithëve, por askush nuk e mori. Ai shkoi te Mançester Junajtid një vit më pas, nëpërmjet marrëveshjes me Sportingun e Lisbonës. Interi më kërkoi të thërras menaxherin e tij për ta ftuar në Itali, por ishte vonë dhe ai ishte larguar”, përfundon Luis Suarez.

Esperándote ??? ?DESEANDO tenerte gordito HERMOSO ?? ????

Waiting ??? ?wishing you to have you here. pic.twitter.com/LY07nkd48I

— Luis Suárez (@LuisSuarez9) October 21, 2018

Në rast se Suarez nuk do të jetë i pranishëm në skuadrën e ditës së nesërme, atëherë vendin e tij do ta marrë sulmuesi Munir El-Hadadi, i cili deri më tani nuk është aktivizuar për as edhe një minutë në dy ndeshjet e kaluara të katalanasve në Champions League.

Uruguaiani ia nis me Klement Lenglet, mbrojtësin e marrë nga Sevilja: “E njihja Lenglet pasi jemi përballur me të kundër Seviljes, por dija më së shumti për aspektin mbrojtës rreth tij. Ai ka shumë kualitet dhe vizion loje”.

Braziliani Artur është një nga ata lojtarë prej të cilit pritet shumë në Katalonjë. E krahasojnë me Ksavin, një legjendë të Barcelona.“Leo gjithashtu më ka thënë se ai ka shumë gjëra të përbashkëta me Ksavin”, ka shtuar Suarez në emisionin “Tu Diras” në “RAC1”.

Malkolm u ble sivjet nga Barcca dhe për të sulmuesi thotë: “Ai është një futbollist ndryshe dhe shumë i aftë. Ngjan me Dugllas Kosta në fillimet e tij, shumë i shpejtë”.

Në fund pak fjalë edhe për Arturo Vidal, mesfushorin e marrë nga Bajerni i Mynihut. “Vidal është një lojtar që të gjithë e njohin. Bëhet fjalë për një futbollist që do të jepte jetën për skuadrën. Gjithashtu edhe në aspektin taktik mund të na ndihmojë shumë”, përfundon Suarez.

Luis Suarez shënoi një dygolësh në fitoren 8-2 përballë Hueskës dhe Barcelona mori fitoren e tretë rresht në La Liga duke ndarë kreun e renditjes me Realin e Madridit me nga nëntë pikë të plota.

Uruguaiani është i lumtur me golat e shënuar dhe ndalet te sistemi VAR duke dhënë mendimin e tij për teknologjinë në fjalë.

“Unë dëshiroj të ndihmoj gjithmonë skuadrën në çdo lloj forme, por nëse e bëj duke shënuar, atëherë edhe më mirë. VAR? Kur ke dyshime, VAR-i të ul adrenalinën dhe dëshirën për të festuar dhe gëzimi zbehet. Kur gjithçka është e kontrolluar, ti nuk mund të gabosh më”, përfundon 31-vjeçar i Barcelonës.

Luis Suárez, raporton TV3 në Spanjë, do të mungojë për një muaj, për një dëmtim pësuar dje, ndërsa Pike është në dyshim për ndeshjen hapëse të kampionatit.

Suárez pati një tërheqje muskulore gjatë një sprinti për të kapur një pasim të Mesit, ndërsa më parë kishte marrë një goditje të fortë nga një përplasje me Marselon.

Kontrollet mjekësore kanë treguar se uruguaiani do të mungojë në dy ndeshjet e para të kampionatit, kundër Betisit e Alaveshit.