Në fund, dy krerët e futbollit spanjoll vendosën t’i besonin stolin e kombëtares asistentit të Luis Enrikes, Robert Moreno, i cili drejtoi Spanjën në tri ndeshjet e fundit ku iberikët mundën Maltën, Ishujt Faroe dhe Suedinë. Drejtori sportiv Hoze Molina u shpreh kështu për vendimin e marrë: Një vit më parë kur firmosëm me Luis Enriken ramë dakord për të filluar një projekt të ri, nëse do të zgjidhnim një trajner tjetër do na duhej të ndryshonim krejtësisht projektin. Moreno do të vazhdojë punën që nisi Enrike”.

Trajneri 41-vjeçar nuk ka një të shkuar si futbollist, por karrierën si trajner e ka filluar në moshë të re. Moreno ishte 25-vjeç kur drejtoi ekipin e tij të parë në ligat amatore në Katalonj. Pas disa vitesh eksperiencë në futbollin gjysmëprofesionsit, Moreno bëri hapin e madh në karrierë duke u bërë asistent i Luis Enrikes në vitin 2010, kur ky i fundit drejtonte Barcelonën B. Bashkëpunimi midis tij dhe Enrikes qëndroi i pandërprerë.

“Falenderoj presidentin Rubiales dhe drejtorin Molina për besimin e dhënë. Nuk është një ditë e madhe, ka gëzim por trishtimi mbetet më i madh. E ëndërroja të isha trajneri i kombëtares, por jo në këtë lloj mënyre. Kam punuar nëntë vite me Luis Enriken dhe kam mësuar gjithçka nga ai”, përfundoi Moreno.

Gjatë ditës së sotme ka ardhur dhe reagimi i Federatës spanjolle të futbollit (RFEF), nëpërmjet presidentit Luis Rubiales. Ky i fundit ka postuar në rrjetet sociale lajmin e mirë për tifozët spanjollë, duke u dhënë prioritet atyre. Tashmë nuk do të ketë më ndeshje gjatë ditës së parë të javës duke nisur nga sezoni i ardhshëm, ndërsa mbetet të merret një vendim dhe për duelet e ditës së premte.

“Në kampionatin spanjoll nuk do të ketë më ndeshje ditën e hënë, por vetëm të shtunën dhe të dielën. Nuk kemi vendosur akoma për ndeshjet e zhvilluara të premten dhe jemi në kërkim të një akordi që do i kënaqte të gjithë. Biznesi është i rëndësishëm, por tifozët mbeten prioriteti kryesor”, lajmëron kreu i futbollit të vendit iberik.

Një reagim të ngjashëm bënë dhe tifozët gjermanë, të cilët ishin kundër zhvillimit të përballjeve në ditët e hëna. Federata miratoi kërkesën e tyre dhe në Bundesligë nuk do të zhvillohet asnjë ndeshje të hënën, duke nisur që nga viti 2021.

NO HABRÁ MÁS FÚTBOL LOS LUNES.
A partir de la próxima Temporada en @laliga habrá fútbol sábados y domingos ?
Veremos qué ocurre con los viernes, si llegamos a un acuerdo bueno para todos.
El negocio es importante pero más los aficionados ???????
Somos la @rfef#SomosFútbol ?? pic.twitter.com/hp8R01hPSv

— Luis Rubiales (@LuisRubiales) March 1, 2019