“Jam shumë i lumtur që jam pjesë e Fiorenzuolas. Zgjodha të vij këtu, pasi pashë një projekt në ngritje dhe një staf shumë të përgjegjshëm, duke filluar nga presidenti Luixhi Pinali te drejtori sportiv Simone Di Batista. Kjo ishte arsyeja përse refuzova oferta të tjera nga Lega Pro, për një projekt serioz dhe një ambient të shëndetshëm si Fiorenzuola”, tha Kaçorri në prezantimin e tij te klubi.

Sulmuesi shtatlartë, ka pasur eksperienca të mëparshme në Serie D, teksa sezonin e kaluar spikati me  nëntë gola me skuadrën e Igea Virtus, çka bëri që të firmoste një kontratë me skuadrën e Karpit.

Kaçorri është një emër i njohur për klubet e Superiores, pasi në të shkuarën ka qenë në provë te Partizani, Kukësi dhe Vllaznia.

Tashmë për sulmuesin shtatlartë ka trokitur fati në derë, pasi në mediat italiane raportohet se skuadra e Serisë B, Karpi, ka arritur marrëveshjen me sulmuesin, që pritet të zyrtarizohet. Sezonin e fundit, i riu i lindur në Viterbo, ka qenë pjesë e Ixhea Virtus dhe ka arritur të realizojë 7 gola në 31 ndeshje.

Kaçori ka marrë edhe një urim nga lojtari i kombëtares, Andi Lila, i cili i ka dedikuar një postim në llogarinë e tij në “Instagram”.