Tani, kur kanë kaluar shumë vite, ish-mesfushori i Portugalisë ka folur për emisionin spanjoll “Universo Valdano”, me Horge Valdano, ku ka shpjeguar prapaskenat e transferimit te Reali: “Kam kaluar 5 vite të mrekullueshme te Barcelona, në aspektin njerëzor dhe sportiv. Më pas doli një kandidat i ri për president, Gaspart, tek i cili nuk kisha fare besim. Mund të më premtonte edhe hënën, por nuk do e besoja kurrë”.

Nga 1995 deri në 2000 te Barcelona, Figo më pas u arratis për te Reali:” “Gjërat u bënë gjithnjë e më serioze, derisa arrita marrëveshjen me kandidatin për president të Realit. Megjithatë, nuk kisha firmosur ende, kur mora vesh se nëse nuk firmosja, do duhej te paguaja gjithë abonimet e Bernabeu për 1 vit. Ajo ishte një klauzolë e firmosur nga agjenti im. Nuk dija gjë”.

Ai e nisi dhe e mbylli karrierën me Romën e tij, duke u kthyer në një nga simbolet e lojës më të bukur me top. Ceremonia e lamtumirës nga futbolli, e mbajtur me 28 maj të vitit 2017, përloti gjithë stadiumin “Olimpico”, por jo vetëm.

Toti fitoi një kampionat italian dhe Botërorin me Italinë në vitin 2006, por ai mund të kishte fituar dhe “Topin e Artë”. Luis Figo është i bindur për diçka të tillë në prononcimin e dhënë gjatë eventit “mbrëmja e Zotave”.

Një ndeshje kampionësh do të zhvillohet në Romë me datë 2 qershor, aty ku do të marrin pjesë emra si: Toti, Figo, Toldo, Pirlo dhe Kasano. Fitimet do të t’i kalojnë një spitali që merret me sëmundjet e këqija dhe transplantet.

“Për atë që ka dhënë në fushën e blertë, Françesko do e kishte merituar fitimin e ‘Topit të Artë’. Do të ishte një vlerësim tepër i merituar për talentin e tij”, është shprehur portugezi.

“25 vite me Romën janë shumë dhe kisha më shumë përgjegjësi brenda dhe jashtë fushe. Ëndrra ime ka qenë që të luaj gjithmonë me Romën. Nga tribuna është më e lehtë, gjërat thjeshtësohen. Mendon se pse topi është aty, po ky pse nuk gjuan në portë. Tani i kuptoj ofendimet që më bënin kur nuk luaja mirë. Megjithatë, janë ndjesi të bukura edhe këto që provon nga shkallët e stadiumit. Figo? Do të ishim një dyshe shumë e fortë nëse do të luanim bashkë. E sigurt që do të kisha shënuar më shumë gola”, përfundon legjenda romane.

Portugezi ka zhvilluar një karrierë të madhe të ndarë midis Sportingut, Barcelonës, Realit të Madridit dhe Interit. Të shumtë trofetë e fituar, ndërsa i paharrushëm mbetet dhe kalimi nga Barça te Reali.

Ai veprim solli kritika të mëdha dhe katalanasit nuk ia kanë falur kurrë Figos atë “tradhëti”. Ky i fundit ka folur për “Marca”, duke treguar tre lëvizjet më të mëdha të bëra në karrierë, bashkë me shkaqet e këtyre vendimeve. Trajnerët kanë patur të gjithë rëndësinë e tyre, por Figo zgjedh njërin, i cili quhej Johan Krujf.

NDRYSHIMET – “Kur bën një ndryshim, mendon gjithmonë që do të dalë më mirë. Ndryshimin e parë të madh logjik e bëra kur lashë Portugalinë për t’u transferuar në Spanjë. Isha shumë i ri dhe e bëra për të provuar një eksperiencë të re, që do më jepte më shumë prestigj. Të dytin e bëra (flet për kalimin nga Barcelona te Reali i Madridit), sepse isha në kërkim të vlerësimeve, duke u përpjekur të përmirësohesha në të gjitha aspektet: ekonomi, prestigj dhe tituj. I treti më ndodhi tek Interi. Kalova te zikaltrit, sepse po kërkoja lumturinë në futboll.”

TRAJNERËT – “Kam patur fatin të stërvitem me Krujfin. Ai ka qenë një maestro në aspektin filozofik dhe të koncepteve, sipas mendimit tim. Keiroz ka qenë trajneri im i kombëtares. Ka dhe të tjerë, si Del Boske, apo Murinjo tek Interi. Të gjithë kanë qenë trajnerë të rëndësishëm për mua dhe e kam të vështirë të zgjedh.”

Ajo që tërhoqi më së shumti vëmendjen, ishte diskutimi mbi Topin e Artë, ku sipas Figos meriton ta fitojë Serxhio Ramos. Legjenda portugeze mendon se mbrojtësi dhe kapiteni i Reali e ka kualitetin për ta fituar një çmim të tillë, por fakti që është një mbrojtës ndoshta e penalizon paksa.

“Është e qartë që Serxhio Ramos e meriton ta fitojë Topin e Artë. Të jesh një mbrojtës, është e njëjta gjë sikur të jesh portier, pasi është shumë e vështirë për të fituar një çmim individual, megjithëse Kanavaro ia arriti. Varet nga momenti dhe viti, por për kualitetin që ka, është e qartë që Ramos duhet ta fitojë”, përfundoi Figo.

46-vjeçari e nis prononcimin e tij për “DAZN”, pikërisht nga gjiganti suedez. “Zllatan është një kampion, edhe pse ka një karakter të vështirë. Egoja e tij është më e madhe se Kulla Eifel. Ai është i mirë, një djalë me zemër të mirë, ka cilësi të mëdha dhe është fitues. Pa dyshim që është një mik shumë i mirë.”

Fituesi i Topit të Artë në vitin 2000 komenton dhe për Roberto Mançinin, të cilin e kishte trajner te Interi. Trajneri momental i kombëtares italiane e ka turpëruar disa herë, por portugezi nuk mban mëri dhe i uron më të mirën. “Ai është një nga njerëzit që më ka turpëruar më shumë në karrierën time. Por, i dërgoj urimet më të mira, në këtë moment mban një pozicion të rëndësishëm në futbollin italian dhe shpresoj që kombëtarja të fitojë vendin që i takon.”

Në fund Masimo Morati dhe Havier Zaneti. Respekt dhe dashuri për të dy. “Morati ka qenë një nga personat më të rëndësishëm të botës së futbollit në karrierën time, në aspektin sportiv, por dhe atë personal. Unë e quaj baba dhe ka qenë shumë i rëndësishëm në katër vitet e mia me Interin. Zaneti? Një mik, një kapiten dhe profesionist i madh. Ka qenë e mrekullueshme të luaja me të”, përfundon një nga anësorët më të mirë të krahut të dekadës së kaluar në futbollin botëror.