Luftetari

Afrime te Luftëtari, rikthehet një sulmues

Sport Ekspres — Mon, 05 Aug 2019 15:24:14 +0000

Luftëtari ka nisur prej disa ditësh përgatitjet për sezoni e ri. Trajneri i ri i bluzinjve, Klevis Dalipi, po stërvit një pjesë të pakët të lojtarëve që kanë mbetur nga grupi i sezonit të kaluar, ndërsa pjesa tjetër e futbollistëve ndodhen në provë.

Një ndër emrat që i është bashkuar së fundmi stërvitjes së klubit gjirokastrit është Romario Cekaj. Sulmuesi i lindur në Selanik ishte pjesë e Luftëtarit gjatë sezonit të kaluar, por pas aktivizimeve të pakta u largua në fund të muajit dhjetor për të vazhduar karrierën në kategorinë e tretë greke.

Romario Cekaj

Në eksperiencën e tij të parë te Luftëtari, Cekaj u aktivizua në pesë ndeshje. Futbollisti 20-vjeçar luan si sulmues në të dy krahët e sulmit. I riu shqiptar është një produkt i akademisë së klubit Iraklis të Selanikut, ndërsa në të shkuarën pa pasur një përvojë në ligën e dytë sllovake.

“Faleminderit familja e madhe bluzi”, Ramadani ka një mesazh për Gjirokastrën

Sport Ekspres — Thu, 01 Aug 2019 14:38:29 +0000

Behar Ramadani i ka dhënë fund një bashkëpunimi 4-vjeçar me klubin e Luftëtarit. Mesfushori shkodran u largua nga skuadra gjirokastrite me 114 aktivizime mbi shpinë dhe me statusin e kapitenit.

Me anë të një postimi në rrjetet sociale, Ramadani ka falënderuar ish-klubin e tij dhe tifozët gjirokastritë për atë periudhë që ai i cilëson si vitet më të bukura të karrierës së tij si futbollist.

Nuk di nga t’ia nis më parë dhe tani po e kuptoj sa e vështir është të flasësh për këtë moment. Erdhi momenti që t’i them mirupafshim Gjirokastrës dhe Luftëtarit . I jam shumë mirënjohës Gjirokastrës dhe Luftëtarit për gjithë këto vite që kaluam bashkë, vitet më të bukura të karrierës sime. Përveç anës sportive i jam shumë mirënjohës Gjirokastrës pasi aty kam njohur shok dhe miq që do i kem gjithë jetën. Jam shumë i lumtur që isha pjesë e këtij Luftëtari që fitoi zemrat e shumë sportdashësve jo vetëm në Gjirokastër por dhe në qytetet e tjera te Shqiperis. Nuk gjej fjalë që ti falënderoj nga i pari tek i fundit të gjithë ato që na mbështeten gjatë këtyre viteve të mrekullueshme për mua dhe për Luftëtarin. Falënderoj të gjithë punëtoret e klubit nga i pari tek i fundit, të gjithë stafet teknike që punuam bashkë, falënderoj presidentin Tavo që më dha mundësin të isha pjesë e Luftetarit, tifozët dhe sportdashësit e mrekullueshëm dhe model te Gjirokastrës që na mbështetën ne çdo hap tonin. Një falënderim të madh dhe të veçantë kam për te gjithë futbollistët qe ishin pjesë e Luftëtarit përgjatë këtyre viteve qe unë isha pjesë e tij. Shumë faleminderit familja e madhe bluzi. Respekt pafund për ju dhe Luftëtarit ishalla ta shohim ti kthehet ditëve të tij më të bukura. Mirupafshim

“Shpifje dashakeqe”, Tavo reagon ndaj akuzave të aksionerit

Sport Ekspres — Tue, 30 Jul 2019 10:58:13 +0000

Situata te Luftëtari vazhdon të “vlojë”. Pas dorëheqjes së Grigor Tavos nga drejtimi i Luftëtarit, Bekim Halilaj, një aksionarët e klubit gjirokastrit ka akuzuar ish-presidentin për mosdorëzim të vulës së klubit në një prononcim për të përditshmen sportive “Panorama Sport”.

Nuk ka vonuar reagimi i zotit Tavo, i cili i ka cilësuar qesharake deklaratat e bëra nga Halilaj, duke e konsideruar mungesën e vulës si diçka të papërfillshme që mund të zëvendësohet me lehtësi. Ndër të tjera, në reagimin e tij ish-presidenti i bluzinjve bën thirrje që aksionarët e mbetur në klub të ndalin shpifjet e mashtrimet dhe të fillojnë të investojnë për të shpëtuar klubin.

Reagim

Ndihem i detyruar të reagoj në lidhje me shpifjet dashakeqe dhe shumë të ulëta që aksioneri i Luftëtarit, Bekim Halilaj ka bere ne adresë time. Është qesharake te dalësh dhe te thuash se Grigor Tavo po dëmton atë Luftëtar qe e ndërtoi me shume mund dhe investim, duke mbajtur sipas tij peng vulën e klubit për te penguar licensimin e Luftëtarit.

I bej thirrje aksionerëve apo aksionerit Halilaj, qe nëse ka ndërmend të investoje, ta bëjë sa më parë. Kjo pasi koha nuk pret. Nuk është aspak e vërtetë se unë mbaj peng vulën e klubit, kjo është një shpifje e ulët sepse vula është në administratën e Luftëtarit dhe nuk është justifikim që ka të bëjë me licensimin.

Luftëtari është një shoqëri aksionere me administrator dhe staf dhe si e tillë funksionon më së miri. Edhe sikur vula të mungonte, është shumë e thjeshtë të behet një e re. Vula mbahet nga personi që ka të drejtën e firmës në një shoqëri.

Në vend që të shqetësohemi për fatin e skuadrës thjesht po mundohemi të krijojmë ca tymnaja që nuk bëjnë gjë tjetër veçse tregojnë qëllimet e njerëzve. Luftëtari nuk mbahet as me shpifje dhe as me mashtrime, Luftëtari ka nevojë për investim.

Dalipi prezantohet të Luftëtari: Projekt me të rinj, ja çfarë synoj

Sport Ekspres — Mon, 29 Jul 2019 11:22:02 +0000

Klevis Dalipi është prezantuar ditën e sotme si trajneri i ri i ekipit të Luftëtarit. Kjo është hera e dytë që tekniku elbasanas vihet në drejtim të një ekip në Kategorinë Superiore, pasi më parë ka drejtuar Partizanin për një periudhë 3-mujore gjatë sezonit 2017/2018.

Në fjalët e tij të para si trajner i ekipit gjirokastrit, Dalipi zbuloi se projekti i skuadrës do të mbështetet te të rinjtë shqiptarë dhe se objektivi parësor i klubit është qëndrimi në Superiore.

“Pranova me kënaqësi ftesën e drejtuesve. Jam këtu për të formuar skuadrën dhe ‘basti’ im është që deri në fund të sezonit klubi të shesë një ose dy lojtarë. Do të bazohemi te elementët e rinj dhe kryesisht te futbollistët shqiptarë. Gjatë këtyre ditëve do të ketë edhe shumë lojtarë në provë. Objektivi minimal është qëndrimi në Superiore, por do të shohim hap pas hapi. E rëndësishme është të formojmë një grup dinjitoz, që të përballoj më së miri garën. Do të punojmë me ata lojtarë që kanë dëshirë për të punuar, sesa ata që kanë cilësi, por nuk angazhohen sa duhet”, tha Dalipi.

Përforcimi i radhës, një shkodran rikthehet te Vllaznia

Sport Ekspres — Fri, 26 Jul 2019 08:49:55 +0000

Vllaznia vazhdon të përforcohet për sezonin e ri. Në seancën e sotme stërvitore të ekipit shkodran ka qenë i pranishëm dhe mesfushori Behar Ramadani, i cili kthehet në ekipin e zemrës pas gjashtë vitesh “shtegtim” në ekipe të ndryshme Kategorisë së Parë dhe Superiores.

Ramadani (m)

Së fundmi futbollisti 29-vjeçar mbylli bashkëpunimin me Luftëtarin, ekip ku luajti për katër sezone. Zyrtarizimi nga klubi nuk ka ardhur ende, por prania e Ramadanit në seancën nuk lë shumë vend për diskutim.

Ardhja e Ramadanit zëvendëson largimin e Alsid Tafilit, i cili u largua nga Vllaznia pak javë më parë duke preferuar të vijojë karrierën më Lirinë e Prizirenit në Ligën e Parë të Kosovës.

Kastrioti ngre zërin: Superiorja na takon neve!

Sport Ekspres — Thu, 25 Jul 2019 18:51:08 +0000

Futbolli shqiptar ndodhet në një udhëkryq interesant. Luftëtari dhe Flamurtari duhet të shlyejnë brenda afatit borxhet e shumta për të siguruar pjesëmarrjen në Kategorinë Superiore për sezonin e ardhshëm, ndërsa vendimi i “CAS” për Skënderbeun ka vënë në pikëpyetje të ardhmen e korçarëve në divizionin e elitë të futbollit shqiptar.

Prej disa ditësh, në medie të ndryshme, por dhe nga vetë punonjës klubesh është hedhur ideja që në rast përjashtimi të ekipeve të lartpërmendurave, vendi i tyre të plotësohet nga Dinamo dhe Besa e Kavajës, ekipe këto që u renditën në vendin e dytë në grupet respektive në edicionin e kaluar të Kategorisë së Parë.

Megjithatë, tani në lojë është futur dhe Kastrioti. Klubi krutan ka reaguar me anë të një komunikate në rrjetet sociale mbi çështjen në fjalë. Në komunikatë Kastrioti ka argumentuar se në rast përjashtimi të skuadrave të lartpërmendura, e drejta e qëndrimit në Superiore atyre si skuadra e nëntë në renditjen e Superiores. Klubi krutan përmend dhe një shembull konkret të ndodhru rishtazi në Itali me protagonistë klubet e Palermos dhe Venecias.

DEKLARATË E KLUBIT KASTRIOTI NË LIDHJE ME NDRYSHIMET E MUNDSHME NË SUPERIORE

Ditët e fundit ka nisur të qarkullojë lirisht ideja e përjashtimit nga kampionati të Skënderbeut (për shkak të dënimit nga UEFA) dhe të Luftëtarit (në kaos financiar). Përtej debatit se pse nuk është në një situatë me Luftëtarin edhe Flamurtari, apo a do ta presë FSHF Gjykatën Federale në Zvicër, ajo që bie në sy është se po flitet për dy klube të tjerë, Besa e Dinamo, që duhet të ngjiten në Superiore duke “fituar në tavolinë”. Ndërkaq, askush nuk e merr parasysh faktin që Superiorja kishte një renditje sezonin e fundit dhe në bazë të saj, nëse një klub përjashtohet, përfiton ai i rendituri poshtë saj, në rastin tonë Kastrioti. Askush nuk e di realisht se ku do bazohej kthimi i Dinamos dhe Besës në Superiore, por nëse shohim në gjithë botën, në raste të tilla përfitojnë ekipet e rëna nga kategoria. Një shembull? Para pak javësh Palermo falimentoi dhe u dënua me zbritje nga kategoria. Vendin e skuadrës siçiliane në Serinë B e mori Venezia, që ra nga Seria B pas humbjes në finale play-off kundër Salernitanas. A nuk është e njëjta situatë? Kastrioti është skuadra e vendit të nëntë dhe merr vendin e një prej ekipeve të dënuara, ndërsa më pas vendos FSHF për mënyrën si do përcaktohet ekipi që merr vendin e ekipit të dytë, sepse Kamza është dënuar me kohë. Edhe për kupat e Europës, kur doli Skënderbeu i dyti dhe kur u konfirmua që Flamurtari nuk shkonte dot në Europa League, skuadrat poshtë tyre në renditje përfitonin, jo Dinamo e Besa.

Luftëtari ndryshon mendje, shtyhet grumbullimi

Sport Ekspres — Mon, 15 Jul 2019 09:37:16 +0000

Një javë më parë klubi i Luftëtarit njoftoi se grumbullimi i parë i skuadrës do të zhvillohej më me datë 15 korrik. Megjithatë, nuk ka ndodhur kështu. Lojtarët e skuadrës gjirokastrite duhet të presin edhe disa ditë pasi në drejtim të tyre nuk ka ardhur ende asnjë njoftim nga zyrtarët e klubit.

Luftëtari nuk është skuadra vetme e Kategorisë Superiore që ende nuk ka filluar fazën përgatitore. Në të njëjtën pozitë me klubin bluzi ndodhet edhe Vllaznia, Skënderbeu dhe Flamurtari.

Të katërta këto ekipe nuk kanë zyrtarizuar ende trajnerin për sezonin e ri, ndërsa Skënderbeu dhe Flamurtari për problematikave tashmë të njohura prej kohësh ende vazhdojnë të jenë inaktiv në merkato.

NJOFTIMI I BËRË NGA KLUBI I LUFTËTARIT MË DATË 6 KORRIK

Klubi i futbollit Luftëtari njofton se data 15 korrik do të jetë dita e grumbullimit të skuadrës dhe më pas startimi i fazës përgatitore për sezonin 2019-2020.

Merkatoja e ekipit është në proces zhvillimi, ku deri tani ju bëjmë me dije se është arritur akordi me futbollistin e huaj, Majkëll Olaitan dhe zyrtarizimi i tij do të bëhet në ditët në vijim. Luftëtari është në bisedime edhe me disa lojtarë, të cilët do të bëhen me dije nga klubi në ditët në vijim dhe për t’ju bashkuar më pas me pjesën tjetër të skuadrës.

Në ditët në vazhdim Klubi i futbollit Luftëtari do të bëje me dije trajnerin e ri dhe prurjet e reja që do të afrohen.

Zyrtarizohet e ardhmja e Milinkoviç, Luftëtari mbetet “thatë”

Sport Ekspres — Sun, 07 Jul 2019 07:16:22 +0000

Luftëtari i nis përgatitjet me 15 korrik, ndërkohë që ende nuk ka zgjidhur çështjen e trajnerit. Gjirokastritët një ditë më parë njoftuan se shumë shpejt do emërohet edhe kreu i ri i pankinës dhe një nga kandidatët ishte edhe serbi Mlladen Milinkoviç.

Ish-trajnerin e tyre në Gjirokastër duhet ta heqin nga lista, pasi është zyrtarizuar në një tjetër ekip. Serbi ka marrë drejtimin e Sirianskës në Suedi. Milinkoviç do të ketë nën urdhra ish-mesfushorin e Skënderbeut, Benejam Demte, në ligën e dytë suedeze.

Kështu Luftëtari duhet të gjejë një emër tjetër për pankinën. Koha nuk është në favor të bluzinjve dhe presidenti me bashkëpunëtorët e tij duhet të nxitojë dhe të bëjë zgjedhjen e duhur. Vjet gabuan me Milosh Kostiç dhe në Gjirokastër nuk do e donin një nisje të kampionatit sikurse me sllovenin në stol.

Luftëtari gjen sulmuesin, armiku i Tavos drejt stolit

Sport Ekspres — Sat, 06 Jul 2019 15:24:20 +0000

Klubi i Luftëtarit i ka dhënë fund periudhës së pushimeve. Me anë të një njoftimi të bërë në rrjetet sociale është bërë e ditur se skuadra gjirokastrite do të fillojë grumbullimin më datë 15 korrik.

Në njoftim klubi ka zbuluar dhe arritjen e marrëveshjes me sulmuesin nigerian Majkëll Olaitan, i cili do të zëvendësojë kenian Ismael Dunga në radhët e bluzinjve. Klubi zbulon gjithashtu se ndër trajnerët që po shqyrtohen për stolin e skuadrës është serbi Mladen Milinkoviç.

Tekniku serb është një emër i njohur në Gjirokastër pasi ka drejtuar skuadrën në sezonin 2016-2017. Ndarja e Milinkoviç me presidentin Tavo nuk ishte aspak miqësore me palët që patën një konflikt në lidhje me detyrimet kontraktuale.

NJOFTIMI I LUFTËTARIT

Klubi i futbollit Luftëtari njofton se data 15 korrik do të jetë dita e grumbullimit të skuadrës dhe më pas startimi i fazës përgatitore për sezonin 2019-2020.

TRAJNERI- Klubi është ende në bisedime me disa trajnerë, ku midis tyre është edhe serbi Mladen Milinkoviç, i cili drejtoi ekipin tonë në sezonin 2016-2017.

Në ditët në vazhdim Klubi i futbollit Luftëtari do të bëje me dije trajnerin e ri dhe prurjet e reja që do të afrohen.

https://www.instagram.com/p/BzlH6OzHr67/?utm_source=ig_web_copy_link

Katër klube në rrezik, shpëtimi i tyre në duart e… politikës

Sport Ekspres — Sat, 06 Jul 2019 07:50:30 +0000

31 korriku është data e parafundit, e fundit është 5 gushti, kur klubet e Superiores mund të apelojnë nëse u rrëzohet kërkesa për licencimin që u jep mundësinë të garojnë në elitën e futbollit shqiptar. Katër klube janë ato që rrezikojnë dhe shkak janë borxhet.

Flamurtari është një nga ato që rrezikon më së shumti, ndërkohë që në të njëjtat ujëra janë edhe Vllaznia, Tirana e Luftëtari. Të katër këto klube i kanë sytë nga qeveria, me shpresën se do të ketë ndonjë amnisti për borxhet që kanë në sigurime.

Bëhet fjalë për shifra të frikshme, që shkojnë deri në 1 miliard lekë. Refik Halili, presidenti i Tiranës, në njëfarë mënyrë ia kërkoi diçka të tillë kryeministrit Edi Rama në takimin e bërë rreth tre muaj më parë. Asokohe u premtua shumë, por nuk u bë asgjë.

Paketa e re fiskale është një shpëtim dhe FSHF i ka bërë sugjerimet e saj në Ministrinë e Financave dhe të Ekonomisë. Nuk ka optimizëm që qeveria do t’i plotësojë kërkesat e klubeve, që rrezikojnë shumë, madje katër klube elitare të përmendura më lart rrezikojnë pjesëmarrjen në Superiore sezonin e ardhshëm.

Olaitan në Qipro? Në Greqi konsiderohet i Luftëtarit

Sport Ekspres — Wed, 26 Jun 2019 09:51:53 +0000

Luftëtari ende nuk ka zyrtarizuar asnjë afrim, por në Greqi raportojnë se sulmuesi Majkëll Olaitan do të jetë pjesë e bluzinjve sezonin e ardhshëm. Sulmuesi nigerian, i cili ka provuar edhe të fitojë titullin kampion me Olimpiakosin, ka një CV mjaft të mirë.

Gjithsesi vitet e fundit nuk kanë qenë të mira për sulmuesin, i cili provoi të luante me Apollon Pontou në ligën e tretë në Greqi. 26-vjeçari kishte dështuar të bënte mirë në Gjeorgji dhe u rikthye në Greqi.

Tashmë thuhet se do të jetë pjesë e Luftëtarit, por çudia tjetër është fakti që në mesin e muajit qershor ai është zyrtarizuar në një skuadër tjetër, tek Aipa Napa në ligën e dytë qipriote. Mbetet për t’u parë se ku do të aktivizohet sezonin e ardhshëm sulmuesi nigerian, i cili ka provuar të luajë edhe me Shpresat e vendit të tij.

“Koloni” braziliane te Vllaznia, Luftëtari lëviz në muajin korrik

Sport Ekspres — Mon, 24 Jun 2019 15:56:29 +0000

Fillimi i verës i ka gjetur në situata të ndryshme klubet shqiptare. Ekipet si Partizani, Kukësi, Teuta, Laçi dhe Tirana kanë filluar merkaton, ndërsa skuadra si Luftëtari e Flamurtari kanë pësuar eksode masive.

Për situatën te bluzinjtë ka folur menaxheri i shumë lojtarëve të Superiores, Elton Marini. I ftuar në emisionin “Rubrika Sportive” në “RTSH“, Marini zbuloi një bisedë midis tij dhe presidentit të Luftëtarit Grigor Tavo. Ndër të tjera menaxheri zbuloi dhe faktin që Vllaznia ka arritur akordin me sulmues nga Brazili.

LUFTËTARI – “Unë përfaqësoj Realdo Filin dhe në një bisedë që kam pasur me presidentin Tavo, ai më dha garanci për detyrimet ndaj meje dhe lojtarit tim, për pjesën tjetër më dha se do të flasim pas 1 korrikut”.

VLLAZNIA – “Vllaznia është një ndër klubet që ka filluar të punojë që tani. Ata kanë gjetur akordin me dy futbollistë nga Brazili, por edhe me sulmuesin kryesor të vitit të kaluar Silvo Zhunior”.

Tirana nuk ndalet, akord me bomberin e Superiores

Sport Ekspres — Sat, 22 Jun 2019 17:37:35 +0000

Përforcimet s’kanë të ndalur te Tirana. Pas firmave me treshen e Flamurtarit, Batha, Kale, Torasa, bardheblutë synojnë të përforcojnë repartin e sulmit me një emër të njohur të kampionatit shqiptar.

Teksa bisedimet me Majkëll Ngo janë rrugën e duhur, drejtuesit e klubit po mendojnë për një “armë” më shumë për trajnerin Ardian Mema. Bëhet fjalë për sulmuesin kenian Ismael Dunga. Sipas “Supersport”, palët kanë gjetur akordin financiar dhe firma në kontratë është çështje kohe.

26-vjeçari ishte pjesë e Luftëtarit në sezonin e kaluar. Pas një fillimi të vështirë keniani filloi të spikaste me golat e tij ku në nëntë ndeshjet e fundit në Superiore shënoi shtatë herë.

Spikati me Luftëtarin, katër oferta në tavolinë

Sport Ekspres — Sat, 22 Jun 2019 12:54:49 +0000

Dimitris Koconis ishte një nga afrimet e Luftëtarit në merkaton e janarit. Mbrojtësi qendror ishte një nga pikat e forta të formacionit bluzi dhe me paraqitjet e bëra ai ka tërhequr vëmendjen e disa klubeve. Në mediat e vendit fqinj raportohet se është kontaktuar nga Panaçaiki.

Ish-klubi i tij i ka bërë një ofertë dhe ia ka bërë të qartë se ai është objektivi kryesor i tyri për mbrojtjen. Koconis, i cili debutoi me një gol mjaft të bukur ndaj Laçit, ka oferta edhe nga Superiorja, teksa thuhet se janë dy klube që e duan.

Emrat nuk bëhen të ditur, sikurse as klubi qipriot që e do. Mbrojtësi 30-vjeçar në Superiore u aktivizua në 14 ndeshje si titullar dhe me shumë mundësi nuk do të rikthehet më te Luftëtari. Sikurse dihet, në kampin bluzi problemet financiare nuk kanë qenë të pakta, ndaj edhe shumë prej lojtarëve kanë vendosur ta vazhdojnë karrierën gjetkë.

Boshatiset Luftëtari, një titullar zyrtarizohet në Gjermani

Sport Ekspres — Sat, 22 Jun 2019 07:15:07 +0000

Luftëtari vazhdon të boshatiset. Deri më tani janë larguar shumica e lojtarëve të mbrojtjes, madje edhe janë sistemuar në ekipe të tjera. Oltion Rapa dhe Xhekson kanë zgjedhur Gjilanin, kurse Rustem Hoxha është rikthyer te Teuta. Mbrojtësi i radhës që lë bluzinjtë është Mërgim Neziri.

Ish-lojtari i Kamzës do ta vazhdojë karrierën në Gjermani me VFR Aalen 1921, që garon në “Regionalliga” (divizioni i katërt). Neziri është shprehur i kënaqur pas kësaj lëvizjeje: “Jam shumë i lumtur që kam nënshkruar dhe se jam kthyer këtu. Jam i kënaqur që do të jem pranë shtëpisë time, kur në Gopingen”.

Mbrojtësi 26-vjeccar, te Luftëtari nënshkroi në janar dhe pësoi një dëmtim që u mendua se i mbylli sezonin. Gjithsesi problemi nuk ishte serioz dhe ai u aktivizua në 12 ndeshje (8 titullar). Për të ishte eksperienca e dytë në Superiore dhe tani rikthehet te Aalen, ku është aktivizuar edhe në sezonin 2011-2012.

Mezani “bastis” Luftëtarin, vjen firma e radhës

Sport Ekspres — Thu, 20 Jun 2019 13:54:09 +0000

Gjilani ka bërë një tjetër përforcim. Pas brazilianit Xhekson dhe portierit Shkëlzen Rucci, këtë herë ka nënshkruar me skuadrën e drejtuar nga Gentian Mezani edhe mbrojtësi Oltion Rapa. “Xholi” i bluzinjve u largua nga Luftëtari si lojtar i lirë dhe zgjedhe kështu të vazhdojë karrierën në Kosovë.

“Oltion Rapa është futbollisti më i ri i skuadrës së Gjilanit. Mbrojtësi i qendrës sot ka nënshkruar me klubin kuqebardhë, që e mbanë atë pjesë të skuadrës së Gjilanit për dy edicionet e ardhshme.

Oltion Rapa, i lindur në Tepelenë, sezonin e kaluar ishte pjesë skuadrës nga Superioria në Shqipëri, KF Luftëtari. Rapa ishte lojtar prezent thuajse në të gjitha takimet e ish-skuadrës së tij, sikurse në ligën elitare të Shqipërisë, gjithashtu edhe në kupë, nga 4 vitet e kaluara sa ishte pjesë e Luftëtarit. Po ashtu Rapa kishte bërë paraqitje edhe në garat europiane me skuadrën gjirokastrite.

Mbrojtësi i ri i Gjilanit, Oltion Rapa, gjithë karrierën e tij e kishte kaluar në Shqipëri, kurse Gjilani do të jetë aventura e tij e parë larg kampionatit shqipëtar, ku ai kishte milituar gjatë këtyre viteve të karrierës së tij, dhe ku u formua si futbollist”, njofton klubi i Gjilanit.

Luftëtari “humb pjesët”, largohet edhe një

Sport Ekspres — Mon, 17 Jun 2019 12:53:23 +0000

Luftëtari humbet një tjetër titullar, lojtar “xhol” për çdo trajner që stërviti bluzinjtë në këto katër vite. Oltion Rapa, lojtari polivalent i gjirokastriteve, ka deklaruar sot mbylljen e bashkëpunimin me Luftëtarin dhe kjo ndodh pas katër sezonesh.

“Si çdo fillim ka dhe një fund, ndaj dhe sot ka ardhur momenti, pas 4 vitesh të mrekullueshme dhe të paharrueshme si lojtar i Luftëtarit. Ka qenë një privilegj dhe nder që kam veshur dhe luftuar për atë fanellë. Ndaj, para se të them mirupafshim, doja të falënderoja së pari presidencën, gjithë stafet teknike që kam punuar, pa përjashtim gjithë çunat e gjithë këtyre viteve që kemi punuar së bashku si një familje e madhe, gjithë tifozërinë e mrekullueshme të Luftëtarit, që na kanë mbështetur në çdo moment, duke lënë shumë miq të veçantë dhe shumë kujtime të bukura në jetën time . FALEMINDERIT GJIROKASTRA. Me Respekt, OLTI RAPA, MIRUPAFSHIM!”, shkruan Rapa në llogarinë e tij në “Facebook”.

Rapës i kishte përfunduar kontrata dhe tashmë pritet të mësohet skuadra e tij e re. Ofertat nuk i kanë munguar, si nga ekipe të kampionatit shqiptar, ashtu edhe nga Kosova dhe Maqedonia e Veriut. Mbetet të mësohet se ku do ta vazhdojë karrierën.

Ruçi merr lejekalimin, vërshojnë ofertat për portierin

Sport Ekspres — Tue, 11 Jun 2019 15:09:45 +0000

Shkëlzen Ruçi është gati të nisë një aventurë të re. Ditë më parë portieri nga Elbasani u përshëndet me gjirokastritët, të cilët më pas zyrtarizuan ndërprerjen e bashkëpunimit. Së fundmi “gardiani” ka tërhequr edhe lejekalimin dhe tashmë nuk ka asnjë pengesë të firmosë në ekip tjetër.

Luftëtari i detyrohet atij dy rroga, që portieri do t’i marrë së shpejti, sikurse pjesa tjetër e skuadrës. Palët kanë shtrënguar duart dhe Ruçi pritet të vendosë shpejt se ku do të aktivizohet sezonin e ardhshëm. Ofertat nuk i mungojnë dhe janë disa, nga Maqedonia e Veriut dhe Kosova.

Sportekspres.com mëson se Trim&Lum Struga interesohet për portierin, kurse në Kosovë Llapi është një nga klubet që garon për shërbimet e portierit. Gjithashtu edhe Gjilani i drejtuar nga Gentian Mezani e kërkon portierin.

Interesim për të ka edhe nga Superiorja dhe Ruçi po mendohet mirë se ku do ta vazhdojë karrierën. Në të shkuarën ai është aktivizuar edhe me Elbasanin e Bylisin në Superiore.

ZYRTARE | Jo vetëm Frashëri, Gjilani merr një tjetër “ish” të Superiores

Sport Ekspres — Tue, 11 Jun 2019 14:11:50 +0000

Gjilani vazhdon t’i besojë futbollistëve të Kategorisë Superiore. Pas Erlis Frashërit një tjetër “ish” i Superiores i bashkohet ekipit që militon në IPKO Superliga e Kosovës. Bëhet fjalë për mbrojtësin brazilian Xhekson Ferreira.

28-vjeçari luajti për një vit e gjysmë te Luftëtari, ku spikati me paraqitjet e tij duke qenë një titullar fiks në formacionin e ekipit gjirokastrit. Drejtuesit e klubit bluzi tentuan të gjenin akordin për rinovimin e kontratën, por braziliani ka preferuar të ndryshojë ambient, duke pranuar ofertën nga kampionati fqinj.

Luftëtari njeh vetëm largime, zyrtarizohet i radhës

Sport Ekspres — Mon, 10 Jun 2019 13:56:58 +0000

Luftëtari njeh vetëm largime. Klubi gjirokastrit deri më tani kishte njoftuar mbylljen e bashkëpunimit me lojtarë si Shkëlzen Ruçi, Rustem Hoxha dhe Albano Aleksi. DItën e sotme është zyrtarizuar një tjetër largim dhe është mbrojtësi brazilian Xhekson Ferreira, i cili pas 18 muajsh me bluzinjtë largohet në kërkim të një tjetër aventure.

Futbollisti 28-vjeçar është aktivizuar në 37 ndeshje në Superiore, ndërkohë që përmes një postimi në llogarinë e tij në “Facebook” bën me dije largimin dhe i falënderon të gjithë në kampin bluzi. Me interesin pritet të mësohet skuadra e tij e re, pasi është lakuar shpesh te Kukësi dhe Partizani.

“Sot kontrata ime përfundoi. Dua të falënderoj presidentin, bordin drejtues, të gjithë ata që punojnë në klub, lojtarët, trajnerët, tifozët dhe çdokënd në qytetet që më ka pritur mua shumë mirë. Jam i lumtur që kam dhënë ndihmën time që Luftëtari të shkojë në kupat e Europës dhe në gjysmëfinalen e Kupës së Shqipërisë, si dhe që e lë ekipin aty ku e meriton, në Kategorinë Superiore. Ju uroj më të mirat, Luftëtarë! Faleminderit për gjithçka. Ne jemi Luftëtari”, shkruan Xhekson.

Operacion “blic” i Teutës, sërish pazar në Gjirokastër

Sport Ekspres — Fri, 07 Jun 2019 10:05:42 +0000

Teuta nuk ka qëndruar duarkryq gjatë kësaj periudhe, pasi ka punuar të përforcohet në ato pozicione ku skuadra ka më së shumti nevojë. Deri më tani janë zyrtarizuar vetëm dy lëvizje në dalje, Erlis Frashëri dhe Latif Amadu. Ndërkohë në fillim të javës së ardhshme pritet që të ketë fytyra të reja në stërvitje.

Thuajse gjithçka është e mbyllur me mbrojtësin Rustem Hoxha, i cili është i lirë pas eksperiencës së fundit me Luftëtarin. Qendërmbrojtësi do të jetë një nga alternativat e Shkëmbit për qendrën e mbrojtjes dhe padyshim një element mjaft i vlefshëm. Vlerat e tij dihen tashmë.

Gjetja e një sulmuesi ka qenë synimi kryesor i Teutës dhe duket se e kanë gjetur edhe goleadorin. Marrëveshja me Ismael Dungën thuajse është mbyllur. Shtatlarti i sulmit spikati te Luftëtari, duke shënuar gjashtë gola. Durrsakët e kanë pëlqyer kenianin dhe i kanë bërë një ofertë.

Në Gjirokastër ai ka pasur probleme me pagesat dhe nuk ka ndërmend të kthehet. Gjithsesi mbetet për t’u parë se si do ta zgjidhë kontratën me bluzinjtë. Ndoshta do i duhet që t’i drejtohet gjyqit për të dalë lojtar i lirë. Shkëmbi e do te Teuta sulmuesin, i cili vë në dyshim edhe të ardhmen e Bushiç te durrsakët.

Periudhë zyrtarizimesh, Luftëtari konfirmon edhe një largim

Sport Ekspres — Mon, 03 Jun 2019 14:56:36 +0000

Para pak ditësh i përshëndeti lojtarët përmes një postimi në rrjetet sociale, ndërkohë sot vetë klubi i Luftëtarit ka dalë me njoftim: Rustem Hoxha e mbyll me bluzinjtë. Mbrojtësit durrsak i ka përfunduar kontrata dhe tashmë është lojtar i lirë. Gjirokastritët falënderojnë ish-lojtarin e Teutës dhe Kukësit dhe tashmë do të duhet të gjejnë një tjetër lojtar për ta zëvendësuar.

NJOFTIMI – “Futboll Klub Luftëtari njofton mbylljen e bashkëpunimit me Rustem Hoxha. Mbrojtësi 27 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë.

Lojtari, i cili u bashkua me skuadrën tonë në shtator të vitit 2018, duke kaluar pothuajse 1 sezon me ekipin tonë, regjistroi 23 aktivizime në Kategorinë Superiore dhe 4 aktivizime në Kupën e Shqipërisë për sezonin 2018-2019.

Klubi falënderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë!”, shkruhet në njoftimin e bërë nga klubi i Luftëtarit në faqen zyrtarë në Instagram.

View this post on Instagram

Zyrtare! Futboll Klub Luftëtari njofton mbylljen e bashkëpunimit me Rustem Hoxha. Mbrojtësi 27 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë. Lojtari, i cili u bashkua me skuadrën tonë në shtator të vitit 2018, duke kaluar pothuajse 1 sezon me ekipin tonë, regjistroi 23 aktivizime në Kategorinë Superiore dhe 4 aktivizime në Kupën e Shqipërisë për sezonin 2018-2019. Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë! ©?FC Luftëtari!

A post shared by KS Luftëtari Gjirokastër (@fc_luftetari) on Jun 3, 2019 at 5:45am PDT

Jo vetëm Aleksi, tjetër largim nga skuadra e Luftëtarit

Sport Ekspres — Sat, 01 Jun 2019 15:54:27 +0000

Albano Aleksi dhe klubi i Luftëtarit mbyllën dje zyrtarisht bashkëpunimin mes tyre, pas tre sezonesh. Sot, klubi gjirokastrit zyrtarizoi dhe largimin e portierit Shkëlzen Ruçi, të cilit i skadoi kontrata. Në faqen e tyre në Instagram, klubi bluzi njoftoi se dy palët kanë rënë dakord që të mos vazhdojnë më bashkëpunimin mes tyre.

Njoftimi i klubit të Luftëtarit:

Zyrtare!

Futboll Klub Luftëtari njofton mbylljen e bashkëpunimit me Shkëlzen Ruçi. Ekipi nuk do të ketë shërbimet e portierit Shkëlzen Ruçi për sezonin e ardhshëm. Ai ishte nën kontratë me klubin deri në qershor të vitit 2020, por portieri 26 vjeçar dhe drejtuesit e Klubit kanë rënë dakord dhe kanë ndërprerë marrëveshjen mes tyre me konsensus, duke i dhënë mundësi futbollistit të jetë lojtar i lirë.

Lojtari, i cili u bashkua me skuadrën tonë në verën e vitit 2016, duke kaluar 3 vite me ekipin tonë, regjistroi 28 aktivizime në Kategorinë Superiore dhe 3 aktivizime në Kupën e Shqipërisë për sezonin 2018-2019. Gjithashtu Ruçi u aktivizua edhe në 1 ndeshje kundër Ventspils në Uefa Europa League. Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë!

View this post on Instagram

Zyrtare! Futboll Klub Luftëtari njofton mbylljen e bashkëpunimit me Shkëlzen Ruçi. Ekipi nuk do të ketë shërbimet e portierit Shkëlzen Ruçi për sezonin e ardhshëm. Ai ishte nën kontratë me klubin deri në qershor të vitit 2020, por portieri 26 vjeçar dhe drejtuesit e Klubit kanë rënë dakord dhe kanë ndërprerë marrëveshjen mes tyre me konsensus, duke i dhënë mundësi futbollistit të jetë lojtar i lirë. Lojtari, i cili u bashkua me skuadrën tonë në verën e vitit 2016, duke kaluar 3 vite me ekipin tonë, regjistroi 28 aktivizime në Kategorinë Superiore dhe 3 aktivizime në Kupën e Shqipërisë për sezonin 2018-2019. Gjithashtu Ruçi u aktivizua edhe në 1 ndeshje kundër Ventspils në Uefa Europa League. Klubi falenderon lojtarin për kontributin e dhënë me fanellën tonë dhe i uron njëkohësisht suksese në jetë dhe në karrierë! ©?FC Luftëtari!

A post shared by KS Luftëtari Gjirokastër (@fc_luftetari) on Jun 1, 2019 at 8:48am PDT

Fili: Këtu më kanë pritur mirë, do flas me presidentin për të ardhmen

Sport Ekspres — Sat, 01 Jun 2019 15:38:34 +0000

Mesfushori i Luftëtarit, Realdo Fili, ka qenë një ndër lojtarët më të mirë për skuadrën gjirokastrite, edhe pse u transferua vetëm në muajin janar. Sot, për RTSH Sport, Fili foli për mbarëvajtjen e sezonit në aspektin individual, si dhe komentoi për të ardhmen e tij:

“Erdha nga Skënderbeu pas gjashtë muajsh jo shumë të mira, pasi nuk luajta shumë. Jam i kënaqur që erdha këtu dhe gjeta minuta, shënova, asistova. Gjithsesi, ndjej që nuk kam dhënë ende maksimumin e plotë, por them që kam bërë mirë”.

“Faza e dytë, për mendimin tim, mendoj se ishte e suksesshme, pasi gjendja në të cilën e gjeta ekipin ishte e keqe. Dy ndër lojtarët më të mirë ishin larguar, Rroca dhe Shkurtaj, u largua dhe trajneri. Por ne treguam forcë, besim dhe të gjithë bashkë, realizuam objektivin që kishim”.

“Tani sapo kemi mbaruar sezonin, është koha të bëjmë pushime. Më vonë, do të mblidhemi me presidentin dhe agjentin të diskutojmë. Unë personalisht, dua të qëndroj këtu, pasi ndihem mirë. Besoj që dhe me presidentin do të gjejmë gjuhën e përbashkët, pasi këtu më kanë pritur shumë mirë”, u shpreh Fili.

Zyrtare: Katër sezone te Luftëtari, mesfushori largohet nga bluzinjtë

Sport Ekspres — Fri, 31 May 2019 18:59:13 +0000

Tashmë është zyrtare, Albano Aleksi nuk është më futbollist i Luftëtarit. Edhe pse flitej për një largim të mesfushorit nga skuadra gjirokastrite, vetëm sot është bërë gjithçka zyrtare. Skuadra bluzi ka njoftuar me anë të një postimi në Instagram se mesfushori 26-vjeçar dhe drejtuesit e klubit kanë vendosur të ndërpresin bashkëpunimin.

Njoftimi i klubit të Luftëtarit:

Zyrtare!

Futboll Klub Luftëtari njofton mbylljen e bashkëpunimit me Albano Aleksi. Mesfushori 26 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë.

Lojtari, i cili u bashkua me skuadrën tonë në verën e vitit 2015, duke kaluar 4 vite me ekipin tonë, regjistroi 93 aktivizime në Kategorinë Superiore dhe Kupën e Shqipërisë. Gjithashtu Aleksi u aktivizua edhe në 2 ndeshjet kundër Ventspils në Uefa Europa League. Sezonin 2018-2019 ai realizoi 2 gola me skuadrën. Klubi falenderon lojtarin për kontributin e dhënë me fanellën tonë dhe i uron njëkohësisht suksese në karrierë!

View this post on Instagram

Zyrtare! Futboll Klub Luftëtari njofton mbylljen e bashkëpunimit me Albano Aleksi. Mesfushori 26 vjeçar dhe drejtuesit e Klubit kanë vendosur të ndërpresin bashkëpunimin mes tyre, duke i dhënë mundësi futbollistit të jetë lojtar i lirë. Lojtari, i cili u bashkua me skuadrën tonë në verën e vitit 2015, duke kaluar 4 vite me ekipin tonë, regjistroi 93 aktivizime në Kategorinë Superiore dhe Kupën e Shqipërisë. Gjithashtu Aleksi u aktivizua edhe në 2 ndeshjet kundër Ventspils në Uefa Europa League. Sezonin 2018-2019 ai realizoi 2 gola me skuadrën. Klubi falenderon lojtarin për kontributin e dhënë me fanellën tonë dhe i uron njëkohësisht suksese në karrierë!

A post shared by KS Luftëtari Gjirokastër (@fc_luftetari) on May 31, 2019 at 11:44am PDT

Eksod te Luftëtari, një titullar deklaron largimin

Sport Ekspres — Fri, 31 May 2019 12:02:04 +0000

Janë të shumtë lojtarët të cilëve u mbarojnë kontratat te Luftëtari. Albano Aleksi e ka mbyllur me gjirokstritët, ashtu si portieri Shkëlzen Ruçi. Në Gjirokastër po synojnë të bindin brazilian Xhekson, por shanset janë të pakta mbrojtësi bluzi të vijojë të mbrojë ngjyrat bluzi.

Kapitenit Behar Ramadani gjithashtu i përfundon kontrata sot dhe mbetet për t’u parë se ku do ta vijojë karrierën. Nëse për ndonjë ka pikëpyetje, për Rustem Hoxhën jo. Mbrojtësi durrsak, i cili në verë iu bashkua Luftëtarit, ka dalë lojtar i lirë.

Përmes një postimi në Instagram ai ka bërë me dije se nuk do të jetë pjesë e Luftëtarit sezonin e ardhshëm. Ai falënderon lojtarët për atë që kaloi në Gjirokastër, ku ka luajtur 24 ndeshje si titullar në kampionat dhe në Kupë kundër Partizanit asistoi dhe shënoi. Një ndihmë e madhe për të shkuar deri në gjysmëfinale të Kupës.

Ramadani flet si lojtar i lirë: I jam mirënjohës Luftëtarit, do ulem me presidentin

Sport Ekspres — Thu, 30 May 2019 16:20:44 +0000

Mesfushori i Luftëtarit, Behar Ramadani, foli për të ardhmen e tij në një lidhje direkt me emisionin “Gol pas Goli” në “Supersport”. Futbollisti shkodran është tashmë një lojtari i lirë dhe i duhet të zgjedhë mbi hapin e radhës në karrierën.

“Është e vërtetë ka qenë një sezon shumë i vështirë, por shyqyr zotit e rikuperuam këtë në pjesën tjetër të kampionatit. Është normale që tifozët janë zhgënjyer pasi vinim nga një sezon i mirë, nuk donim që të ndodhte kështu, por të paktën siguruam mbijetesën”.

“Është e vërtetë që shumë lojtarëve u mbaron kontrata. Në çdo merkato ka lëvizje. Edhe mua më përfundon kontrata tani. U jam shumë mirënjohës për çdo gjë që më kanë dhënë. Do të ulem me presidentin dhe do të bisedojmë për të ardhmen”.

“Çdo lojtar kërkon që rrisë nivelin e tij dhe të luajë në ekip që përfaqësohet në Kupat e Europës, që të tregojë veten”.

Ditë debutuesish, formacionet në Gjirokastër e Kamzë

Sport Ekspres — Thu, 30 May 2019 13:22:43 +0000

Luftëtari-Partizani dhe Kukësi-Kastrioti luhen prej orës 16:00, ndërkohë që ka disa debutues te kampionët nga kryeqyteti. Lëvizje edhe te gjirokastritët, ashtu sikurse edhe te Kukësi. Kastrioti nga ana tjetër ka përzgjedhur me të mirët për sfidën me Kukësin.

KATEGORIA SUPERIORE – JAVA 36
E enjte, më 30 maj 2019, ora 16:00

LUFTËTARI-PARTIZANI
LUFTËTARI: Ruçi, Demo, Kukaj, Koconis, Neziri, Ramadani, Rapo, Accka, Hanti, Ccelaj, Fili. Trajner: Mihajloviç
PARTIZANI: Xhika, Ferati, Dushaj, Noka, Rexhepi, Kote, Kodra, Jaiteh, Çinari, Asani, Kardozo. Trajner: Skënder Gega

KUKËSI-KASTRIOTI
KUKËSI: Gomis, Et’hemi, Musolli, Teqja, Rrumbullaku, Çyrbja, Dzaria, Joti, Cordero,Rexhinaldo, Shkurtaj. Trajner: Ernest Gjoka
KASTRIOTI: Çekrezi, Husein, Bojom, Çela, Ndreca, Shehu, Ymeri, Okebugu, Bardhi, Roxher. T.Marku. Trajner: Bledar Devolli

E fundit në Superiore: “Shëtitje” apo futboll, e vetmja pikëpyetje

Sport Ekspres — Thu, 30 May 2019 06:57:19 +0000

Java e fundit e Superiores dhe do të marrin fund të gjitha pikëpyetjet, më kryesorja se kush do të bjerë në Kategorinë e Parë. Tirana e ka në dorë vetë mbijetesën dhe i mjafton vetëm një barazim me Flamurtarin. Luhet në “Selman Stërmasi” dhe rikthehen tifozët, ndërkohë që motivimi është i madh pas triumfit me Laçin në transfertë.

Kastrioti luan ndaj Kukësit, ekip që do me çdo kusht vendin e dytë në klasifikim. Krutanët në njëfarë mënyre janë të dorëzuar për çështjen mbijetesë. Në Durrës Teuta pret Laçin dhe i duhet vetëm një pikë për të mbajtur Skënderbeun poshtë vetes dhe për të siguruar Europën.

Kurbinasit kanë ende shpresa për Europën, por gjithashtu do ishin të kënaqur me një pikë. Në Gjirokastër vendasit e mbyllin kampionatin me kampionët e Partizanit. Të kuqtë do tentojnë ta mbyllin me fitore dhe më pas të mendojnë për ndeshjet në Champions League.

Skënderbeu e ka mbyllur kampionatin, pasi java e fundit i rezervonte si kundërshtar Kamzën. Korçarët marrin tre pikët në tavolinë dhe presin që Kukësi të fitojë Kupën, për të shpresuar më pas nëse CAS do t’ua hedhë poshtë dënimin e UEFA-s. FSHF ndërkohë ka vendosur që ndeshjet e sotme të luhen prej orës 16:00, 30 minuta më herët se orari i zakonshëm i javëve të fundit.

KATEGORIA SUPERIORE – JAVA 36
E enjte, më 30 maj 2019, ora 16:00

Luftëtari-Partizani
Kukësi-Kastrioti
Tirana-Flamurtari
Teuta-Laçi

Merkato te Luftëtari? Bylisi zyrtarizon lëvizjen e parë

Sport Ekspres — Wed, 29 May 2019 13:55:20 +0000

Bylisi po mendon për sezonin e ri dhe për këtë drejtuesit po tentojnë të bëjnë disa përforcime. Ballshiotët duan që të mos bien sërish në të Parën dhe për këtë presidenti Besnik Kapllanaj do të veprojë dhe të vërë në dispozicion të trajnerit Veljko Dovedan një grup të kompletuar me futbollistë.

Lëvizjet e para kanë nisur dhe është konfirmuar marrëveshja me Amos Bexhi Antoni, nigerianin që ka spikatur këtë sezon me ballshiotët. Futbollisti 20 vjeçar arriti të shënojë 8 gola në kampionat dhe tashmë ka nënshkruar edhe për tre vite të tjera me Bylisin.

Ndërkohë ballshiotët kanë hedhur poshtë zërat për një rikthim të mundshëm të portierit Shkëlzen Ruçi, si dhe theksojnë se nuk po tentojnë lojtarë të Luftëtarit që janë nën kontratë. “Nuk ka asnjë të vërtetë që skuadra jonë të jetë në bisedime me lojtarë të Luftëtarit, të cilët janë pjesë e një ekipi aktualisht në kontratë! Ne jemi klub korrekt dhe respektojmë “Fair-Play” në çdo aspekt!

Nuk bëhet fjalë që të kemi negociata me portierin Ruçi apo të tjerë lojtarë! Lajmi i vetëm është që kemi zyrtarizuar dhe rinovuar për 3 sezone me nigerianin dhe një nga lojtarët më të mirë, Beji Antoni!”, shkruan klubi ballshiot në një postim në faqen zyrtare në Facebook.

Rapo: Sezoni im më i mirë me Luftëtarin, ju tregoj problemet e fillimit

Sport Ekspres — Tue, 28 May 2019 15:27:44 +0000

Mbrojtësi i Luftëtarit, Donald Rapo, ka bërë një sezon shumë të mirë në aspektin individual me skuadrën gjirokastrite, ku ka luajtur 26 ndeshje në Superiore dhe ka shënuar 5 gola. Në fjalën e tij për RTSH Sport, 28-vjeçari tha:

“Besoj kam bërë vitin më të mirë këtu, kam shënuar 5 gola dhe i dhashë shumë pikë ekipit. Në katër vite këtu te Gjirkoastra, ky është viti im më i mirë. Ishte një kampionat shumë i vështirë, pasi shumë lojtarë u larguan, lojtarët e rinj nuk u ambientuan, trajneri i huaj nuk ndihmoi. Me ardhjen e profesor Julit, kemi bërë shumë mirë dhe kemi marrë pikët e duhura.

E ardhmja? Kam dhe një vit kontratë, oferta kam marrë, por e di klubi. Nuk e dimë kush do të jetë trajner sezonin e ardshëm, por besoj se do të bëjmë mirë sezonin e ardhshëm.

VIDEO: Paqe mes Partizanit e Kukësit, Skënderbeu e ka të thjeshtë

Sport Ekspres — Sun, 26 May 2019 16:19:56 +0000

Partizani dhe Kukësi u ndanë në barazim 1-1. Edhe pse kjo ndeshje ishte shumë më e rëndësishme për verilindorët, nuk ia dolën që të marrin tri pikët dhe të siguronin përfundimisht vendin e dytë në kampionat. Të besuarit e Gjokës kaluan të parët në avantazh, që në fillimin e pjesës së dytë.

Rexhinaldo shënon një gol kryevepër me kokë, duke shtangur portierin Hoxha. Më pas, Kukësi tentoi disa herë golin e dytë, por në rastin më të pastër, Kordeiro u ndal nga shtylla. Partizani qëndroi në lojë përgjatë gjithë takimin dhe vetëm në minutën e 84’, arritën të barazonin. I futur në lojë në pjesën e dytë, shkodrani Çinari ndëshkoi Kukësin, duke vendosur rezultatin final të sfidës, 1-1.

Ndërsa në sfidën tjetër në Korçë mes Skënderbeut dhe Luftëtarit, “Ujqërit e Dëborës” fituan pa shumë probleme. Një dopietë e kroatit Pervan mjaftoi që të besuarit e Orges Shehit të marrin tri pikët, përballë një Luftëtari me shumë mungesa.

EPISODET –

90+’ – Mbyllen sfidat në Tiranë dhe në Korçë. Skënderbeu mposht pastër 2-0 Luftëtarin, ndërsa mes Partizanit e Kukësit nuk ka fitues, me dy skuadrat që u ndanë në barazim 1-1.

84’ – Goool Partizani, shënon Çinari. Shkodrani, i futur në fushë në minutën e 62-të, barazon për “Demat”, duke çuar shifrat në 1-1 dhe duke treguar dhe njëherë tjetër formën e mirë që po kalon

60’ – Kordeiro ka pak hapësirë në krahun e djathtë të sulmit, por nuk heziton të godasë me të djathtën e tij, duke u ndalur vetëm nga shtylla. Kukësi pranë golit të dytë

50’ – Gol edhe në Korçë, shënon sërish Pervan. Sulmuesi kroat gjen golin e dytë personal në takimin kundër Luftëarit, duke dyfishuar avantazhin për korçarët.

47’ – Gool Kukësi, shënon Rexhinaldo. Uilliam Kordeiro kroson bukur nga krahu i djathtë dhe Rexhinaldo shëno një supergol me kokë, duke lënë në vend portierin Hoxha. 0-1 për miqtë

45’- Mbyllet pjesa e parë dhe në Korçë. Skënderbeu e sheh veten në avantazh përballë Luftëtarit falë një goli të kroatit Pervan në minutën e 26-të.

45’ – Mbyllet pjesa e parë në “Selman Stermasi”. Si Partizani, ashtu dhe Kukësi, ngacmuan shumë pak portat kundërshtare dhe rastet e pastra munguan.

9’ – Rama dhe Rrumbullaku kombinojnë mirë nga e majta, me mbrojtësin që arrin të krosojë në qendër. Topi po shkonte në këmbët e Rexhinaldos me portën e boshatisur, por ndërhyn Atanda, duke bërë heroin

1’ – Fillojnë të dy takimet, skuadrat zbresin në fushën e lojës

KATEGORIA SUPERIORE – JAVA 35
E diel, më 26 maj 2019, ora 16:30

PARTIZANI-KUKËSI 1-1
Çinari 84′ /Rexhinaldo 47′

Partizani: Hoxha, Ibrahimi (Cinari 62′), Belica, Atanda, Trashi, Telushi (Kote 66′), Hila, Duka, Asani, Mala, Mensah. Trajner: Skënder Gega

Kukësi: Frashëri, Ethemi, Teqja, Cuculi, Rrumbullaku, Uilliam (Cyrbja 72′), Musolli, Limaj (Dzaria 70′), Rama, Rexhinaldo, Shkurtaj. Trajner: Ernest Gjoka.

Kartonë të verdhë: Hila 26′, Atanda 28′, Asani 77′ / Rrumbullaku 21’

SKËNDERBEU-LUFTËTARI 2-0
Pervan 26′, 50′

Skënderbeu: Teqja, Vangjeli, Radas (Mara 71′), Pëllumbi, Abazi, Dita, Lulaj, Sibo, Pervan (Demollari 68′), Gripshi, Bregu. Trajner: Orges Shehi

Luftëtari: Ruçi, Açka, Koconis, Kukaj, Neziri, Ahmetaj (Qerimaj 62′), Hanti, Rapo, Hyseni (Celaj 53′), Fili, Uarden (Oshafi 44′). Trajner: Jovan Mihajloviç

Shehi zgjidh dilemat, Mihajloviç revolucion te Luftëtari

Sport Ekspres — Sun, 26 May 2019 13:52:59 +0000

Skënderbeu e Luftëtari përballen mes tyre dhe mungesat janë të shumta në të dyja kampet. Shumë lojtarë të dëmtuar dhe trajnerët Orges Shehi dhe Jovan Mihajloviç janë munduar të bëjnë zgjedhjet më të mira. Korçarët luajnë në sulm me Bregun, kurse në mesfushë është zhvendosur Lulaj në vend të Muzakës.

Nga ana tjetër te Luftëtari ndryshimet janë të shumta, kryesisht në mbrojtje ku është vetëm Koconis nga titullarët e zakonshëm. Erik Uarden luan në sulm i mbështetur nga Fili, ndërkohë që nga fillimi e nis edhe Ahmetaj.

KATEGORIA SUPERIORE – JAVA 35
E diel, më 26 maj 2019, ora 16:30
Stadiumi “Skënderbeu”, Korçë

SKËNDERBEU-LUFTËTARI
Skënderbeu: Teqja, Vangjeli, Radas, Pëllumbi, Abazi, Dita, Lulaj, Sibo, Pervan, Gripshi, Bregu. Trajner: Orges Shehi
Luftëtari: Ruçi, Açka, Koconis, Kukaj, Neziri, Ahmetaj, Hanti, Rapo, Hyseni, Fili, Uarden. Trajner: Jovan Mihajloviç
Gjyqtarë: Klodian Shahini, Andi Koçiaj, Rejdi Zaimi, Eraldo Demiri

Ankth dhe festë titulli, Superiore plot enigma

Sport Ekspres — Sun, 26 May 2019 07:47:37 +0000

Shumë ankth, sidomos te tifozët e Tiranës. Ndryshe nga rivalët e tyre, që sot çojnë kupën në qiell në shtëpinë e tyre në “Selman Stërmasi”, të dashuruarit pas ngjyrave bardheblu do i kenë sytë nga Laçi. Një pjesë e tyre do jenë krah ekipit në mbështetje, ndërkohë që nga ana tjetër do të jetë një Laç i karikuar.

Eliminimi nga Kupa nuk është përjetuar mirë dhe synohet një lloj hakmarrjeje, shto këtu edhe faktin që kjo është një ndeshje vendimtare për Europën. Kurbinasit do i bënin nder edhe Kastriotit, që nga ana tjetër duhet të mundë Teutën në shtëpi dhe në njëfarë mënyrë dy klubet fqinje do ndihmonin njëri-tjetrin. Sigurisht luajnë për llogaritë e tyre.

Në kryeqytet është një ndeshje spektakli, por edhe një përballje ku Partizani do kërkojë t’i tregojë Kukësit se e kane merituar plotësisht titullin kampion. Sfidë gjunjësh, me Kukësin që në krahun tjetër rrezikon edhe vendin e dytë e të tretë. Në Korçë Skënderbeu luan ndeshjen e fundit të kampionatit. Të gjymtuar, ashtu si Luftëtari rival, korçarët kërkojnë tre pikët dhe shpresojnë te vendi i tretë.

KATEGORIA SUPERIORE – JAVA 35
E diel, më 26 maj 2019, ora 16:30

Laçi-Tirana
Partizani-Kukësi
Kastrioti-Teuta
Skënderbeu-Luftëtari

Ndihmëstrajneri Mihajloviç: Kundër Skënderbeut kam vetëm gjysmën e skuadrës

Sport Ekspres — Sat, 25 May 2019 17:55:00 +0000

Në keto dy javë të mbetura të kampionatit, skuadra e Luftëtarit do të drejtohet nga trajneri i portierëve, Jovan Mihajloviç. Boshnjaku 58-vjeçar, ka folur para sfidës kundër Skënderbeut në transfertë për RTSH Sport, ku u shpreh:

“Kam patur një bashkëpunim shumë të mirë me Ahmatajn, nuk kam pasur asnjë problem me të. Unë bëja punën time si trajner i portierëve. E ardhmja ime? Nuk mund të them asgjë, në dorë e ka presidenca. Të gjithë e dimë se mbijetesa është siguruar, por ne jemi profesionistë dhe duhet të respektojmë kampionatin. Duhet të bëjmë figurë të mirë për dy ndeshejt e mbetura.

Do të bëjmë më të mirën për të marrë rezultat pozitiv në Korçë. Atje do të shkojmë me gjysmën e skuadrës, pasi kemi shumë dëmtime, por kjo nuk do të thotë që nuk do të japim maksimumin në fushën e lojës”.

Shehi: Sezon pozitiv, vendimi i “CAS” më i rëndësishmi

Sport Ekspres — Sat, 25 May 2019 17:07:58 +0000

Skënderbeun do pret ditën e nesërme Luftëtarin për të përfundimisht “ulur perden” e këtij sezoni. Trajneri i skuadrës korçare, Orges Shehi, foli para medieve në lidhje me këtë takim, ku u shpreh se sezoni që po mbyllet ishte pozitiv për të duke parë rrethanat të cilat ndodhet klubi.

“Ky është 90 minutëshi i fundit, pasi me Kamzën nuk luajmë. Do të përpiqemi të japim maksimumin për t’u renditur sa më lart në tabelë. Shpresoj ta mbyllim sezonin ashtu siç e nisëm, me fitore. Skënderbeu ka nevojë vetëm për disa gjëra të vogla, pasi kush e ka parë Skënderbeun, e ka kuptuar se luajmë futboll. Disa detaje të vogla na kanë kushtuar shumë pikë”, përfundoi Shehi.

“Ka qenë një javë me shumë probleme përsa i përket dëmtimeve, por të paktën kemi rikuperuar Radasin dhe Bregun, të dy ata do të përfshihen të nesërmen në 18-she”.

“Kemi zhvilluar një sezon pozitiv, dihet që ky sezon ishte një tranzicion i madh për ne, por më e rëndësishmja është sinjali që do të japë ‘CAS’.

Zyrtare: Protesta shtyn Superioren, merret vendimi

Sport Ekspres — Mon, 20 May 2019 20:38:18 +0000

Kanë mbetur edhe dy javë kampionat në Kategorinë Superiore dhe ndeshjet e ardhshme janë me të vërtetë interesante, sigurisht për Europën dhe mbijetesën. Të gjitha takimet ishin programuar të zhvillohen të shtunën, por plani ka ndryshuar. Pritej në fakt, pasi opozita ka programuar një protestë më 25 maj dhe tashmë është zyrtare që ndeshjet e javcës së 35-të do të luhen të dielën.

Kjo javë ka disa finale. Laçi e Teuta duan Europën dhe do kërkojnë të mposhtin Tiranën e Kastriotin, skuadra që synojnë të mbeten në elitën e futbollit shqiptar. Kukësi, pas dy humbjeve të fundit rrezikon edhe vendin e dytë, ndaj duhet të marrë rezultat pozitiv me Partizanin kampion.

Luan edhe Skënderbeu, që mbyll kampionatin në shtëpi me Luftëtarin dhe pret tre pikët në tavolinë javën e fundit. Korçarët mbeten në lojë për vendin e tretë, ashtu sikurse edhe Flamurtari. Vlonjatët marrin tre pikët me Kamzën këtë javë dhe e mbyllin sezonin në transfertë me Tiranën.

Kategoria Superiore – Java 35
E diel, më 26 maj, ora 16:30

Laçi-Tirana
Partizani-Kukësi
Kastrioti-Teuta
Skënderbeu-Luftëtari

Ndryshon kalendari Kategorisë Superiore

Java e 35-të e Superiores e planifikuar për tu zhvilluar e gjitha ditën e shtunë, do të zhvillohet ditën e dielë, datë 26 Maj. Në të njëjtën kohë është spostuar për një ditë dhe java e 36-të, e cila do të luhet ditën e enjte, datë 30 Maj. pic.twitter.com/baJ6paA89S

— FSHF (@FSHForg) May 20, 2019

“Vitin tjetër shkruajmë histori”, Tavo zbulon lëvizjen surprizë të Luftëtarit

Sport Ekspres — Mon, 20 May 2019 19:15:01 +0000

Presidenti i Luftëtarit, Grigor Tavo, ishte i ftuar në emisionin “E Hëna Sportive” në “RTSH Gjirokastra”, ku bëri një analizë të plotë të sezonit të skuadrës gjirokastrite. Ndërkaq, numri një i Luftëtarit shpalosi dhe plane ambicioze për të ardhmen.

SEZONI – “Nuk ndihem komod që skuadra diskutoi mbijetesën. Vitin e kaluar ishim në Kupat e Europës, ndërsa këtë sezon për shkak të gabimeve tona përfunduam në këtë situatë. Të them të drejtën rezultatet e fundit më kanë mërzitur”.

KOSTIÇ DHE MEZANI “Në fillim morëm dy trajnerë që “CV” të pasur, ne prisnim që ata të bënin çudi te Luftëtari, por nuk ndodhi kështu. Pastaj i besuam Gentian Mezanit, ai bëri një deklaratë të papërgjegjshme pas humbjes 5 – 1 dhe u detyruam ta largojmë Mezanin. Kur gjenerali dorëzohet, ushtarët demoralizohen, na u ndesh të ndërhynim. Unë nuk e kisha parë, por një miku im më mori në telefon dhe më shpjegoi se ai kishte thënë se ekipi do të binte nga Kategoria ”.

AHMATAJ – “Të themi të vërtetën ai bëri një punë shumë të mirë, duke mbledhur ekipin. E mora vendimin për ta pezulluar pas ndeshjen me Kukësin për shkak se kisha dyshime për ndeshjen për Tiranën. Për këtë do flas më gjerë kur të mbarojnë këto dy ndeshjet. Edhe për futbollistët e pezulluar do flas pas ndeshjes me Partizanin, pasi nuk dua të hap plagë”.

ALEKSI DHE XHEKSON – “Albano Aleksi e kishte në kontratë që dy muaj para se t’i mbaronte marrëveshje që të besonte me ne, për kërkesat e tij. Ai nuk pranoi asnjë nga telefonatat e mia. Me Xheksonin do të diskutojmë për vazhdimësinë, gjithçka mund të arrihet”.

E ARDHMJA – “Luftëtari është një skuadër që do të shkruajë histori në kampionatin shqiptar. Do të shikoni lojtarët që do të vijnë, disa prej tyre do të jenë të Kategorisë Superiore, por edhe kampionateve jashtë. Së shpejti do të kemi dhe ekip femrash të Luftëtarit. Jemi duke mbyllur një kontratë me një skuadër të njohur në Europë që është thuajse çdo vit në Champions League. Me këtë marrëveshje ata do të sjellin eksperiencën e tyre dhe në të mirë të akademisë sonë. Nuk mund ta them akoma emrin e klubit. Do ta bëjmë ekipin shumë më të fuqishëm”.

PROBLEMET FINANCIARE – “E vërteta është që kemi pasur probleme me financat. Kemi shlyer shumë detyrime te vjetra, që nga Milinkoviç, Toledo dhe Bojom. Gjithsesi, klubi ka arritur të shesë katër lojtarë deri më tani dha na kërkojnë edhe dy lojtarë të tjerë. Këtë vit kemi arritur të dalim me fitim. Nuk më shkon në mendje kurrë për të shitur Luftëtarin. Ky ekip më dhimbset. E kam pasion, unë kam bërë 19 kilometra në këmbë për të parë klubin në kohën në Bonit, Kallucit dhe Brahos”.

BORDI DREJTUES – “Do krijojmë një bord të ri drejtues. Me 11 veta, ku do të jenë pjesë intelektualë të zonës dhe njohës të sportit. Çdo vendimmarrje do të merret aty”.

E ARDHMJA E RUÇIT – “I respektoj të gjithë futbollistët. Ruçi për shembull është një djalë shumë i mirë dhe profesionist. Ai ka dhe dy vite kontratë me ne, por më tha shpjegoi se kishte një hall familjar dhe unë e mirëkuptova. Kështu si veproi Ruçi të vepronte dhe Aleksi, ai nuk i përgjigjej as telefonatave të mija. Nuk ja mohoj atë që ka dhënë në këto katër vite, gjithsesi nuk është i pazëvendësueshëm”.

LOJTARËT NË FUND TË KONTRATËS – “Nga Luftëtari nuk do iki asnjeri. Ramadani është një njeri i veçantë. Të gjithë çunat kanë dhënë shpirtin për Luftëtarin. Me çdo futbollist që i mbaron kontrata do mundohemi të gjejmë marrëveshje për të vazhduar”.

PAGAT – “Presidenti i Tiranës më pyeste gjatë ndeshjes për pagat e lojtarëve tanë dhe unë ia thosha pa mbajtur sekrete. Çuditesha kur më tha se te Tirana, Ngo merrte 8500 euro në muaj, ndërsa kishte lojtarë të tjerë që merrnin nga 6500 euro dhe 6000 euro. Çdo lojtar te Luftëtari do marrë aq sa i takon”.

ELIMINIMI NGA KUPA – “U zhgënjyem shumë. Nuk na takonte ne që të pësonim pesë gola. Nuk i kishim pësuar gjithë sezonit. Nuk është se jam mosmirënjohës që na shpëtoi Kategoria, përkundrazi nëse do të fitonte Kastrioti do të ishim ne në rrezik, ne na shpëtoi barazimi i tyre. Kemi dhe dy ndeshje të vështira ndaj Skënderbeut dhe Partizanit, kjo nuk qëndron”.

AKADEMIA – “Kur u takova me presidentin e ekipit që po bisedojmë për marrëveshjen më përmendi fillimisht për akademinë. Një ekip duhet të nxjerrë nga akademia të paktën një ose dy lojtarë në vit. Akademia do të jetë pikë kyçe e projektit tonë të ardhshëm”.

Shpëtimi i Luftëtarit, Nora: Sa net pa gjumë, por ia vlejti!

Sport Ekspres — Sun, 19 May 2019 09:25:21 +0000

Luftëtari matematikisht i shpëtoi rënies nga Superiorja, pasi Tirana e Kastrioti ndanë nga një pikë një ditë më parë dhe me tre pikët e marra në tavolinë me Kamzën. Diferenca me krutanët shkon në shtatë pikë kur kanë mbetur edhe dy javë kampionat dhe në Gjirokastër kanë siguruar garimin edhe për një vit në elitë.

Drejtori sportiv, Gentian Nora, përmes një postimi në rrjetet sociale ndihet mirë për objektivin e realizuar. Luftëtari i dy fazave të para pati shumë probleme, por pas janarit erdhi edhe ndryshimi dhe tashmë frytet e punës i gëzojnë në Gjirokastër.

“Një aventure plot emocione vuajtje dhe sakrifica, një sipërmarrje e vështirë. Sa e sa net pa gjumë, mërzi, por ne fund ja vlejti. OBJEKTIVI I REALIZUAR! Falënderoj gjithë FK Luftëtari për bashkëpunimin në realizimin e këtij objektivi . Uroj dhe gjithë tifozët shikim të mbarë dhe të shijojnë përsëri Luftëtarin në Kategorinë Superiore sezonin e ardhshëm dhe të tjerë në vazhdim”, shkruan Nora, i cili me shumë mundësi nuk do të jetë pjesë e Luftëtarit sezonin e ardhshëm.

Sezoni aktual dhe e ardhmja, Fili sqaron gjithçka

Sport Ekspres — Fri, 17 May 2019 15:56:42 +0000

Realdo Fili ka qenë një ndër lojtarët kyç të Luftëtarit gjatë pjesës së dytë të sezonit. Një eksperiencë aspak e këndshme te Skënderbeu solli që sulmuesi fierak të zbarkonte në Gjirokastër gjatë janarit, lëvizje kjo që rezultoi e goditur për 23-vjeçarin.

Në një intervistë për “Supersport”, Fili analizon sezonin me bluzinjtë dhe flet për të shkuarën dhe të ardhmen e tij.

“Ky gjysmë sezoni ka qenë mjaft pozitiv. Nuk ka pasur shumë pritshmëri, por i kemi tejkaluar. Jam i kënaqur në aspektin personal. Gjithsesi besoj se kam edhe më shumë potencial, por shpresoj që nxjerr më vonë”.

“Kur erdha mbijetesa ishte objektivi i vetëm. Duke parë që mund të bënim diçka në Kupë, shpresat ishin të mira. Sidomos pas ndeshjes së parë që doli 0-0. Në ndeshjen e dytë u prish gjithçka. Do ishte kënaqësi e madhe të luajë një finale, por nuk ishte e thënë. Ndoshta do e provojmë sërish vitin tjetër”.

LUHATJET NË KARRIERË DHE E ADHMJA “Kjo për mua është një sfidë. Ishte e vështirë të ruaja ritmet e fillimit. Shpresoj të rikthehem aty ku isha dhe të bëj sa më mirë me paraqitjet e mia. Për momentin jam i përqendruar te ndeshjet e fundit të këtij sezoni, pastaj për të ardhmen do të kemi diçka më të mirë sigurisht”, përfundoi Fili.