“Interi i bashkohet dhimbjes së Luçiano Spaletit dhe familjes së tij për vdekjen e vëllait Marçelo”, lexohet në komentin e zikaltërve.

Ceremonia mortore do të zhvillohet nesër në Empoli. Luçiano po kalonte ditët e fundit në stolin zikaltër me Antonio Konten gati për ta zëvendësuar. Tani kjo çështje ka kaluar në plan të dytë dhe të gjithë ndajnë dhimbjen me trajnerin Spaleti.

#Inter, lutto per #Spalletti: è scomparso il fratello Marcello https://t.co/nbe7JPPUmi #serieA #inter

— LaGazzettadelloSport (@Gazzetta_it) May 28, 2019

Gara për kualifikimin në Ligën e Kampioneve është shumë e fortë. 6 ekipe po garojnë për 2 vende dhe emocionet sa vijnë e shtohen. Trajneri i Interit analizon rivalitetin e madh, ndalet te Mauro Ikardi dhe e mbyll me të ardhmen e ekipit që drejton.

UDINEZE – “Ata luftojnë për mbijetesë, ndërsa ne për Champions. Është si të luajmë një ndeshje direkte për nga niveli i vështirësisë. Na pret një përballje shumë e vështirë, por duhet ta fitojmë.”

CHAMPIONS – “Ka 6 ekipe që luftojnë për dy vende. Deri te Lacio janë të gjithë në garë. I kam frikë të gjithë ekipet njësoj, sepse po luftojnë fort për këtë objektiv. Atalanta nuk është më surprizë. Renditen lart prej vitesh dhe janë të aftë në rinovimin e ekipit. Edhe Torino i është bashkëngjitur kësaj gare. Roma ka qenë gjithmonë e fortë dhe ka shpenzuar gjithmonë për lojtarë të mëdhenj.”

IKARDI – “Nuk i kam problem fotot e fundit. Rëndësi ka që këtu vjen i veshur si Interi. Kjo më intereson. Mauro është stërvitur mirë këtë javë. Pavarësisht se nuk po gjen golin, ai është i rëndësishëm për skuadrën. Ka një cilësi shumë të mirë, ka ekuilibër. Unë nuk kam asnjë problem me të. E ardhmja ime quhet Udineze-Inter dhe jo Ikardi.”

INTERI – “Synimi ynë është i qartë. Duam të luajmë gjithmonë në gjysmëfushën kundërshtare. Dje po shihja gjysmëfinalen mes Ajntrahtit dhe Çelsit dhe po mendoja se ne jemi e vetmja skuadër që nuk kemi pësuar gol në fushën e gjermanëve. Pse nuk iu jepen meritat që u takojnë mbrojtësve? Pse flitet gjithmonë për mungesë sulmuesish? Për t’u përmirësuar duhet dërguar më shumë presion drejt zonës kundërshtare. Ky është qëllimi jonë për sezonin e ardhshëm.”

Një episod i këndshëm ka ndodhur në konferencat për shtyp të trajnerëve pas përfundimit të ndeshjes. Luçiano Spaleti ka qenë duke u përgjigjur pyetjeve, ndërsa Xhan Piero Gasperini ka qenë duke pritur në radhë për të dalë përpara gazetarëve.

Trajneri i Interit ka përfituar për të bërë pak gallatë dhe për t’iu shmangur pyetjeve për Ikardin. Spaleti ftoi kolegun e tij të ulej dhe sapo Gasperini mori vendin e tij, trajneri i Interit pyeti në mënyrë ironike: “Ikardi? Ju përgjigjet ky”, duke iu drejtuar trajnerit të Atalantës.

Ky i fundit e mbajti lojën dhe u përgjigj: “T’i tregoj çfarë më ka thënë?”. Në sallë shpërthyen të qeshurat, ndërsa Spaleti u largua mes buzëqeshjeve dhe i la vendin Gasperinit.

Sulmuesi nuk luan prej muajsh, trajneri vlerëson punën e Bepe Marotës dhe analizon çështjen. Të gjithë kanë humbur, por për të mirën e Interit të gjithë duhet t’ia nisin nga zero. Fjalët nuk kanë rëndësi, nevojitet vetëm punë, stërvitje, djersë dhe një fitore kundër Xhenoas.

SITUATA – “Humbjet krijojnë gjithmonë mundësi për t’u rritur, pasi shtohet vëmendja. Mbetet hidhërimi i humbjes me Lacion, por kemi mundësi për të studiuar dhe për të punuar më mirë për ndeshjen me Xhenoan. Pres një lojë të ashpër nga ana e ekipit të Prandelit. Do të na duhet ta interpretojmë perfekt ndeshjen. Duhet të jemi gati fizikisht dhe pastaj të shfrytëzojmë teknikën tonë. Kemi kualitetet për ta fituar këtë ndeshje. Do të ketë disa ndryshime. Ata që nuk luajtën kundër Lacios janë stërvitur mirë.”

EKIPI – “Ndihemi më mirë, kemi rikuperuar futbollistë dhe kemi mundësi të ndryshme që na bëjnë të fortë. Dëmtimet e pësuar në ndeshjet e kombëtareve mbeten të vështira për t’u kapërdirë. Nuk është asnjëherë e thjeshtë të zëvendësosh Lautaro Martinezin dhe De Vrij. Duhet të jem i kujdesshëm nga sinjalet që më japin futbollistët.”

XHENOA – “Ata janë një skuadër e stërvitur mirë dhe kanë bërë gjëra të mira në ndeshjet e fundit. Të gjitha ndeshjet deri në fund të kampionatit janë të rëndësishme. Renditja është ngushtuar dhe na duhet rezultat pozitiv. Prandeli po nxjerr në pah cilësitë e tij dhe të ekipit që drejton. Do të jetë një betejë plot duele kundër Xhenoas. Duhet të kemi temperament dhe përgatitje fizike.”

IKARDI – “Mauro është grumbulluar për këtë ndeshje. Marota ka bërë një punë vendimtare. Ai bëri që palët të arrinin në një konfrontim real dhe jo virtual. Kjo gjë i jep mundësinë Ikardit që të ndihmojë skuadrën. Skuadra, tifozëria dhe trajneri janë tre komponentë, të cilët kanë zemër, sy dhe veshë. Ikardi vlen shumë për ne, më shumë se Mesi me Ronaldon bashkë, por me paktin që të përfshihet brenda skuadrës dhe të djersijë.

Nga kjo histori kemi dalë të gjithë humbur, askush nuk ka fituar. Le të rinisemi nga vendi i tretë dhe të arrijmë objektivin Champions me ndihmën e tifozëve tanë të jashtëzakonshëm. Do hasim vështirësi, por të bashkuar mund t’ia dalim. Ikardi nuk është në gjendje të ndihmojë ekipin nga jashtë, por ta karikojë nga brenda.”

KONTESTIMI I ULTRASVE – “Mauro është impenjuar në stërvitjet e fundit dhe mund të rifitojë besimin e tifozëve. Ai u stërvit të dielën, ndërsa të hënën luftoi fort në stërvitje bashkë me shokët. Ka djersitur dhe tifozët i kuptojnë sinjalet korrektë. Të gjithë duhet të punojmë për të mirën e Interit. Ne profesionistët që paguhemi nga klubi duhet të rreshtohemi në anën e klubit, skuadrës dhe tifozëve dhe jo një lojtari të vetëm.”

IKARDI TITULLAR? – “Nuk vlen shumë forma fizike, vlen koka. Mauro ka bërë reagimin e duhur. Kemi nevojë për një sulmues, jemi më të fortë me të. Ai do të luajë në formacion, të shohim më pas kur do e heqim nga loja, nëse do e zëvendësojmë.”

Në një prononcim për “Sky Sports”, 72-vjeçari rikthehet pas në kohë kur drejtonte Realin e Madridit. Klubin mbretëror e ka drejtuar në dy periudha: gjatë sezonit 1996/1997 dhe gjatë një dekade më vonë. Në të dyja rastet nuk ka qëndruar më shumë se një vit, por ka arritur që të fitojë dy tituj kampionë. Gjatë periudhës së parë, ai po haste një problem të madh në repartin ofensiv. Davor Shuker dhe Predrag Mijatoviç nuk dëshironin qw t’i pasonin topin Raulit.

Kapelo i mori dy rebelët sllavë mënjanë, foli me ta, me siguri që nuk kanë munguar as ngritja e toneve, dhe situata u zgjidh. Ekipin fitoi kampionatin në fund të sezonit me vetëm 2 pikë më shumë se Barcelona.

“Spaleti duhet të bisedojë me njerëzit e përfshirë në këtë çështje. Ai nuk duhet të merret me shtypin. Në këto raste, ti duhet të marrësh lojtarët mënjanë dhe duhet të zgjidhësh problemin. Një gjë e ngjashme më ka ndodhur dhe mua kur drejtoja Realin e Madridit. Shuker dhe Mijatoviç nuk preferonin t’ia pasonin topin Raulit. Unë diskutova me të dy dhe diçka e tillë nuk ndodhi më”, përfundon “Don Fabio”.

Problemet janë të shumta, ndërsa çështja e Mauro Ikardit nuk po merr zgjidhje. Megjithatë, Spaleti ka programuar një takim kokë më kokë me sulmuesin në ditët e ardhshme. Aty do të jetë i pranishëm dhe mjeku Volpi dhe do të tentohet të kuptohet qëllimi i lojtarit.

Ikardi vazhdon të ketë probleme në gjurin e tij dhe po vazhdon me terapitë, ndërsa Spaleti mund t’i japë një shans. Klubi nuk beson shumë te dëmtimi i lojtarit dhe trajneri kërkon të kuptojë se çfarë ka në mendje argjentinasi. Nëse gjendet gjuha e përbashkët, Spaleti mund ta grumbullojë atë për ndeshjen e Ligës së Europës kundër Ajntrahtit të Frankfurtit.

Deri atëherë pesha e sulmit do të mbahet nga Lautaro Martinez, ndërsa është pranë rikthimit dhe Keita Balde. Spaleti ka bërë një pakt me lojtarët pas humbjes së fundit kundër ekipit sard. Ai i ka kërkuar ekipit të mos dhurojë më paraqitje si kjo e fundit dhe përgjigja e lojtarëve ka qenë pozitive. Ata besojnë fort se do të arrijnë për të kualifikuar Interin në Champions Ligë, me apo pa Ikardin në fushën e blertë.

Në fund të ndeshjes trajneri toskan nuk i mbajti dot nervat në lidhjen direkt me analistët dhe gazetarët e “Sky Sports”,madje duke akuzuar njëri prej dyte se po mendonte si tifoz, pasi penalltia e akorduar ishte qartazi e gabuar dhe nuk linte vend për ndoshta.

“Nuk ka vend për ndoshta, ose për hipoteza të tjera. Është e qartë nuk është penallti. Ti (analisti i Sky Sports) po vendos si tifoz. Të gjithë e pamë çfarë ndodhi”.

“Është një rast i qartë. Topi preku gjoksin. Nuk ka nevojë për hipoteza të tjera këtu. S’ka asnjë dyshim. Topi prek gjoksin qartazi. Secili prej nesh i përsëritjet e VAR. Topi preku gjoksin”.

PENALLTIA E INTERIT – “Në rastin e penalltisë sonë, lojtari i Fiorentinës e ngriti krahun lart pa asnjë shkak. Në rastin tonë ishte kontakt në gjoks, nuk e preku kurrë krahun, kurrë. Këto janë rezultate vendimtare për arritjen e objektivave që ne kemi si klub”.

ARBITRI – “Nuk fola me arbitrin, pasi çfarë mund të më thoshte ai. Mos do më thoshte se topi kapi krahun kurrë qartazi nuk e preku. Këtu nuk kemi të bëjmë me një situatë me “nëse” ose “por”, është e qartë, ashiqare”, përfundoi Spaleti.

Luçiano Spaleti ka folur në konferencën për shtyp, duke u ndalur gjatë te Mauro Ikardi. Shumë ngjarje kanë ndodhur gjatë këtyre ditëve dhe kjo është çështja kryesore që po mban në ankth Interin.

Trajneri shpjegon vendimin e marrë dhe ka disa mesazhe për lojtarin. Lautaro Martinez do të marrë postin e tij dhe Spaleti ka besim të plotë te 21-vjeçari. Vlerësimi për Sampdorian është maksimal dhe trajneri zbulon në fund dhe kapitenin e vërtetë të ekipit zikaltër.

IKARDI – “Vendimi për t’i hequr shiritin e kapitenit Ikardit ishte një zgjedhje shumë e dhimbshme dhe e vështirë për t’u marrë, por është e rëndësishme të jesh i drejtë dhe korrekt kundrejt grupit. Në dhomat e zhveshjes ne i themi gjërat në sy. Ky vendim nuk është kundër Ikardit, por në favorin e Interit. Këtë gjë i thamë dje lojtarit. Ne duhet t’i japim llogari klubit dhe tifozëve rreth vendimeve tona. Skuadra vjen përpara të gjithëve, Ikardi na ka krijuar vështirësi dhe shqetësime në marrjen e këtij vendimi, sepse ai është një futbollist i fortë dhe do të dëshironim ta kishim përsëri në dispozicion. Atë që kisha për t’i thënë, ia thashë në sy. Mauro ka një problem dhe për momentin nuk është në kushtet për të luajtur. As Keita nuk është gati dhe duhet të presim dhe disa ditë për të.”

ZGJIDHJA – “Rezultatet e ekipit vlejnë më shumë se kjo situatë e krijuar. Ekipi pret që të vijojë punën në fushë përpara gjithçkaje dhe jo diskutimet për Ikardin. Duhet të kalojmë mesazhin që ne jemi të gatshëm të kalojmë këtë situatë për të mirën e Interit.”

SULMI NDAJ UANDËS – “Shpresoj që denoncimi të kryhet sa më shpejt dhe të kapet fajtori i kësaj ngjarje.”

RIKTHIMI I IKARDIT? – “Mesa duket nuk isha i qartë në fjalët e mia. Gjithçka që ka lidhje me gjendjen fizike të lojtarit, ka të bëjë me stafin mjekësor.”

INTERI PA IKARDIN – “Lautaro ngjan shumë me Ikardin sa i përket mënyrës së lojës, ndërsa tani i duhet të tregojë atë cinizëm përpara portës, siç bënte Mauro më parë. Ai i ka cilësitë për ta bërë diçka të tillë, ka një karakter dhe personalitet të fortë, siç e tregoi në fitimin dhe goditjen e penalltisë kundër Rapidit. Jashtë zonës, Lautaro ndryshon me Ikardin. Kjo nuk do të thotë që mund t’ia dalim pa Ikardin, ai është pika jonë e fortë dhe duhet të jemi të aftë që ta konvertojmë drejt së mirës së ekipit dhe jo individit.”

SAMPDORIA – “Ata janë një kundërshtar i papërshtatshëm, të stërvitur mirë dhe me një mënyrë loje të përcaktuar. Sampdoria ka një trajner të madh, i cili arrin të marrë maksimumin nga ekipi që ka në dispozicion, pavarësisht se klubi shet shumë lojtarë.”

MAROTA – “Kam shumë respekt për të, ashtu si për Sabatinin. Nuk është e vërtetë që jam kundër Marotës, edhe pse vazhdoni të shkruani të kundërtën.”

EKIPI – “Në Vienë patëm një reagim të mirë, pavarësisht se nuk treguam potencialin tonë të vërtetë. Kur tensioni është kaq i lartë në kokat e lojtarëve dhe dhomat e zhveshjes, nuk është e thjeshtë të mbetemi të bashkuar dhe solid. Kam marrë sinjale të rëndësishme nga ekipi dhe kemi bërë hapa përpara në aspektin karakterial.”

KAPITENI I RI – “Nuk ka ndryshime të mëdha, pasi Handanoviç e ka mbajtur dhe më parë shiritin e kapitenit, edhe pse kapiteni ynë në dhomat e zhveshjes është Ranokia. Lider është ai, i cili ndodhet brenda ekipit dhe nuk vihet re, por që e tregon veten e tij kur ka një problem për t’u zgjidhur dhe Andrea nuk gabon kurrë në mesazhet që përcjell.”

Luçiano Spaleti ka folur në konferencën për shtyp përpara ndeshjes me ekipin emilian, duke u ndalur te gjendja e ekipit të tij. Trajneri tregon rrugën e duhur për të dalë nga kriza dhe kjo nis me një fitore kundër Parmës, në një fushë ku zikaltrit kanë hasur gjithmonë probleme.

SITUATA – “Është e ligjshme që çdo gjë mund të vihet në pikëpyetje tani, sepse fjalët nuk vlejnë kur rezultatet mungojnë. Por rrezikojmë dhe të futemi në konfuzion. Ka gjëra që nuk duhen hedhur poshtë. Ekipi po punon në të njëjtën mënyrë, disa gjëra duhen përsëritur dhe të tjera duhen përmirësuar. Lojtarët e dinë që nevojitet përmirësim dhe në valle është fati i Interit dhe i yni. Tani kemi nevojë për një ndeshje të madhe. Kundër Parmës duhet të bëjmë një ndeshje të madhe dhe të sigurojmë fitoren.”

E ARDHMJA – “Mesazhi që kam marrë nga klubi është i njëjti. Rinovuam në verë për tre vite të tjera, sepse ishim të bindur që mund të rrugëtonim së bashku drejt objektivave tanë. Por kemi nevojë për kohë. Sa më përket mua, gjërat nuk kanë ndryshuar dhe shpresoj që kështu të jetë dhe për Interin. Askush nuk mund të na ndihmojë, ashtu sikurse askush nuk mund të na ndalojë. Duhet të zbresim në fushë për të nderuar klubin, tifozët, bluzën dhe veten tonë.”

KRIZA – “Duhet të punojmë shumë me kokat e lojtarëve. Na ka munguar ajo pjesë finale e kualitetit tonë. Dëmtimi i lojtarëve dhe pezullimet i ndodhin çdo ekipi, ndërsa merkato na ka sjellë pak hutim dhe çoroditje. Ikardi është pjesë e kësaj. Talenti, futbollisti i fortë dhe ai që shënon gola vjen në pah me ndihmën e skuadrës. Pa punën në grup, nuk ka asnjë sulmues që mund të rregullojë fatin e ekipit. Duhet të jemi të bashkuar që të kalojmë këtë situatë. Çdokush duhet të përmirësohet. Duke parë rezultatet tona të fundit, gjithçka mund të vihet në dyshim. Nuk mund të hedhim gjithçka poshtë, por duhet të shfrytëzojmë kualitetin e lojtarëve tanë për të dalë nga kjo situatë.”

PARMA-NAINGOLAN – “Duhet të luajmë ndeshjen tonë dhe të bindim. Do të përpiqemi të përmirësohemi. Kundër Parmës nevojitet një ndeshje e madhe dhe na presin shumë duele. Ne jemi ekip më i mirë se ajo që kemi treguar, por na shpëton vetëm puna. Keita? Ai do të jetë i gatshëm për ndeshjen e radhës. Kur nuk luan prej një kohe të gjatë, ke nevojë dhe për disa ditë pushim. Megjithatë, ai mund të luajë një gjysmë ore. Naingolan është përmirësuar dhe pres një përgjigje të madhe nga ana e tij, pasi kualiteti nuk i mungon. Raxha di ta përballojë presionin dhe të tregojë se çfarë di të bëjë.”

Drejtuesi i klubit konfirmon trajnerin në prononcimin e dhënë për ”Sportmediaset”, mohon kontaktet me Antonio Konten dhe tregon problemin e vërtetë të Interit.

“Spaleti është solid në pozitat e tij dhe do arrijë të rikthejë Interin në nivele të larta. Stoli i tij nuk rrezikohet. Unë punoj prej 22 vitesh si drejtues në Serie A dhe nuk kam shkarkuar kurrë një trajner. Për ta bërë një gjë të tillë duhet të ketë kushte të veçanta, që këtu nuk ekzistojnë.

Konte? Nuk e dëgjoj prej muajsh. Karakteri dhe motivimi janë disa nga problemet më të mëdha të Interit. Kultura jonë duhet të përmirësohet dhe nga krizat dilet, vetëm nëse përmirësohemi në këtë aspekt”, përfundon Xhuzepe Marota.

Situata në kampin zikaltër nuk është aspak e thjeshtë dhe një gjë e tillë reflektohet dhe nga Luçiano Spaleti në konferencën e tij për shtyp. Trajneri i Interit ndalet te zërat që flasin për një interesim të klubit për Antonio Konte dhe komenton situatën e dyshes Naingolan-Perishiç.

EKIPI – “Tifozët kanë filluar të nxitohen, por unë nuk mund të mbaj përgjegjësi për gabimet e shumë viteve pa fituar. Nevojitet një kohë e caktuar për konsolidimin e ekipit dhe përmirësimin e gjerave që kanë shkuar keq. Nuk është gjithçka për t’u hedhur në kosh dhe nuk shoh ndonjë diferencë të madhe midis asaj që po bëjmë dhe asaj çka duhet të bënim. E keni gabim kur thoni që gjithçka duhet të riparohet.”

NAINGOLAN-PERISHIÇ – “Raxha nuk ndodhet në nivelin e duhur fiziko-psikologjik. Ai nuk ka zhvilluar të gjitha stërvitjet e duhura për t’u rikthyer në formë. Ivan është stërvitur mirë, sidomos dje. Ai duhet të bëjë atë që bën një profesionist i nivelit të tij. Merkato është mbyllur dhe ai do të vazhdojë me ne. Nëse më tregon atë që pres nga ai dhe çfarë mund të japë, jam i gatshëm ta zbres në fushë. Jam i vetmi që e kam mbështetur dhe e kam aktivizuar gjithmonë. Tifozët duhet ta kuptojnë që kemi nevojë të mbetemi kompaktë dhe për momentin Perishiç është një lojtar i Interit.”

KONTE – “Konte mund të shkojë ku dëshiron. Është e drejtë që Marota po kërkon më të mirën për Interin dhe të ardhmen e klubit, por ne kemi nevojë për qetësi për të punuar. Ai e di se si bëhen gjërat dhe ajo që po raportohet  në media nuk prezanton stilin e tij të punës dhe profesionalizmin e tij. Interi nuk përfiton në këtë mënyrë. Kështu si raportoni ju sillen amatorët dhe jo një si Marota.”

TAKIMI ME MAROTËN – “Kam kaluar shumë situata të tilla. Nuk kam fituar shumë në futboll, madje kam humbur shumë ndeshje. Por gjërat që kam lexuar këtë periudhë janë qesharake. Nuk është i besueshëm lajmi që Konte është takuar me Marotën në selinë tonë, që gjendet në qendër të Milanos. Unë nuk kam kërkuar asgjë në fillim të vitit, ndërsa Interi më thirri për të rinovuar për tre vite. Nuk i mirë planet e klubit dhe zgjidhja për të ardhmen, por po të isha në vendin e Marotës nuk do të ndihesha mirë për përshkrimin që po i bëni kësaj çështje.”

VËRSALJKO – “Ne u përqendruam tek ai, por ka pasur disa probleme të vogla fizike. Ne jemi një skuadër që mund të përsërisë atë që bëri në sezonin e kaluar, duke qëndruar në katër të parat dhe ky ekip duhet të konsolidohet në ato nivele në fund të vitit.”

EKIPET E VOGLA – “Në disa momente kemi bërë më pak kundër ekipeve të vogla, Ikardi ka nevojë për lojë të strukturuar, jo për duele të vazhdueshme. Ne duhet të rritemi, sepse kjo është e vërtetë edhe për lojtarë të tjerë si Zhoao Mario, Borja Valero, Kandreva.”

E ardhmja e Luçiano Spaletit është vënë në dyshim dhe emri i Antonio Kontes ka filluar të qarkullojë në zyrat e klubit zikaltër. Eliminimi nga grupet e Champions Ligës, ulje-ngritjet e ekipit dhe fakti që disa lojtarë duan të largohen janë disa nga shkaqet që Interi mund t’i japë fund aventurës me Spaletin.

Kontrata me trajnerin, i cili përfiton 5.2 milionë euro në sezon, përfundon në vitin 2021. Ajo që e shpëton trajnerin është fakti që Interi po lufton në tre kompeticione. Një vend mes katër më të mirave në kampionat duhet arritur medoemos, ndërsa duhet bërë mirë në Europa Ligë dhe kupën e Italisë.

Nëse ekipi nuk reagon, vazhdon të luajë me oshilacione dhe objektivat nuk arrihen, Marota do të niste negociata me Konten, të cilin e njeh mirë pasi ka punuar bashkë te Juventusi.

“Nuk është çdo gjë për t’u hedhur poshtë, pasi luajtëm mirë në fillim. Luajtëm me 3-5-2. Kishim dhe Keitan të dëmtuar. Zgjodhëm të luanim në mënyrë fizike, duke tentuar të mos humbasim duele. Kemi humbur dy raste të pastra për të dalë në avantazh, më pas pësuam gol dhe ishte shumë e vështirë të shënoje me lojën e mbyllur që bënte Torino”.

“Tani kemi nevojë të rimendojmë për lojën që duam të zhvillojmë dhe duhet të jemi më të rregullt. Pasi kemi pësuar golin, lojtarët nuk janë sjellë në mënyrën e duhur. Mbanin topin shumë, në mënyrë krejtësisht të panevojshme.”.

“Perishiç? Është shumë e thjeshtë. E kam thënë dhe më parë, lojtarët mund të thonë çfarë të duan, ku është një çështje që i përket klubit më pas. Nëse ai nuk do të luajë, siç ka thënë dhe Marota është e qartë që do të qëndrojë jashtë. Nuk ka asnjë problem. Kur dikush mendon se nuk mund të japë kontributin e tij, do të qëndrojë jashtë”.

Trajneri i Interit shpjegon dhe situatën e Ivan Perishiç. Arsenali po insiston për kroatin, i cili dallohet qartë që dëshiron të largohet. Spaleti flet dhe për kapitenin Ikardi, të cilin e vlerëson si futbollist, por dhe si lider.

PERISHIÇ – “Ivan është një futbollist i fortë dhe është normale që flasin për të. Ai ka oferta dhe njerëzit nuk flasin për ata që nuk kanë… Perishiç u pëlqen të tjerëve, por nevojiten numrat e saktë për të konkretizuar diçka. Ai e njeh profesionin e tij, pres që të vazhdojë ta bëjë dhe të japë akoma dhe më shumë. Mua merkato nuk më dhuron asgjë, sidomos përpara këtyrë lloj ndeshjesh. Pasja e mendjes diku tjetër merr diçka nga efikasiteti i punës time.”

TORINO – “Ata janë një skuadër e fortë, e ndërtojnë lojën në bazë të dueleve fizike dhe zotërojnë një teknikë të mirë. Duhet të jemi gati dhe të përpiqemi të luajmë atë ndeshje që duam.”

IKARDI – “Mauro po bën një kampionat të mirë. I kemi kërkuar të sakrifikojë pak më shumë dhe ai ka shprehur gatishmërinë e tij. Mos të harrojmë që ka raste kur gjërat ecin mirë, por dhe kur diçka nuk funksionon.”

EKIPI – “Pres më shumë nga të gjithë, jo vetëm nga lojtarët e talentuar. Kundër Sasuolos nuk luajtëm në nivelin tonë.”

MERKATO – “Ardhja e Sedrik lidhet me të ardhmen e Versaljkos. Klubi po bisedon me Atletikon për situatën e kroatit. Politano? Ka patur disa probleme të martën, por do e vlerësojmë përpara ndeshjes gjendjen e tij.”

Spaleti vlerëson dhe thur elozhe për Empolin, ndërsa bën thirrje për t’i dhënë fund urrejtjes në futboll. Aspak problem për ta ndaluar futbollin, por kjo është një zgjidhje momentale. Gjërat duhen përmirësuar nga dita në ditë dhe të gjithë duhet të fillojnë të sillen më mirë.

KORET RACISTE – “Ka ardhur momenti t’i themi stop racizmit, koreve diskriminuese dhe atyre për tragjedinë e Hejselit. Boll më me urrejtje në futboll, kjo është gjëja më e rëndësishme që duhet të ndodhë. Nuk e komentoj vendimin e Gjykatës sportive, edhe pse dënohen dhe 80-90% e tifozëve, të cilët janë paqësorë dhe vijnë në stadium për të parë ndeshjen. Nuk duhet të ketë dallim në ngjyrën e bluzave, apo të lëkurës.”

ASAMOAH KAPITEN? – “Një gjë e tillë u propozua nga Xhusepe Sala, kryetari i Bashkisë së Milanos. Unë mund të them se nëse do të ketë një diskutim për të bërë, ose një sjellje për të përsëritur se çfarë kahu mbajmë, do e bëjmë një gjë të tillë. Por, në një afat të gjatë duhet të tregojmë se dimë t’i bëjmë gjërat mirë dhe jo tani që jemi nën lupën e të gjithëve. Gjërat ndryshohen vetëm me angazhim të përditshëm. Këto episode kanë ndodhur dhe më parë, nevojitet përpjekje e vazhdueshme për të ndryshuar mentalitetin dhe sjelljet e njerëzve.”

NDALIMI I FUTBOLLIT – “E përsëris, do të ishte një zgjidhje e përkohshme, por kemi nevojë për një gjë ndryshe për t’i ndryshuar gjërat. Më vjen keq për Kulibalinë, i kemi qëndruar afër dhe jemi akoma në anën e tij. Duhet të ndërmarrim një rrugë precize dhe të sillemi mirë çdo ditë.”

EMPOLI – “Do të përballemi me një skuadër që është djepi i futbollit në 25 vitet e fundit, për meritë të atyre që punojnë aty. Kanë nxjerrë shumë futbollistë të rinj dhe me Empolin kanë luajtur shumë lojtarë cilësorë. Kthehem gjithmonë me kënaqësi në Empoli, pasi kam shumë miq dhe familjen time. Nuk do të jetë e thjeshtë ndeshja, pasi përballemi me një skuadër, që ka cilësi individuale dhe kolektive. Duhet të shfrytëzojmë shanse tona, pasi kemi nevojë ta fitojmë këtë ndeshje. Naingolan? Ai është rikthyer me grupin, por do të bëj vlerësimet pasi t’i kem parë të gjithë lojtarët në stërvitje. Do të bëj ndryshime në formacion nga ndeshja me Napolin dhe Raxha do të niset i barabartë më të gjithë.”