“Arritëm të kualifikoheshim në Champions, por fundi i kampionatit ishte i vështirë. Vendi i katërt është OK, por mund të kishim bërë edhe më mirë. Për fat të keq, ashtu si na ndodhi edhe sezonin e shkuar, nuk arritëm të shmangnim krizën dhe humbëm shumë pikë”, është shprehur Shkriniar sipas FCInter1908.it.

Fjalët e mësipërme janë OK, por kur pyetet për trajnerin e ri, Antonio Konte, në njëfarë mënyrë “fajëson” Luçiano Spaletin e larguar nga drejtimi i zikaltërve. “Konte? Nuk e kam takuar ende, por me ardhjen e tij do të ketë sfida të reja dhe pritshmëri të mëdha. Me të Interi mund të fitojë trofe”.

Gjithsesi, nga ana ekonomike, kjo lëvizje i ka kushtuar shtrenjtë arkave të klubit. Plot 61 milionë euro i ka kushtuar Interit shkarkimi i Spaletit dhe nënshkrimi me Konten.
Ish-trajneri Spaleti është paguar plot 25 milionë euro për sharkimin, ndërsa trajneri i ri ka firmosur një kontratë 3-vjeçare me një pagë 12 milionë euro në sezon, pra në total 36 milionë euro. Shpenzim kolosal, kur bëhet fjalë për një ekip të Serie A, që nuk dallon për paga të larta.

Në konferencën e tij një ditë përpara ndeshjes, Luçiano Spaleti  nuk ka kursyer askënd, teksa ka sulmuar edhe gazetarët, duke thënë se me ta do t’i lajë hesapet në fund. Gjithashtu, italiani ka folur dhe për të ardhmen e tij, ku ka lënë gjithçka në pikëpyetje.

“Unë jap gjithnjë më të mirën nga vetja, edhe pse ekziston gjithnjë dikush që gjykon. Klubi im është e drejtë që të kërkojë më të mirën për Interin, nëse do jem unë një nga ata që duhen ndryshuar do ta pranoj vendimin.

Nëse pastaj flasim për mullinjtë me erë, ata rrotullohen pa ndonjë logjikë dhe i çojnë diskutimet ku u pëlqen, bazuar edhe te miqësitë, telefonatat, e të tjera. Në fund të sezonit do t’i bëjmë llogaritë, duke thënë edhe emra e mbiemra, duke thënë kush punon në mënyrë korrekte dhe kush jo”.

Në kuadër të ndeshjes së nesërme, për mediat ka folur trajneri, Luçiano Spaleti. Italiani ka folur mbi takimin ndaj Spal si dhe mbi qëndrimin e ekipit të tij. Gjithashtu, numri një i stolit zikaltër ka dhënë dhe një koment mbi çështjen e shumëpërfolur të Mauro Ikardit.

NDESHJA – “Më duhet të bëj disa ndryshimë, por gjithmonë duke aktivizuar alternativat më të mira. Do të ishte bukur ta festonim 111 vjetorin me tifozët tanë me një fitore.”

QËNDRIMI I EKIPIT – “Pres që ekipi im ta kalojë dhe të mësohet me çdo situatë, qoftë në Frankfurt apo qoftë diku tjetër. Duhet të mësojmë nga gabimet dhe mos të kemi dyshime mbi qëndrimin tonë.”

ÇËSHTJA IKARDI – “Të them të drejtën nuk është se kam marrë vesh për të rejat, duhet të pyesni Marotën për sa i përket kësaj çështje. Janë disa gjëra që duhet të qartësohen dhe e mira është që të pyesni Bepen. Sa për mua, më duhet të fokusohem te fitimi i ndeshjeve edhe puna në stërvitje.”

TË DËMTUARIT – “Nëse dikur ka luajtur për gjashtë muaj vazhdimisht, qëndrimi dhjetë ditë jashtë mund ta ndihmojë shumë, pasi dhe rigjenerohet. Sa për të tejrët, Naingolan nuk besoj se do të jetë gati për derbin, gjithsesi ai njihet për rikuperimet e çmendura që bën ndonjëherë. Perishiç dhe Keita do të jenë në dispozicion që në këtë ndeshje.”

Ditën e sotme, trajneri  i ekipit, Luçiano Spaleti ka folur në kuadër të ndeshjes që Interi do të luajë ndaj Fiorentinës në transfertë. Numri një i stolit zikaltër, ka folur për disa tema, ku përveç ndeshjes dhe ekipit, diskutoi dhe mbi mungesat dhe sulmuesin e Fiorentinës, Luis Muriel.

NDESHJA –“Të gjitha ndeshjet janë një test, pasi ke mundësinë të marrësh të njëjtat pikë. Duhet gjithmonë të fitosh në fushë. Ekipi ka bërë mirë këtë periudhë, por siç e keni parë diferencat me ekipet e tjera është zvogëluar dhe na duhet të fitojmë.”

EKIPI – “Duhet të vijojmë të japim më të mirën në fushë. Perishiç dhe Naingolan janë dy nga më të mirët në ndeshjet e fundit, pa lënë pas dhe të tjerët. Kemi pasur një kalendar të ngjeshur dhe do të shohim nëse disa nga lojtarët që luajtën të enjten i kanë rikuperuar forcat dhe të vendosim për formacionin.”

MURIEL – “Muriel ka një shpejtësi, që ta bën shumë të vështirë markimin e tij, kështu që duhet të punojmë shumë. Nëse e lë një lojtar të tillë të veprojë një kundër një, është gati e pamundur për ta ndaluar. Na duhet bashkëpunim i madh në mbrojtje për të lënë sa më pak hapësira.

IKARDI – “Shpresoj që Ikardi dhe Keita të kthehen sa më shpejt të jetë e mundur. Nuk është mirë të thuhet për Interin që varet nga një lojtar, pasi në rast se diçka e tillë do të ishte e vërtetë atëherë nuk do ishim në këto nivele. Ka lojtarë të tjerë që mund të na ndihmojnë të bëjmë diferencën dhe na bëjnë të mundur të qëndrojmë në vendet e para të renditjes.

“Mauro Ikardi i është nënshtruar një rezonance magnetike sot në mëngjes për shkak të dhimbjeve në pjesën e përparme të gjurit të djathtë. Kontrollet mjekësore nuk zbuluan ndonjë ndryshim të madh krahasuar me kontrollet e mëparshme të bëra në fillim të sezonit”, shkruhet në qëndrimin e Interit.

Ndërkohë në lidhje e sulmuesin ka folur edhe trajneri Luçiano Spaleti dhe mesfushori Antonio Kandreva. Ky i fundit, shkurtimisht tha para mediave: “E dimë që Ikardi është shumë i zhgënjyer për këtë situatë, por ai kujdeset për ne, këtë ekip dhe për tifozët. E presim krahëhapur kur të jetë rikuperuar 100%”.

“Në lidhje me këtë histori, nuk dua të përsërit veten apo të jem antipatik. Kemi një ndeshje të rëndësishme dhe ata që kanë luajtur pak kanë një shans për të treguar vlerat. Mauron e kam parë gjithmonë duke qeshur, tani po merr veten nga një dëmtim. Po e presim. Stafi mjekësor, bazuar në gjendjen e tij, do hartoje një program për rikuperimin”, tha Spaleti.

IKARDI DHE LAUTARO MARTINEZ – “E kam thënë shumë herë që ata të dy  janë sulmues shumë të ngjashëm, por si të gjithë lojtarët e mirë mund të punojnë së bashku. Njëri është më i mirë afër zonës së rreptësisë, ndërsa tjetri mund të luajë dhe në krah. Lautaro duhet të tregojë të njëjtën rrezikshmëri kur është në kontakt me topin. Në këtë kohë që nuk kemi pasur Ikardin ka qenë një mungesë e rëndë për ne dhe do të vazhdojë të jetë e tillë deri kur të rikthehet”.

ÇËSHTJA IKARDI – “E vlerësoj shumë faktin që ishte në stadium dhe do ta vlerësoja akoma më shumë në rast se do të vinte në dhomën e zhveshjes pas fitores për të festuar me ne. Ishhte një fitore mjaft e rëndësishme për ekipin dhe ai është pjesë e jona, kështu që e marr me mend që ka qenë i lumtur po aq sa ne me fitoren.

Duam të rikthehemi në normalitet. Në një ekip, në dhomat e zhveshjes kalohet shumë kohë së bashku edhe flitet për shumë gjëra. Ka dhe disa hapa për të bërë, të cilat janë për të që të vijë në dhomat e zhveshjes, ta shijojë që është pjesë e një grupi të mirë dhe të jetë i vetëdijshëm që po vesh një fanellë më peshë si ajo e Interit, gjëra të këtij lloji.”

NDESHJA DHE EKIPI – “Ishim pak të ndrojtur në pjesën e parë dhe Sampdoria është një ekip që lëviz mirë me topin. Më pëlqeu shumë reagimi i tifozëve pasi na barazuan, pasi të gjithë duartrokitën dhe na mbështetën. Fitorja është një shenjë maturie, kështu që mund të fillojmë ta kapërcejmë malin e fjalëve që është thënë për Interin kohët e fundit.”

Trajneri i zikaltërve foli për rinovimin e kapitenit Ikardi, duke kërkuar qartësi nga klubi. Xhuzepe Marota ka reaguar për çështjen në fjalë.

Drejtuesi i klubit siguron që do të bisedojë nga afër me trajnerin, por mohon faktin që kjo situatë të kthehet në një çështje.

“Unë kam biseduar me Spaletin në telefon, por do të flas më shumë me të sot ose nesër. Këto situata duhet t’i menaxhojmë në mënyrën më të mirë të mundshme dhe në interesin e të gjithëve. Rinovimi i Ikardit nuk është absolutisht një problem. Atë që kemi dashur të themi për këtë çështje e kam deklaruar dhe më parë. Më duket e drejtë ta sqaroj trajnerin, sepse të dy duam të mirën e Interit. Do të jetë një moment konfrontimi, një dinamikë normale. Për pjesën tjetër, unë e mohoj në mënyrë kategorike që kjo mund të krijojë një çështje tjetër“, sqaron Marota.

SHKRINIAR – “Asnjë klub në planet nuk ka para për të blerë kartonin e Shkriniar. Ai është i pashitshëm, arsyeja se ai është akoma pjesë e Interit është shumë thjeshtë, asnjë skuadër nuk mund ta përballojë atë”.

MIRANDA – “Këto lloj thashethemesh na dëmtojnë shumë. Nëse Miranda i ka thënë dikujt se ka dëshirë të largohet, ai person nuk kam qenë unë. Çdo herë që i kam dhënë mundësi, Miranda ka luajtur shumë mirë”.

NDESHJET E ARDHSHME – “Juventus dhe PSV janë ndeshje shumë të rëndësishme për sezonin, por çdo gjë duhet ta bëjmë hap pas hapi. Nëse e hedhim hapin e parë të saktë, kjo do të na ndihmojë të vazhdojmë në të njëjtën formë”.

KAMPIONATI – “Asgjë nuk ka mbaruar, kampionati nuk mbaron kur ti humb një ndeshje, duhet të kesh besim. Është një sezon i gjatë, mbaron kur nuk ke mundësi ta provosh diçka. Distanca është e madhe, por çdo gjë varet nga ne, në rast se do të mundohemi të rivalizojmë”.

KUNDËRSHTARI – “Juventusi çdo vit merr lojtarë që bëjnë diferencën. Kur isha te Roma, ata pas gjashtë muajve morën Pjaniç. Vitin e kaluar Kanselo ishte ndër më të mirët te ne dhe e mori Juventusi gjithashtu. Kujtojmë blerjen e Higuain nga Napoli. Këto janë detaje të rëndësishme në rritjen e një ekipi. Tani kanë Kristianon, i cili ka një mentalitet të jashtëzakonshëm. Është një ndeshje që do të testojmë karakterin dhe personalitetin tonë”.

PËRGATITJA E NDESHJES – “Duhet të bëjmë një ndeshje të mirë për 90 minuta. Duhet të krijojmë hapësira dhe t’u hapim sa më shumë probleme. Juventus ka fituar ndeshje dhe kur ka vuajtur, jo vetëm kur ka dominuar. Duhet të tregojmë guxim dhe personalitet”.

Numri një i stolit të Interit, foli pas takimit mjaft i revoltuar, pasi Roma kishte disa pretendime për një penallti të pa dhënë në pjesën e parë, pak momente përpara se Interi të shënonte.

“Duke parë që ju keni dëshirë të krijoni kaos në lidhje me arbitrimin, që në këndvështrimin tim ishte i drejtë, atëherë le të flasim. Penalltia që pretendon Roma, përpara se ne të shënonim golin e parë, nuk është ndonjë kontakt i madh, por është e qartë që duhet të rishikohet në VAR”.

Gjithashtu, Spaleti shtoi se dhe Interit iu mohua një penallti në fundin e takimit. Bëhet fjalë për kontaktin midis Manolas dhe Ikardi në minutën e 85-të, kur ndeshja ishte në shifrat 2-2.

“Në qoftë se flasim për këtë, le të flasim dhe për ndërhyrjen e Manolas ndaj Ikardit. Nuk është aspak shpatull, është një shtyrje e pastër. Ikardi po shkonte te topi dhe do të shënonte. Është një penallti e qartë”.

“Është një barazim i drejtë, midis dy skuadrave që luftuan deri në fund për fitoren. Xhanluka Roki arbitroi mirë, pavarësisht se kishte pretendime nga të dyja palët. Nuk mund t’i ndash si episode, as njërën as tjetrën, të dyja duhej të shiheshin në VAR”, përfundoi fjalët e tij tekniku zikaltër.

Tekniku toskan nuk iu shmang pyetjes dhe u përgjigj me një batutë: “100 Milionë (Euro). Po të isha Barça do të paguaja 120 milionë e do thosha 20 milionëshi shtesë është bakshish, ndërsa po të isha Reali paguaja 100 milionë dhe do leja 40 milionë bakshish”.

Futbollisti 23-vjeçar u transferua te Interi në korrik të 2017-ës dhe në edicionin e shkuar të Serie A luajti pa pushim përgjatë të 38 takimeve. Interesi për lojtarin sa vjen e shtohet sidomos nga kampionati anglez ku gjatë kësaj vere erdhën oferta në rangun e 70 milionë eurove.

Në kuadër të sfidës së nesërme, tekniku zikaltër, Luçiano Spaleti ka folur përpara mediave. Numri një i pankinës së Interit, është shfaqur i qetë përpara takimit, ku foli dhe për gjendjen e të dëmtuarit Naingolan. Ndër të tjera, Spaleti thuri dhe elozhe për Lionel Mesin, i cili mund të jetë në fushë për ndeshjen e nesërme.

GJENDJA NË EKIP – “Gjithmonë e kam thënë se mund të luajmë ndaj kujtdo dhe vijoj ta them këtë gjë. Rezultatet e fundit e përforcojnë këtë dhe ndeshja e nesërme do të jetë një mundësi  e mirë për të parë, në rast se me të vërtetë mundemi të sfidojmë Barcelonën, të cilët përfaqësojnë një ndër nivelet më të larta të futbollit”.

KUNDËRSHTARI – “Në ndeshjen e parë nuk mundëm ta mbanim mirë topin në momentin që e kishim në zotërim, që do të thotë që nuk mundëm të ndryshonim rrjedhën që kishte marrë loja. Duhet të jemi më mirë në momentin që fitojmë topin, sepse Barçës nuk i pëlqen kur kundërshtari mban topin dhe vijnë menjëherë për ta rrëmbyer”.

NDESHJA – “Koha dhe hapësirat do të jenë të limituara dhe do na duhet të shfaqim kualitet dhe personalitet. Në një ndeshje si kjo është shumë e vështirë të gjesh hapësira për të luajtur topin. Duhet të kemi kualitetin që të mendojmë se ku duam të shkojmë, përpara se ta shohim me sy duhet ta mendojmë”.

NAINGOLAN – “Do ta vlerësojmë dhe një herë situatën e Raxhas. Do të marrim dhe një përgjigje pas stërvitjes së ditës së nesërme. Mund të jetë gati dhe mund ta nisë nga minuta e parë, ndoshta në pozicionin e tij natyral në mesfushë dhe jo shumë i avancuar. Ai nuk është një trekuartist i mirëfilltë dhe pozicioni i tij është më i tërhequr, ku mund ta shfaqë dëshirën dhe forcën e tij akoma më shumë. Naingolan nuk lejon asnjë kundërshtar që ta luajë topin qetë”.

MESI – “Barcelona e tregoi që edhe pa Mesin në fushë, ata kanë një mentalitet për lojën e tyre, që bën diferencën. Sigurisht Mesi është qershia mbi tortë për ta. Ai është një idhull për fëmijët që ëndërrojnë të bëhen futbollistë. Lojtarët më të mirë e prekin topin dyfish nga të tjerët, ndërsa Mesi e prek katërfish. Janë shumë elementë që e bëjnë atë të jetë më i miri në botë”.

PËRGATITJA E SFIDËS – “Është një shqetësim i madh për këdo që luan kundër Mesit, por qëndrimi ynë nuk ndryshon. Ne duhet të jemi më të mirë në leximin e lojës dhe të mos lejojmë hapësira”, përfundoi fjalët e tij tekniku i zikaltërve.