“Ikardi është një lojtar i shkëlqyer dhe shoku ynë. Do të shohim se ç’do të ndodhë. Nëse qëndron do të gëzoheshim shumë. Spaleti është një person dhe trajner i mrekullueshëm, por klubi bëri zgjedhjet e veta. Tani është Konte, me të ka synime të reja. Duam të luftojmë për fitimin e titullit.”

“Sezoni im te Inter? Gjithmonë mund të bëjmë më mirë. Jemi të kënaqur që arritëm të kualifikoheshim në Champions League. Rezultatet e fundit nuk ishin ato që dëshironim, por fatmirëshisht ja arritëm qëllimit. Godin do të na përmirësojë? Gjëja më e rëndësishme është të krijojmë një skuadër kompetitive”, u shpreh Skriniar.

Kreu i klubit italian, nëpërmjet në postimi në rrjetin social “Instagram” i shpreh mirënjohjen dhe falenderimin trajnerit, që e çoi Interin për dy vite rresht në Champions.

“Një trajner, mësues dhe mik. Ti ke dhënë gjithmonë më të mirën, në periudha me shi dhe me diell. Dy vitet e kaluara me ty thonë shumë për Interin dhe për mua personalisht. Klubi kurrë nuk do e harroj përkushtimin tuaj. Të gjithë të jemi falenderues nga thellësia e zemrës. Ke qenë trajner i Interit dhe do të jesh gjithmonë trajneri im. Faleminderit Spaleti”, përfundon shkrimin e tij Stiven Zhang.

 

View this post on Instagram

 

A Coach, a teacher, a friend. You have always given your best, either rain or shine. This 2 years of adventure means so much for Inter and for me personally. We will never forget your dedication to this team, and we all thank you from the bottom of our hearts. Once you are the coach of Inter???, you would be always my coach. Grazie Mister Spalletti. ??

A post shared by Steven Zhang (@stevenzhang91) on May 30, 2019 at 1:41am PDT

Kështu, Interit do i duhet të vendosë. Pronarët kinezë kanë projekt madhor dhe nuk e kanë në plan ta vazhdojnë me trajnerin aktual. Megjithatë, gjoba që duhet të paguajnë është jo e vogël. Presidenti i klubit zikaltër, Stiven Zhang nëpërmjet një postimi në rrjetin social ”Instagram”, ka festuar kualifikimin në Champions dhe është shprehur se do të bëjë atë që është më e mira për Interin.

 

View this post on Instagram

 

If life is a magical journey, then part of mine is in ???. I will do the best I can for this color. #Amala

A post shared by Steven Zhang (@stevenzhang91) on May 26, 2019 at 8:10pm PDT

Trajneri italian ka dalë sot para media për të treguar gjëndjen e skuadrës para ndeshjes “finale” të ditës së nesërme. Ai e konsideron një finale dhe e krahason me ndeshjen e sezonit të kaluar ndaj Lacios. Spaleti shprehet se ekipi dhe ai janë të qetë dhe të gatshëm për të dhënë maksimumin. Nuk tregon shumë në lidhje me balotazhin mes Ikardit dhe Lautaro Martinezit.

“Kjo ndeshje është e njëjta me atë të Lacios në vitin e kaluar. Është një ndeshje që luhet fati i gjithë sezonit. Empoli është në formë të mirë në këtë fundsezon. Ne duam të provojmë edhe një herë se kemi potencialin për t’ja dalë neser. Të tregojmë versionin më të mirë tonin. Them se djemtë janë të stërvitur për këto situata.”

“Lojtarët dhe unë ndihemi mirë sepse po luftojmë për të luajtur në Champions për vitin e dytë radhazi. Do të bëjmë ndeshjen tonë dhe të shohim nëse do jemi në Champions apo Europa League. Të besojmë te vetja dhe të kemi një mentalitet të fortë për të bërë të mundur qëllimin tonë.“

‘De Vrij dhe Politano janë gati. Ikardi dhe Lautaro janë të dy të gatshëm për këtë ndeshje. Kanë karakter të fortë dhe mund të ndikojnë në fatin e ndeshjes. Shumë lojtarë që e meritojnë të jenë në fushë nesër, do të jenë aty”, përfundoi Spaleti.

Gara për kualifikimin në Ligën e Kampioneve është shumë e fortë. 6 ekipe po garojnë për 2 vende dhe emocionet sa vijnë e shtohen. Trajneri i Interit analizon rivalitetin e madh, ndalet te Mauro Ikardi dhe e mbyll me të ardhmen e ekipit që drejton.

UDINEZE – “Ata luftojnë për mbijetesë, ndërsa ne për Champions. Është si të luajmë një ndeshje direkte për nga niveli i vështirësisë. Na pret një përballje shumë e vështirë, por duhet ta fitojmë.”

CHAMPIONS – “Ka 6 ekipe që luftojnë për dy vende. Deri te Lacio janë të gjithë në garë. I kam frikë të gjithë ekipet njësoj, sepse po luftojnë fort për këtë objektiv. Atalanta nuk është më surprizë. Renditen lart prej vitesh dhe janë të aftë në rinovimin e ekipit. Edhe Torino i është bashkëngjitur kësaj gare. Roma ka qenë gjithmonë e fortë dhe ka shpenzuar gjithmonë për lojtarë të mëdhenj.”

IKARDI – “Nuk i kam problem fotot e fundit. Rëndësi ka që këtu vjen i veshur si Interi. Kjo më intereson. Mauro është stërvitur mirë këtë javë. Pavarësisht se nuk po gjen golin, ai është i rëndësishëm për skuadrën. Ka një cilësi shumë të mirë, ka ekuilibër. Unë nuk kam asnjë problem me të. E ardhmja ime quhet Udineze-Inter dhe jo Ikardi.”

INTERI – “Synimi ynë është i qartë. Duam të luajmë gjithmonë në gjysmëfushën kundërshtare. Dje po shihja gjysmëfinalen mes Ajntrahtit dhe Çelsit dhe po mendoja se ne jemi e vetmja skuadër që nuk kemi pësuar gol në fushën e gjermanëve. Pse nuk iu jepen meritat që u takojnë mbrojtësve? Pse flitet gjithmonë për mungesë sulmuesish? Për t’u përmirësuar duhet dërguar më shumë presion drejt zonës kundërshtare. Ky është qëllimi jonë për sezonin e ardhshëm.”

Italiani shprehet se nuk ka asnjë dilemë për stolin e Interit. “A e kam zgjedhur trajnerin për vitin e ardhshëm? Është Spaleti, ai ka një kontratë aktive dhe jemi shumë të lumtur me punën e tij”, u shpreh Marota. Kështu bien poshtë të gjitha spekulimet mbi dilemën se kush do të jetë trajner i Interit. Spaleti nëse e bën edhe këtë vit, do të jetë hera e dytë radhazi që i kualifikon zikaltrit në Champions. Arritje të mira këto, duke parë organikën e Interit dhe atë çka bën në merkato me rivalët e Juventusit që nuk i kursejnë milionat.

Në muajt e fundit folur shumë largimi i Spaletit në fund të sezonit. Antonio Konte dhe Zhoze Murinjo janë emrat më të përmendur për të zëvendësuar ish-trajnerin e Romës. Megjithatë, e gjithë kjo zhurmë e krijuar shuhet. Ky vendim i drejtuesve zikaltër vjen edhe për arsye financiare. Atyre do t’i duhej të paguanin rrogën e Spaletit deri në fund të kontratës dhe do ulej në stol një trajner tjetër që kërkon gati dyfishin e pagës së Spaletit.

E ardhmja e tij- “Kam folur me drejtuesit. Nuk do të ketë asnjë keqardhje në fund. Çdo gjë do të vendoset nga arritja e objektivave. Ka harmoni në grup dhe do të bëjmë maksimumin për të arritur qëllimet tona.”

Postimi në Instagram- “Shkruajta për t’i dhënë rëndësi punës dhe profesionalizmit të lojtarëve. Të qëndrojnë me këmbë në tokë dhe të mendojnë vetëm për të tashmen.”

Lajmet për zëvëndësimin e tij- “Nuk do të komentoj asgjë rreth asaj që është shkruar për stolin e Interit. Mediat shkruajnë shumë gjëra, që mund të jenë edhe gënjeshtra.”

Lautaro dhe Ikardi- “Lautaro është rikuperuar nga dëmtimi dhe është gati për të luajtur. Ai dhe Mauro kanë karakteristika të ndryshme. Mauro është më i mirë në zonën e rreptësisë. Martinez e luan më mirë topin dhe vjen e merr atë edhe mbrapa.”

“I krijojmë probleme vetes në situata ku nuk ka asnjë shkak për ato. Kjo gjë e bën skuadrën të ndihet e pasigurtë dhe kundërshtarët përfitojnë nga kjo gjë duke na shënuar”.

“Skuadra i bën mirë gjërat e thjeshta, por nuk po arrijmë të krijojmë episodet që na japin avantazhin. Ruajmë balancat në fushë, por nuk arrijmë të vëmë në presion kundërshtarët. Na mungon shpirti luftarat, të tjerët po luftojnë më shumë se”.

VËRSHËLLIMAT E PUBLIKUT – “I kam dëgjuar shpesh përgjatë karrierës sime. Kur paguan për një biletë, mendoj se është e drejtë të kërkosh diçka ndryshe, sidomos kur bëhet fjalë për një skuadër si Interi”.

RANOKIA QENDËRSULMUES ? – “Nuk kishte asgjë të veçantë zëvendësimi i Raniokas. Donim që ta çonim topin sa më shpejt në zonën e rreptësisë, por për këtë na duheshin lojtarët e duhur që të përfitonim sa më shumë. Ai iu afrua disa topave, por nuk kishte shumë hapësira”

Deklarata që ra në sy në prononcimin e trajnerit, ishte ajo që tha për Juventusin dhe Serinë A. Spaleti u pyet, në rast se do t’i pëlqente një trofe në vitin e ardhshëm. Tekniku u shpreh se, Interi është në garë për dy trofe, Europa League dhe Kupën e Italisë, pasi në Serinë A, Juventusi ka dalë kampion, teksa është ekipi më superior nga të gjithë.

NDESHJA – “Janë ndeshje që në rast se nuk arrin t’i zhbllokosh mund të të nxjerrin shumë probleme. Nuk kemi qenë mirë, por në pjesën e dytë përmirësuam posedimin e topit dhe punuam në lirimin e krahëve. Gjithsesi, themelore është fitorja dhe e rëndësishme është që objektivi u përmbush”.

VITI 2019 – “Duhet të bëjmë një kampionat dhe një Europa League në lartësinë e duhur, pastaj në Kupën e Italisë gjithashtu, pasi luajmë dhe ndeshjen e parë të vitit në atë kompeticion. Duhet të përmirësohemi akoma më shumë. Trofe? Dëshira është, janë dy kompeticione ku mundemi, pasi Serinë A e ka fituar Juventusi, i cili ka ekipin më superior nga të gjithë”.

Diçka e tillë nuk është pranuar kurrë nga klubi dhe tifozët bardhezi, por Gjykata e Kasacionit të Italisë e ka vendosur përfundimisht: titulli i vitit 2006 është i Interit. Kasacioni përfaqëson shkallën më të lartë të gjykimit në vendin fqinj dhe Juventusit i mbetet ta “harrojë” atë titull.

Një vendim në kohën e duhur për tifozët zikaltër, të cilët e kanë akoma të freskët plagën e eliminimit nga Champions. Ata kanë “shpërthyer” kundër Luçiano Spaletit, të cilin nuk e duan më si trajner.

“Gazzetta dello Sport” ka hapur një sondazh online, ku tifozët e Interit mund të votojnë për preferencën e tyre për trajnerin e sezonit të ardhshëm. Në krye është Diego Simeone me 53.3% të votave, i ndjekur nga Antonio Konte me 20.8%. Vetëm vendi i tretë për Zhoze Murinjon me 13.4%, idhull absolut dhe i përjetshëm për çdo interist, për ta mbyllur me Luçiano Spaletit, për të cilin 12.5% mendojnë se duhet të vazhdojë punën.

RENDITJA
1- Diego Simeone – 53.3%
2- Antonio Konte 20.8 %
3-Zhoze Murinjo 13.4%
4-Luçiano Spaleti 12.5%

Luçiano Spaleti ka folur në konferencën për shtyp përpara sfidës me ekipin holandez, duke theksuar se kjo është ndeshja më e rëndësishme që kur ai është në stolin e Interit. Trajneri i zikaltërve sqaron gjendjen e të dëmtuarve, si dhe komenton me qetësi faktin e Ikardit, i cili ishte i pranishëm në “Santiago Bernabeu” për të ndjekur duelin e “përgjakshëm”, River Plejt-Boka Zhuniors.

PËRBALLJA – “Ne duhet të mendojmë të fitojmë ndeshjen tonë. Nuk na lejohen gabimet, duhet të fitojmë përballë një skuadre, që ndodhet në vazon e tretë, ndërsa ne jemi në të katërtën. Kjo është ndeshja më e rëndësishme që kur jam pjesë e Interit, më shumë se ajo kundër Lacios në sezonin e kaluar.”

TË DËMTUARIT – “Vesino ka bërë një kontroll dhe me shumë mundësi nuk do të jetë kundër PSV. Naingolan ka nevojë për disa ditë pushim, përndryshe rrezikon një përkeqësim. Duhet të bëjmë një kontroll më të thellë për problemin e Naingolanit, ndërsa ai i Vesinos më duket më i vështirë për t’u zgjidhur.”

IKARDI – “Nuk e kuptoj ku është problemi që Ikardi ishte në Spanjë për të ndjekur River-Boka. Aty ishte dhe delegacioni i Juventusit, drejtues dhe lojtarë të Interit: nuk e kuptoj se kush është problemi. Nuk ka asgjë të veçantë, iku me gruan e tij për të shijuar spektaklin dhe u soll në mënyrë korrekte.”

Komentet e Ivan Perishiç, i cili ka ripohuar dëshirën e tij për të luajtur në Premier Ligë, kanë trazuar ambientin, njësoj si deklarata thumbuese e babait të Lautaro Martinez, i cili shigjetoi dhe kritikoi Spaletin për mos aktivizimin e lojtarit argjentinas.

Trajneri i Interit i shpjegon qartë situatat e dy lojtarëve. Mirëkuptim për kroatin, ndërsa ndryshon puna për sulmuesin argjentinas. Interi zhvilloi një takim të mirë me Totenhemin, por vëmendja shkon për Romën. Gjithnjë kënaqësi për trajnerin të rikthehet në Romë, ndërsa ai e mbyll prononcimin e tij me nga një koment për Raxha Naingolan, të cilin po e ndjekin dëmtimet njëri pas tjetrit, dhe Françesko Totin.

PERISHIÇ-MARTINEZ – “Ivan ka thënë gjëra normale. Për raportin që kam me të dhe për mënyrën se si qëndron me ne, sipas meje është i lumtur që bën pjesë në këtë grup dhe këtë klub. Sa i përket Martinezit, nga familja e tij njoh vetëm Lautaron. Rëndësi ka që ai e kupton se babai i tij duke dashur të më sulmojë mua, realisht sulmon Interin dhe krijon probleme dhe për djalin e tij, sepse përfundon duke dëmtuar imazhin e tij dhe raportin e tij me shokët e skuadrës.”

“Për t’u bërë i fortë duhet të menaxhosh vetën, por dhe njerëzit rreth e rrotull teje. Klubet e mëdha përpiqen të mos kenë probleme të tilla. Lautaro nuk ka nevojë për mbrojtjen e askujt, sepse është burrë, nuk është fëmijë. Nuk u jap rëndësi këtyre gjërave, por në grup diskutohen gjithmonë gjëra të tilla.”

ROMA – “Më pëlqeu skuadra kundër Totenhemit. Luajtëm më mirë se në Itali, por kur ke kampionë përballë mund ta humbasësh ndeshjen dhe nga një episod i vetëm. Le të mendojmë për kampionatin. Është kënaqësi të rikthehem në një qytet ku kam jetuar disa vite me të cilin jam shumë i lidhur. Do të shkojmë të luajmë ndeshje me qetësi. Kemi akoma mundësi për t’u kualifikuar në Champions, në një nga grupet më të forta, por tani duhet të përmirësojmë renditjen e rëndësishme që kemi në kampionat.”

NAINGOLAN – “Raxha pësoi një dëmtim në fazën përgatitore, ndërsa shqetësimet nuk i janë ndarë dhe më pas. Djali është i mërzitur për faktin që nuk po jep dot kontributin që dëshiron të japë, por duhet treguar kujdes me gjendjen e tij.”

TOTI – “Nuk e kam lexuar akoma biografinë e tij, por do e bëj me qetësi, sepse, siç kam dëgjuar nga ju, ka disa gjëra që duhen sqaruar. Gjithsesi, në Romë kam kaluar shkëlqyer me një grup të madh lojtarësh dhe Françesko ishte njëri prej tyre. Do e përshëndes, nëse do e takoj.”

“Rai Sport” ka marrë nga një prononcim të dy trajnerëve: Luçiano Spaletit dhe Mauricio Poçetinos. Italiani i di mirë vështirësitë e kësaj përballje dhe kërkon sakrificë të madhe nga lojtarët e tij. “Nuk bëhet fjalë për një diskutim macesh, apo dhelprash, në kuptimin që ne nuk duhet të biem pre e vështirësive të ndeshjes. Do të na duhet të djersitim deri në fundin e ndeshjes për të siguruar kualifikimin”, thekson Spaleti, ndërkohë që 4500 tifozë të Interit priten të udhëtojnë drejt Anglisë për të mbështetur ekipin e tyre në mitikun “Wembley”.

Për medien italiane ka folur dhe argjentinasi me origjinë italiane i stolit të Totenhemit. Mauricio Poçetinos nuk i ka ecur kurrë kundër ekipeve italiane dhe sonte do të kërkojë fitoren për të thyer tabunë dhe për të hedhur një hap drejt kalimit më tej.

“Unë jam gjithmonë i bindur se mund të fitojmë. Interi është i fortë, ka lojtarë të shkëlqyer dhe Spaleti di t’i përgatisë mirë ndeshjet. Mendoj se mund t’ia dalim. Unë ndihem italian 100%, prindërit e mi vijnë nga veriu i Italisë dhe në venat e mia rrjedh gjak italian. Sfidat e mia kundër ekipeve italiane kanë shkuar gjithmonë keq, por shpresoj që ta ndryshoj këtë traditë”, përfundon Poçetino.

Trajneri është i kënaqur me fitoren dhe lojën, ndërsa kërkon vazhdimësinë dhe heqjen dorë nga ndonjë fikje, si ajo kundër Atalantës.

FITORJA – “Patëm një reagim të rëndësishëm. Duhej të tregoheshim të aftë për të hyrë menjëherë në ndeshje dhe e bëmë një gjë të tillë. Duhet të rritemi akoma, të bëhemi më të bukur, të bëhemi një nga skuadrat më të mira në Europë. Kjo gjë bëhet duke luajtur ndeshje të rëndësishme në Champions, pa ato bllokime që na ndodhin ndonjëherë. Mund të humbasim ndeshje, por jemi një skuadër që bën ndonjë zgjedhje të gabuar. I pasojmë topin portierit në raste kur nuk duhet dhe rrezikojmë rezultatin në momente të caktuar.”

ECURIA – “Jemi rritur, ndodhemi në një moment të rëndësishëm, sepse po luajmë në nivele të larta, por duhet të heqim dorë nga disa rrëzime, si ai kundër Atalantës. Nuk mund të kalohet nga errësira totale në një dritë të bukur. Duhet të tregojmë gjithmonë që jemi Interi.”

KEITA-LAUTARO – “Keita ka një personalitet të madh, por ka dhe raste pauze kur humbet metra me skuadrën. Nëse na kundërsulmojnë në ato momente, rritet pesha për shokët e skuadrës. Martinez? Më pëlqen karakteri i tij i fortë. Kërkon duelet fizike, është nervoz dhe nuk dorëzohet kurrë deri në centimetrin e fundit.”

TIFOZËT –  “63 mijë tifozë në stadium? Kur bëhet fjalë për Interin, tifozët janë gjithmonë prezent, pavarësisht kundërshtarit që kemi përballë. Ata duan të qëndrojnë afër lojtarëve të tyre dhe të njëjtën gjë duhet të bëjmë dhe ne, duhet të mësojmë nga tifozët tanë.”

“Ky ishte një takim pozitiv dhe i rëndësishëm për bashkëpunimin në të ardhmen. Gjatë këtyre takimeve shqyrtojmë episode të ngjashme me njëri-tjetrin, por që zgjidhen në mënyra të ndryshme. Debati u përqendrua te përdorimi i VAR-it dhe kemi bërë hapa të rëndësishëm përpara. Prezenca e teknologjisë nuk është më në diskutim.”

“Polemikat lindin nga mungesa e përdorimit të VAR-it dhe jo nga aplikimi. Në kompeticionet ku nuk është VAR-i, dallohet se mungon diçka, ndërsa përdorimi i a, ndërsa përdorimi i tij shuan dyshimet e shumta”, përfundon Luçiano Spaleti.

Djemtë e Gasperinit shkatërruan Interin me rezultatin 4-1, me Berat Gjimshitin që shënoi një prej golave të ekipit vendas, duke i dhënë fund ecurisë pozitive të zikaltërve prej shtatë fitoresh rresht në kampionat.

Trajneri i Interit ka folur pas humbjes së thellë, duke pranuar humbjen dhe dominimin e kundërshtarit. Pjesa e dytë u duk sikur e futi Interin në lojë, por zikaltrit u “fikën” përsëri dhe Atalanta u tregua e pamëshirshme.

“Nuk arrijmë të jemi të përqendruar për periudha të gjata. Iu lejojmë situata të rëndësishme kundërshtarëve. Sot kishim përballë një Atalantë agresive dhe ‘të keqe’ dhe e paguam këtë fakt. E morëm veten në fillimin e pjesës së dytë dhe ndeshja mund të fitohej nga të dy ekipet, por më pas patëm një tjetër rënie. Kur dilnin nga mbrojtja, ata gjenin shumë hapësira. Edhe mbrojtësit e krahut të Atalantës kishin një fushë të lirë dhe ne nuk po arrinim t’i mbyllnim mirë ‘dyert’. Kartoni i kuq i Brozoviç? Nuk e pashë mirë faullin. Është e qartë se në atë moment ke pak reagim emocional, por nuk dukej një faull kaq i rëndë”, përfundon trajneri i Interit.

Anësori ofensiv është një nga të preferuarit e trajnerit Spaleti, por rendimenti i tij këtë sezon është i dobët. Perishiç ka shënuar dy gola dhe dhuruar dy asiste në kampionat, ndërsa në Champions nuk është zhbllokuar akoma.

Statistikat e kroatit janë negative krahasuar me sezonin e kaluar: 2-4 golat e shënuar, 2-5 asistet e dhënë, 8-12 gjuajtjet në portë, 31-37 gjuajtjet totale, 19-27 rastet e krijuara dhe 8-11 driblimet e kryera. Çdo statistikë në favor të sezonit të kaluar, gjithmonë deri në këtë fazë të sezonit, pasi lojtari mund të shpërthejë më vonë.

Këtë gjë e dëshiron dhe Spaleti e tifozët e Interit. Zgjidhja? Ndryshim roli. Trajneri i Interit po mendon ta ofrojë kroatin më afër portës, siç citojnë mediat italiane. Skema 4-3-3 dhe Perishiç si sulmues krahu, por afër Ikardit, qendërsulmuesit dhe kapitenit të zikaltërve.

Interi është në formë fantastike dhe të gjithë po bëjnë mirë. Mungon vetëm kroati në apel dhe Spaleti ka gati zgjidhjen për të rikthyer Perishiçin e vjetshëm dhe atë të vërtetin.

Spaleti komenton dhe mundësinë e rrotacionit, ndërsa e mbyll me një koment pikant për Zhoze Murinjon dhe reagimin e tij në ndeshjen e Champions-it kundër Juventusit. Tifozët bardhezinj e ofenduan gjatë gjithë ndeshjes dhe portugezi, pasi priti dhe duroi, shpërtheu në fund, duke ironizuar tifozët kundërshtarë.

FORMA – “Fitoret rresht tregojnë atë që duhet të kishim bërë dhe ky është niveli ynë. E nisëm pak të relaksuar kampionatin, ndërsa më pas nisëm galopimin. Këto fitore mbushin sebratorin e bindjes, por duhet të jemi të kujdesshëm dhe të mos krijojmë konfuzion dhe të mos bëhemi mendjemëdhenj. Fitoret nuk të japin avantazh në ndeshjet e radhës dhe duhet të kuptojmë se në çfarë niveli pjekurie kemi arritur.

ATALANTA – “Gasperini i bën mirë futbollit, duke e bërë gjithnjë e më të bukur e modern. Forca e Atalantës nuk vihet në dyshim dhe ata të ushtrojnë shumë presion. Fakti që Atalanta nuk renditet në vendet e para nuk vlen dhe po paguajnë nisjen jo të mirë të kampionatit. Kanë forcë fizike dhe mendore, në stadiumin e tyre ‘marrin flakë’ dhe kanë cilësi në skuadër.

RROTACIONI – “Për mua është e rëndësishme t’i kem të gjithë lojtarët gati për ndeshje. Kjo është cilësia e një kampioni, të vejë rezultatin e skuadrës përpara gjithçkaje. Ju marr shembullin e Zhoao Marios, Galjardinit dhe D’Albert. Komplimente për te tre, sepse kanë qëndruar të fortë, edhe pse nuk janë pjesë e listës së Champions-it. Logjika të çon në faktin që lojtarët që kanë luajtur në Champions janë më të lodhur. Brozoviç ka dhënë shumë dhe ka shpenzuar energji, Ai lidh lojën tonë, nga mesi i fushës deri në ‘Curva Nord’ dhe për ne është shumë i rëndësishëm. Perishiç? Ai është brenda gjithë numrave të renditjes tonë. Jemi të kënaqur me Ivanin, i cili jep një kontribut të madhe me vrapimet dhe shkëputjet e tij. Ky është shkaku që luan gjithmonë.

MURINJO – “Zhoze është shprehur se nuk do ta ribënte një gjest të tillë dhe jemi të gjithë dakord. Por, ka presione emocionale, mbi të gjitha në disa lloj ndeshjesh, që të shtojnë emocionet dhe rrezikon të biesh pre e provokimeve. Nëse ngacmon një luan, ai ulëret. Reagimi i tifozëve të Interit flet qartë për dashurinë e pafund që kanë për portugezin. Kjo gjë duhet të jetë një stimul dhe për ne, që të arrijmë të bëhemi pjesë e këtyre ndjenjave. Kemi nevojë për vazhdimësi rezultatesh. Gjithmonë duhet të përmirësohesh vazhdimisht dhe të kërkosh të lumturosh popullin interist, që e meriton një gjë të tillë.

Trajneri Luçiano Spaleti është shfaqur i kënaqur pas përfundimit të ndeshjes. Për lojën, rezultatin, fitoren, por mbi të gjitha për tifozët. Në stadium ishin 70 mijë zemra zikaltër dhe trajneri është i lumtur për ta. Morali i ekipit është i lartë, por nuk ka kohë për festë. Në mesjavë vjen Barcelona në “San Siro” dhe Interi do të provojë t’iu dhurojë një mbrëmje magjike dhe emocionuese tifozëve.

NDESHJA – “Rikonfirmimi i formës tonë është aspekti më i rëndësishëm, sepse pas çdo fitore është si të fillosh nga zero. E nisëm mirë ndeshjen, duke mbajtur një qëndrim të saktë si ekip dhe u shpërblyem nga rezultati.”

FITORJA – “Gjëja që më jep kënaqësinë më të madhe është të shohësh të lumtur 70 mijë tifozët interistë, të cilët ishin në stadium sot. Janë ata që kanë qenë gjithmonë, edhe në momente të vështira, dhe kjo tregon dashurinë e madhe për ngjyrat tona. Të meritosh duartrokitjet e këtyre tifozëve është një gjë speciale.”

FORMA – “Menaxhimi i topit me një siguri të madhe dëshmon rritjen e grupit, na lejon të vëmë në pikëpyetje taktikën e kundërshtarit dhe lehtëson punën e mbrojtjes tonë, duke përfshirë gjithë skuadrën në të dy fazat: atë të mbrojtjes dhe të sulmit. Në këtë mënyrë dalin në pah dhe cilësitë individuale. Djemtë po punojnë në mënyrë serioze, po tregohen profesionistë dhe një gjë e tillë u pa dhe në rastin e Galjardinit, i cili nuk është aktivizuar shumë. Zhvilluam një ndeshje me nivel, që konfirmon cilësinë e këtij Interi.”

SFIDA E NESËRME – “Ndeshja paraqet vështirësi si të gjithë sfidat e tjera, pasi në kampionatin tonë çdo ekip ka mangësitë e tij. Performancat e Xhenoas kanë qenë të mira kohët e fundit, sidomos ndaj Juventusit dhe Milanit. Nëse duam ta kalojmë me sukses këtë ndeshje duhet të tregohemi më superior se kundërshtari në çdo moment”.

EKIPI – “Jemi një ekip shumë i fortë, që luan një futboll të mirë. Një ekip që i meriton tifozët të cilët do të jenë nesër. Rreth 70 mijë spektatorë. Duhet të jemi në të njëjtin nivel me tifozët tanë. Deri tani po bëjmë mirë, shpresoj të vazhdojmë kështu”.

NAINGOLAN – “Raxha po e tregon se sa i fortë është. Ai u stërvit sot dhe gjithashtu kreu dhe stërvitjen ekstra që kishin lojtarët e tjerë. Ai kishte dhimbje, por e çoi deri në fund. Ne kemi një staf mjekësor të klasit të parë, të cilët arritën ta kthenin në vetëm pak ditë Raxhan. Është e vështirë për ta përdorur nesër, megjithëse ai është pjesë e grupit, kjo dhe për shkak të karakterit të tij, i cili nuk pranon të mos jetë i përfshirë”.

ROTACIONI – “Sa i përket rotacionit, do të shohim, mund të ketë ndryshime. Ndaj Lacios luajti Zhoa Mario që nga fillimi edhe pse kisha tre apo katër alternativa të tjera. Luajta me atë sepse kishte karakteristikat që më duheshin dhe ai reagoi në mënyrën e duhur”.

MAROTA – “E njoh Marotën prej kohësh dhe është një profesionist i shkëlqyer. Gjithsesi, ka dhe shumë të tjerë që kanë dhënë kontributin e tyre te Juventusi. Vetëm ata e dinë pse Marota u largua nga Juventusi. Në qoftë se vjen tek Inter, do të ishte diçka mjaft e mirë për ne”, përfundoi tekniku zikaltër.

Fitorja e gjashtë rresht në kampionat për Interin, ndërkohë që fitorja e fundit i ka lumturuar të gjithë, duke filluar nga presidenti Zhang, trajneri Spaleti dhe kapiteni Ikardi.

ZHANG – “Jo vetëm që më pëlqeu fitorja, por dhe performanca e ekipit. Më ka befasuar qetësia dhe personaliteti i skuadrës. Vinim nga një humbje përballë Barcelonës, por gjithsesi është vënë re përmirësimi. Këto janë sinjale të rëndësishme dhe shpresoj që këto emocione t’i përjetojmë në çdo stadium. Komplimente skuadrës dhe trajnerit.”

SPALETI – “Nuk duhet të mendojmë që jemi ekipi anti-Juventus. Duhet të mendojmë në fillim për vetën tonë dhe duhet të jemi anti-vetja. De Vrij? Ai nuk luajti, sepse nuk ishte nevoja ta vinim në kushtet që të fishkëllehej nga i gjithë stadiumi. Ndoshta, duke marrë parasysh emocionalitetin dhe ndjeshmërinë e lojtarit, ai do të rrezikonte të gabonte më tepër se një top. Zhoao Mario? Sipas mendimit tim, ai luajti mirë në pjesën e parë, ndërsa më pas vuajti. Ideja jonë ishte të bënim një ndryshim me Borja Valeron, por ndihet mungesa e minutave në këmbët e portugezit. Brozoviç? Ai ka një busull në këmbët e tij dhe e njeh futbollin. Duhet të qarkullojë topin, duke i vënë në vështirësi kundërshtarët dhe kështu bëhet një lojtar thelbësor. Ka personalitetin e një lojtari të fortë. Çelësi për ta rritur ishte pasimi i topit drejt mbrojtjes dhe Miranda e Shkriniar e ndihmuan shumë.”

IKARDI – “Ndodhemi në një moment të mrekullueshëm dhe gjërat po shkojnë mirë për ne. Momenti im i mirë është momenti i mirë i skuadrës. Nuk jemi skuadra anti-Juve, na mungon akoma diçka, por jemi të kënaqur me atë që po bëjmë. Skuadra po rritet dhe punojmë për t’u përmirësuar.”

Trajneri i Interit komenton sfidën kundër bardhekaltërve, tregon objektivin e klubit dhe ndalet te gjendja e Stefan De Vrij. Mbrojtësi holandez do të rikthehet në ish-stadiumin e tij dhe do të përballet me presionin dhe ofendimet e tifozëve të Lacios. Këta të fundit nuk falin, sidomos për penalltinë e shkaktuar në ndeshjen e sezonit të kaluar, që i dha mundësinë Ikardit të barazonte ndeshjen, për ta fituar pastaj me golin e Vesinos. Luçiano Spaleti ka folur në konferencën për shtyp para ndeshjes, ku me shumë mundësi. “Po, është e mundur. Sinjali që më kanë dhënë djemtë pas ndeshjes me Barcelonën është i i rëndësishëm.”

OBJEKTIVI – “Do të jemi të kënaqur, nëse arrijmë rezultate të rëndësishme dhe renditemi në katër vendet e para. Të qëndrojmë në Champions tani bëhet një vlerësim, qëllim, një fitore titulli, sepse ka shumë skuadra të forta dhe të gjithë duan të luajnë në këtë kompeticion.”

DE VRIJ – “E shoh atë, ashtu siç e shihni dhe ju. Stefan është i pastër, transparent, i qartë dhe një person i jashtëzakonshëm, i cili stërvitet shumë mirë. Nga ndeshja e sezonit të kaluar kundër Lacios mbaj mend një tifozëri në festë, që ka arritur një objektiv të rëndësishëm dhe ka fituar një ndeshje mes vështirësive të mëdha. Ia dolëm sezonin e kaluar dhe duam të bëjmë përsëri të njëjtën gjë në ‘Olimpico’.”

MOTI – “Parashikohet një shi i rrëmbyer? Dyshimi mbetet për ju gazetarët, sepse ne nuk kemi dyshime. Do të shkojmë për të luajtur ndeshjen tonë, kjo është pika jonë e referimit, e dimë orarin dhe kundërshtarin.”

Ndeshja e radhës është e rëndësishme me një ndeshje Champions-i për trajnerin Spaleti, i cili shfaqet në formë në konferencë për shtyp dhe kërkon nga ekipi të luajë me të njëjtin mentalitet të ndeshjeve të fundit. Brozoviç do të mungojë përballë Spalit, i cili ka pësuar një dëmtim muskulor.

SPAL – “Jam i lumtur për rritjen e ekipit në aspektin e mentalitetit. I dimë vështirësitë që do të hasim përballë Spalit. Nëse dikush ka nevojë ta dëgjojë për të gjetur motivimin e duhur, mund ta vërë si zile telefoni.”

KONTIGJENTI – “Nuk më pëlqen fjala rotacion, për mua janë të gjithë titullare. Sivjet luajmë më shumë ndeshje dhe kemi një kontingjent më të madh lojtarësh. Klubi ka vepruar mirë sa i përket numrit të lojtarëve dhe duhet t’i përdorim të gjithë. Më pas, jam unë që vendos, por në fushë zbret Inter dhe lojtarët duhet të kenë një sjellje të denjë për Interin.”

BROZOVIÇ DHE VESINO KANË VRAPUAR MË SHUMË SE TË TJERËT? – “Do të thotë se dikush nuk e ka bërë punën e tij. Duhet të jemi të gjithë të aftë për të vrapuar diçka më shumë. Nëse vrapojnë të gjithë më shumë, vuajmë të gjithë më pak.”

BORJA VALERO – “Të shikosh Borjan të luajë kështu në moshën 45-vjeçare, ah pak më pak… të qëndrojë jashtë për 4-5 ndeshje dhe të futet 5 minuta e të bëjë diferencën, të luajë prapë 5 minuta në ndeshjen tjetër dhe të bëjë përsëri diferencën, e pastaj të zhvillojë një ndeshje të plotë dhe të vrapojë më shumë se të gjithë… Ja pra, dua më shumë Valero në ekip, sa i përket pasionit, kualitetit dhe lidhjes me Inter. Ekipi vjen para të gjithëve.”

“Nëse lejon hapësira, PSV mund të vendosë në vështirësi. U përpoqëm të zgjidhnim momentin e duhur për t’u tërhequr dhe për të penguar ndërtimin e aksioneve të kundërshtarit. Kemi akoma momente kur nuk arrijmë të kuptojmë situatat e ndryshme në lojë, por kjo skuadër ka një potencial të madh përmirësimi dhe rritje.”

Trajneri i Interit ka vetëm fjalë të mira për autorët e golave të fitores: Raxha Naingolan dhe Mauro Ikardi. I pari po rikthehet në formën e tij më të mirë, ndërsa kapiteni është një “vrasës” në zonën e rreptësisë.

“Komplimente Naingolanit. E ri pashë në nivele, që mund t’i përballojë me lehtësi. Kjo varet dhe nga fakti që në përgatitjet e verës u dëmtua në kofshë dhe kjo e pengon dhe një muskuloz si Raxha.”

“Ikardi ka karakteristika të veçanta. Nuk ka asnjë pikë të dobët në fazën e finalizimit, është perfekt dhe brenda zonës është një përbindësh. Ndonjëherë, si në pjesën e dytë, kur po na bënin presing, ai duhet të mendojë më shumë të na japë një dorë, sesa të sulmojë në thellësi. E bëri në fundin e ndeshjes dhe na shpëtoi në disa situata të vështira, sepse Ikardi di të kontrollojë mirë topin“, përfundon Luçiano Spaleti.

Fitoret emocionuese me Totenhemin në Champions dhe Sampdorian në kampionat, kanë ndryshuar humorin e tifozëve. Adrenalina është rritur dhe Ruxheri ka zgjedhur një mënyrë origjinale për t’i kërkuar ndjesë trajnerit, Luçiano Spaleti.

“Kur fiton dy ndeshje radhazi në minutat shtesë dhe trajneri yt ndëshkohet me të kuqe, sepse feston shumë, perceptimi yt për gjërat ndryshon dhe mendon që duhet t’i kërkosh falje Spaletit. Tifozi është një kalorës i ngathët i irracionalizmit”, përfundon tifozi i thekur në postimin e bërë në rrjetet sociale.

Comunque quando vinci due partite nel recupero e il tuo allenatore viene espulso perché esulta troppo la tua percezione delle cose cambia.
E pensi che forse devi scusarti con #Spalletti

Il tifoso è un maldestro Cavaliere dell’Irrazionale.

— Enrico Ruggeri (@enricoruggeri) September 23, 2018

ZËVENDËSIMET – “Unë mendoj se, sidomos Borha Valero i dha një marsh tjetër lojës. Nuk është e thënë që gjithmonë ndeshja të zgjidhet nga 11-ja titullare. Lojtarët që vijnë nga stoli, janë më të freskët është normale, ndaj Sampdorias e pranoj që na ndihmuan shumë. Më vjen mirë edhe për faktin se të gjithë djemtë po punojnë fort”.

BROZOVIÇ – “Ne nuk ndërhymë në merkato në rolin e Brozoviç sepse kishim besim tek ai. Unë dhe stafi e dinim se do vinte një moment dhe do të merrte përgjegjësi, Brozoviç është një mesfushor që ka një bagazh për tu vlerësuar dhe statistikat e theksojnë që është një ndër më të mirët”.

Inter ndërkohë pas Fiorentinës, ndeshet me Kaljarin dhe më pas vjen Juventus dhe Napoli në kampionat. Tekniku Spaleti ka folur për sfidën e radhës ndaj Fiorentinës, por nuk ka thënë diçka në lidhje me ndeshjet e tjera.

“Kemi humbur disa pikë që nuk duhet ti humbnim, por kjo është diçka që i përket së shkuarës. Jemi përmirësuar, sidomos në karakter. Për momentin nuk duhet të shikojmë renditjen, por duhet të mundohemi të marrim sa më shumë pikë të jetë e mundur. Fiorentina ka një trajneri shumë të mirë, i cili gjithashtu më pëlqen dhe si person. Pioli trajnon një ekip modern dhe po bëjnë mirë deri tani. Ata kanë në ekip lojtar si Kieza, por ne jemi më të fortë sepse do të kemi dhe tifozët me vete, të cilët na japin akoma më shumë forcë”.

SKUALIFIKIMI – “Unë jam si natyrë shumë emocional dhe ndonjëherë shkoj përtej asaj që është e lejuar, por në këtë rast thjesht nuk mund ta kuptoj skualifikimin, është një reagim i natyrshëm. Më vjen keq dhe për këtë arsye nuk dua të flas për episodin”, ka përfunduar numri një i Inter.

Pikërisht ditën e sotme, trajneri i Inter, Luçiano Spaleti ka dalë përpara mediave. Tekniku italian ka folur në lidhje më sfidën e nesërme si dhe për çështje të tjera në ambientin zikaltër.

IKARDI – “Në nivelin që ne luajmë, Mauro sa vjen dhe përmirësohet. Është shumë e qartë që ai duhet të lëvizë shumë për të marrë topin, por gjithashtu skuadra duhet të ketë parasysh cilësitë e tij dhe Ikardi të shprehet sa më mire. Një lojtar i madh për të bërë një ndeshje të madhe duhet që për 95 minuta të shfaqë personalitet të madh brenda ekipit”.

PERISHIÇ – “Nuk ka asgjë për zëvendësimin e Perishiç. Ai nuk bëri një ndeshje të keqe. Edhe në aspektin e lojës së krijuar dhe energjisë së shpenzuar, Ivan bëri shumë. Nuk ka asnjë çështje”.

LAUTARO DHE ZHOAO MARIO – “Lautaro akoma nuk është rikuperuar. Ai ka nevojë ende për kohë, ndërsa Zhoao Mario mund të jetë i dobishëm në rast së arrin të gjejë ekuilibrin”.

SAMPDORIA – “Më pëlqen Xhampaolo. Është nje trajner që ka bërë shumë përpara. Ka një vizion të madh dhe gjithmonë e ndërton lojën poshtë duke pritur për reagimet që do të japë kundërshtari. Padyshim, Sampdoria do të jetë një kundërshtar i vështirë, por ne duhet të tregojmë me patjetër vazhdimësi, gjë që javët e para na ka munguar”, përfundoi tekniku Spaleti.

I lumtur dhe krenar për ekipin e tij është dhe Luçiano Spaleti, i cili ka marrë pjesë më parë në Champions me Romën dhe rusët e Zenitit. Trajneri zikaltër ka folur për revistën e UEFA Champions League

“Dy aventurat e para si dhe kjo me Interin janë shumë të vlefshme për eksperiencën time. Kam kujtime të bukura nga Champions, por nuk e fsheh faktin që jam krenar që jam pjesë e Interit, që është rikthyer pas gjashtë vitesh në këtë kompeticion”, përfundon trajneri Spaleti.

Atmosfera në klub është e shkëlqyer dhe drejtuesit falenderojnë dhe tifozët interistë. Në tre ndeshjet e para në shtëpi, Inter është ndjekur masivisht nga tifozët, të cilët kanë mbushur “San Siron”. Torino, Parma dhe Totenhem, 182.906 tifozë të pranishëm, të cilë i kanë sjellë klubit plot 7 milionë euro fitime nga shitja e biletave.

Inter mban vendin e parë në Itali sa i përket mesatares së tifozave, ku gjatë sezonit të kaluar u regjistruan 57 mijë tifozë ndeshje. Kjo shifër është rritu në tre ndeshjet e para, duke prekur shifrën e 61 mijë tifozë për ndeshje.

CHAMPIONS – “Janë pikërisht këto ndeshjet që shkojmë me shumë entuziazëm. Një ndeshje që vjen pikërisht në momentin e duhur, sepse momentin e keq që ne po kalojmë mund ta kalojmë me anë të kësaj sfide. Champions është një kompeticion që të jep emocione dhe ndjesi të cilat në qoftë se i provon nuk mund të vazhdosh pa ato. Padyshim Champions është ‘Disney’ i futbollit”.

GABIMET E INTER – “Ne nuk duhet të jemi konfuzë. Duhet të analizojmë se çfarë kemi bërë dhe se çfarë duhet të bëjmë. Përgjegjësia më e madhe për rezultatet është e imja, por në qoftë se përqendrohemi tek sfida e fundit, deri në minutën e 75-të kemi qenë duke e dominuar takimin. Pas golit jemi treguar totalisht konfuz dhe kjo ishte ajo çfarë nuk më pëlqeu”.

TOTENHEM – “Ata do të kenë më shumë presion. Janë më me përvojë se ne dhe janë të fortë, por dhe ne gjithashtu jemi një ekip i fortë. Ne nuk po kalojmë një moment të mirë, por siç e thashë kjo mund të jetë sfida që mund të na bëjë të shmangim këtë moment.”

Inter rikthehet të luajë në Ligën e Kampioneve pas një mungese relativisht të gjatë dhe pak lojtarë nga skuadra zikaltër kanë arritur të luajnë në kompeticionin më prestigjioz për klubet evropiane. Lidhur me këtë çështje, Spaleti ka deklaruar: “Është e vërtetë që kemi mungesë përvoje në Champions, por ajo çfarë ky kompeticion transmeton do të na bëjë t’i kalojmë kufijtë tanë”.

GRUPI I FERRIT – “Analiza që kemi bërë ditën e djeshme me skuadrën ka qenë mëse e qartë. Kemi pak për të folur dhe shumë për të bërë. Duhet të përveshim mëngët dhe të bëjmë më shumë. Ndeshjet duhet t’i marrim një e nga një”.

MUNGESAT DHE MBROJTJA ME 3 – “Gjendja e D’ambrozios mbetet për t’u vlerësuar deri nesër. Deri dje ka punuar mirë, por rreziku që mund të mungojë mbetet real. Me grupin aktual që kemi mund të kemi dhe një mbrojtje dhe me 3, por deri nesër le të shohim”.

Ditën e nesërme, në orën 18:55 Inter dhe Totenhem do të vihen përballë njëri-tjetrit në një sfidë, që padyshim premton grinte dhe spektakël.

PARMA – “Parma është një ekip që luan me entuziazëm dhe nuk do të jetë një ndeshje e lehtë. Ne duhet të luajmë një futboll të mirë dhe duhet të tregojmë personalitet. Nëse bëjmë mirë me Parmën në ndeshjen ndaj Totenhem do të futemi akoma me më shumë besim”.

EKIPI DHE NAINGOLAN – “Ka lojtarë që kanë zhvilluar vetëm një stërvitje të plotë, duhet parë reagimi i tyre fizik, por gjithashtu ne kemi një numër lojtarësh që na lejon të themi se jemi gjithmonë gati. Naingolan është një lojtar i fortë dhe është një lojtar i Interit si gjithë të tjerët. Ai ka ende për t’u përmirësuar, por njëkohësisht është një nga të cilët mund të bëjë diferencën në Champions”.

TOTENHEM – “Ne jemi të gatshëm për sfidën e së martës, pasi Champions është një rrugë që është përgatitur që sezonin e kaluar. Kjo është ajo e cila ne luftuam aq shumë për ta marrë dhe shpresoj që lojtarët e mi të kenë motivim. Shumë prej tyre nuk e kanë përjetuar ende një ndeshje Championsi dhe shpresoj që kjo gjë të transformohet në një avantazh për ne”.

DËMTIMET – “Kupa e Botës ka krijuar disa ndryshime në përgatitje, lidhur edhe me disa dëmtime, por që deri tani kanë qenë të menaxhueshme. Unë kam qenë gjithmonë në gjendje për të zhvilluar një stërvitje të rregullt. E vetmja gjë që më vjen keq është se kemi lënë pike rrugës në këto javë të para”, ka deklaruar tekniku.

Kampionati – “Bolonja ka dëshirë të bëjë mirë, sepse ata nuk e kanë nisur kampionatin mirë ashtu si dhe ne. Luajnë në shtëpi dhe do hasim vështirësi, por duhet të arrijmë të përmirësojmë diçka sa i përket personalitetit tonë.

Naingolan? Raxha është i rëndësishëm, por kurrë nuk duhet krijuar varësi mbi një lojtar të vetëm. Ai na jep energji, agresivitet dhe forcën e goditjes, por skuadra duhet të jetë e fortë dhe kur mungojnë lojtarë. Jemi rritur krahasuar me sezonin e kaluar edhe pse rezultatet deri më tani nuk kanë qenë ato që kemi pritur.

Kritikat? Nuk duhet të merremi me kritikat, por të ndërtojmë dhe të përdorim mirë kohën tonë. Njësoj si pedalimi i një biçiklete. Nëse humbet brenda kritikave, konsumon energji që mund të të ndihmojnë në ndeshjet e radhës. Gjërat i analizojmë mes nesh dhe nuk duhet të merremi me çfarë ndodh jashtë. Ndeshjen me Bolonjën e kemi përgatitur mirë, kam hequr ditët e pushimit pasi kam vënë re një lloj shkujdesje te ekipi që nëse nuk e frenon, fillon e bëhet e frikshme.”

Champions – “Paguam faktin që ishim në vazon e katërt të grupeve, por, vitin e kaluar do të kishim paguar që të gjendeshim në këtë grup. Është shumë i vështirë, por mund të kemi një avantazh të vogël, që asnjë prej skuadrave nuk ka pika të dobëta. Duhet të jemi në lartësinë e kundërshtarëve dhe entuziazmi, historia dhe kujtimet na lejojnë të konkurrojmë. Janë skuadra të forta, por do të përshtatemi me karakteristikat e tyre dhe do të rrisim nivelin tonë”, përfundon Luçiano Spaleti.

Ish-kapiteni i famshëm, Sandro Maxola, i cili u aktivizua për 17-të sezone me zikaltrit gjatë viteve 60-70, është i befasuar nga paraqitja e ekipit dhe sulmon gardianin e portës.

“Futbollistët nuk mungojnë, por ndoshta mungon mentaliteti i tyre. Spaleti nuk duhet të dorëzohet, por të vazhdojë të punojë dhe nëse është akoma ai person që kam njohur unë, atëherë do e bëjë diçka të tillë. Martinez është lojtar që mund të zgjidhë ndeshjet, por ndoshta nuk është gati fizikisht dhe psikologjikisht për të luajtur më shumë.

Handanoviç? Ai ka nevojë për një takim me okulistin, për të kuptuar nëse shikon mirë. Duhet të punojë me kokën e tij dhe të përqendrohet gjatë gjithë ndeshjes”, përfundon Sandro Maxola.

Këshillë me paralajmërim dhe për Valter Maxarrin e Torinos. Në një moment është futur në fushë dhe ka kundërshtuar një vendim arbitrar. Shkelja është zbuluar nga arbitri i katërt, i cili ka mbajtur shënim veprimin e Maxarrit.

De Rosi dhe Gomez ia kanë hedhur paq, edhe pse të dy kapitenët nuk zbatuan rregullin e vendosur nga Liga e Serisë A për shiritin e kapitenit. Ata mbajtën në krah një shirit personal, por asnjë dënim, madje as një paralajmërim kundrejt kapitenëve të Romës dhe Atalantës.

Nga lojtarët, vetëm Adam Nagi i Bolonjës mungon një javë, si pasojë e kartonit të kuq të marrë në ndeshjen përballë Spal.

Luçiano Spaleti pritet të vijë me shumë risi në formacionin titullar të skuadrës së tij. Porta është e pandryshueshme me Handanoviç, ndërsa në mbrojte Shkriniar do të kursehet, pasi akoma nuk është në gjendje optimale vendin e tij do ta zërë De Vrij.

Sulmi do të kryesohet nga dyshja argjentinase Ikardi-Martinez. Talenti i blerë nga Rasingu ka impresionuar në ndeshjet parapërgatitore dhe tekniku toskan i ka besuar një vend përkrah bashkëkombësit të tij Ikardi. Politano e nis nga e djathta ndërsa në të majtë ka ende dyshime për Perisiçin. Kroati ka shfaqur disa probleme muskulore. Nëse nuk ia del, Azamoah do të kalojë nga mbrojtja në sulm dhe vendin e lënë bosh nga ganezi do ta plotësojë Dalbert.

Formacioni i mundshëm 

Handanoviç

Dambrosio    De Vrij     Miranda    Dalbert

Vesino    Brozoviç

Politano    Martinez     Azamoah

Ikardi

“Nuk mund ta përcaktoj Interin me një epitet, por di që do të provojmë ti fitojmë të gjitha ndeshjet. Kërkuam një biçikletë dhe tani duhet të nisim të pedalojmë. Asamoah? Ai mund të luajë në çdo pjesë të fushës. E kam provuar në mesfushë, sepse për momentin kam nevojë për të në këtë rol. Laurato është gjithashtu një lojtar i fortë dhe duam ta shfrytëzojmë mirë argjentinasin. Do të ketë momente, që do të na japë një ndihmë të madhe.

Me Sasuolon do të jetë një ndeshje e vështirë, sepse janë një skuadër e fortë dhe e kanë treguar diçka të tillë përballë nesh. Njohim mirë aftësitë e tyre, por jemi gati për të fituar. Jemi në gjendje të mirë dhe gati për të dalë nga fabrika, pa pasur nevojë të përdorim më shumë teste. Jemi gati për t’u përballur me çdo ekip dhe për të tentuar të fitojmë çdo përballje.”

Spaleti është i kënaqur nga merkato dhe komenton dhe luftën për titull.

“Sigurisht që kam në duar një skuadër më të fortë se vitin e kaluar. Pavarësisht merkatos, sivjet e njohim më mirë njëri tjetrin dhe e dimë rrugën që duhet të përshkojmë për të arritur objektivat e klubit. Na vjen keq kur mungon dikush, si rasti i Naingolan, i cili nuk do të luajë me Sasuolon, por nuk duhet të gabojmë në rikuperimin e lojtarëve të dëmtuar. Titulli? Gjithmonë tentoj që të gaboj sa më pak. Ne bashkë me Milanin, Romën, Lacion dhe Napolin do të tentojmë të rrëzojmë Juventusin nga froni.

“FC Inter është i lumtur të lajmërojë zgjatjen e kontratës së Luçiano Spaletit, që do vazhdojë të drejtojë zikaltrit edhe për tri sezone të tjera.”

Spaleti arriti të rikthejë Interin në “Champions League”, mbas 6 sezonesh mungesë dhe tashmë është gati për të nisur sezonin e ri. Inter shkruan dhe në “Twitter”. “Përpara pa pushim. Luçiano Spaleti me Inter deri në vitin 2021.”

Avanti #senzatregua!

Luciano #Spalletti con l’Inter fino al 2?0?2?1?! ?????

? https://t.co/Bxc3D4dX9p #InterIsHere #ForzaInter #FCIM pic.twitter.com/XCigH5CRwu

— Inter (@Inter) August 14, 2018