lucern

Lugano pret biletën për në Europa League, çfarë zhgënjimi për Lenjanin

Sport Ekspres — Sat, 25 May 2019 18:57:46 +0000

Skuadrave të kampionatit zviceran u është dashur të presin deri në javën e fundit të kampionatit për të vendosur ekipet që do të prisnin biletën për në fazën e grupeve dhe raundet kualifikuese të “Europa League”.

Barazimi 3 – 3 i Luganos së Armando Sadikut siguroi vendin e tretë të renditjes, që e çon skuadrën nga jugu i Zvicrës direkt në fazën e grupeve të “Europa League”, një sukses i jashtëzakonshëm po të marrim parasysh faktin se katër muaj më parë objektivi i vetëm i skuadrës ishte largimi nga fundi i tabelës.

Vendi i katërt i takon Tunit, që arriti të mposhte në transfertë Sionin me rezultatin minimal 1 – 0. Ekipi surprizë i këtij sezoni në Zvicër do të marrë pjesë në raundin e tretë kualifikues të “Europa League”.

Biletën e fundit për në raundet kualifikuese e merr Lucerna e vendit të pestë. Ekipi i Bastien Tomës nuk arriti të merrte një fitore në përballjen me kampionët e Jang Bojs duke u mundur me rezultatin e thellë 4 – 0.

Standings provided by Sofascore LiveScore

VIDEO | Shtatë muaj pritje, Demhasaj rikthehet te goli me një dopietë

Sport Ekspres — Wed, 15 May 2019 20:26:14 +0000

Shkëlqim Demhasaj është rikthyer të shënojë në Zvicër pas më shumë se shtatë muajsh pritje. Sulmuesi i Lucernës ishte autori i një dopiete në ndeshjen e sotme ndaj Bazelit. Pavarësisht golave të 23-vjeçarit, Lucerna nuk ia doli të dilte me pikë nga kjo transfertë ku u mund me rezultatin 3 – 2.

Një shqiptar tjetër që gjeti rrugën e rrjetës ditën e sotme ishte Bastien Toma, goli i të cilit i dha tri pikët Sionit dhe mbijetesa tanimë mund të konsiderohet çështje e mbyllur.

Benzhamin Kololli është rikthyer të shënojë me Zyrihun. Skuadra e sulmuesit shqiptar mundi Tunin 3 – 0, rezultat ky që rikthen Zyrihun në zonën evropiane dhe siguron matematikisht qëndrimin në superligën zvicerane.

Progres dhe vlerësim, Voca tani vlen 3 milionë euro

Sport Ekspres — Tue, 16 Apr 2019 18:42:03 +0000

Idriz Voca është kthyer në një ndër lojtarët kryesorë të skuadrës së Lucernës për këtë sezon. Mesfushori me tipare mbrojtëse është aktivizuar në 24 takime të Superligës zvicerane, ku në vetëm dy raste si zëvendësues.

Ecuria e mirë e 21-vjeçarit ka bërë që vlera e tij në uebsajtin e njohur “transfermarkt” të pësojë një rritje të konsiderueshme prej 71.4%. Kartoni i tij sipas këtij vlerësimi shkon nga 1.74 milionë euro në 3 milionë euro. Një tjetër fakt interesant mbi talentin e përfaqësues së Kosovës është së në të pesta takimet ku Voca ka munguar për shkak kartonësh ose dëmtimi, Lucerna ka humbur.

Një tjetër lojtar shqiptar që po zhvillon një sezon të kënaqshëm është sulmuesi i Bazelit, Albian Ajeti. Vlera e Ajetit ka shkuar nga 6 në 7 milionë euro, çka e bën ata njërin ndër futbollistët më të shtrenjtë në kampionatin zviceran. Lojtari i kombëtares helvete ka shënuar 12 gola këtë sezon.

Avdijaj “shtegton” në Zvicër, skuadra holandeze nuk ia fal “prapësitë”

Sport Ekspres — Wed, 13 Feb 2019 16:36:53 +0000

Donis Avdijaj është shumë pranë largimit nga klubi i Vilem II, ku luan prej dy sezonesh. Drejtuesit e klubit holandez kanë vendosur ta shesin lojtarin për shkak të sjelljes problematike të 22-vjeçarit.

Sipas medies zvicerane “Blick”, destinacioni i ardhshëm i 22-vjeçarit do të jetë Lucerna. Merkato në kampionatin zviceran mbyllet ditën e premte dhe përfaqësuesit e Lucernës po mundohen të mbyllen sa më shpejt negociatat me palën holandeze.

Avdijaj ka qenë një ndër lojtarët kyç të skuadrës së Vilem II për gjysmën e parë të sezonit, por holandezët u kujdesën që të merrnin masa për largimin e lojtarit të përfaqësueses së Kosovës, duke huazuar për një vit e gjysmë nga Olimpiakosi sulmuesin me origjinë shqiptare Mario Vrushaj, i cili ka bindur në ndeshjet e tij të para në “Eredivisie”.