Lucas Torreira

Nis ofensiva për “fiksimin” e Xhampaolos, ka vetëm një detaj për t’u zgjidhur

Sport Ekspres — Sun, 23 Jun 2019 13:37:45 +0000

Treshja Maldini-Boban-Masara po punojnë në disa fronte për përforcimin e Milanit me lojtarë të rinj dhe cilësorë. Lukas Torreira është objektivi i madh i mesfushës. Uruguaiani pëlqehet shumë nga trajneri Xhampaolo, i cili ka punuar me të te Sampdoria.

Arsenali është i hapur për ta shitur dhe kuqezinjtë kanë bërë ofertën e parë zyrtare. Maldini i ka kërkuar “topçinjve” në huazim 2-vjeçar të 23-vjeçarit me të drejtë blerje për një total që shkon në 38 milionë euro.

Mesfushorin e pret një rrogë prej 3.5 milionë eurosh në sezon. Problemi i vetëm mbetet fakti që Arsenali kërkon të drejtë riblerje pas dy vitesh. Kjo është çështja që duhet zgjidhur, por rëndësi ka dëshira e lojtarit. Torreira kërkon kalimin nën urdhrat e Xhampaolos dhe ky është avantazhi i madh i Milanit.

Boban dhe Gazidis me mision, ka një favorit për mesfushën

Sport Ekspres — Sat, 22 Jun 2019 13:53:21 +0000

Marko Xhampaolo tha fjalët e para si trajner i Milanit gjatë ditës së sotme. Prioritet do të jetë ndërtimi i një loje të bukur që do rikthejë entuziazmin dhe do zbavisë tifozët. Maldini, Boban dhe Gazidis po bëjnë maksimumin për t’i plotësuar çdo dëshirë trajnerit të ri.

Objektivi Sensi nuk u arrit, pasi mesfushori i Sasuolos ka arritur akordin me Interin në momentet e fundit. Shumë emra pëlqehen nga kuqezinjtë, por dëshira e madhe është Lukas Torreira.

Mesfushori uruguaian ka punuar më parë me Xhampaolon te Sampdoria dhe është gati të rikthehet në Itali. Arsenali e vlerëson kartonin e 23-vjeçari rreth 35-40 milionë euro. Boban dhe Gazidis janë nisur drejt Londrës për të mbyllur marrëveshjen dhe “luftaraku” Torreira mund të zyrtarizohet shum shpejt si lojtari më i ri i kuqezinjve të Milanit.

Ylli i Arsenalit drejt Milanit, e tundon trajneri i ri

Sport Ekspres — Tue, 18 Jun 2019 19:29:27 +0000

Lukas Torreira është një nga mesfushorët, që përflitet për të zbarkuar në Milano. Uruguajani ka treguar se është një luftëtar i vërtetë. Milani ka nevojë për grintën e tij dhe dëshiron ta bëjë pjesë të projektit për ringritjen e klubit në majën e Italisë dhe Evropës.

Arsenali nuk ka në plan ta lërë të lirë. Vetëm një ofertë e mirë financiare dhe dëshira e palëkundur e lojtarit për t’u larguar do e bënin të mundur këtë transferim. Megjithatë, dëshirën e Torreiras nuk e kemi dëgjuar ende dhe agjenti i tij shprehet se Milani nuk ka drejtuar asnjë ofertë drejt lojtarit.

Ai shton se çdo gjë që flitet rreth të ardhmes së Lukas e ka dëgjuar nëpërmjet medias dhe askush nuk e ka kontaktuar. Marko Xhampaoli pritet të marrë drejtimin e Milanit. Ai ka punuar te Sampdoria me Torreiran dhe një thirrje e tij për bashkim është e mundur. Agjenti shprehet se një kërkesë e tillë do të ndikonte te ylli i Arsenalit.

“Nuk di asgjë rreth interesimit të Milanit. Nuk më ka kontaktuar askush. Ardhja e mundshme e Xhampaolit në Milano? Natyrisht që do të ndikonte te klienti im”, u shpreh agjenti i Torreira.

E pazakontë, Ylli i Arsenalit bën tatuazh stemën e një klubi tjetër

Sport Ekspres — Mon, 22 Oct 2018 20:22:46 +0000

Ishte 10 korriku i këtij viti kur Arsenal transferoi nga Sampdoria, për 30 milionë euro, uruguajanin Lukas Torreira. Mesfushori kishte shfaqur një formë mjaft të mirë në Serinë A sezonin e shkuar, si dhe në Botëror ishte një pikë kyçë për kombëtaren e Uruguajit.

“Topçinjtë” e Londrës besuan te mesfushori dhe paguan një shumë të konsiderueshme për ta marrë në Angli. 22-vjeçari ka zhvilluar 8 ndeshje këtë sezon me fanellën e Arsenal, teksa vetëm në tre prej tyre e ka nisur si titullar. Uruguajani njihet gjithashtu dhe si një fans i tatuazheve dhe ka disa në trupin e tij. Një nga këto tatuazhe ka bërë mjaft përshtypje, ku Torreira ka bërë në pulpën e tij të djathtë, stemën e ekipit të parë ku ka luajtur dhe është rritur si lojtar.

Torreira e ka nisur karrierën e tij me klubin , Institucion Atletica 18 de Julio, ku më pas në vitin 2013 te Montevideo dhe një vit më pas erdhi në Evropë te Peskara. Historia e djaloshit të talentuar është mjaft e trishtë, ku në moshën 14-vjeçare, mesfushori mbeti i pastrehë dhe u ndihmua që të kalonte vështirësitë nga klubi i Institucion Atletica dhe për këtë fakt Torreira duket se do të jetë mirënjohës gjithmonë.