Pavarësisht se 21-vjeçari i Milanit qëndroi në stol gjatë fitores 2-0 kundër Argjentinës, triumf që kualifikoi Brazilin në finalen e madhe të Kupës së Amerikës, Ziko nuk i kursen elozhet për të.

“Paketa është një fenomen i vogël dhe ka arritur ta menaxhojë shumë mirë krahasimin që i bëjnë njerëzit me Kaka. Ka gjithçka për t’u bërë një futbollist i madh. Nuk është një trekuartist, por një numër 8. Mund të shënojë shumë gola me inkursionet e tij, mos të harrojmë që ka edhe një goditje të mirë me kokë”, përfundon Ziko.

Tashmë nga PSG pritet të nisë një tjetër sulm frontal dhe këtë herë për mesfushorin Lukas Paketa, sikurse raporton Corriere dello Sport. Francezët e shikojnë si pasuesin ideal të Adrien Rabio dhe Leonardo po mundohet të përdorë lidhjet e tij për të përmbysur këtë marrëveshje.

Braziliani ishte ai që bëri të mundur transferimin e Paketës te Milani për 35 milionë euro, ndërkohë që tani dëshiron t’ua “vjedhë” kuqezinjve. Ai e si shumë mirë se klubit italian i duhen para për të rregulluar bilancet dhe po tenton ta shfrytëzojë këtë situatë.

Mbetet për t’u parë se çfarë do të ndodhë, pasi trajneri Marko Xhampolo ia ka bërë të ditur drejtuesve se tre prej lojtarëve janë të pashitshëm. Mes tyre është edhe Paketa, së bashku me kapitenin Alesio Romanjoli dhe sulmuesin Kristof Piatek.

Tensioni i madh dhe ndërhyrjet e ashpra e acaruan lojtarin ofensiv, i cili nuk u përmbajt as kundër arbitrit. Sot ka dalë edhe vendimi për të. 3 javë pezullim është dënuar 21-vjeçari, që përkthehet ndryshe fund i parakohshëm i sezonit.

Kjo do të jetë një mungesë e madhe për trajnerin Gatuzo. Kuqezinjtë kanë nevojë për fitore në tre ndeshjet e mbetura dhe gjërat do të vështirësohen edhe më shumë pa fantazinë dhe talentin e brazilianit në fushë.

Trajneri po mendon një lëvizje për t’i dhënë gjallëri lojës ofensive të kuqezinjve dhe mesa duket e ka gjetur. Lukas Paketa do të aktivizohet më afër portës. Braziliani i talentuar do të luajë në rolin e numrit 10.

Suso dhe Çalhanoglu janë të fikur dhe po luajnë pa ide, ndërsa Piatek dhe Kutrone janë shumë të izoluar me pjesën tjetër të ekipit. Paketa është zgjidhja dhe të gjithë besojnë te fantazia dhe talenti i tij.

21-vjeçari sapo është rikthyer nga dëmtimi dhe është gati të ofrojë afër portës Milanin. Objektivi Champions duhet arritur me çdo kush dhe testi i parë është fitorja kundër ekipit të Mihajloviç.

Gatuzo është në dyshim edhe për diçka të fundit: të luajë me dyshen Piatek-Kutrone në sulm dhe Paketën pas tyre, apo Piatek në sulm, me Paketën pas polakut dhe Suson e Çalhanoglunë nga krahët.

Lajm i mirë për trajnerin dhe tifozët është fakti që Lukas Paketa e ka lënë pas krahëve dëmtimin. Braziliani u ndal në barazimin e 2 prillit kundër Udinezes. U fol për një qëndrim jashtë prej 20-40 ditësh, por 21-vjeçari punoi fort dhe u rikuperua më shpejt.

Në fundjavë ishte në pankinë kundër Parmës, por nuk ishte gati për lojë dhe Gatuzo nuk e rrezikoi. Lojtari ofensiv do të zhvillojë disa minuta kundër Lacios dhe do ta nisë si titullar në fundjavë.

Transferta kundër Torinos është deçizive për Milanin. Fitorja është alternativa e vetme për të siguruar vendin e katërt dhe me Paketën në fushë, gjërat thjeshtësohen më shumë.

Ndeshja e radhës për ekipin e Gatuzos është përballë Parmës. Trajneri ka marrë tre lajmë të mira përpara përballjes që do të zhvillohet ditën e shtunë në drekë.

Alesio Romanjoli dhe Davide Kalabria u larguan të dëmtuar nga sfida me Lacion. Dëmtimet e tyre nuk janë serioze dhe dy mbrojtësit do të jenë gati për transfertën emiliane. Kapiteni do të vazhdojë edhe disa ditë me terapi, por mjekët janë të sigurt që Romanjoli do të jetë nën urdhrat e Gatuzos për “finalen” e radhës.

Gati është edhe Xhanluixhi Donaruma. Portieri i ka lënë pas krahëve problemet dhe pritet të rikthehet në mes të shtyllave. Pak më ndryshe situata e Lukas Paketa. Riaftësimi i brazilianit po ecën mirë, por rikthimi i tij është akoma larg. Objektivi është që lojtari të jetë i gatshëm për ndeshjen e 28 prillit, Torino-Milan.

Momentalisht, Brazili po luan ndaj Panamasë një test miqësor dhe golin e vetëm për skuadrën e Tites e ka shënuar pikërisht Lukas Paketa. 21-vjeçari shënon golin e parë me fanellën e kombëtares dhe për më tepër me numrin 10 mbi shpinë.

Ishte minuta e 32-të kur 21-vjeçari u gjend i lirë në zonë, duke shfrytëzuar në maksimum një krosim nga krahu i djathtë për të shënuar.

Për këto dy ndeshje, trajneri Tite ka grumbulluar disa lojtarë të rinj, siç janë David Neres, Aleks Tejesh, apo edhe Lukas Paketa. Ditën e sotme, janë bërë zyrtar edhe numrat që lojtarët do të mbajën në fanellë dhe ajo që bie në sy është fanella e yllit më të ri të Milanit.

Pikërisht Lukas Paketa do të mbajë mbi shpinë numrin 10. Nejmar mungon për arsye dëmtimi, kështu fanellën e “O Ney” e ka marrë fantazisti 21-vjeçar. Padyshim, një fakt që tregon shumë, për sa i përket pritshmërive që kanë te Brazili për Paketën.

Së fundmi, për mediat ka folur pikërisht Kaka, i cili është një idhull për tifozerinë e Milanit. Braziliani ka folur pikërisht për Paketën, duke e etiketuar si një lojtar që ka ndryshuar shumë gjëra për ekipin e “djallit”. Në lidhje me krahasimin me të, Kaka është shprehur se është diçka që nuk duhet të ndodhë.

PAKETA – “Lukas është një lojtar i mirë, i cili po bën mirë te Milani. Ka ndryshuar situatën në ekip dhe i ka ndihmuar shumë në rindërtimin e lojës. Është një erë e re për Milanin dhe Lukas ka ardhur në kohën e duhur.

KRAHASIMI ME KAKA – “Nuk mendoj se jemi të njëjtë. Nuk mendoj se duhet të krahasohemi. Paketa mund të bëjë gjëra të mira, ka kualitet shumë, por duhet ta lëmë të qetë dhe pa presion. Shpresoj që të ketë të njëjtat arritje me mua.”

Kualiteti i brazilianit nuk vihet në dyshim, por përshtatja e shpejtë me futbollin specifik që luhet në Serie A dhe me ekipin e ri i ka befasuar të gjithë. 21-vjeçari ka rikthyer sambën te kuqezinjtë, po tregon personalitet, vrapon pafund dhe nuk përton të ndihmojë shokët dhe në fazën defensive.

Paolo Maldini nuk i kursen elozhet për të në prononcimin e dhënë për ”Dazn”, ndërsa bën thirrje se nuk duhet harruar fakti që lojtari është akoma në muajin e dytë me Milanin dhe futbollin italian.

“Lukas është një djalë i zgjuar. I kemi kërkuar të nxitojë për t’u përshtatur, por ai ka patur disa probleme me gjuhën. Paketa është i vetmi lojtar i yni që flet portugalisht. Ai ka patur një impakt të madh në ekip, po zgjidh problemet tona me kualitetin e tij, kërkon të shohë gjithmonë përpara dhe është me fat që zoti i ka dhuruar shumë klas.”

“Ai po rritet, por ne e harrojmë ndonjëherë se është vetëm një djalë që sapo ka ardhur nga Brazili pas një muaji pushim dhe sapo është martuar. Futbolli brazilian ndryshon shumë me tonin, por Paketa ka befasuar dhe me punën që po bën në fazën defensive, aty ku ka ende shumë për të mësuar.”

Edhe pse do t’i duhet shumë punë për të arritur legjendën Kaka, Lukas Paketa e ka nisur aventurën e tij në Milano në mënyrën më të mirë të mundshme. Paraqitje fantastike në të treja sfidat që ka luajtur, si ndaj Sampdorias në Kupë, po dhe ndaj Juventusit në Superkupë. Qershia mbi tortë ishte paraqitja e dhuruar ditën e sotme në transfertën e Xhenoas, ku vetëm shënimi i golit i mungoi.

Driblime, forcë, topa të rikuperuar, si dhe “regjisor” i ekipit kuqezi. Duket se Milani ka nisur të kërcejë samba dhe kjo gjë konfirmohet dhe nga ky driblim “alla-Ronaldinjo” i mesfushorit 21-vjeçar, i cili la Daniele Besën të shtangur. Kalim, i gjithi për t’u shijuar…

Gjithashtu, trajneri Gatuzo ka shpallur dhe të grumbulluarit në kuadër të përballjes. Lukas Paketa, pas ndeshjes së mirë të luajtur në “Marasi”, pritet përsëri titullar, teksa mungesa më e madhe është padyshim Suso Ferdandez. Spanjolli u ndëshkua me karton të kuq në ndeshjen e fundit të luajtur në Serie A dhe do të mungojë.

Ivan Striniç jep përsëri lajme të mira, teksa pas grumbullimit në Kupë, është përsëri me ekipin dhe për ndeshjen ndaj bardhezinjve. Mungesa të tjera nuk ka për ekipin e Gatuzos, përveç të dëmtuarve, ku vetëm Lukas Bilja vlen për t’u përmendur, që po riaftësohet me ritme të shpejta dhe pritet që ndaj Napolit në fund të muajit të jetë gati.

Gjithsesi, Paketa duket se nuk ka ardhur i vetëm në Milano, pasi edhe vëllai i tij Mateus Paketa, është në provë tek ekipi i Monzës, që si president ka Silvio Berluskonin. Sipas asaj që raporton “Milan neës”, 23-vjeçari Mateus do të bëhet lojtari më i ri i Monzës, ku do të ketë pranë edhe vëllain e tij të vogël Lukas.

Mateus, ka qenë lojtar i Avait në Serinë B braziliane. Nuk është hera e parë që në Milano, do të jenë dy vëllezër, ku mjafton të kujtojmë rastin e Rikardo Kaka, i cili solli Digaon te Milani, por edhe Xhixho Donaruma, i cili e ka aktualisht të vëllain në ekipin kuqezi.

Milani pagoi 35 milionë euro te Flamengo, ndërsa pesë të tjera do i paguajë në formë bonusesh për katër vitet e ardhshme. Por, sigurimi i shërbimeve të tij nuk ishte e thjeshtë. Në garë për 21-vjeçarin ishin shumë klube, mbi të gjithë Reali i Madridit.

Kuqezinjtë kishin si armë të fortë Leonardon, i cili bëri një lëvizje të shpejtë dhe bindi lojtarin dhe agjentët e tij. Siç raporton “Gazzetta dello Sport”, nëse Milani e shet në të ardhmen Paketën, ai dhe agjentët e tij do të përfitojnë 25% të shumës së kartonit.

Gjatë prezantimit të brazilianit kanë folur presidenti Skaroni, lojtari dhe dyshja Leonardo-Maldini. Fjalë të rëndësishme për të nga drejtuesit e “Djallit”, ndërsa Paketa, i cili ka zgjedhur numrin 39, nuk e fsheh lumturinë e tij për nisjen e aventurës së re dhe tregon se sa të lehtë e kishte për të vendosur dhe për të pranuar ofertën e Milanit.

SKARONI – “Është një ditë e rëndësishme për ne, prezantojmë lojtarin tonë të ri, Lukas Paketa. Dje ishte në Milanelo dhe u stërvit së bashku me ekipin tonë. Prezenca e Lukas këtu është për të treguar impenjimin që ka Elliot për të rikthyer Milanin aty ku presin të gjithë. Kjo është një e dhënë e rëndësishme, Paketa është braziliani i 35-të në historinë e Milanit. Zbulimi i tij është bërë nga Leonardo, i cili ka përzgjedhur me sukses lojtarë si Pato e Tiago Silva. Jam i sigurt se kjo linjë do vijojë të ruhet. Ky operacion nuk do të thotë se Milani shkon kundër rregullave të FFP, ky është synimi ynë kryesor.”

PAKETA – “Ndjenja që po përjetoj është nga më të bukurat e mundshme, jam shumë i lumtur dhe i përfshirë në këtë aventurë të re. Jam i lumtur, i falënderoj të gjithë dhe shpresoj t’i pasqyroj në fushë pritshmëritë ndaj meje. Kaka? Ai është një lojtar i madh, një idhull për mua dhe i kam ndjekur ndeshjet e tij. Shpresoj të ndjek rrugën e tij dhe të sigurojmë shumë fitore dhe trofe. Kur Milani, që ka një histori të madhe, të thërret nëpërmjet Leos, t’i ndjen lumturi. Vendosëm menjëherë me familjen time se Milani do të ishte zgjedhja e duhur për mua. Kur vendosa të vija këtu, isha akoma nën kontratë me Flamengon dhe u përqendrova në sezonin me ta. Më pas, pasi mbaroi sezoni, u përqendrova në aventurën e re. Milani është një ekip i madh, me histori dhe suksese të mëdha. Futbolli italian është shumë fizik dhe shumë taktik, ndërsa në Brazil është pak më ndryshe. Do të jem i vëmendshëm ndaj çdo detaji që mund të më mësojnë këtu. Dua të zbres në fushë dhe të jap maksimumin me alegri. Gatuzo?  Mbaj mend kur isha i vogël dhe e zgjidhja gjithmonë Gatuzon në ekipet e mia në ‘play-station’… Ai ka qenë një lojtar i madh dhe është një ndjesi unike të stërvitem nga ai.”

LEONARDO – “Presidenti u tregua i këndshëm me referencën e bërë për lojtarët brazilianë. Lukas është një lojtar shumë i rëndësishëm dhe vjen nga një ekip, që për pak mund të fitonte titullin. Sigurisht që duhet të përshtatim karakteristikat e tij në projektin tonë. Paketa ka potencial për t’u rritur si lojtar, ndodhet në një pikë fillimi, pavarësisht se ka luajtur në nivele të larta.”

MALDINI – “Lukas është një lojtar i madh, teknik dhe me mentalitet të fortë. Ai duhet të përshtatet me futbollin tonë dhe zotëron gjithçka për t’ia dalë mbanë. Ai ka luajtur si gjysmë sulmues dhe anësor në mesfushën me tre lojtarë, por do të vendosë trajneri për pozicionin e tij në fushë.”

Ka qenë vetë klubi italian, që me anë të një komunikate zyrtare ka bërë publike nënshkrimin e kontratës me organizatorin brazilian. Paketa shihet si shpresa dhe e ardhmja e tifozëve të Milanit, madje shumë e krahasojnë me një emër të madh si Rikardo Kaka.

Ai u transferua në Itali nga ekipi i Flamengos, me të cilin ka shënuar 13 gola në 65 ndeshje të zhvilluara. Konferenca e prezantimit të Paketës do të mbahet me datë 8 janar, në orën 15:00, ndërsa gjithçka do të pasqyrohet live në “Milan Channel”.

Official statement: @LucasPaqueta97 #WelcomePaquetahttps://t.co/mrCbE0GPyI

— AC Milan (@acmilan) January 4, 2019

“Kam qenë në Milano dhe gjithçka ishte shumë e qetë. Ishte një periudhë adaptimi, madje edhe për familjen time. Shpresoj të përshtatem sa më shpejt të jetë e mundur, në mënyrë që kur të kthehem në Milano të jem në gjendje ta ndihmoj ekipin në fushë”, është shprehur Paketa.

Dëshira e mesfushorit është e madhe të ndjekë hapat e Kaka, por nga ana tjetër thekson se dëshiron të shkruajë historinë e tij me fanellën kuqezi. “Kaka është idhulli im. Ai ka pasur një karrierë brilante. Është e qartë që do të doja të ndiqja hapat e tij, por gjithashtu të tregoja vetën time te Milani. Uroj të marr më të mirat nga ai dhe të bëj më të mirën time”.

Një gjë të tillë po e presin të gjithë, klubi, tifozët, por dhe Rikardo Kaka. Ish-ylli i ekipit të “Djallit” ishte një nga personat që ndikoi në zgjedhjen e Paketës për të vazhduar karrierën me Milanin.

Kaka ka folur për “Globoesporte”, duke i dhënë disa këshilla patriotit të tij: të luajë futbollin që di të bëjë, të mos mërzitet nga krahasimet me lojtarë të tjerë dhe të mësohet me presionin. Milani pret shumë nga Paketa, ndërsa fantazisti ndodhet në klubin perfekt për t’u rritur dhe përmirësuar si futbollit.

“Paketa duhet të luajë futbollin e tij. Në fillim do të ketë gjithmonë krahasime, por ngadalë me stilin e tij të lojës, ai do të lirohet nga kjo situatë. Shpresoj që të shkruajë historinë me Milanin. Jam i lumtur për ardhjen e tij te klubi që më hapi derën për në Europë. Milani ka një lidhje të madhe me futbollistët brazilianë. Shpresoj që Paketa të ketë fat dhe të ketë një karrierë brilante në Europë. Atij i duhet të mësojë të jetojë me presionin dhe të përdorë instinktin dhe talentin e tij për të luajtur. Ai do e gjejë veten mes më të mirëve në botë dhe shkolla italiane do e ndihmojë atë të përmirësohet si lojtar”, përfundon Rikardo Kaka.

Paketa ka mbërritur në aeroportin e Milanos, në Malpensa. Ai do të ndjekë sot nga stadiumi përballjen me Torinon, ndërkohë që më pas do kryejë vizitat mjekësore. Ditët kuqezi për Paketën kanë nisur. Ai ka thënë edhe fjalët e para si milanist.

“Jam i gëzuar që jam këtu. E zgjodha Milanin për historinë që ka”, ka thënë shkurtimisht për “Gianlucadimarzio.com mesfushori 21-vjeçar. Ndërkohë janë publikuar edhe fotot e para të Paketës në “Malpensa”.

Tashmë, 21-vjeçari ka përfunduar kampionatin me Flamengon dhe siç raportohet nga mediat italiane, nesër do të jetë i pranishëm në “San Siro” për të ndjekur nga afër sfidën Milan-Torino. Gjithashtu braziliani, do të kryejë vizitat mjekësore, për t’u kthyer më pas në Brazil, ku dhe do të festojë Krishtlindjen.

Paketa do të nisë zyrtarisht aventurën e tij me Milanin në janar, ku dhe pritet që debutimin me fanellën kuqezi ta bëjë në Supërkupën e Italisë që do të luhet kundër Juventusit.

Mesfushori mbylli një sezon mjaft të mirë me Flamengon, teksa javën që lamë pas, përkoi me fundin e kampionatit vendas. Klubi i Flamengos, në një postim në llogarinë e tyre në “Twitter” kishte përgatitur një video për Paketën, ku gjithashtu i bashkëngjitën dhe një shkrim për ta motivuar për aventurën e tij të re.

“Ai erdhi te Flamengo që fëmijë. U rrit, u përmirësua, luajti dhe shkëlqeu. Djaloshi i vogël nga Nido bëri shum me topin në këmbë te Mengao. Shko dhe pushto botën tani, Lukas Paketa. Shihemi më vonë, pasi do të takohemi përsëri, sepse kjo është shtëpia jote”, mbyllej mesazhi i klubit.

Chegou criança ao Flamengo, cresceu, criou, jogou e brilhou. O Garoto do Ninho jogou muita bola no Mengão. Vai ganhar o mundo agora, Lucas Paquetá! Até logo! A gente vai se encontrar de novo porque sua casa é aqui.
?
Confira o vídeo completo na #FlaTV: https://t.co/ow1NyFCVH7 pic.twitter.com/NgeoSNwA3i

— Flamengo (@Flamengo) December 4, 2018

21-vjeçari ka folur pas sfidës së fundit të luajtur me Flamengon dhe është shprehur shumë i lumtur dhe entuziast për transferimin te Milani. Gjithashtu Paketa ka zbuluar numrin që do të mbajë në fanellë, por edhe arsyen që e bindi atë për t’u bashkuar me ekipin kuqezi.

“Do të mbaj numrin 39 mbi shpinë. Është numri me të cilin kam debutuar me ekipin e parë të Flamengos. Më ka sjellë fat dhe shpresoj të ndodhi e njëjta gjë te Milani. Në qoftë se unë kam zgjedhur kuqezinjtë, ka qenë falë Leonardos. Ai më kërkoi dhe më bindi. E kuptova që Milani kishte një projekt serioz për mua dhe kjo është diçka thelbësore për një lojtar të ri që vjen në Europë”.

Nisemi nga Paketa, i vetmi lojtar që për momentin mund të quhet i Milanit, pasi marrëveshja me Flamengon dhe lojtarin është mbyllur. Flamengo mbyll kampionatin me 2 dhjetor dhe dëshira e kuqezinjve është që ta kenë menjëherë në dispozicion 21-vjeçarin, por gjithsesi duhet të presim dhjetorin për ta konfirmuar.

Një lojtar që ngjason me Rikardo Kakan, që është dhe idhulli i tij, por me ndryshimin e modulit nga Gatuzo, pritet dhe një ndryshim në pozicionin se ku do të luajë braziliani. Pozicioni natyral i Paketës është si mesfushor qendre, ose trekuartist, por me 4-4-2, mund të luajë dhe në mbështetje të Higuain, duke qenë një alternativë më shumë për sulmin.

Gjithsesi, përveç Lukas Paketës, Leonardo thuhet se po punon dhe për tre afrime të reja, nga një për çdo repart, pra një mbrojtës, një mesfushor dhe një sulmues. Dëmtimet e Kaldarës dhe Musakios, përkatësisht 3 muaj i pari dhe dy muaj argjentinasi, e bëjnë të domosdoshme afrimin e një mbrojtësi, pasi vetëm Romanjoli dhe Zapata kanë mbetur.

Rodrigo Caio, është emri kryesor që është përmendur këto ditë. Braziliani, i cili aktivizohet me Sao Paolon, është një njohje e vjetër e Leonardos, pasi ka dashur dhe më përpara ta sjellë në Evropë dhe mund të shihet si një opsion i mundshëm.

Në mesfushë, dëmtimi afatgjatë i Lukas Biljas, i cili do të qëndrojë jasht fushave për katër muaj, si dhe një operim i mundshëm i Bonaventurës, do ta linin mesfushën kuqezi të përgjysmuar. Montolivo, Hose Mauri dhe Bertolaçi janë me derë të hapur dhe mund të largohen që të tre, kështu që mesfusha shihet si reparti, që duhen përforcime me patjetër dhe Leonardo e Maldini duhet ta marrin seriozisht punën e tyre.

Në sulm gjithashtu situata paraqitet shqetësuese. Me modulin e ri me dy sulmues, siç është luajtur ndaj Sampdorias dhe Udinezes, sjell zero alternativa për kuqezinjtë. Dy sulmuesit e vetëm janë Kutrone e Higuain dhe kështu nuk ka asnjë zëvendësues për ta. Pista Ibrahimoviç është e mundur dhe është një përforcim që e presin të gjithë tifozët e Milanit, pasi kurrë nuk e kanë harruar kohën që suedezi luante për ta dhe arritën të fitonin titullin.
Gjithashtu Pato nuk përjashtohet, por klauzola që ka në klubin kinez mbetet një problem madhor. Braziliani, që luajti për herë të parë në Europë me fanellën kuqezi, është shprehur i gatshëm të ulë rrogën e tij prej 9 milion eurosh që përfiton në Kinë, por fjalën e fundit pritet ta thonë drejtuesit e Milanit.

Fillimisht është pyetur se pse nuk po e mbajnë lojtarin dhe ai sqaron se janë përpjekur, por shitja e tij është vendimi më i mirë për Flamengon dhe Paketën. “Po flas si menaxher, pasi këto vendime i takojmë Këshillit. Unë punoj këtu me të njëjtin përkushtim prej ditës së parë dhe synoj të krijoj vlera që do të vlejnë në një periudhë afatgjatë për Flamengon. Vendimi u mor sepse: është strategjikisht i mirë për Flamengon, krijon vlera për klubin, krijon marrëdhënie strategjike. Nuk duhet të presim më gjatë. Nëse është lëvizje pozitive për klubin, atëherë duhet bërë”, ka thënë fillimisht Spindel.

Më tej ai ka shtuar: “Flamengo ka kërkuar ta mbajë Paketën, t’ia zgjatë kontratën. Luajtja në Europë është një ëndërr për shumë lojtarë, sikurse aktivizimi në Champions. Milani është një klub i madh. Ne nuk mund të ofrojmë të njëjtat ëndrra, këtu nuk mund të luash me Mesin, Nejmarin dhe Kristiano Ronaldon. Duhet të evoluojmë. U përpoqëm të rinovonim me lojtarin, por dëshira e tij ishte të luante në Europë. Kemi folur me klube të ndryshme, arritëm ta mbanim deri në fund të viti dhe në janar do e lëshojmë”.

OFERTAT DHE REALI – Drejtori Spindel nuk dëshiron të zbulojë se kush e ka kërkuar Paketën. “Klube të ndryshme, nuk vlen të përmendim emra, por ta paktën 10 klube e kanë kërkuar. Jo të gjithë të të njëjtit nivel. Propozimi i Milanit ishte më i miri dhe do të jetë mirë edhe për lojtarin. Është edhe Kaka që ka bërë historinë atje.

Mendoj se Milani është në një moment të rëndësishëm, ka në klub Leonardon dhe Maldinin. Ata janë dy pika referimi dhe e dinë se çfarë po bëjnë. Ai qytet i ka mirëpritur brazilianët në të shkuarën dhe do të jetë mirë për lojtarin dhe Flamengon që të ketë një lojtar që do të bëjë mirë edhe në Europë. Reali i Madridit? Nuk dimë asgjë. A ka ndonjë mundësi? Flamengo ka nënshkruar një kontratë dhe do ta respektojë”, ka përfunduar drejtori i përgjithshëm i Flamengos.

Këtij diskutimi nuk mund t’i shpëtonte as braziliani që ka bërë më shumë histori te Milan. Bëhet fjalë pikërisht për Rikardo Kakan, i cili ka folur në lidhje me këtë blerje të ish-ekipit të tij si dhe për mundësinë e rikthimit te Milan në një rol drejtuesi.

“Paketa ka një të ardhme të ndritur përpara dhe nuk duhet të bëjmë krahasime. Kam dëgjuar jashtëzakonisht shumë krahasime kohët e fundit për të dhe kjo është diçka që nuk i bën mirë, pasi e vë shumë në presion. Paketa duhet të jetë i qetë dhe të japë më të mirën në fushë. Unë kam shumë besim tek ai.”

“Kam folur me Leonardon dhe Maldinin. Tani jam më pranë Milanit, por thjesht kaq. Gjithmonë do mundohem të jem pranë klubit që më bëri të fitoj gjithçka, por prioriteti im është që të jem pranë familjes, pasi Luka dhe Izabela janë akoma në një moshë të vogël. Kam folur shumë me Leonardon dhe gjithashtu po bëj një kurs në Brazil për drejtues sportiv. Shpresoj shumë që në një të ardhme të jem drejtues sportiv te Milan, por për momentin nuk ka diçka korrekte”, ka përfunduar braziliani Kaka.