Futbollisti francez do t’i nënshtrohet një ndërhyrje kirurgjikale për të rregulluar ligamentet e dëmtuara në gjurin e djathtë, problem ky që u zbulua gjatë analizave mjekësore në Mynih.

Gazetarët e “Bild” kanë arritur të mësojnë më shumë mbi natyrën e dëmtimit. Ligamenti i Hernandez ishte i mbushur me disa vrima të vogla përgjatë të gjithë strukturës së tij. Kjo ka ardhur si pasojë e përdorimit të një substance steroidi hormonal të quajtur Kortizon që shërben për të ngritur rezistencën e trupit ndaj dhimbjeve. Substanca është e ndaluar nga “WADA”, por përdorimi i saj për shkaqe terapeutike është i lejueshëm me anë të një leje të veçantë.

Mjekët e Atletikos kanë dashur që ta riaftësonin futbollistin sa më shpejt që të jetë e mundur, por në përfundim plani i tyre ka sjellë dëme akoma dhe më të mëdha, pasi sezoni i Hernandez është mbyllur që tani, dhe futbollisti pritet të rikthehet në muajin gusht.

“Sot është një ditë shumë e rëndësishme për karrierën time. Bajerni i Mynihut është një ndër klubet më të mëdha në Evropë dhe Botë. Jam krenar që do të kem mundësi të luftoj për të fituar tituj me fanellën e Bajernit në të ardhmen. Falenderoj Atletikon, menaxherët, trajnerët dhe shokët e skuadrës. Gjithashtu edhe tifozët, të cilët kanë qenë fantastikë për 12 vite. Atletiko gjithmon do të jetë një pjesë e imja. Tani jam i lumtur që ndërmarr një hap të ri te Bajerni”, tha Lukas.

Gjithashtu, për transferimin e 23-vjeçarit, foli edhe drejtori i bavarezëve, pikërisht Hasan Saliamixhixh. Boshnjaku deklaroi se Lukas do të vazhdojë traditën e lojtarëve francez, të cilët po e forcojnë jo pak Bajernin.

“Jam shumë i lumtur, pasi kemi nënshkruar me një nga mbrojtësit më të mirë në Botë, i cili është edhe kampion Bote. Lukas mund të luajë në krahun e majtë dhe në qendër. Hernandez do të vijojë traditën e lojtarëve francezë, të cilët po e forcojnë ekipin tonë”, përfundoi Saliamixhixh.

Afrimi i francezit do të shoqërohet me largime në mbrojte. Sipas “AZ”, mbrojtësi që do të “bëjë gati valixhet” është Zherom Boateng.

Gjermano-ganezi ishte shumë pranë kalimit te PSG-ja gjatë merkatos së kaluar, por drejtuesit e Bajernit nuk pranuan ta shisnin lojtarin pa 50 milionë euro. Kësaj radhe çmimi i kampionit të botës ka pësuar ulje të ndjeshme.

Sipas “footmercato”, drejtuesit nga Mynihu kanë paguar gjysëm e klauzolës së francezit të Atletikos, që konsiston në shumën e 40 milionë eurove. Pjesa tjetër do të depozitohet në arkat e klubit spanjoll në fund të sezonit, kur edhe Lukas do të kalojë në Gjermani.

Një përforcim me mjaft peshë i Bajernit, pasi 23-vjeçari shihet si një ndër mbrojtësit më të mirë, teksa mjafton të kujtojmë faktin që u kurorëzua kampion Bote me Francën e tij vitin e shkuar, duke qenë një pikë kyçe e prapavijës së “gjelave”.

Në një intervistë për medien spanjolle “MARCA”, presidenti i Bajernit Uli Hënes, konfirmoi edhe njëherë se skuadra e tij e ka prioritet blerjen e kartonit të mëngjarashit. Në intervistë Hënes pranoi se klubi i tij është i gatshëm të paguajë klauzolën prej 80 milionë eurosh që ka mbrojtësi i Atletikos.

“Na duhet të ndërhyjmë patjetër në qendër të mbrojtjes. Nëse rrethanat do të na detyrojnë, s’do të kemi zgjidhje tjetër përveç se të aktivizojmë klauzolën e largimit të lojtarit. Drejtori jonë Salihamixhiç ka gjithçka në kontroll. Kemi kursyer shumë para.  Është shpenzim rekord, por fundja Hernandez është një kampion bote” u shpreh presidenti i Bajernit.

Pre e rrengut më të fundit të sulmuesit ka qenë mbrojtësi i Atletikos Lukas Hernandez. Në përfundim të seancës stërvitore, lojtarët iu drejtuan dusheve. Sapo francezi u fut në dush, Kosta mori të gjitha rrobat e tij dhe shtroi në rrugën para godinës së stërvitjes, ku më pas i spërkati me një fikës zjarri, çka e bënte të pamundur veshjen e tyre.

Hernandez s’do mend qe ngeli i shokuar nga veprimi i shokut të skuadrës, ndërsa Kosta dhe disa lojtarë të tjerë nuk reshtën së qeshuri, pasi panë reagimin e kolegut të tyre.

Hernandez po pritet me padurim në Mynih, madje austriaku David Alaba ka folur në lidhje me afrimin e mundëshëm të francezit në një intervistë për gazetën gjermane “Bild”.

“Sigurisht, që ai është një lojtar shumë i mirë, përderisa Bajerni po e kërkon. Jam i bindur se ai i ka aftësitë për ta ndihmuar skuadrën tonë. Konkurrenca? Ndihem mirë si mbrojtës i mjatë, por edhe po të më kalojnë në mesfushë”, përfundoi Alaba.

Sipas së përditshmes spanjolle “MARCA”, kampionët e Gjermanisë do të finalizojnë blerjen e mbrojtësit Lukas Hernandez nga Atletiko Madrid në ditët në vazhdim. Gjithçka do të kryet para 4 janarit, që është data kur do të fillojë faza përgatitore e Bajernit në Doha të Katarit.

Klauzola e largimit në kontratën e mbrojtësit francez është 80 milionë euro, por marrëveshja pritet të arrihet për një shumë më të vogël. Me ardhjen e Hernandez te Bajerni, numri i lojtarëve të cilët kanë një medalje kampioni bote te Bajerni shkon në gjashtë.

Miguel Angel Gil Marin, presidenti i klubit “colchoneros”, ka folur për “Spox”, duke zbuluar se do të takohet me drejtuesit e klubit gjerman në janar për të diskutuar për 22-vjeçarin. Nëse ai dëshiron kalimin në Bavari, Atletiko nuk do të bëhet pengesë, por kjo gjë mund të ndodhë vetëm në verë.

“Kemi raporte shumë të mira me Bajernin dhe do të takohemi me ta në janar për të vlerësuar situatën. Lukas Hernandez nuk mund të largohet nga ekipi në merkaton e janarit. Nëse lojtari dëshiron të largohet, do të flasim, por vetëm për në korrik”, sqaron presidenti i Atletikos së Madridit.

Sipas së përditshmes sportive spanjolle “MARCA”, klubi bavarez është në negociata me mbrojtësin e Atletiko Madrid, Lukas Hernandez. Mëngjerashi, i cili ishte një ndër titullarët e përfaqësueses franceze në Botërorin “Rusi 2018”, ka pësuar një rritje të admirueshme gjatë viteve të fundit dhe për të ka pasur interes nga shumë klube.

Lajmi konfirmohet dhe nga gazetari francez Muhamed Buhafsi, i cili njihet për burimet e tij të sakta, pasi ishte i pari që zbuloi kalimin e Nejmar nga Barcelona te PSG-ja. Sipas tij lojtari ka shfaqur interes dhe palët po vazhdojnë negociatat. Ndër të tjera ai shkruan se 22-vjeçari ka një klauzolë largimi prej 80 milionë eurosh, që do ta bënte francezin blerjen më të shtrenjtë në historinë e bavarezëve.

L’info de @marca annonçant l’arrivée de Hernandez au Bayern n’est pas infondée. Le joueur dispose d’une clause avoisinant 80M€ ! Il a une offre du Bayern Munich entre les mains et lui est intéressé ! Discussions avancées entre le joueur et le club allemand.

— Mohamed Bouhafsi (@mohamedbouhafsi) December 19, 2018