luca zidane

Debutim perfekt i djalit të Zidan, në Spanjë kanë besim

Sport Ekspres — Fri, 19 Jul 2019 16:52:58 +0000

Luka Zidan, djali i trajnerit të Real Madrid, Zinedin Zidan, u huazua pak javë më parë te skuadra e Rasing Santander. Në ndryshim nga i ati që ka qenën një mesfushor virtuoz me topin, Luka ka zgjedhur që rrugëtimin në futboll ta vazhdojë si portier.

Gjatë qëndrimit 15-vjeçar te Real Madrid, “gardiani” francez pati shansin të luante dy ndeshje me ekipin e parë në La Liga, ndërsa tani 21-vjeçarit i duhet të provojë veten në “Segunda Divizion” me skuadrën e re.

Debutimi me Rasing ka nisur në mënyrën perfekte. Zidan priti një 11-metërsh në miqësoren e fituar me rezultatin 3 – 0 ndaj CD Guarnizo. Të mbash mbiemrin Zidan në fanellë nuk është një peshë e lehtë. Kritikët do jenë gjithmonë aty për të komentuar çdo gabim të tij, por Luka është mësuar prej disa vitesh me këtë gjë.

15 vite madrilen, Luka Zidan prezantohet tek ekipi i ri

Sport Ekspres — Thu, 11 Jul 2019 16:24:52 +0000

Djali i Zinedin Zidan, Luka Zidan, është larguar nga ekipi madrilen pas plot 15 vitesh. Portieri 21-vjeçar është huazuar te skuadra e Rasing Santander, ekip ky që sezonin e shkuar siguroi ngjitjen në Segunda Divizion.

“Quiero crecer en el Racing y dar un paso adelante, estoy contento e ilusionado”, Luca Zidane https://t.co/tLmcplY84w pic.twitter.com/Niz8TP0cQ5

— Real Racing Club (@realracingclub) July 11, 2019

Luka iu bashkua akademisë së Real Madrid në moshën 6-vjeçare dhe që nga ai moment ka qenë i pandarë nga ekipi “Los Blancos”. 21-vjeçari ka pasur mundësinë të luajë dy herë me Realin, në të dyja rastet në La Liga.(fitore 3 – 2 ndaj Hueskës dhe barazim 2 – 2 ndaj Vijareal)

Në fjalët e para si lojtari i Rasing Santander, portieri 21-vjeçar tha: Kisha shumë opsione, por Rasing mu duk si oferta më interesante. Dua të rritem te kjo skuadër e shikoj si një hap më lart për karrierën time. Drejtuesit kanë ambicie të mëdha për të ardhmen. Ndihem i lumtur që i jam bashkuar këtij grupi.

Zidan: Ky sezoni më i mirë i Benzemasë! Ja pse luajti djali im

Sport Ekspres — Tue, 02 Apr 2019 07:00:44 +0000

Zinedin Zidan habiti shumë vetë, teksa la në stol Keilor Navas në përballjen ndaj Hueskës. “Gardiani” i “Los Blancos” për atë takim ishte djali i francezit, Luka Zidan, i cili debutoi me një fitore në La Liga.

Reali pësoi dy gola në atë takim, por asnjë prej tyre nuk ishte për faj të 21-vjeçarit, ndërsa në fund të 90 minutave madrilenët festuan, kjo falë një paraqitje fenomenale të Karim Benzema.

LUKA ZIDAN – “Jam shumë i gëzuar për të dhe për faktin që debutoi me fitore në “Bernabeu”. Gjithsesi, Luka është portieri i tretë. Tibo nuk ndihet mirë, ndërsa mendova t’i jepja Navasit pak pushim, prandaj i dhashë një shans Lukës. Doli mirë”.

BENZEMA – “Benzema ka qenë pjesë e Realit për 10 vite dhe po bën shumë mirë. Ndoshta ky është sezoni i tij më i mirë dhe jemi të gëzuar për formën që po kalon ai. Gjithmonë do të mbështetem tek ai. Kemi dhe nëntë ndeshje të mbetura, kjo është gjëja më e rëndësishme për ne, duhet ta mbyllim në një mënyrë të mirë sezonin. Atëherë do të shikojmë çdo të ndodhë, por Karim është pjesë e këtij klubi dhe kjo s’do të ndryshojë”.