Dita e firmës dhe vizitave mjekësore, 20-vjeçari vishet bardhezi

Sport Ekspres — Sun, 30 Jun 2019 10:36:38 +0000

Luka Pelegrini ka mbërritur në Torino për të kryer vizitat mjekësore dhe për të firmosur kontratën e re. Mbrojtësi 20-vjeçar, i cili aktivizohet në linjën e majtë dhe rolin e qendërmesfushorit, u shkëmbye me Spinacolën, ndërkohë që bardhezinjtë përfituan edhe 7 milionë euro.

Pas kontrolleve mjekësore dhe firmës në kontratën e re Pelegrini do i rikthehet përsëri pushimeve deri në nisjen e grumbullimit të ekipit të Mauricio Sarrit.

Drejtuesit nuk e kanë vendosur ende nëse do e huazojnë të riun në ndonjë ekip tjetër për të fituar eksperiencë apo do ta mbajnë në rolin e zëvendësuesit të Aleks Sandros.

Gati shkëmbimi i mbrojtësve, Juventusi dhe Roma bien në ujdi

Sport Ekspres — Fri, 28 Jun 2019 18:20:33 +0000

Juventus dhe Roma janë gati të bashkëpunojnë këtë merkato. Siç raporton “Sky Sport Italia”, dy gjigantët përtej Adriatikut po përfundojnë shkëmbimin mes Luka Pelegrinit dhe Leonardo Spinaxolas. Të dy lojtarët kanë pozicione të njëjta në fushë dhe aktivizohen si mbrojtës tv majtë. Spinaxola nuk ka arritur të bindë në Torino.
Edhe pse Alegri u mundua t’i jepte mundësi duke e aktivizuar në ndeshje të mëdha, 26-vjeçari nuk ka arritur të lërë gjurmë. Kështu në Torino mendojnë ta largojnë dhe të sjellin një talent, që premton shumë për të ardhmen. Luka Pelegrini që nga janari ishte i huazuar te Kaliari, ku ra në sy me paraqitjet e tij.

Regjistron 13 ndeshje si startues, ku ka arritur të japë edhe dy asiste. Ishte pjesë e Italisë në Kampionatin Evropian për moshën U21. Pritet të shihet nëse Juventusi do zgjedhë ta huazojë apo ta mbajë gjatë sezonit të ardhshëm.

Luca Pellegrini

Dita e firmës dhe vizitave mjekësore, 20-vjeçari vishet bardhezi

Gati shkëmbimi i mbrojtësve, Juventusi dhe Roma bien në ujdi