luca jovic

Joviç befason, sakrifikon dhe zbarkon direkt në Madrid

Sport Ekspres — Sat, 06 Jul 2019 08:04:04 +0000

Të jesh lojtar i Real Madrid nuk është aspak e lehtë dhe Luka Joviç e di shumë mirë këtë. Sulmuesi serb ishte pjesë e kombëtares së të rinjve në Kampionatin Evropian. Serbia nuk arriti të kalontë përtej fazës së grupeve.

Meqenëse 21-vjeçari ishte i angazhuar më shumë se disa bashkëlojtarë të tij te Reali, ai rrjedhimisht do duhej të pushonte më shumë. Gjithsesi kjo nuk do të ndodhë.

Luka do të paraqitet në grumbullimin e skuadrës në një datë kur do mblidhet e gjithë pjesa e tjetër e ekipit. Qëllimi i këtij veprimi është ambientimi sa më i shpejtë me skuadrën dhe me Zidan. Joviç do të jetë në Madrid më 8 korrik.

Kështu pushimet e sulmuesit do të zgjasin vetëm dy javë. Ndërkohë, Brahim Diaz, Odriozola dhe Rodrigo kanë nisur stërvitjen në ambientet stërvitore të klubit që më datë 3 korrik.

Drejtuesit ushtrojnë të drejtën e blerjes, Joviç zyrtarisht i Ajntrahtit

Sport Ekspres — Wed, 17 Apr 2019 15:56:37 +0000

Nuk kishte si të ndodhte ndryshe. Ajntrahti i Frankfurtit ka ushtruar të drejtën e blerjes së Luka Joviç nga Benfika. Gjermanët do t’i paguajnë “shqiponjave të Lisbonës”.

21-vjeçari po shkëlqen, ka shënuar 25 gola në këtë sezon (34 në 67 ndeshje që nga koha kur është transferuar në Bundesligë) dhe po udhëheq Ajntrahtin drejt kualifikimit në Champions dhe fitimit të Ligës së Europës.

Gjermanët e morën në huazim dy-vjeçar në verën e vitit 2017 me të drejtë blerje për një shumë më të vogël se 6 milionë euro. Sulmuesi ka befasuar me paraqitjet dhe golat e tij gjatë kësaj kohe.

Ajntrahti ka paguar paratë te Benfika dhe ka firmosur një kontratë deri në vitin 2023 me Joviç. Ky i fundit kërkohet nga shumë skuadra të mëdha europiane, që janë gati të bëjnë çmenduria për të, por lojtari dëshiron që të qëndrojë edhe një sezon në ekipin aktual.

“Rritja e Lukës këtu me ne është shumë e kënaqshme. Nuk kemi dyshuar kurrë në ushtrimin e së drejtës së blerjes së tij. Djali ka aftësi të jashtëzakonshme dhe është shumë e rëndësishme që tani është zyrtarisht një futbollist i joni“, theksoi Fredi Bobiç, drejtori sportivi i klubit nga Frankfurti.

Officiel : l’Eintracht Francfort lève l’option d’achat pour Luka Jovic auprès de Benfica. Le Serbe est désormais lié au club allemand jusqu’en juin 2023. pic.twitter.com/KsCtitMD9z

— Foot Mercato (@footmercato) April 17, 2019

Reali zgjedh sulmuesin e ardhshëm, befason Barcelonën me 70 milionë euro

Sport Ekspres — Sun, 14 Apr 2019 11:08:24 +0000

Reali i Madridit ka nisur të mendojë prej kohësh për sezonin e ri dhe merkatoja e ardhshme është padyshim pika e nisjes. Emrat që janë përfolur kanë qenë të shumtë. “Marca” e ka nisur ditën e sotme me një lajm të bujshëm.

Sipas prestigjiozes spanjolle, Luka Joviç është kthyer në objektivin kryesor të “Los Blancos” dhe oferta është bërë gati. Plot 70 milionë euro do të ofrohen për 21-vjeçarin serb, i cili kërkohet me ngulm edhe nga Barcelona.

#LaPortada Jovic es el ‘9’ ? pic.twitter.com/qJ8NS3zWL3

— MARCA (@marca) April 13, 2019

Joviç ka bërë një sezon fantastik, teksa ka shënuar plot 25 gola. Tashmë pritet me interes se si do të shkojë rivaliteti në merkato mes Realit dhe Barçës, me sulmuesin që duhet të zgjedhë një midis tyre për të bërë kapërcimin në një klub të madh.

Joviç i shumëkërkuar, e ardhmja e serbit në duart e një shqiptari

Sport Ekspres — Fri, 29 Mar 2019 09:51:44 +0000

Luka Joviç është kthyer në një ndër futbollistët më të kërkuar në planet. Sulmuesi serb ka spikatur në dy sezonet e fundit në Bundesligë me golat e tij të shumtë, që marrin akoma më shumë vlerë po të marrim parasysh faktin se Joviç është vetëm 21 vjeç.

Të gjitha klubet që janë të interesuara për shërbimet e serbit, duhet të negociojnë me drejtuesit e Ajntrahtit të Frankurtit dhe me agjentin e lojtarit, i cili është një shqiptar. Bëhet fjalë për një emër të njohur si Fali Ramadani.

Shqiptari nga Tetova punon prej dekadash në këtë industri dhe fokusohet më së shumti te futbollistët që luajnë në Gjermani. Krahas Joviç, ndër lojtarët më me emër që Ramadani ka në menaxhim janë Ivan Perishiç, Kalidu Kulibali, Miralem Pjaniç etj.

Drejtuesit e Barcelonës në “San Siro”, vëzhgohet pasuesi i Suarez

Sport Ekspres — Thu, 14 Mar 2019 21:09:26 +0000

Përballja midis Interit dhe Ajntrahtit të Frankfurtit ka tërhequr vëmendjen e shumë klubeve elitare, ndër to dhe Barcelona. Në tribunën “VIP” të “San Siros” janë parë tre nga drejtuesit më të lartë të klubit katalanas: drejtori sportiv, Erik Abidal, menaxheri i përgjishëm, Pep Segura, dhe anëtari i komitetit teknik Ramon Planes.

Lojtari nën vëzhgimin e zyrtarëve të kampionëve të Spanjës është sulmuesi i Frankfurtit Luka Joviç. Talenti serb po mahnit prej dy sezonesh në Bundesligë, ndërsa u tregua vendimtar edhe në takimin e sotëm ku shënoi golin që zhbllokoi ndeshjen.

Joviç është vetëm 21 vjeç dhe shikohet si kandidat i mundshëm për të pasur Luis Suarez në rolin e sulmuesit te skuadra “blaugrana”.

FOTO ? | #InterEintracht, dirigenti del Barcellona a San Siro: Jovic nel mirino ? #UEL https://t.co/xcei75Tf29

— Gianluca Di Marzio (@DiMarzio) March 14, 2019