Për këtë transferim të mundshëm, Hoakim Lëv tha: “Mynihu është gjithmonë një destinacion ideal për lojtarët gjermanë. Nëse e ardhmja e Sane është larg Sitit, kalimi te Bajerni do të ishte i mirë për të dhe për ne (stafi teknik i Gjermanisë). Mendoj se ai ndihet mirë te Mançester Siti, por nuk e di çfarë po mendon për momentin”, përfundoi Lëv.

Megjithatë, Humels në një intervistë për Sport Bild rrëfen se nuk i mban mëri trajnerit, edhe pse do donte që historia të shkonte ndryshe.

“Edhe unë bëj gjëra që i mërzitin të tjerët, ndaj nuk i mbaj mëri trajnerit. Jam menduar gjatë dhe kam kuptuar diçka: Ndoshta trajneri e kishte të vështirë të gjente rrugën e duhur për të na informuar për mbylljen e karrierës me kombëtaren, në një mënyrë që të gjithë të ishin të vetëdijshëm se gjithcka u bë si duhej“.

Natyrisht, Humels e pranon se vendimi i Lëvit ishte i vështirë për t’u pranuar: “U ndjeva i mospërfillur. Tomas, Zherom dhe unë e ndjenim se mund të tregohej pak më shumë vlerësim për ne. Megjithatë, 8 vitet e mia me Gjermaninë ishin fantastike“.

Fantastike, por jo deri në fund, sepse Humels e ka një peng të madh: “Humbja ndaj Koresë së Jugut ishte një poshtërim për ne dhe ishte edhe faji im. Humba një rast ideal me kokë, po të shënoja do ndryshonte gjithçka, jo vetëm në Botëror, por edhe tani nuk do ndodhnin këto gjëra“.

E ardhmja? “Nuk e mendoj më kombëtaren për momentin, nuk e di në të ardhmen“.

“Kam shumë pritshmëri për këta lojtarë, ndihem me fat që i kam. Vendimet nuk ishin të lehta për mua, por për duhet të marrim vendime të vështira për të qenë gati për të ardhmen. Duam t’i japim lojtarëve të rinj më shumë përgjegjës. Kemi potencial të madh”.

HUMELS, BOATENG, MYLER – “Ata nuk janë të përjashtuar nga kombëtarja. Nuk është se kanë bërë diçka gabim. Kam folur shpesh në telefon me ta këtë javë. Të jeni të sigurt mes nesh ka akoma respekt të anasjelltë. Ata më thanë që do të jenë gjithmonë të gatshëm për kombëtaren. Nuk e di çfarë do të ndodhë në të ardhmen”.

NOJER – “Manuel Nojer mbetet portieri numër një, kjo gjë s’do të ndryshojë. Marku (ter Shtegen) do të ketë shansin e tij, është e sigurt, por aktualisht Nojer është kapiteni dhe numri një”.

GËCE – HEKTOR – “Jam shumë i gëzuar me Mario Gëcen. Ai po rikthehet në formë, po e vëzhgoj. Hektor nuk luan më si mbrojtësi i majtë te Këlni, prandaj nuk e kam thërritur, por gjithsesi ai ka ende interesin tim”.

Në komunikatën e nxjerrë sot nga klubi, drejtuesit e Bajernit thonë se nuk mund të ndërhyjnë te zgjedhjet e trajnerit të kombëtares, por ata kanë ngelur të çuditur dhe të irrituar për kohën dhe rrethanat në të cilat është bërë i ditur ky lajme për lojtarët dhe publikun e gjërë.

DEKLARATA E PLOTË E KLUBIT TË BAJERNIT

Trajneri i skuadrës kombëtare Joakim Lëv ka vendosur të mos marrë më në konsideratë për të ardhmen lojtarët tanë Tomas Myler, Mats Humels dhe Zherome Boateng. Në parim, ne nuk komentojmë vendimet e trajnerit të kombëtares, e drejta e përzgjedhjes së lojtarëve është përgjegësi vetëm e Joakim Lëv.

Gjithsesi, ne e konsiderojmë kohën dhe rrethanat e lajmërimit të këtij vendimi për lojtarët dhe publikut shumë të çuditshme. Ndeshja e fundit e kombëtares gjermane ishte më datë 19 nëntor. Fakti që lojtarët tanë u informuan për këtë vetëm pak ditë para dy ndeshjeve të rëndësishme ndaj Volfsburgut dhe Liverpulit, na irriton. U surprizuam kur pamë drejtorin e kombëtares Bierhof dhe trajnerin Lëv në kompleksin tonë stërvitor ditën e djeshme.

Tomas Myler (100 ndeshje me kombëtaren), Mats Humels (70 ndeshje me kombëtaren) dhe Zherom Boateng (76 ndeshje me kombëtaren) kanë luajtur së bashku 246 ndeshje me Gjermaninë, ata kanë qenë kontribuar në një ndër dekadat më të suksesshme të kombëtares sonë, që kulm pati fitoren e titullit kampion bote në 2014-ën. Klubi i Bajernit të Mynihut ka respektin më të madh për të gjitha meritat sportive të Tomasit, Matsit dhe Zheromit në kombëtare dhe futbollin gjerman.

Karl-Hainc Rumenige (Drejtor Ekzekutiv) & Hasan Salihamixhiç (Drejtor Sportiv)

Në Gjermani është hapur prej kohësh debati nëse Andre ter Stegen meriton më shumë hapësirë dhe Lëv është dakord: “Ter Stegen është portier i klasit botëror tashmë, por nëse nuk ndodh diçka e jashtëzakonshme, Manuel Nojer do të jetë portieri ynë titullar deri në Euro 2020, absolutisht”.

Me pak fjalë, Ter Stegen mbetet spektator: “Padyshim që ai do të ketë shanset e tij vitin e ardhshme, sepse po luan në nivele të jashtëzakonshme, por Nojer është kapiteni ynë dhe është jashtëzakonisht i rëndësishëmpër lojtarët dhe për ekipin. Nuk dua të ul vlerat e Ter Stegen, por Nojer ështënumri 1, të paktën edhe për 2 vite”.

OZIL – Trajneri i Gjermanisë ka prekur edhe çështjen e Mesut Ozil: “Mbeta jashtëzakonisht i zhgënjyer që ai nuk më informoi personalisht, kur vendosi tëbraktiste kombëtaren. Të gjithë e dinë që unë jam gjithmonë gati të bisedoj,por duhen dy persona për të pasur një bashkëbisedim. Deri tani nuk kam pasur asnjë sinjal prej tij, do të më pëlqente të sillej ndryshe”.

Një rënie e pabesueshme, për një ekip që e nis Kupën e Botës si favorit, ndërsa tani nuk shënon prej 3 ndeshjesh, si kurrë në historinë e vet. Joakim Lëv e ka humbur magjinë e vet, apo thjesht mbaroi një cikël? Sky Sport ka analizuar arsyet e krizës gjermane…

Sulm i dobët

Gjermania gjuajti 21 herë drejt portës së Holandës, por e gjeti kuadratin vetëm në 4 raste. Është pasqyra e forcës së sulmit gjerman në këtë moment, sepse në 5 ndeshjet e fundit janë shënuar vetëm 2 gola me 107 goditje.

Te shtunën Tomas Myler humbi një rast të pastër në pjesën e parë dhe më vonë Leroj Sane gaboi një rast të artë për të barazuar. Edhe Draksler e Verner ishin fajtorë, sepse humbën raste të shkëlqyera.

Trajneri Lëv nuk ka ç’të bëjë në këtë drejtim, sepse Gjermania nuk ka më sulmues cilësor dhe shpresa e madhe Verner nuk po funksionon.

Leroj Sane humbi një rast fantastik ndaj Holandës

Lojë e çorganizuar

Pas pjesës së parë në Amsterdam Gjermania u përmirësua, por 45 minutat e para ishin një spektakël i shëmtuar. Vetëm 69% e pasimeve ishin të sakta në zonën sulmuese, ndërsa shiheshin edhe pasime krejt të gabuara, që tregonin qartë një mungesë totale koordinimi mes lojtarëve gjermanë.

Një pasim u gabuar nga Boateng për pak prodhoi një gol për Holandën, që në gjithë fushën ishte fitimtarë dhe më e shpejtë në çdo top.

Mbrojtje e çoroditur

Është diçka që rrallë thuhet ekipet gjermane, por në këtë moment mbrojtja gjermane është në një gjendje shqetësuese.

Çorganizimi u pa qartë te goli i parë i Holandës, kur Manuel Nojer nuk e llogariti si duhet trajektoren e topit dhe nuk mundi të bënte asgjë kur Rajan Babel kërceu me lart nga gjithë mbrojtësit dhe me pas Van Dijk shënoi me portën e boshatisur.

Gjermania vuajti edhe pas golit të parë dhe Ginter me fat evitoi një gol nga Babel, ndërsa kundërsulmi holandez dukej gjithnjë shumë i rrezikshëm, derisa shënoi edhe dy gola në fundin e ndeshjes.

Vetëbesim në nivel të ulët 

Toni Kroos doli hapur në mbrojtje të trajnerit Lëv para ndeshjes, duke reaguar ndaj kritikave të Mikael Balak, por gjithnjë e më shumë po duket se Gjermania është në rrugën e gabuar dhe po ulët besimi që njeriu i duhur për ta nxjerrë nga kriza është Lëv.

Kauza e trajnerit Lëv nuk është ndihmuar as nga problemet që ka në këtë moment Bajerni i Mynihut. Pesë nga 11 titullarët e Lëvit luajnë për Bajernin dhe janë në krizë, duke mos qenë në nivelin e zakonshëm. Në të shkuarën blloku Bajern ka qenë vendimtar te Gjermania, tani është tkurrur shumë dhe duket pa asnjë peshë.

Të martën Gjermania luan në Francë dhe duhet reagim i fortë. A mund të vijë kthesa ndaj kampionëve të botës?

Megjithatë, dita e rekordit u prish nga Holanda, që i shkaktoi një humbje të thellë, duke shtuar presionin mbi trajnerin gjerman. Për herë të parë në histori Gjermania nuk shënon në 3 ndeshje rresht dhe për herë të parë humbet kaq thellë ndaj Holandës.

Botërori ishte skandaloz, por u kalua qetësisht në Gjermani, pasi u mendua se vetë Lëv do i gjente gabimet dhe do i zgjidhte.

Megjithatë, revolucioni i parashikuar nuk po ndodh, shumë lojtarë mbeten të paprekshëm dhe rendimenti i veteranëve është modest. E vërteta e hidhur është se Gjermania nuk ka më talente dhe të gjithë kapen pas Leroj Sane, por tashmë largimi i trajnerit është një mundësi që po bëhet serioze.

“E ardhmja ime? E di që ekziston ky debat dhe duhet të përballemi me të. Megjithatë, për dy ditët në vazhdim do të fokusohem vetëm te përgatitja e skuadrës para ndeshjes në Paris kundër Francës, pa u marrë me debatin që ka nisur, edhe pse është shumë normal”.

Për sa i përket humbjes në Holandë, Lëv e sheh problemin te sulmi: “Kemi gjuajtur pa fund në ndeshjet e fundit, por është fakt që nuk po shënojmë më. Humbja 1-0 do ishte e pranueshme, por të pësuarit e dy golave në fund është natyrisht rezultat i keq”.

3 – The Netherlands have beaten Germany with a 3+ goal margin for the first time in history. Historic. pic.twitter.com/rDscgOKO64

— OptaJohan (@OptaJohan) October 13, 2018

Menaxheri i përgjithshëm i kombëtares gjermane, Oliver Birhof ka lënë të kuptohet se gjigantët e Bundesligës, Bajerni i Mynohut do të bëjë një përpjekje të madhe në verë për të joshur trajnerin e kampionëve të botës Joakim Lëv. Por, Berhof ka deklaruar se ai do të bëjë gjithçka për të bllokuar çdo lëvizje të mundshme të Lëvit nga Gjermania drejt stolit të Bajernit. Gjermania ka siguruar kualifikimin për në kampionatin botëror si vendi i parë në grup dhe vitin e ardhshëm shkon në Rusi e bindur për të mbrojtur titullin e fituar në vitin 2014 në Brazil. Lëv do të drejtojë Gjermaninë në “Rusi 2018”, që do të përkojë me vitin e tij të 12-të në krye të “Pancerave”. Por sipas medieve gjermane dhe jo vetëm, Lëv ka nisur të tundohet nga ideja për të drejtuar Bajernin e Mynihut. Bavarezët pasi kanë shkarkuar Karlo Ançelotin fill pas humbjes 0-3 nëe Paris në Ligën e Kampioneve kanë emëruar trajner provizor deri në fund të sezonit teknikun e tripletës Jup Hajnkes. Dhe deri në qershorin e vitit të ardhshëm Bajerni do të kërkojë të rekrutojë një trajner të ri, ku një ndër emrat më të përfolur është ai i trajnerit të Gjermanisë kampionen e botës në fuqi Joakim lëv. Menaxheri i Gjermanisë, Oliver Birhof duke folur për televizionin gjerman “ARD” ka pranuar se Bajerni është i interesuar për Jogi Lëvin dhe në verë do të bëjë të pamundurën për ta bindur atë të lërë kombëtaren gjermane dhe drejtojë rekordmenët e titujve në Bundesligë.

Deklarata e Birhof – Oliver Birhof ka çuditur disi me deklaratën e tij në lidhje me të ardhmen e Joakim Lëv në krye të Gjermanisë. Një ditë para ndeshjes kundër Azerbajxhanit ai ka deklaruar se nuk ka asnjë shans që Lëv të lërë Gjermaninë pë rtë marrë Bajernin. Por ditën e ndeshjes (dje), Birhof ka qenë më i dyzuar në qëndrimin e tij. Ndonëse nga ana tjetër ai ka saktësuar se do të bëjë të pamundurën për të bllokuar një kalim të mundshëm të Jogi Lëvit në stolin e Bajernit. “Në futboll nuk ka asnjë të pamundur, kurrë mos thuaj kurrë. Asgjë nuk mund të përjashtohet – ka thënë Birhof për televizionin gjerman ARD – Ai është një trajner me cilësi të jashtëzakonshme dhe që mund të drejtojë çdo klub në botë. Unë jam i bindur se Bajerni është shumë i interesuar për të marrë nën drejtimin e vet trajnerin Joakim Lëv. Por mos harroni se Jogi ka një kontratë deri në vitin 2020 me Gjermaninë. Nëse bavarezët do të tentojnë t’i afrohen atij do të bllokoj çdo lëvizje.”

Hainkes ka konfirmuar se ka biseduar me drejtuesit e Bajernit, por ka kërkuar kohë që të vendosë, ndaj Lëv është i bindur se është zgjedhja e duhur: “Hainkes është një trajner me shumë eksperiencë, i cili ka arritur suksese të mëdha dhe ka një ndikim të madh në skuadër. Në situatën në të cilën ndodhet Bajerni, Hainkes është sigurisht një zgjedhje shumë e mirë”.

Ndërkaq, edhe një nga armiqtë e Ançelotit, qendërmbrojtësi Zherom Boateng, mirëpret Hainkes: “Jup nuk ka nevojë për komente. Ai është një trajner i madh, me shumë eksperiencë dhe shumë takt”.

“Erdhëm këtu për gjysmëfinalen, por me kalimin e kohës filluam të kuptonim se gjërat mund të ktheheshin në favorin tonë. Skuadra reagoi shumë mirë ndaj Kilit, një skuadër solide dhe shumë luftarake. Lojtarët e mi ndoshta nuk kanë eksperiencën e duhur ndërkombëtare, por janë yje, edhe pse disa nuk njihen në gjithë botën. Pragmatistë? Jo, ne morëm maksimumin, që është trofeu. E përsëris: jam i emocionuar dhe dua të shkoj të përqafoj të gjithë pjesëtarët e ekipit tonë”, – u shpreh Lëv.

Brenda pak ditësh, Gjermania ka triumfuar në Europianin e 21-vjeçarëve dhe më pas në Konfederata, me lojtarë shumë të rinj: “Këto dy turne na japin vetëbesim të jashtëzakonshëm, por për këta lojtarë puna sapo ka nisur, duhet të konfirmohen edhe vitin e ardhshëm dhe më pas. Për të kapur majën dhe për të luajtur në nivelet më të larta gjithnjë, ajo është një sfidë më e madhe. Baza është e mirë, vitin e ardhshëm shpresojmë të luftojmë deri në fund për trofeun.

Lëvi i bën komplimente kapitenin Julian Draksler: “Ai ka ndryshuar gjatë viteve të fundit, ka fituar eksperiencë dhe mund të ishte edhe në Europianin e fundit. Tani është në lartësinë e duhur, u tregua një kapiten i shkëlqyer, jo vetëm në fushë. Ai ka komunikuar jashtëzakonisht me skuadrën, u tregua lider dhe është një fitimtar”.