Siç raportohet nga mediat italiane, kuqezinjtë kanë bërë një ofertë konkrete për kroatin, por që është refuzuar nga Liverpuli. Pritet që Milani të rikthehet me një ofertë të dytë ditët e ardhshme.

Nga Anglia, mediat raportojnë se Liverpuli i ka vendosur çmimin kampionit të Europës, që është 25 milionë euro. Në rast se kjo shumë nuk barazohet nga Milani, Lovren do të qëndrojë në Anfield Road. Mbetet për t’u parë nëse Milani do të paguajë 25 milionë për shërbimet e kroatit, që në të kaluarën ka luajtur për Lionin dhe Sauthemptonin.

Lovren, Gomez, dhe Van Dajk do të jenë mungesat e trajnerit gjerman Klop. Van Dajk është i pezulluar nga kartonët, ndërsa Lovren dhe Gomez janë të dëmtuar. I vetmi qendërmbrojtës i gatshëm për Liverpulin do të jetë Matip, por dhe ky i fundit ka pësuar shumë dëmtime këtë sezon dhe nuk është në 100% të formës së tij.

Nuk dihet ende se çfarë skeme mund të përdorë Klop për sfidën përballë Bajernit, por këto mungesa priten të shfrytëzohen nga Bajerni i Mynihut, skuadër që e ka rritur shumë nivelin në javët e fundit.

Pavarësisht se Bekam ishte një nga lojtarët më të saktë me pasimet dhe krosimet e tij, ajo video ishte e edituar. Kompania “Pepsi” tashmë ka nënshkruar kontratë me yllin e Liverpulit, Mohamed Salah. Edhe ky i fundit do të jetë personazhi kryesor i një reklame.

Egjiptiani ka postuar një video në Instagramin e tij zyrtar, ku shihet qartë se po përgatitet për reklamën ku do të marrë pjesë. Shoku i tij i skuadrës, Dejan Lovren, ka marrë vëmendjen më të madhe, pasi ka komentuar: “100% e vërtetë!” dhe një emoji të Pinokut, çka tregon qartë se ajo video ishte e edituar.

Ndeshja me Anglinë ka një rëndësi të madhe për ekipin ballkanas, pasi një fitore mund ta çojë në vendin e parë në grup, por me një humbje do të zbriste në Ligën B. Në anën tjetër një barazim pa gola do i çonte kroatët në vendin e fundit, ndërsa një barazim me gola do bënte që Anglia të zbresë poshtë tyre në renditje. Trajneri kroat e pranon se skuadra e tij është e lodhur, pasi është e vështirë që të luash ndaj Spanjës, ndaj do e kënaqte dhe një barazim në ndeshjen me skuadrën e Southgejt.

“Është hera e tretë që ndeshemi me Anglinë në pak kohë dhe skuadrat e njohin njëra-tjetrën. Do të jetë një ndeshje e fortë, por duhet ta pranoj se jemi paksa të lodhur, kjo për faktin se kemi vetëm pak kohë në dispozicion pas ndeshjes me Spanjën. Do më kënaqte dhe një barazim. Anglia ka lojtarë të rinj dhe të shpejtë”.

Ekipet në përgjithësi janë munduar që mos të ndryshojnë fytyrën e tyre në dy ndeshjet e para dhe shumë lojtarë kanë ngelur akoma pa u aktivizuar, ose janë aktivizuar jashtëzakonisht shumë pak. E përditshmja spanjolle “Marca” ka bërë formacionin e lojtarëve që janë aktivizuar shumë pak ose aspak deri tani në këtë Champions.

Një formacion ku spikasin emra si Kurtua, Keita Balde, Gelson Martins apo dhe finalisti i vjetshëm Dejan Lovren. Gjithashtu Vidal, Draksler apo Kaliniç e Mahrez janë pjesë e këtij formacioni.

Së fundmi, konkretisht ditën e sotme kroati ka postuar një foto me Mohamed Salah duke dhënë edhe mendimin e tij për formacionin më të mirë të vitit të shpallur nga FIFA. Duket se mbrojtësi kroat nuk është dakord me mos përfshirjen në formacion të shokut të tij të skuadrës.

Lovren gjithashtu ka bashkangjitur edhe një shkrim krahas fotos me Salah ku ka shkruar: “I përfshirë për treshen më të mirë në Botë, por jo dhe aq i mirë sa për t’u përfshirë në 11-shen më të mirë.”
Një reagim deri dikur me të drejtë i mbrojtësit, por nuk ka dhënë një mendim ende, për çmimin e golit më të mirë që mori shoku i tij i ekipit, gol i cili u komentua shumë në çdo media.