Los Angeles Galaxy

Ibra “Zot” në Amerikë, tripletë fantastike në derbi

Sport Ekspres — Sat, 20 Jul 2019 07:00:06 +0000

Zllatan Ibrahimoviç është ndër ata futbollistë që ka fjalët i ka të shumta, por në të njëjtën suedezi është edhe një njeri i veprave. Sulmuesi e ka shprehur në shumë raste se mendon që është lojtari më i mirë në kampionatin amerikan “MLS” dhe me paraqitjen e pabesueshme të bërë në derbin e qytet Los Angeles, askush s’mund ta kundërshtojë suedezin.

Ibrahimoviç udhëhoqi Los Angeles Galaxy drejt fitores në derbin me Los Angeles FC. 37-vjeçare shënoi të tre golat e fitores 3 – 2 të ekipit të tij. Klasi nuk mund të mungonte në asnjë prej finalizimve, sidomos në rastin e parë.

Në golin e dytë Ibrahimoviç tregon aftësitë në duelet ajër, ndërsa në golin e tretë e majta e suedezit është po aq “vrastare” para portës sa dhe këmba e tij e preferuar. Me tripletën e realizuar në derbi Ibrahimoviç kap shifrën e 17 golave në po kaq ndeshje të “MLS”.

Los Angeles Galaxy 3 – 2 Los Angeles FC
Shënues: Ibrahimoviç 8’, 56’, 70’ / Vela 4’ (pen), 90+7’

VIDEO | Ibra makineri golash, ndëshkon edhe Toronton

Sport Ekspres — Fri, 05 Jul 2019 07:47:28 +0000

Zlatan Ibrahimovicc vazhdon të shënojë dhe nuk pyet për moshën. Sulmuesi suedez i ka dhënë fitoren Los Anxhelos Galaksi, teksa ka realizuar dy herë në triumfin 2-0 që kanë arritur në shtëpi kundër Toronto FC.

Suedezi i ka shënuar golat në pjesën e dytë. Golin e parë e shënoi me një goditje me kokë në minutën e 75-të, duke zhbllokuar ndeshjen, kurse tjetrin një minutë para përfundimit të kohës së rregullt. I vetëm me portierin kundërshtar, Ibra nuk mund të gabonte.

Urim “alla Zlatan”, Ibrahimoviç nuk di të jetë normal

Sport Ekspres — Tue, 25 Dec 2018 10:30:38 +0000

Zlatan Ibrahimoviç njihet për karakterin e tij dhe për deklaratat e shpeshta që bën nëpër media apo intervistat që jep, duke lavdëruar veten. Pak kohë më parë, sulmuesi zyrtarizoi qëndrimin në Amerikë për një tjetër sezon dhe tha se viti i parë ishte sa për nxehje, këtë sezon ndihet më mirë dhe do jetë ndryshe, pavarësisht se është një vit me i vjetër.

Gjithsesi, tani në festat e fundvitit, gjiganti është shndërruar përsëri në protagonist. Mbrëmjen e kaluar, 37-vjeçari postoi një foto në llogarinë e tij në Instagram, që mori shumë vëmendje. Ishte urimi i sulmuesit për Krishtëlindjet, por jo një urim normal, një urim “alla Ibra”,

Një foto e një xhuxhi, i cili tregonte gishtin e mesit dhe në përshkrimin e fotos shkruhej: “Merry Chriztmaz”. Shkronja “z” në vend të shkronjës “s”, simbolizon emrin Zlatan. Në një mënyrë apo në një tjetër, suedezi di gjithmonë të jetë në qendër të vëmendjes…
https://www.instagram.com/p/Brx172bAxCv/?utm_source=ig_web_copy_link

Ibrahimoviç: Erdha këtu për të mbyllur karrierën, jo për t’u larguar!

Sport Ekspres — Wed, 19 Dec 2018 11:56:05 +0000

Zlatan Ibrahimoviç ishte një ndër emrat më të përfolur në kuadër të merkatos së janarit. Gjiganti suedez shihej shumë pranë një transferimi te Milani, por ditët e fundit çdo gjë u zyrtarizua, me 37-vjeçarin që vendosi përfundimisht të vazhdojë të qëndrojë te Los Anxhelos Galaksi.

Në lidhje me çështjen e qëndrimit në Amerikë, suedezi ka folur për mediat, duke thënë se kurrë nuk u largua nga Los Anxhelosi. Gjithashtu, sulmuesi ka zbuluar se karriera e tij do të mbyllet në Amerikë. Ndër të tjera, Ibra tregoi se ende nuk ka ndryshuar, duke thënë se tani ndihet akoma më mirë fizikisht, pavarësisht se është 37 vjeç tashmë.

“U përfolën shumë gjëra, por unë kurrë nuk u largova. Nuk kam mbaruar akoma me MLS-në, kam akoma gjëra për të bërë. Sezoni im i parë ishte sa për nxehje, sezoni i dytë do të jetë ndryshe. Tani i njoh më mirë kundërshtarët e mi, por edhe kampionatin, për më tepër ndihem më mirë fizikisht. Erdha këtu për të mbyllur karrierën, jo për t’u larguar.”

Ibra flet për rikthimin e mundshëm në Evropë: Ju zbuloj prioritetin tim!

Sport Ekspres — Wed, 07 Nov 2018 12:41:28 +0000

Zllatan Ibrahimoviç është aktualisht pjesë e Los Anxhelos Galaksi, ku u transferua pas aventurës së tij në Angli te Mançester Junajtid. Suedezi ka bërë një sezon të kënaqshëm, pavarësisht se ekipi i tij nuk arriti të bëhej pjesë e fazës “play-off”. 37-vjeçari ka shënuar 22 gola dhe 10 asist në 27 sfida të luajtura me fanellën e amerikanëve.

Gjithsesi, sezoni tashmë është mbyllur dhe spekulimet e fundit bëjnë fjalë, që Ibra do të transferohet në Evropë në merkaton e janarit. Një rikthim i mundshëm i tij te Milani është përfolur shumë, por jo vetëm. Në një intervistë të fundit, të dhënë për uebsajtin zyrtar të klubit të Los Anxhelos Galaksi, Ibrahomoviç zbulon që prioriteti i tij është klubi amerikan, pavarësisht interesimit nga Evropa.

“Klubi i njeh të gjitha dëshirat e mia, të gjitha kërkesat e mia. Ata janë shumë pozitivë dhe kanë qenë shumë të mirë me mua. Më kanë ndihmuar mua dhe familjen time me gjithçka që kam nevojë. Kam një marrëdhënie të mirë me të gjithë. Le të themi se nuk jam i shqetësuar. Nuk është sekret, ka interes nga Evropa, por prioriteti im është Galaxy. Jam këtu dhe jam i lumtur që jam këtu”.

Ndërkohë presidenti i Los Anxhelos Galaksi gjithashtu ka folur mbi këtë situatë duke thënë: “Ne po bisedojmë. Prioriteti ynë si klub është për ta mbajtur atë këtu. Jemi vetëm në bisedat fillestare, sezoni sapo është mbyllur. Do të vazhdojmë të kemi bisedime dhe shpresoj të bëhet zgjidhja më e mirë si për klubin ashtu dhe për Zllatanin”.

Dramatike, Zlatan Ibrahimoviç jashtë “playoff”-it

Sport Ekspres — Mon, 29 Oct 2018 11:07:29 +0000

Mjaftonte një fitore për Los Anxheles Galaksi për të parë magjitë e Zlatan Ibrahimoviç edhe në “play-off”. Fatkeqësisht gara është mbyllur këtu për skuadrën kalifornianë, që u mposht në shtëpi me rezultatin 2-3 nga Hjuston Dinamo.

Gjithçka e hedhur poshtë, pasi Kamara arriti të shënonte dy gola dhe Los Anxheles Galaksi e mbylli pjesën e parë me avantazhin e dyfishtë. Por në pjesën e dytë ndodhi edhe ajo që nuk pritej. Fillimisht shënoi Kuioto dhe më pas Manotas me penallti.

https://www.facebook.com/MLS/videos/187900938753447/

2-2, në një ndeshje që për Hjuston Dinamo nuk kishte asnjë vlerë. Xhovani Dos Santos zbriti në fushë për të ndihmuar LA Galaksi, por pa sukses. Manotas shënoi edhe golin e tretë dhe më pas miqtë arritën të bëjnë rezistencë dhe të fitojnë.

Ibra mbetet jashtë “playoff”-it, sikurse edhe Xhovinko. Italiani ishte në fushë në ndeshjen e djeshme që Toronto fitoi 4-1 kundër Atlanda Junajtid. Sulmues shtatshkurtër ishte autor i golit të katërt për skuadrën e tij.

https://www.facebook.com/MLS/videos/2638892119583025/