Los Angeles Clippers

VIDEO | “Përbindëshi” Durant barazon rekorde, Warriors në gjysmëfinale

Sport Ekspres — Sat, 27 Apr 2019 07:16:46 +0000

Golden State Warriors ka zgjidhur çështjen e kualifikimit, pasi ka triumfuar në ndeshjen e gjashtë të serie play-off. Kampionët në fuqi mposhtën me rezultatin 110-129 Los Angeles Clippers dhe kalojnë në gjysmëfinalet e Konferencës së Lindjes. Kundërshtari për ta do të jetë Houston Rockets.

Kevin Durant u tregua një përbindësh në parket, teksa arriti të shënojë plot 50 pikë (rekord personal). Ai bëhet i gjashti basketbollist që arrin të shënojë 45+ pikë në dy ndeshje radhazi në fazën play-off. Më parë e kanë bërë diçka të tillë Kobe Bryant, Michael Jordan (tre herë), Jerry West, Bernard King dhe Russell Westbrook.

Durant, veç 50 pikëve, shërbeu pesë herë për shokët e skuadrës si dhe regjistroi 6 rebound. Një tjetër rekord për Durant ishte numri i pikëve në dy periodat e para. Basketbollisti i kampionëve në fuqi arriti të shënonte 38 pikë dhe bëhet i dyti që ia del ta bëjë diçka të tillë, pas Charles Barkley në vitin 1994.

#DubNation @KDTrey5 ERUPTS for a #NBAPlayoffs career-high 50 PTS (15-26 FGM, 6 3PM) as the @warriors win Game 6 on the road and advance! #StrengthInNumbers

HOU/GSW Game 1: Sunday (4/28), 3:30pm/et, ABC pic.twitter.com/uDqOS6CR4y

— NBA (@NBA) April 27, 2019

Stephen Curry (26 pikë, 6 asiste, 6 rebound) ishte gjithashtu në lartësinë e duhur, ndërkohë që një paraqitje të mirë bëri edhe Draymond Green. Ky i fundit regjistroi “triple-double”: 16 pikë, 10 asiste, 14 rebound. Draymond Green dhe Shai Gilgeous-Alexander shënuan respektivisht 29 dhe 22 pikë për Clippers, që e mbyllin këtu sezonin në NBA.

NBA | Serie Play-Off (Raundi i parë)
Los Angeles Clippers-Golden State Wariors 110-129 (2-4)

VIDEO | Clippers nuk pyesin as për Durant, Rockets në gjysmëfinale

Sport Ekspres — Thu, 25 Apr 2019 07:16:40 +0000

Houston Rockets bëhet skuadra e dytë që kalon në gjysmëfinalet e Konferencës së Perëndimit. Ata kanë mundur Utah Jazz 100-93 dhe pas pesë ndeshjes janë kualifikuar dhe presin të mësojnë nëse do përballen me Golden State Warriors apo Los Angeles Clippers. Kampionët në fuqi u mposhtën mbrëmjen e djeshme 121-129, por kryesojnë 3-2.

Jazz u mundua t’ia bëjë të vështirë Rockets, por këta të fundit me një diferencë të lehtë arritën të triumfonin. Lideri si zakonisht ishte James Harden (26 pikë, 6 asiste, 6 rikuperime), por një kontribut të vyer dhanë edhe Clint Capela (16 pikë, 2 asiste, 10 rikuperime), Chris Paul (15 pikë, 5 asiste, 8 rikuperime) dhe Eric Gordon (15 pikë, 3 asiste, 3 rikuperime).

Kampionët në fuqi, edhe pse Kevin Durant shënoi 45 pikë (gjithashtu dha 6 asiste e rikuperoi 6 topa), nuk ia dolën të mbyllnin çështjen e kualifikimit me Los Angeles Clippers. Stephen Curry (24 pikë) dhe Klay Thompson (22 pikë) gjithashtu bënë mirë, por ishte e pamjaftueshme. Lou Williams (33, 10, 4) ishte në një ditë të mirë dhe së bashku me Danilo Gallinari (26 pikë, 2 asiste, 7 rikuperime) dhe Montrezl Harrell (24 pikë, 2 asiste, 5 rikuperime).

NBA | Serie Play-Off (Raundi i parë)
Houston Rockets-Utah Jazz 100-93 (4-1)
Golden State Warriors-Los Angeles Clippers 121-129 (3-2)

VIDEO | Habisin Warriors, Clippers regjistrojnë përmbysjen rekord

Sport Ekspres — Tue, 16 Apr 2019 07:17:46 +0000

Golden State Warriors e ka marrë mesazhin, ndaj Los Angeles Clippers nuk do të jetë edhe aq e lehtë. Seria e raundit të parë të finaleve në “play-off” është barazuar, pasi ndeshja e dytë mes këtyre dy ekipeve u mbyll me rezultatin 131-135. Ndeshja nisi mirë me kampionat në fuqi, të cilët në dy periodat e para dominuan dhe rezultati ishte 73-50.

? the @LAClippers erase a 31-PT deficit to top GSW on the road and even the series at 1-1! #ClipperNation pic.twitter.com/aPTNVMTXge

— NBA (@NBA) April 16, 2019

Më pas Clippers shpërthyen dhe arritën të përmbysnin gjithçka. Kjo përmbysje është edhe një rekord, pasi në fazën “play-off” nuk ndodhte që një skuadër që kishte shënuar 31 pikë më pak ta kthente rezultatin në favor. Në vitin 1989 e kishte vendosur rekordin Los Angeles Lakers, që pasi e kishte parë veten në disavantazh të 29 pikë me Seattle, ia kish dalë të fitonte. Tanimë rekordi është i Clippers.

Për t’u rikthyer te ndeshja, Stephen Curry (29 pikë, 6 asiste, 1 rikuperim) dhe Kevin Durant (21 pikë, 5 asiste, 5 rikuperime) bënë një ndeshje të mirë, por nga ana tjetër mosketierët e Clippers ishin më lart. Lou Williams (36 pikë, 11 asiste, 2 rikuperime), Montrezl Harrell (25 pikë, 2 asiste, 10 rikuperime) dhe Danilo Gallinari (24 pikë, 6 asiste, 4 rikuperime) morë për dore skuadrën e tyre dhe iu gëzuan fitores.

Philadelphia 76ers i është kundërpërgjigjur Brooklyn Nets, duke triumfuar 145-123. Tashmë seria e përballjeve mes tyre barazohet në 1-1. Joel Embiid ishte shënuesi më i mirë, me 23 pikë, ndërkohë që edhe rikuperoi 10 topa. Ben Simmons regjistroi triple-double (18 pikë, 12 asiste, 10 rikuperime) dhe ishte vendimtar me paraqitjen e tij, por një ndihmesë të madhe dhanë edhe Tobias Harris (19 pikë), JJ Redick (17 pikë), Boban Marjanoviç (16 pikë) dhe Mike Scott (15 pikë).

Philadelphia 76ers-Brooklyn Nets 145-123 (1-1)
Golden State Warriors-Los Angeles Clippers 131-135 (1-1)

Rockets likuidojnë Timberwolves, festojnë edhe Clippers

Sport Ekspres — Mon, 18 Mar 2019 09:02:38 +0000

Houston Rockets ka triumfua kundër Minnesota Timberwolves me rezultatin 117-102. Chris Paul mori skenën, teksa shënoi 25 pikë dhe asistoi 10 herë. Po kaq herë shërbeu edhe James Harden për shokët e skuadrës, ndërkohë që realizoi vetëm 2 pikë, sikurse edhe Clint Capela. Ky i fundit spikati edhe me 13 topat e rikuperuar. Karl-Anthony Towns ishte më i miri për miqtë, teksa shënoi 22 pikë, asistoi 6 herë dhe rikuperoi 10 topa.

Fitore e vlefshme për Los Angeles Clippers, që kaloi me sukses Brooklyn Nets me shifrat 119-116. D’Angelo Russell (32 pikë, 5 asiste, 10 rikuperime) nuk ia doli të përballonte dot forcën e grupit të Clippers. Lou Williams (25 pikë), Danilo Gallinari (20 pikë, 5 asiste, 11 rikuperime) dhe Montrezl Harrell (20 pikë, 1 asist, 10 rikuperime) ishin ata që nderuan vendasit në arritjen e rezultatit pozitiv.

Orlando Magic kaloi me sukses Atlanta Hawks. Kjo ndeshje përfundoi 101-91 dhe ishte Nikola Vuçeviç njeriu i ndeshjes, pasi shënoi 27 pikë, dha 3 asiste e rikuperoi 20 topa. Fitore edhe për Sacramento Kings, që mposhtu Chicago Bulls me rezultatin 129-102.

Orlando Magic-Atlanta Hawks 101-91
Sacramento Kings-Chicago Bulls 129-102
Houston Rockets-Minnesota Timberwolves 117-102
Los Angeles Clippers-Brooklyn Nets 119-116

Lakers pikiatë, Bucks befasohen nga Suns. Spurs thyejnë Nuggets

Sport Ekspres — Tue, 05 Mar 2019 09:18:36 +0000

Phoenix Suns ka befasuar Milwaukee Bucks me rezultatin 114-105, edhe me Giannis Antetokounmpo (21 pikë, 6 asiste, 13 rikuperime) në parket. Një fitore që nuk vlen shumë, por edhe që nuk bën dëm. Kelly Oubre Jr ishte ai që spikati për Suns, teksa shënoi 27 pikë dhe rikuperoi 13 topa.

Los Angeles Lakers është mposhtur në derbi nga Los Angeles Clippers me shifrat 105-113. Një takim i nisur mirë për Lakers, që shënuan 8 pikë më shumë në periodën e parë, por më pas Clippers e kthyen gjithçka në favorin e tyre. Lebron James (27 pikë, 6 asiste, 8 rikuperime) dhe Rajon Rondo me “triple-double” (24 pikë, 12 asiste, 10 rikuperime) nuk ia dolën të nxjerrin skuadrën e tyre triumfuese.

San Antonio Spurs-Denver Nuggets ishte një ndeshje emocionuese, që u mbyll 104-103. Miqtë e panë veten në disavantazh, teksa në fund të tre periodave Spurs kishin realizuar 16 pikë më shumë. Në fund një pikë i ndau skuadrat. DeMar DeRozan (24 pikë, 7 asiste, 6 rikuperime) dhe LaMarcus Aldridge (22 pikë, 2 asiste, 9 rikuperime) triumfuan kundër dyshes Jamal Murray-Nikola Jokiç, autorë të 25 dhe 22 pikëve në këtë përballje.

Brooklyn Nets-Dallas Mavericks 127-88
Miami Heat-Atlanta Hawks 114-113
San Antonio Spurs-Denver Nuggets 104-103
Phoenix Suns-Milwaukee Bucks 114-105
Utah Jazz-New Orleans Pelicans112-115
Sacramento Kings-New York Knicks 115-108
Los Angeles Lakers-Los Angeles Clippers 105-113

VIDEO | Bien Warriors dhe Raptors, Lebron James rikthehet fuqishëm

Sport Ekspres — Fri, 01 Feb 2019 10:28:19 +0000

Stephen Curry me 41 pikët e tij, apo Kevin Durant me 25, nuk e kanë shpëtuar dot Golden State Warriors. Kampionët në fuqi janë mposhtur pas 11 fitoreve radhazi nga Philademphia 76ers me rezultatin 104-113. Miqtë bënë diferencën në periodën e tretë, pasi shënuan 16 pikë më shumë se Warriors. Joel Embiid (26 pikë, 5 asiste, 20 topa të rikuperuar) Ben Simmons (26 pikë, 6 asiste, 8 topa të rikuperuar) bënë një paraqitje shumë të mirë për 76ers.

Takim tjetër i rëndësishëm ishte Toronto Raptors-Milwaukee Bucks. Miqtë fituan 92-105 dhe ishin shtatë basketbollistë që realizuan më shumë se 10 pikë. Giannis Antetokounmpo numëroi 19 pikë në këtë takim. Për Raptors spikati Pascal Siakam me 28 pikë të shënuara.

LeBron James është rikthyer dhe i ka dhënë fitoren Lakers kundër Clippers. Një ndeshje e vendosur në shtesë dhe që përfundoi 120-123. “The King” shënoi 24 pikë, ndërkohë që dha 9 asiste e rikuperoi 14 topa. Fitore me mjaft vlera për Lakers

Detroit Pistons-Dallas Mavericks 93-89
Orlando Magic-Indiana Pacers 107-100
Toronto Raptors-Milwaukee Bucks 92-105
San Antonio Spurs-Brooklyn Nets 117-114
Golden State Warriors-Philademphia 76ers 104-113
Los Angeles Clippers-Los Angeles Lakers 120-123

VIDEO | Warriors marshojnë me Curry-Durant, Spurs thyejnë Timberwolves

Sport Ekspres — Sat, 19 Jan 2019 08:50:19 +0000

Golden State Warriors regjistron fitoren e radhës. Këtë herë kampionët në fuqi kaluan me sukses Los Angeles Clippers me rezultatin 94-112. Stephen Curry me 28 pikë, si dhe dhe Kevin Durant me 24, ishin ata që morën për dore Warriors, sigurisht edhe me ndihmën e Thompson e të tjerët. Clippers bënë rezistencë në dy periodat e para, ndërkohë që Tobias Harris (28 pikë) dhe Shai Gilgeous-Alexander (24 pikë) nuk patën mbështetjen e duhur nga shokët e skuadrës.

San Antonio Spurs ia ka dalë të marrë një fitore me vlera kundër Minnesota Timberwolves. 113-116 u mbyll përballja mes këtyre dy skuadrave, teksa LaMarcus Aldridge (25 pikë) dhe Rudy Gay (22 pikë) ishin ata që udhëhoqën teksanët drejt triumfit të 27-sezonal.

Kyrie Irving (38 pikë, 11 asiste, 7 topa të rikuperuar) ishte në një formë të mirë dhe ndihmoi goxha me paraqitjen e tij Boston Celtis, që mundën 122-116 Memphis Grizzlies. Fitore edhe për Portland Blazers kundër New Orleans Pelicans. 128-112 u mbyll ky takim dhe spikati si zakonisht Damian Lillard, realizues i 24 pikëve

Orlando Magic-Brooklyn Nets 115-117
Boston Celtics-Memphis Grizzlies 122-116
Detroit Pistons-Miami Heat 98-93
Minnesota Timberwolves-San Antonio Spurs 113-116
Utah Jazz-Cleveland Cavaliers 115-99
Portland Blazers-New Orleans Pelicans-128-112
Los Angeles Clippers-Golden State Warriors 94-112

VIDEO | James Harden është i papërmbajtshëm, Anthony Davis thyen Clippers

Sport Ekspres — Tue, 15 Jan 2019 11:06:58 +0000

James Harden është një monstër. Basketbollisti i Houston Rockets arriti të shënonte plot 57 pikë në fitoren 112-94 të arritur ndaj Memphis Grizzlies. Një shifër rekord për Harden, që nuk bie prej shumë ndeshjesh nën 30 pikë. Për Rockets kjo ishte fitorja e 25-të sezonale.

Disfatë për Los Angeles Clippers, që ngeci ndaj New Orleans Pelicans dhe u thye me rezultatin 117-121. Danillo Gallinari (25 pikë) dhe Montrezl Harrell (26 pikë) u dorëzuan para Anthony Davis (46 pikë, 4 asiste, 16 topa të rikuperuar) Julius Randle (27 pikë, 5 asiste dhe 6 topa të rikuperua), të cilët ishin në një formë mjaft të mirë dhe ndihmuan Pelicans të fitonte.

Damian Lillard me 35 pikët e shënuar nuk ia doli të festonte, Portland Trail Blazers u mund nga Sacramento Kings 115-107. Utah Jazz ka kaluar me sukses Detroit Pistons, në një ndeshje që u mbyll me shifrat 100-94. Donovan Mitchell arriti të realizonte 28 pikë, kurse Rudy Gobert 18. Ky i fundit arriti të ishte vendimtar me topat e rikuperuar, pasi e bëri diçka të tillë 25 herë

Brooklyn Nets-Boston Celtics 109-102
Houston Rockets-Memphis Grizzlies 112-94
San Antonio Spurs-Charlotte Hornets 93-108
Utah Jazz-Detroit Pistons 100-94
Sacramento Kings-Portland Trail Blazers 115-107
Los Angeles Clippers-New Orleans Pelicans 117-121

VIDEO | Raptors e Clippers nuk ndalen, Lakers pa “kokë”

Sport Ekspres — Mon, 07 Jan 2019 08:33:03 +0000

Toronto Raptors nuk di të ndalet, teksa këtë herë ka mundur 121-105 Indiana Pacers dhe ka shkuar në kuotën e 30 fitoreve. Ndryshe situata te Los Angeles Lakers, që pa LeBron James ka marrë vetëm një fitore në ndeshjet e fundit. Këtë herë i ka mposhtur Minnesota Timberwolves 108-86. Karl-Anthony Towns (28 pikë, 3 asiste, 18 topa të rikuperuar) dhe Andrew Wiggins (28 pikë) arritën të likuidonin Lakers.

Tobias Harris (28 pikë, 2 asiste, 9 topa të rikuperuar) udhëhoqi Los Angeles Clippers në fitoren ndaj Orlando Magic me rezultatin 106-96. Oklahoma City Thunder është befasuar nga Washington Wizards, që fitoi 98-116. Paul George (20 pikë) dhe Russell Westbrook (22 pikë, 13 asiste, 15 topa të rikuperuar) nuk e ndalën dot humbjen e skuadrës së tyre. Për Wzards spikatën Bradley Beal dhe Otto Porter Jr., të cilët shënuan respektivisht 25 dhe 20 pikë.

Minnesota Timberwolves-Los Angeles Lakers 108-86
Chicago Bulls-Brookly Nets 100-117
Los Angeles Clippers-Orlando Magic 106-96
Atalanta Hawks-Miami Heat 106-82
Oklahoma City Thunder-Washington Wizards 98-116
Toronto Raptors-Indiana Pacers 121-105
Phoenix Suns-Charlotte Hornets 113-119

Clippers likuidojnë Maveriks, Harden nuk mjafton për Rockets

Sport Ekspres — Fri, 21 Dec 2018 10:35:20 +0000

Los Angeles Clippers kanë gjetur rrugën e fitores, teksa kanë mposhtur 125-121 Dallas Mavericks. Një ndeshje e nisur mirë, me dy periodat e para që u mbyllën me 11 pikë diferencë. Skuadra nga Teksasi u mundua ta përmbyste rezultat8in, por pa sukses. Italiani Danilo Gallinari vijon me paraqitjet e mira, teksa shënoi 32 pikë. Edhe shoku i tij i skuadrës, Louis Williams, ishte në një ditë “po” dhe realizoi 26 pikë. Për Mavericks nuk mjaftoi Luka Doncic me 32 pikët e tij.

Houston Rockets e nisi mirë kundër Miami Heat, por në fund u mund me shifrat 101-99. Perioda e parë u mbyll 21-33, ndërkohë që vendasit reaguan në të dytën (32-25) duke e ngushtuar diferencën. Në periodën e tretë (29-18) Miami Heat ishte më lart dhe përmbysi gjithçka. Paraqitja e mirë e James Harden (35 pikë, 12 asiste, 6 topa të rikuperuar) shkoi dëm.

Miami Heat-Houston Rockets 101-99
Los Angeles Clippers-Dallas Mavericks 125-121

LeBron James përulet para Harden, Clippers shpartallohet nga Spurs

Sport Ekspres — Fri, 14 Dec 2018 08:38:50 +0000

James Harden ka qenë i papërmbajtshëm dhe Houston Rockets ka mundur Los Angeles Lakers 126-111. Plot 50 pikë të shënuara, ndërkohë që “triple double” plotësohet me 11 asiste e 10 topa të rikuperuar. Lebron James është dorëzuar para tij, teksa ka shënuar vetëm 29 pikë. E gjithë diferenca u bë në periodën e fundit, ku Rockets treguan forcën e tyre.

Los Angeles Clippers kanë rrëshqitur sërish. Humbja e 11-të për ta, ndërkohë që këtë herë i ka shpartalluar San Antonio Spurs me rezultatin 125-87. LaMarcus Aldridge ishte ai që spikati për teksanët, teksa realizoi 27 pikë. Gjashtë më pak shënoi Rudy Gay.

Chicago Bulls janë të pafuqishëm, teksa Orlando Magic u kanë shkaktuar humbjen e 23-të sezonale. Nikola Vu?evi?, me 26 pikët e shënuara, udhëhoqi skuadrën e tij në një triumf 97-91. Phoenix Suns kanë befasuar Dallas Mavericks, pasi u mundën teksanët 99-89. Shkëlqeu T.J. Warren me 30 pikë të realizuara për Suns.

Houston Rockets-Los Angeles Lakers 126-111
San Antonio Spurs-Los Angeles Clippers 125-87
Orlando Magic-Chicago Bulls 97-91
Phoenix Suns-Dallas Mavericks 99-89

Toronto nuk përmbahet, sukses dhe për Spurs e Houston

Sport Ekspres — Wed, 12 Dec 2018 10:17:17 +0000

Toronto ka regjistruar suksesin e 22-të këtë edicion duke triumfuar ndaj Los Angeles Clippers në transfertë me shifrat 99 – 123. Që në fillim miqtë bënë më mirë, duke fituar në periodën e parë me 13 pikë epërsi. Në periodën e dytë u mendua se situata mund të ndryshonte dhe Clippers mund të tentonin përmbysjen, pasi në fund të dyja skuadrat kishin marrë të njëjtën sasi pikësh,

Gjithsesi, Toronto i vuri vulën suksesit në periodën e tretë duke triumfuar me rezultatin e thellë 17-33. Edhe pse vendasit patën sukses në 10 minuta e fundit nuk mjaftuan që të rivalizonin në këtë takim.

Një fitore të vuajtur dhe me përmbysje ka marrë skuadra e Houston Rockets, pasi dy periodat e para folën për Portland Trail Blazer , por vendasit gjetën forcat që në gjysmën e dytë të lojës të përmbysnin rezultatin. Një fitore të lehtë ka regjistruar skuadra e San Antonio Spurs, e cila ka triumfuar ndaj Phoenix Suns në shifrat 111 – 86.

Rezultatet

Houston Rockets 111 – 103 Portland Trail Blazer

San Antonio Spurs 111 – 86 Phoenix Suns

Los Angeles Clippers 99 – 123 Toronto Raptors

Lebron James merr për dore Lakers, “rrëshqasin” Nuggets dhe Clippers

Sport Ekspres — Sun, 09 Dec 2018 10:00:10 +0000

Los Angeles Lakers ia kanë dalë me sukses të mposhtin Memphis Grizzlies 88-111. LeBron James (20 pikë, 9 asiste, 8 topa të rikuperuar) dhe Kyle Kuzma (20 pikë, 6 asiste, 9 topa të rikuperuar) udhëhoqën skuadrën e tyre, që regjistroi fitoren e 16-të sezonale.

Miami Heat ka befasuar Los Angeles Clippers, duke fituar 98-121. Dwyane Wade ka spikatur me 25 pikë të shënuara për skuadrën e tij. Disfatë edhe për Denver Nuggets. Atlanta Hawks i mposhti 106-98 falë paraqitjes mjaft të mirë të John Collins (30 pikë, 5 asiste, 12 topa të rikuperuar).

James Harden shënoi 35 pikë për Houston Rockets, por në fund skuadra e tij u mposht 107-104 nga Dallas Mavericks. Në rrugë të mbarë Indiana Pacers, që theu Sacramento Kings 107-97. Portland Trail Blazers mposhti Minnesota Timberwolves 113-105, ndërkohë që Damian Lillard shënoi 28 pikë.

Dallas Mavericks-Houston Rockets 107-104
Indiana Pacers-Sacramento Kings 107-97
Atlanta Hawks-Denver Nuggets 106-98
Cleveland Cavaliers-Washington Wizards 116-101
Neë York Knicks-Brooklyn Nets 104-112
Chicago Bulls-Boston Celtics 77-133
Memphis Grizzlies-Los Angeles Lakers 88-111
Portland Trail Blazers-Minnesota Timberwolves 113-105
Los Angeles Clippers-Miami Heat 98-121

I papërmbajtshmi Durant nuk mjafton, festojnë Raptors! James udhëheq Lakers

Sport Ekspres — Fri, 30 Nov 2018 11:22:03 +0000

Përballje “e hekurt”: Toronto Raptors-Golden State Warriors. Në fund janë dashur shtesat dhe kanadezët kanë fituar me rezultatin 131-128. Kampionët në fuqi presin të rikthehet Stephen Curry, ndërkohë që Kevin Durant ka qenë në një formë të shkëlqyer. Gjithsesi 51 pikë, 6 asistet dhe 11 topat e rikuperuar nuk kanë mjaftuar për kampionët në fuqi.

Durant ishte ai që e çoi në shtesë ndeshjen, duke realizuar për tre pikë në fund dhe koha e rregullt u mbyll 119-119. Në parket festoi edhe Curry, por shtesat folën për Raptors që arritën të shënonin më shumë dhe të regjistronin fitoren e 19-të sezonale. Kawhi Leonard spikati me 38 pikë të shënuara.

LeBron James udhëhoqi Los Angeles Lakers drejt fitores 104-96 kundër Indiana Pacers. “Mbreti” realizoi 38 pikë për skuadrën e tij, që e nisi vrullshëm dhe shënoi 17 pikë më shumë se Pacers në periodën e parë. Reagimi i miqve erdhi menjëherë, pasi diferenca u ngushtua. Dy periodat e fundit ishin thuajse të barabarta dhe në fund Lakers festuan fitoren e 12-të.

Marshojnë Los Angeles Clippers. Triumfi i 15-të, këtë herë në transfertë kundër Sacramento Kings. Nisje e vrullshme, teksa perioda e parë u mbyll 26-42. King në të dytën befasuan, pasi realizuan 42 pikë, kundrejt 29 të Clippers. Diferenca ishte vetëm tre pikë pas gjysmës së parë të takimit.

Në dy periodat e tjera Clippers ishin më lart, duke fituar 25-30, 28-32. Në fund rezultati i përgjithshëm ishte 121-133. Tobias Harris dhe Montrezl Harrell ishin ata që spikatën, teksa shënuan 28 dhe 24 pikë për skuadrën mike.

Toronto Raptors-Golden State Warriors 131-128
Los Angeles Lakers-Indiana Pacers 104-96
Sacramento Kings-Los Angeles Clippers 121-133

Warriors “të vegjël” para James Harden, Nuggets rikthehet te fitorja

Sport Ekspres — Fri, 16 Nov 2018 08:52:10 +0000

Moment jo për Golden State Warriors. Kampionët në fuqi janë mundur nga Houston Rockets 107-86, në një ndeshje ku Kevin Durant realizoi vetëm 20 pikë. Pa Stephen Curry, Warriors kanë pasur luhatje kohët e fundit dhe kjo humbje ishte e katërta sezonale për ta. James Harden ishte ai që bëri diferencën dhe i dha fitoren Rockets.

Denver Nuggets janë rikthyer te fitorja dhe në mënyrë më bindëse, pasi kanë triumfuar kundër Atlanta Hawks me rezultatin e thellë 138-93. Juan Hernangómez spikati mbi të tjerët, por duhet thënë se ishin plot gjashtë basketbollistë të tjerë që shënuan mbi dhjetë pikë në përballjen e sotme.

Paraqitje të mira të Los Angeles Clippers, që kaluan me sukses San Antonio Spurs. Një paraqitje e mirë në grup për vendasit, teksa Lou Williams shënoi 23 pikë. Më i miri në parket ishte DeMar DeRozan i Spurs. Plot 34 pikë të shënuara prej tij, por në fund Clippers ishin ata që triumfuan.

Houston Rockets – Golden State Warriors 107-86
Denver Nuggets – Atlanta Hawks 138-93
Los Angeles Clippers – San Antonio Spurs 116-111

Milwaukee Bucks i tregojnë forcën edhe kampionëve, dëmtohet Curry

Sport Ekspres — Fri, 09 Nov 2018 11:48:16 +0000

Golden State Warriors janë të fortë, por jo të pathyeshëm. Së fundmi i ka mposhtur Milwaukee Bucks 111-134, madje duke e dominuar ndeshjen. Humbja e dytë për kampionët në fuqi dhe që i vjen nga një rival për titullin kampion. Takimi u dominua nga miqtë, që në tre periodat e para arritën të realizonin 26 pikë më shumë se Warriors.

Stephen Curry (pësoi edhe një dëmtim në kofshë) ishte në hije, pasi shënoi vetëm 10 pikë. Shtatë më shumë realizoi Durant, ndërsa më i miri për skuadrone tij ishte Thompson me 24 pikë. Giannis Antetokounmpo (24 pikë, 4 asiste, 9 rikuperime), Eric Bledsoe (26 pikë, 6 asiste, 4 rikuperime) dhe Malcolm Brogdon (20 pikë) ishin të pandalshëm dhe i dhanë fitoren Milwaukee Bucks.

Paul George dhe Stevean Adams udhëhoqën Oklahoma City Thunder drejt triumfit kundër Houston Rockets me rezultatin 98-80. Fitorja e shtatë për vendasit, që tanimë duket se kanë gjetur rrugën e duhur. Portland Trail Blazers ka bërë detyrën kundër Los Angeles Clippers, në një ndeshje që u mbyll 116-105.

Damian Lillard me 25 pikë dhe C. J. Mccollum me 23 pikë ishin dy më të mirët në parket. Phoenix Suns është thyer për të nëntën herë këtë sezon, teksa këtë herë i ka mposhtur 109-116 Boston Celtics. Kyrie Irving arriti të shënojë për miqtë plot 39 pikë, një më shumë se Devin Booker i Suns.

Oklahoma City Thunder-Houston Rockets 98-80
Portland Trail Blazzers-Los Angeles Clippers 116-105
Phoenix Suns-Boston Celtics 109-116
Golden State Warriors-Milwaukee Bucks 111-134

NBA | Boston rekord historik, Milwaukee Bucks regjistron humbjen e parë

Sport Ekspres — Fri, 02 Nov 2018 09:44:52 +0000

Vijon kampionati i NBA, teksa janë luajtur dhe gjatë takime të tjera. Mbi të gjitha ka tërhequr vëmendje suksesi i arritur nga Boston Celtics që ka mundur me rezultatin 117-113 Milqaukee Bucks. Këta të fundit pësuan humbjen e parë për këtë edicion, por nuk ishte ky lajmi i madh.

Boston ka regjistruar një rekord të madh, pasi është thyer rekordi i trepikëshave në një ndeshje. Plot 24 herë lojtarët e Boston u treguan të saktë nga jashtë zone. Gjithsesi nuk ishte një ndeshje dhe aq e lehtë, pasi kundërshtari nuk kishte humbur asnjë ndeshje deri në këtë përballje.

Emocionuese ishte dhe ndeshja mes Oklahoma City Thunder dhe Charlotte Hornets, që përfundoi me rezultatin 111-107. Cleveland Cavaliers nuk mundën që të bënin diçka në sfidën me Denver Nuggets duke u mundur me rezultatin 110-91. Për t’u veçuar dhe dominimi i Sacramento Kings, që mori një sukses 146-115 ndaj Atlanta Haqks.

Rezultatet
Oklahoma City Thunder 111-107 Charlotte Hornets
Denver Nuggets 110-91 Cleveland Cavaliers
Philadelphia 76ers 122-113 Los Angeles Clippers
Sacramento Kings 146-115 Atlanta Hawks
Boston Celtics 117-113 Milwaukee Bucks
Portland Trail Blazers 132-119 New Orleans Pelicans

Denver dhe Pelicans janë super, Griffin udhëheq Pistons

Sport Ekspres — Wed, 24 Oct 2018 12:42:29 +0000

Denver Nuggets vijojnë serinë e fitoreve në NBA. Këtë herë kanë mposhtur Sacramento Kings në shtëpi me rezultatin 126-112. Tre perioda të dominuara prej tyre dhe në fund lëshuan, por diferenca e akumuluar ishte e madhe dhe në fund iu gëzuan fitores.

Nuggets e nisëm mirë, teksa periodën e parë e mbyllën 33-26. Sërish në avantazh edhe në të dytën: 35-29. Gjysma e parë e lojës u mbyll me 13 pikë avantazh, ndërkohë që pas periodës së tretë u rrit në 24 pikë. Sacramento Kings shënoi dhjetë pikë më shumë në periodën e fundit, por që nuk mjaftonin për të përmbysur rezultatin.

Në rrugë të mbarë edhe New Orleans Pelicans, që thyen 116-109 Los Angeles Clippers. Gjysma e parë e lojës u mbyll me avantazhin e ngushtë të miqve, të cilët shënuan tre pikë më shumë. Me fillimin e periodës së tretë Pelicans treguan tjetër fytyrë, teksa e mbyllën atë 32-22. Ky avantazh i krijuar u mbrojt më pas, pasi perioda e fundit u mbyll në barazim 25-25.

Anthony Devis me 34 pikë e 13 topa të rikuperuar ishte njeriu i ndeshjes. Ndihmë të madhe dha edhe Nikola Mirotiç, me 18 pikë e 12 rikuperime. Për miqtë spikatën Tobias Harris (26 pikë, 3 asiste, 9 rikuperime) dhe Danilo Gallinari (24 pikë, 1 asist, 6 rikuperime).

NDESHJA SPEKTAKOLARE – Në Detroit kishte shfaqje dhe emocione, pasi Pistons fituan ndaj 76ers 133-132. Një ndeshje që kaloi në shtesë, pasi katër periodat e kohës së rregullt u mbyllën 120-120. Gjysma e parë e lojës ishte thuajse e barabartë, me miqtë që shënuan tre pikë më shumë.

Edhe perioda e tretë nisi mirë për ta, pasi fituan 26-30. kështu diferenca shkoi në 7 pikë, por Detroit Pistons reaguan dhe arritën të barazonin. Emocione në shtesë, me Detroit që arritën në fund të shënonin një pikë më shumë.

Joel Embiid tentoi në sulmin e fundit të realizonte nga jashtë zone, por nuk ia doli dot të kthehej në hero. Gjithsesi për ekipin e tij ishte më i miri me 33 pikë, 7 asiste dhe 11 rikuperime. Ndërkohë edhe JJ Redick shënoi 30 pikë për 76ers, por ishte Blake Griffin i Pistons që festoi në fund.

Në fakt e meritonte, duke parë faktin që arriti të shënojë plot 50 pikë. Jo vetëm kaq, por kreu edhe 14 rikuperime dhe asistoi gjashtë herë për shokët e tij. Detroiti vazhdon serinë e fitoreve, teksa kjo ishte e treta në radhë.

Detroit Pistons-Philadelphia 76ers 133-132
Denver Nuggets-Sacramento Kings 126-112
New Orleans Pelicans-Los Angeles Clippers 116-109