Loro Borici

Musolli: Po nuk fituam, Partizani zyrtarisht kampion

Sport Ekspres — Wed, 27 Mar 2019 19:41:38 +0000

Besar Musolli nuk aktivizohet me Kukësin qe prej muajit shtator. Në takimin e së premtes ndaj Partizanit, mesfushori do të jetë i gatshëm për trajnerin Ramadan Ndreu.

Në një intervistë për “Supersport”, Musolli foli për gjendjen e tij fizike, takimin ndaj rivalëve për titull dhe faktin që sfida do të luhet në “Loro Boriçi”.

GJENDJA FIZIKE – “Ka një muaj e gjysmë që kam filluar të bëj stërvitje me grupin. Shyqyr zotit gjithçka ka shkuar mirë. Ndihem 95% gati, patëm një miqësore ku u aktivizova për rreth 30 minuta dhe çdo gjë ishte mirë. Tani varet nga trajneri nëse do të aktivizojë ose jo”.

PARTIZANI – “Normalisht deri tani kanë bërë shumë pasi dhe fakti që janë nëntë pikë larg nesh tregon që kanë bërë shumë mirë. Mendoj se kjo ndeshje është një finale për ne sepse po na mundën ose barazuan mendoj se janë zyrtarisht kampion”.

STADIUMI – “E para mendoj se fusha e “Loro Boriçit” të ndihmon të luash futboll, pasi siç dihet fusha e Kamzës nuk është dhe aq e mirë. Ne kemi zhvilluar ndeshje të tjera atje që na kanë sjellë fat, shpresoj që dhe kjo të sjellë fat për ne”.

Kukësi-Partizani, ja në cilin stadium do të luhet kryendeshja e javës

Sport Ekspres — Sun, 24 Mar 2019 16:57:06 +0000

Kukësi dhe Partizani do të përplasen për herë të tretë mes tyre këtë sezon, një sfidë shumë e rëndësishme për të dyja skuadrat. Kjo ndeshje mund të përcaktojë dhe fatet e titullit kampion, pasi në rast te një fitoreje të “Demave të Kuq”, Kukësi do të kishte thuajse të pamundur të rivalizonte më. Megjithatë, nëse verilindorët triumfojnë, distanca mes skuadrave do të zvogëlohej dhe titulli mund të quhet një çështje e hapur.

Sfida mes dy kryesuesve do të ngre siparin e javës 26-të në Superiore, të premten ora 18:00. Dilema e madhe ishte se në cilin stadium do të luhet kjo sfidë dhe vetëm pak momente më parë, gjithçka është vendosur. Kukësi dhe Partizani do të luajnë në Shkodër, në stadiumin “Loro Boriçi”. Për këtë ndeshje, nuk do të ketë hyrje falas, por ende nuk dihen çmimet zyrtare të biletave.

Rikthehen koret ofenduese, tifozët kapen me Panuçin

Sport Ekspres — Fri, 22 Mar 2019 21:15:39 +0000

Pak minuta pas pësimit të golit të dytë, një pjesë e tifozëve në “Loro Boriçi” filluan të bënin kore ofenduese ndaj trajnerit Kristian Panuçi. E njëjta gjë ndodhi dhe gjate ndeshjes ndaj Skocisë po në të njëjtin stadium disa muaj më parë.

Vetë trajneri nuk bëri asnjë reagim pas koreve ofenduese duke i qëndruar i qetë.

VIDEO | Spektakli nis nga tribunat, TKZ shpalosin koreografinë

Sport Ekspres — Fri, 22 Mar 2019 19:52:09 +0000

Nuk mund të mungonte një surpriza nga tifozët e kuqezinj të shkallët e “Loro Boriçi”, grupimi që ndjek çdo takim të kombëtares sonë prej më shumë se dekade përgati një koreografi të veçantë, që u shpalos në fillim të takimit.

Një skicë e kalasë së Krujës së bashku me flamurin shqiptar dhe poshtë saj vendosur mbishkrimi: “KËTU FITOJMË NE”.

Hysaj: Shiriti i kapitenit më gëzon, do të jetë një natë fantastike

Sport Ekspres — Fri, 22 Mar 2019 14:42:00 +0000

Në mungesë të Mërgim Mavrajt të pezulluar shiriti i kapitenit të kombëtares shqiptare do t’i kalojë Elseid Hysajt. Në një intervistë për “Supersport”, futbollisti shkodran u shpreh se e gëzon shumë fakti që do të jetë kapiteni i ekipit përfaqësues dhe për më tepër në qytetin e tij të lindjes.

“Të gjithë lojtarët do të donin të ishin kapiteni i kombëtares së futbollit. Është një gëzim shumë i madh për mua aq më tepër që ndeshja luhet në qytetin tim. Besoj se do të jetë një natë fantastike për mua”.

“Besoj se është një kundërshtar shumë i fortë. Do luftojmë për të marrë pikë. Po punojmë fort që të nxjerrim një rezultat të mirë. Klima në ekip është shumë e mirë. Është një grup i mirë, kemi shumë lojtarë që po marrin minutazh të plotë. Shpresoj që të marrim 6 pikë në të dyja ndeshjet, fusha do e tregojë”, përfundoi Hysaj.

Rrugëtimi në “Euro2020” nis kundër Turqisë, ja çmimi i biletave

Sport Ekspres — Wed, 13 Feb 2019 22:41:33 +0000

Shqipëria do ta luajë ndeshjen e parë kualifikuese për “Euro2020” përballë Turqisë dhe kjo shihet si një sfidë që mund të fitohet nga kuqezinjtë. Takimi do të luhet në stadiumin “Loro Boriçi” në Shkodër dhe pritet të jetë një stadium i tejmbushur, duke pasur parasysh se kjo është sfida e parë dhe më e rëndësishmja e këtyre kualifikuesve.

Janë publikuar dhe çmimet e biletave nga kompania “blinibileta.com ”. Një biletë në tribunën VIP, kushton 18 mijë lekë (të reja), ndërsa në tribunat A dhe B kushtojnë 8 mijë lekë. Çmimet më të ulëta janë në tribunat C2, C3, C4, E2, E3, E4, që kushtojnë 1 mijë lekë.

Çmimet e biletave

“Loro Boriçi” në dorën e Bashkisë, Ademi: Do shfrytëzohen dhe ambientet rreth stadiumi

Sport Ekspres — Fri, 28 Dec 2018 16:38:19 +0000

Me rinovimin e stadiumit “Loro Boriçi”, Bashkia Shkodër humbi të drejtën e administrimit të ambienteve të stadiumit, por pritet që së shpejti, situata të rikthehet si më parë. Në një prononcim për mediet, Kryebashkiakja Voltana Ademi, njoftoi nisjen e procedurave për marrjen në dorëzim të stadiumit.

“Ka nisur procedura e dorëzimit të dokumentacionit. Mbetet relacioni teknik, që përmbyllet nga kolaudimi i punimeve të kryera, çka është një pjesë teknike. Më pas, Bashkia Shkodër pret që të marrë në dorëzim stadiumin”.

“Ne presim që në hapësirat e tjera, të destinuara për t’u përdorur, t’i vëmë në dispozicion për ekipet e shumsportëshit të Vllaznisë, të cilat i ushtrojnë aktivitetin e tyre në pallatin e sportit dhe kanë domosdoshmëri edhe hapësira të tjera, për t’u vënë në shërbim dhe Loro Boriçi mund t’ua japë”, tha kryebashkiakja.

VIDEO | Shkëlqejnë kuqezinjtë e vegjël, gol në kohë rekord në fitoren e sotme

Sport Ekspres — Thu, 22 Nov 2018 13:43:42 +0000

Kombëtarja e Shqipërisë U-15 ka fituar bindshëm ndaj kundërshtarëve malazez me rezultatin 3 – 0. Takimi miqësor u zhvillua në stadiumin “Loro Boriçi” Shkodër. Si rrallë herë më parë për t’u zhbllokuar shifrat u deshën vetëm 9 sekonda.

Autori i golit në kohë rekord ishte sulmuesi i Tiranës Melsi Çereni. Golin e dytë për tanët e shënoi mesfushori i Briansit Erald Maksuti në minutën e 39-të, ndërsa golin e fundit të takimit e realizoi lojtari i Akademisë së Futbollit Arseld Halilaj në minutën e 53’.

Skuadra e drejtuar nga Eqerem Memushaj do të zhvilloj një takim të dytë miqësor ndaj Malit të Zi, kësaj radhe si udhëtues, pasi do të udhëtojnë drejt Podgoricës pas dy ditësh.

Kazakët bëjnë ligjin në Shkodër, Vllaznia mundet thellë

Sport Ekspres — Wed, 24 Oct 2018 16:58:03 +0000

Skuadra e 19-vjeçarëve të Vllaznisë nuk ka mundur të përmbysë në “Loro Boriçi”, kundërshtarët kazak të Astanës që vinin në Shqipëri pasi kishin fituar takimin e parë me rezultatin 3-1. Ekipi i drejtuar nga Luan Zmijani e ka mbyllur aventurën në “UEFA Youth League” duke u mundur me rezultatin e thellë 4-0.

Goditja e parë për shkodranët erdhi në minutën e 37-të, teksa Zhumadilov çoi Astanën në avantazh. Gjatë pjesës së dytë Vllaznia pësoi dhe tri gola të tjerë, të gjithë të shënuar nga Sultan Sagnajev në minutën e 61’, 79’ dhe 89’.

Vllaznia 0 – 4 Astana

Shënues: Zhumadilov 37’, Sagnajev 61’, 78’, 89’ (pen)

Vllaznia: Qarri, Rahova (Sekja 70’), Repaj, Shima, Smajli (Kovaçi 52’), Mehja (Hoxha 53’), Ndreca, Qardaku, Asllani, Palushani, Lisaj. Trajner: Luan Zmijani.

“Loro Boriçi” pa zgjidhje, peng i dokumentacionit

Sport Ekspres — Tue, 21 Aug 2018 11:25:18 +0000

Në Shkodër ka edhe një çështje tjetër për t’u zgjidhur dhe lidhet me stadiumin “Loro Boriçi”. Bashkia e Shkodrës së fundmi ka kërkuar nga FSHF që të marrë në dorëzim stadiumin, por ka një problem në lidhje me dokumentacionin, që nuk është i plotë.

“Star Plus Tv” raporton se mungojnë leja e ndërtimit dhe akti i kolaudimit, por edhe të tjera dokumentacione, që mbajnë peng kalimin e “Loro Boriçit” në duart e Bashkisë Shkodër.

FSHF nga ana tjetër ka qenë e qartë, teksa më 11 korrik i ka dërguar një shkresë Bashkisë Shkodër. Këtij institucioni i janë ofruar dy variante: ose ta marrë Bashkia përsipër menaxhimin, ose vetë FSHF-ja.

“Loro Boriçi”, shtëpi edhe për… Laçin

Sport Ekspres — Tue, 24 Jul 2018 08:23:49 +0000

Kukësi, pasi nuk ka bërë asnjë punim në stadiumin “Zeqir Ymeri”, është detyruar që sezonin e ardhshëm të luajë në Shkodër. Verilindorët e kanë nisur me ndeshjet e kupave të Europës, ndërkohë që do të luajnë gjithë kampionatin si pritës në stadiumin “Loro Boriçi”.

Veç kuksianeve, edhe Laçi do të luajë në këtë stadium si pritës, por vetëm në rast se do të kualifikohen për në turin e tretë të Europa League. “Sport Ekspres” mëson se drejtuesit kurbinas kanë regjistruar në UEFA pikërisht këtë stadium për turin pasardhës.

Ndeshjen e kthimit me Molden do e zhvillojnë në stadiumin e tyre, pasi i plotëson kushtet për të luajtur një ndeshje të raundit të dytë të Europa League. Bardhezinjtë kanë zhvilluar një ndeshje të një niveli të tillë edhe më parë.

Kundër Zoria Luhansk është luajtur pikërisht në stadiumin e Laçit. Ukrainasit fitonin në verën e vitit 2014 me rezultatin 0-3. Në Ukrainë ndeshje e kthimit përfundoi sërish me fitoren e Zorias, por me rezultatin e ngushtë 2-1.