Kjo ka ndikuar që drejtuesit të shprehin dëshirën për të mos e kthyer në “Anfield”, por të zgjasin periudhën e huazimit. Në një intervistë për mediet turke, Karius i shpall dashurinë Beshiktashit. Ka pasur oferta nga Anglia dhe Gjermania, por klubi aktual është special për të.

“Kam mësuar nga agjenti im se tre klube gjermane dhe dy anglezë kanë bërë ofertë për të më pasur. I kam refuzuar sepse Beshiktash është shumë i veçantë për mua”, deklaroi gardiani.

Pas kësaj në skenë ka dalë një nga skuadrat e mëdha të Serie A, pikërisht Roma. Mediet italiane raportojnë se klubi kryeqytetas interesohet për Loris Karius. Olsen nuk ka shfaqur shumë siguri dhe një afrim i një tjetër portieri shihet si mundësi serioze. Forma e Karius në ndeshjet e fundit e bind Romën.

Sipas raportimeve të “Fotomac”, gjermani pëlqehet nga Roma. Verdhekuqtë janë të zhgënjyer nga Olsen dhe pritet ta shesin portierin viking.

Karius është ndër emrat e preferuar, ndërsa alternativa të tjera janë dhe Kranjo (Kaljari), Pau Lopez (Betis) dhe Pierluixhi Golini (Atalanta).

Një mundësi perfekte për ish-portierin e Liverpulit, i cili mund të provojë emocionet e Serie A me qëllim harrimin e gafave fatale të shkaktuara në finalen e humbur të Champions Ligës kundër Realit (2018).

Gardiani gjerman do të mbahet mend gjatë për dy gafat e tij në finalen e vitit të kaluar, por ai mbetet pjesë e familjes së Liverpulit edhe pse është pjesë e Beshiktashit edhe për një sezon si pjesë e një marrëveshje huazimi.

Sipas “Daily Mail”, Karius e ka refuzuar këtë ftesë. Ndoshta kujtimet e finales së shkuar mund t’i rikthehen dhe portieri mund të përlotet përsëri siç bëri një vit më parë.

Siç duket kjo deklaratë e trajnerit ka bërë që Karius të mos durojë më dhe ta nxjerrë të vërtetën sheshit. Portieri i huazuar nga Liverpuli është një ndër lojtarët më të paguar në skuadrën nga Stambolli me një pagë vjetore prej 5 milionë eurosh në sezon (bruto), por prej më shumë se katër muajsh ai nuk po paguhet.

Në këtë situatë nuk ndodhet vetëm Karius, por edhe shumë lojtarë të tjerë të Beshiktashit, një ndër to dhe Gokhan Tëre, të cilin klubi e ka detyruar të stërvitet prej muajsh të vetëm me një përgatitës atletik dhe së fundmi deklaroi për mediat turke se po pret që klubi t’i shlyejë 9 paga mujore.

Për këtë problem, Karius bëri një ankesë në UEFA më datë 20 shkurt, por kjo nuk solli ndonjë të mirë për gjermanin, i cili tani do të përballet me klubin e tij në një “betejë” ligjore, duke iu drejtuar gjykatës për të marrë atë që i takon.

Tashmë Karius po shijon eksperiencën e re në Turqi, por edhe atje nuk i janë ndarë gafat. Gjithsesi, pavarësisht kësaj, klubi i Beshiktash duket se ka besim të plotë te portieri. Presidenti i klubit turk mësohet të ketë kërkuar nga Liverpuli, blerjen përfundimtare të Karius.

“Karius është një portier i shkëlqyer, me shpresë në Zot do të firmosim me të duke e blerë përfundimisht. Jepini Kariusit kohë, thjesht kaq iu kërkoj dhe do ta shikoni se çfarë portieri i jashtëzakonshëm është”, ka përfunduar fjalët e tij presidenti i Beshiktash, Fikret Orman.

Lidhur me paraqitjet e portierit, mediat turke por edhe angleze, kanë raportuar ditët e fundit se Karius mund të largohet që në janar nga Beshiktash, pasi po e humbet pak e nga pak besimin e dhënë nga drejtuesit turq. Lidhur me lajmet e gazetave, 25-vjeçari ka reaguar me një postim në llogarinë e tij në “Instagram”, ku ka ironizuar me ato se çfarë thonë mediat.

“Kafja e para, budallallëqet e mediave të dytat”, shkruante në postimin e tij ish-portieri i Liverpul, ku shfaqet duke konsumuar kafe. Një përgjigje e menjëhershme e gjermanit, por në fushë po vazhdon të mbetet i njëjti. Do të kemi përmirësim nga ana e tij apo jo, kjo mbetet për t’u parë.