Lojtari refuzoi ofertat e klubeve të Juventus, Mançester Junajtid, Inter dhe Milan, me këta të fundit që ishin gati të paguanin më shumë se 30 milionë euro (klauzola e largimit) për shërbimet e tij. Lorenco, i cili është pjesë e klubit të Romës që në moshën 10-vjeçare, po luan në rolin e trekuartistit, rol që i pëlqen shumë dhe ku po jep më të mirën e tij.

Pelegrini i ka bindur të gjithë dhe drejtori Monçi ka programuar një takim me lojtarin për t’i ofruar rinovimin e kontratës. Kontrata aktuale i skadon në vitin 2022 dhe ka një klauzolë prej 30 milionë eurosh, ndërsa Roma është gati për t’i ofruar kontratën e re, që do sillte dhe rritjen e klauzolës së tij, sepse nuk mund të humbasësh një lojtar 22-vjeçar me kualitet për një shumë të tillë.

Siç citon “The Sun”, Mançesteri është i interesuar për Lorenco Pelegrinin. Trajneri portugez është gati për të nisur sulmin për 22-vjeçarin italian, i cili aktivizohet dhe me kombëtaren italiane, me të cilët ka zhvilluar gjashtë ndeshje.

Mesfushori shihet si një lojtar me potencial dhe ka karakteristikat e duhura për skemat e Murinjos, i cili do të tentojë të sigurojë shërbimet e tij në merkaton e janarit.