Lorenco Insinje

Stadiumi “sold out”, Insinje: Hera e katërt, duel i madh me Liverpulin

Sport Ekspres — Sun, 28 Jul 2019 16:09:41 +0000

Napoli dhe Liverpuli do të ndeshen mbrëmjen e sotme në Edinburg. E veçanta e kësaj miqësoreje është se janë shitur të gjitha biletat e mundshme dhe stadiumi do të jetë i mbushur me gjithë kapacitetin e tij (67 mijë tifozë).

Para ndeshjes ka folur një nga lojtarët kryesor të të kaltërve, kapiteni Lorenzo Insinje. Fantazisti shprehet i lumtur se do të përballet me kampionët e Evropës dhe dëshiron të shohë rritjen e ekipit pas pushimeve.

“Është një ndeshje e madhe. E katërta brenda një viti ndaj këtij kundërshtari. Duke luajtur ndaj një ekipi si ata kemi për qëllim të zbulojmë sesi është gjëndja jonë. Është shumë bukur të luash ndaj Kampionëve të Evropës”, u shpreh Insinje.

“Jam i lodhur nga vendi i dytë, Sarri nuk do e nisë mirë”

Sport Ekspres — Wed, 17 Jul 2019 19:39:40 +0000

Vitet e fundit Napoli ka qenë kundërshtari më konkurues i Juventusit. Gjithsesi, ka qenë shumë pak për të ndalur “Zonjën e Vjetër” të triumfojë. Lorenzo Insinje mendon se ka ardhur momenti i duhur, që titulli të vijë në Napoli.
Ai shprehet se është i lodhur nga vendi i dytë dhe ky sezon mund të finalizohet nga triumfi në Serie A. Edhe pse në Torino kanë ardhur kampionë të mëdhenj, mesfushori mendon se Sarri do të jetë pika e dobët e Juves. Ai nuk e nisi mirë në Napoli dhe nuk do e bëjë as në “Allianz Stadium”, sipas Insinjes.

“I lodhur nga vendi i dytë? Le të themi kështu. E dimë që kemi një kundërshtar të madh si Juventusi, por mendoj se këtë vit mund të ndryshojnë diçka me trajnerin e ri. Sarri nuk ka pasur një fillim të mirë te ne dhe nuk do e ketë as atje, megjithëse Juventus ka kampionë të mëdhenj”, u shpreh ylli axurr.

Milan tenton “dy zogj me nje gurë”, blen yllin e Napolit dhe afron ish-trajnerin

Sport Ekspres — Tue, 30 Apr 2019 21:11:37 +0000

Milani është në një krizë të thellë këtë sezon. Kuqezinjtë do të duhet të ndërhyjnë me patjetër në merkato për të bërë lëvizjet e duhura. Gatuzo është gati e sigurt se po jeton muajt e fundit si trajner i kuqezinjve. Mauricio Sarri dhe Lorenzo Insinje janë dy synimet e para në projektin për ta ngjitur Milanin. Lojtari nuk ndihet mirë në Napoli dhe me shumë mundësi do të largohet për të provuar një tjetër eksperiencë. Me një ofertë të lartë financiare, lojtari dhe Napoli do te bindeshin për ta përmbyllur transferimin.

Ndërkohë vendi i Mauricio Sarrit është duke u lëkundur. Trajneri dështoi ta çojë Çelsin tek titulli, madje është në dyshim të madh edhe prezenca në Champions për sezonin e ardhshëm. Kështu është shumë i mundur një largim i tij nga “Stamford Bridge”. Me ardhjen e Insinjes, drejtuesit kuqezinj do ta kishin të lehtë ta sillnin Sarrin në “San Siro”, pasi trajneri aty do të gjente lojtarin e tij të preferuar, tek i cili mund të mbështesë projektin e tij për Milanin e madh.

Ylli i Napolit pranë PSG-së, e shtyn agjenti i tij

Sport Ekspres — Wed, 24 Apr 2019 11:56:21 +0000

Lorenzo Insinje ka disa ditë që përfshihet në lajmet për një largim nga Napoli. Italiani është një nga lojtarët më cilësorë të të kaltërve, megjithatë kërkon një eksperiencë më konkuruese dhe dinamike. Mesfushori i avancuar dëshirohet nga disa klube të rëndësishme evropiane. Ai do të zinte një vend në 11-shen e çdo ekipi të madh.

Së fundmi, zhvillime të reja vijnë nga Italia për largimin e mundshëm të tij. Sipas “Corriere dello Sport”, agjenti i tij, Mino Raiola po mundohet ta bindë italianin e talentuar të transferohet në Paris gjatë merkatos së kësaj vere. Prania e Marko Verratit shton edhe më shumë idenë e transferimit te Insinjes te PSG, pasi ai do të bashkohej me një nga shokët e tij më të mirë.

Presidenti napoletan, De Laurentis në vitet e fundit nuk ka dashur të shesë yjet e ekipit dhe i ka vënë atyre çmime shumë të kripura. Kështu ka bërë edhe me Insinjen, të cilit i ka fiksuar shifrën e 100 milionë euro mbi supe. Çmim ky që është një pengesë për Al Kelaifin, jo për faktin se në Paris mungojnë paratë, por sepse rrezikohen të thyhen rregullat e “Fair-play” financiar të vendosur nga UEFA.

Kapiteni drejt largimit? Dy alternativa për Lorenco Insinjen

Sport Ekspres — Mon, 22 Apr 2019 13:55:07 +0000

Lorenco Insinje po tundohet nga ideja për të provuar një eksperiencë të re. Kapiteni i Napolit dëshiron që të luftojë për fitimin e trofeve dhe mund të ndërrojë ambient në fund të sezonit.

Dy janë klubet që interesohen për shërbimet e lojtarit ofensiv. Siç raporton “Il Mattino”, Milani dhe Atletiko e Madridit shihen si e ardhmja e Insinjes. E nisim nga kuqezinjtë.

Mauricio Sarri është dëshira e fundit për stolin dhe ardhja e tij te Milani mund të lehtësonte transferimin e Insinjes në veri të Italisë. Sarri ka treguar se mban raporte fantastike me ish-lojtarët e tij, Diçka e tillë u pa edhe në Londër.

Ai mori me vete Zhorzhinjon në verë te Çelsi dhe Higuain në janar. Gjithçka do të zbardhet në fund të sezonit, por kalimi i 27-vjeçarit në Milanelo do të ishte në të mirën e dy palëve.

Në garë është edhe Atletiko e Madridit. Zërat e largimit të Grizman drejt Bajernit të Mynihut po shtohen dhe nevojitet një zëvendësues. Klubi spanjoll pëlqen shumë Zhoao Feliks dhe është gati të paguajë klauzolën prej 120 milionë eurosh për të.

Megjithatë, “colchoneros” mendojnë edhe për Insinjen. Karakteristikat e tij janë ideale për skemat e Diego Simeones. Trajneri e pëlqen lojtarin italian dhe e sheh si partnerin e duhur për Alvaro Moratën në majën e sulmit.

VIDEO | Insinje “shkund merimangat”, mahnitet Mertens!

Sport Ekspres — Fri, 23 Nov 2018 08:21:01 +0000

Ardhja e Karlo Ançelotit në stolin e Napolit ka dhënë një efekt shumë pozitiv te lojtarët dhe skuadra. Mbi të gjitha te një lojtar, Lorenco Insinje. Karleto ka modifikuar rolin e 27-vjeçarit në fushën e blertë dhe një gjë e tillë po jep frytet e veta.

Më pak në krah e më shumë në qendër. Më pak detyra mbrojtëse e më shumë… gola! Insinje po e bën mirë një gjë të tillë dhe gëzon një formë fantastike.

Kjo gjë vihet re dhe në stërvitjet e Napolit. Insinje ka shënuar së fundmi një gol shumë të bukur në stërvitje, që merr dhe reagimin e Mertens. Një goditje me të djathtën dhe topi në trekëndësh. Goli befason dhe sulmuesin belg, i cili e shfaq me mimikë ndjesinë e përjetuar…

? Sacala del ángulo ??@Lor_Insigne hizo magia ???????@dries_mertens14 lo aprueba ???#ForzaNapoliSempre ? pic.twitter.com/zxRdAmE8Vf

— Oficial SSC Napoli (@sscnapoliES) November 22, 2018

Dedikimi romantik i Insinjes për gruan, “xhelozohet” Baloteli: “Po mua nuk më do më?”

Sport Ekspres — Tue, 25 Sep 2018 20:39:50 +0000

Lorenco Insinje dhe Mario Baloteli kanë një raport fantastik dhe në ndeshjen kundër Polonisë, luajtën në majën e sulmit të Italisë. Insinje, i cili po kalon një moment shumë të mirë te Napoli, ka postuar një foto në rrjete sociale, ku shfaqet me gruan e tij, Xheni.

Çifti ka darkuar jashtë dhe kanë shijuar mbrëmjen nën shoqërinë e një gote verë. Sulmuesi i Napolit ka bërë një dedikim të bukur për gruan e tij, duke përdorur fjalët e këngëtarit të famshëm italian, Xhovanoti. “Për ty, e cila ka bërë jetën time të bukur për vdekje. Për ty, e cila je gjëja më e bukur që më ka ndodhur. Për ty, e cila je thjeshtësisht esenca e ditëve të mia.”

Diçka e tillë ka “xhelozuar” sulmuesin e Nicës, i cili ka replikuar me humor në komentin e Insinjes. “Oh, po mua nuk më do më?” Momente ilariteti mes dy sulmuesve, të cilët duhet të marrin përdore sulmin e kombëtares së Mançinit, për të rikthyer Italinë aty ku e meriton.

View this post on Instagram

A te che hai reso la mia vita bella da morire A te che sei la miglior cosa che mi sia successa A te che sei semplicemente sei sostanza dei giorni miei ?

A post shared by Lorenzo Insigne (@lorinsigneofficial) on Sep 24, 2018 at 2:47pm PDT