“Jemi gati, kemi edhe një seancë stërvitore. Kemi analizuar ndeshjen dhe kemi parë rastet kur kishim topin ne dhe kundërshtari. Kemi nxjerrë mësimet e duhura. Na pret një ndeshje e vështirë, por ne luajmë shanset tona”, shprehet Lerda.

SITUATA  – Trajneri italian është i kënaqur me atë që po tregon skuadra e tij, ndërkohë që nuk zbulon asgjë sa i takon formacioni: “Jam i kënaqur me skuadrën. Normalisht kemi vend për përmirësim. Afrimet nuk janë ende në formën më të mirë. Kur të vijnë në formë, do kemi disa armë më të shumta. Të shohim në lidhje me formacionin. Do luajë kush e meriton. Trashi? Nuk e di, të shohim”, ka shtuar italiani.

KUALIFIKIMI – Ndeshja e parë në Tiranë ka përfunduar 0-0 dhe Partizanit i mjafton edhe një barazim me gola për të kaluar në raundin e dytë. “Kemi besim, nuk themi se kemi shpresa të mëdha. Luajmë ndaj një klubi me 25 milionë euro buxhet, disa herë kampion dhe që kanë luajtur në grupet e Champions League. Në futboll ndodh çdo gjë”, u shpreh Lerda.

Gjithsesi Trashi kishte treguar se ishte pjekur dhe se ishte gati të niste një aventurë jashtë vendit. Asnjë ofertë nuk e ka bindur Partizanin, që kërkon të përfitojë në aspektin financiar nga shitja e tij dhe Jasir Asanit, të cilët kanë pasur propozime konkrete nga jashtë vendit.

Së fundmi Trashi ka postuar një foto në llogarinë e tij në Instagram. Asnjë mesazh, por fotoja është nga ato që “flet”, pasi futbollisti i Partizanit shfaqet duke festuar me Guerrils. Çfarë ka dashur të thotë, vetëm ai e di.

Nuk ka informacion për ndonjë dëmtim të Trashit, apo nëse është një “dënim” për postimin e bërë në rrjetet sociale, ku paralajmëronte largimin verën e ardhshme. Në mesfushë ka vend për Kristi Koten, që do të luajë me Hilën dhe Telushin.

Sulmi ndryshon krejtësisht. Në majë pozicionohet Erald Çinari, autor i golit në sfidën me NS Mura. Rikthehet titullar nga e majta Uilliam Kordeiro, kurse në krahun tjetër Jasir Asani nuk e lëshin vendin.

Miqësore – E martë, më 2 korrik

Partizani-Krakovia
Partizani: Hoxha, Ibrahimi, Belica, Bitri, Hakaj, Telushi, Hila, Kote, Asani, Uilliam Kordeiro, Çinari. Trajner: Franko Lerda

Praktikisht sezoni për Hebajn ka përfunduar dhe pritet që së shpejti të kthehet te Domzhale, klub nga ku Partizani e ka marrë në huazim. Sulmuesi shënoi gjatë kampionatit vetëm 4 gola, dygolësha ndaj Tiranës dhe Flamurtarit.

Ndërkohë, sipas RTSH Sport, trajneri Skënder Gega do të ketë të gatshëm për ndeshjen me Kukësin edhe lojtarët që janë ftuar në kombëtare. Kështu, Esat Mala, Lorenc Trashi dhe Alban Hoxha do të jenë në fushë kundër verilindorëve.

Thuhet se e njëjta gjë do të ndodhë edhe me Bruno Telushin, i cili do të duhet të shlyejë pezullimin e mbetur në gjobë. Pas sfidës me Laçin ai u pezullua me katër ndeshje dhe deri më tani ka shlyer tre prej tyre. Që të aktivizohet kundër Kukësit mjafton të depozitojë në FSHF gjobën prej 1 milion lekësh, sikurse edhe e parashikon rregullorja.

PËRPLASJA – “Ka qenë në ndeshjen me Skënderbeun. Ka rezultuar mirë në ekip, ishte mësim për të gjithë. Kur gaboj unë, të tjerët nuk duhet ta bëjnë atë gabim. Ai ndëshkim që mora tregoi se klubi është mbi të gjitha dhe Asani, Mala apo Bardhi nuk mund ta bëjnë diçka të tillë. Pavarësisht se u humb, përgjegjësitë i mbajti trajneri. Na e tha që mbi të gjitha është Disiplina”.

RAPORTI ME TRAJNERIN – “Ka qenë vit ndryshe. Normalisht afrimiteti i trajnerit me lojtarët ka qenë ndryshe. Ky ishte çelësi i suksesit. Ky vit është më i suksesshmi, pasi vitet e tjera kemi shkuar deri në fund për shumë arsye”.

TITULLI – “Nuk ka pasur besim nga jashtë. U ndërtua ekip i ri. 3-4 vetë ishim nga vjet. Klubi mendoi për bazën e ekipit, jo vetëm për këtë vit. U mendua të bëhej ekipi i fortë për të ardhmen. U bë ekipi i duhur, krijuam besim dhe fituam titullin”.

GARA – “Dua të flas pak për konkurrencën. Nuk e kuptoj si thuhet kjo që Partizani nuk ka pasur konkurrencë. Ne ishim ekip i ri. Ishin disa që luanin për herë të parë në Superiore. Albani, Ibrahimi dhe unë ishim nga të vjetrit. Kukësi ka ekip të mirë dhe lojtarë që paguhen shumë. Skënderbeu ka lojtarë si Bregu, Vangjeli, Muzaka e Radas. Edhe Teuta po ashtu ka ekip të mirë. Duhet ta themi që jemi gjithë vitin në krye dhe nuk kemi pasur luhatje”.

FUNDI I NDESHJES – “Kur mbaroi ndeshja, u futën gjithë tifozët dhe nuk dilja dot. Ngela aty mes tyre. Njoha njërin prej tyre dhe i thashë: ‘Të lutem më nxirr nga këtu’. Sigurisht dola pa fanellën. Fitorja e titullit në derbi është shumë ndryshe. Do dilnim kampion edhe po të luanim në Elbasan Arena”, u shpreh Trashi gjatë emisionit.

ECURIA E KORÇARËVE – “Skënderbeu ka bërë 6-7 vite të mrekullueshme. Shqiptarët krenohen me kombëtaren, erdhi një moment që krenoheshin me Skënderbeun. Duhet ndjekur strategjia e tyre. Nuk është turp ta ndjekim edhe ne, në mënyrë që dhe Partizani të ecë në Europë”.

KËRKESA E TIFOZËVE PËR DERBIN – “Vitin e parë te Partizani, në derbi na erdhën tifozët dhe na takuan. Na kërkuan vetëm derbin, jo titullin. Erdhi moment që donin titullin, jo derbin. Ua plotësuam dhe i fituam të dyja”.

RAPORTI ME FEDERATËN – “Vitet e mëparshme janë ndryshe. Nuk mendoj se ka pasur luftë me federatën. Është fryrë më shumë dhe jemi cilësuar si një ekip që vetëm protestojmë për arbitrat”

“Nuk e mendoj se nuk kanë qenë ekipet e tjera në nivelin tonë. Kukësi ka ekip të mirë. Kemi bërë diferencë në momente të veçanta. Grupi ka bërë diferencën, e shikoni vetë harmoninë. Falënderoj presidentin, trajnerin dhe të gjithë, edhe Telushin që po më pret (qesh)”.

“Vazhdimësia? Na takon të respektojmë kampionatin, gara për Europë dhe mbijetesë vazhdon. Drejtuesin po punojnë për Champions-in. Nëse bëhen 2-3 afrime cilësore, do ishte gjë e mirë. Skënderbeu ka bërë mirë, por me lojtarë shumë cilësorë. Kemi nevojë për përforcime”.

“Dedikimi? Falënderoj familjen që më ka mbështetur dhe më ka qëndruar pranë. Jam këtu falë mbështetjes së tyre dhe punës sime. E them me përulësi këtë. E falënderoj shumë familjen time”.

Dyshja përveçse merren vesh mirë në fushë, janë edhe miq jashtë saj. Një natë më parë, me sa duket Telushi e ka ftuar për darkë mikun e tij Trashi, i cili ndërkohë që vlonjati gatuante, dhuronte “shoë”, duke dhënë leksione si ultras.

Në videot e postuara në Instagram, shihet Trashi, i cili është së bashku me djalin e Telushit, duke e mësuar këtë të fundit me këngët e Partizanit, si dhe me thirrjet “Bruno Telushi”. Video mjaft e bukur dhe interesante, që dëshmon ambientin pozitiv që mbizotëron te “Demat e Kuq”.

Momente tensioni, ndërkohë që është dashur ndërhyrja edhe drejtorit Ardi Behari, i cili ka hyrë në fushë dhe është munduar të qetësojë lojtarin e të kuqve. Sikurse dallohet edhe në video, nuk mungojnë as ofendimet karshi Trashit.

Sipas Dalipit, kjo ishte ndeshje perfekte për t’i dhënë një shans në kombëtare Trashit, pasi sipas tij mëngjarashi i Partizanit është i vetmi lojtar mbrojtës që e kryen mirë fazën sulmuese. Në ndryshim nga Aliji dhe Hysaj.

“As Hysaj as Aliji nuk i kanë karakteristikat e një lojtari mbrojtës që kalon mirë në sulm dhe është superior ndaj kundërshtarit në situata një kundër një. Jam i mendimit që i vetmi lojtar që mund ta bënte mirë këtë rol është lojtari i Partizanit, Lorenc Trashi. Gjithsesi duhej besim, por atje vinim pas një ndeshje negative dhe duhej patjetër të merrnim rezultat kundër Andorrës.  Kjo ishte ndeshja perfekte, pasi Trashi mund të bënte diferencën në metrat e fundit dhe të dërgonte harkime te sakta te sulmuesit tanë” , tha Dalipi.

Ftesa e Trashit për në kombëtaren shqiptare ka bërë që mesfushori vlonjat t’i dërgojë  një mesazh shokut të tij nëpërmjet Instagramit. Telushi ka postuar një foto ku ndodhet së bashku me Trashin të shoqëruar me mbishkrimin “Trashi mos harro sa kohë ke që e pret këtë ftesë vëlla”.

Trashi është një nga lojtarët kryesorë të Partizanit dhe kjo është e ditur. Mbetet për t’u parë se si do të formatohet mbrojtja, duke parë që Lum Rexhepi ende nuk është në formën e tij më të mirë që pas dëmtimit të pësuar me  Kastriotin. Mungesë e sigurt për Partizanin është ajo e Ardit Hilës. Mesfushori ende nuk është gati, edhe pse gjatë kësaj jave nisi përgatitjet i diferencuar.

Në kampin durrsak i gëzohen rikthimit të Lansinet Sidibe. Mesfushori nga Guinea kishte plotësuar numrin e katër kartonëve të verdhë dhe mungoi në sfidën kundër Skënderbeut. Rikthimi i tij gëzon trajnerin Bledi Shkëmbi, i cili pret edhe rikuperimin e plotë të Armando Vajushit.

Shkodrani ende nuk ka debutuar me durrsakët. Gjatë kësaj periudhe ai ka bërë përgatitje i veçuar dhe momenti i tij për të luajtur po afron. Mbetet për t’u parë nëse do të jetë gati që këtë javë kundër Partizanit.

TIRANA –  “Çdo lojtar ose trajner mund të bëjë rolin sikur nuk ka presion, por në derbi presioni është i pashmangshëm. Tirana po kalon një moment të mirë dhe në derbi nuk ka nevojë për të motivuar lojtarët”

FAULLI – “Shumë vetë thonë se faulli im ka qenë karton i verdhë, por nuk i bashkohem këtij opinioni pasi ishte minuta 13-të dhe kishim 6 lojtarë të tjerë në mbrojtje. Reagimi erdhi për shkak të emocioneve”.

REAGIMI PAS KARTONIT KUNDËR FLAMURTARIT – “Doja shumë të isha pjesë e derbit. Kurrë nuk i jam lutur aq shumë ndokujt sa arbitrit në ato momente”.

POZICIONI – “Kam në pozicione më të avancuara, por mendoj që ky është viti im më stabël te Partizani. Mendoj që kemi alternativa. Idrizaj e bën shumë mirë këtë rol dhe më zëvendëson shumë mirë”.

Pavarësisht, këtij fakti mëngjarashi nuk mundi të shmange ndëshkimin me karton të verdhë, teksa në minutën e 14-të të takimit ndaj Flamurtarit kreu një faull ndaj lojtarit Emiliano Mustës duke ndalur një kundërsulm të rrezikshëm të skuadrës vlonjate.

“Në përbërje kemi lojtarë të rinj. Normalisht ka presion tek ata, por trajneri ua largon dhe punojmë në aspektin psikologjik. Ecuria tregon që nuk kemi pasur. Normalisht ka njëfarë presioni, por jo që të reflektohet në fushë”.

“Kukësi apo Teuta? I vlerësoj të dyja ekipet. Kanë ekipe shumë të mira, me staf të mirë. Nuk janë kot aty ku janë. Mendoj se Teuta ka një grup më të mirë, pa anashkaluar Kukësin”, tha Trashi, i cili më pas foli edhe për kundërshtarin e radhës.

“Flamurtari, në momentin e duhur para derbit? Nuk mendoj për derbin. Vijmë pas në humbje dhe kemi një ndeshje të rëndësishme me Flamurtarin. Nuk mendojmë për largimet e tyre, grupin e kanë. Alla nuk ka luajtur shumë, Torasa po. Do jetë një kundërshtar agresiv, sikurse ishte me Skënderbeun. Të kalojmë fillimisht Flamurtarin”.

NGACMIMET – “Bicaj ka thënë se ky Partizan është më i dobëti i pesë viteve të fundit? Unë jam këtu prej pesë vitesh. Nuk dua të merrem me deklaratën e tij, ai ashtu e sheh dhe e gjykon. Mendoj se ky Partizan nuk është ai që thonë të tjerët, por ai që duket dhe është i pari. Kurrë s’kemi pasur kaq diferencë me të tjerët. Është e kotë të komentoj deklaratat e të tjerëve, kur ne shumë mirë e kemi treguar gjithçka me rezultate dhe punë. Kemi qenë edhe me këmbë në tokë gjithmonë”.

KOMBËTARJA – “Jam pyetur shpesh. Çdo lojtar ëndërron të jetë pjesë e kombëtares. Unë punoj dhe bëj më të mirën për Partizanin. Si mendon Panuçi, është puna e tij. Sikurse këtu, ku trajneri vendos për formacionin. Nuk ndërhyn asnjë, çdo gjë varet si e shikon ai. Shpresoj të marr një ftesë”.

“Ky, Partizani më i mirë? Unë i referohem statistikave dhe për të mos e mohuar ka qenë edhe Partizani i profesor Starovës. Kemi pasur një ecuri, në mos gaboj, njësoj si me profesor Skënderin. Ky Partizan është më i fortë për titull mendoj, duke parë edhe ecurinë e ekipit. Shpresoj të vazhdojmë kështu”.

Trashi tregohet i sinqertë, teksa pranon problemin e tij të madh. “Çfarë kam përmirësuar? Trashi, e para fare ka përmirësuar pjesën e disiplinës. Duke parë që jam cilësuar si rrëmujaxhi shpesh, kam pasur dhe disa debate, jo vetëm për shkakun tim. Kjo është pjesa më e rëndësishme që kam rregulluar. Nëse rregullon disiplinën, më pas gjërat në fushë bëhen më të lehta”.

“Me kë kuptohem më lehtë dhe me kë e kam më të vështirë? Më të vështirë e kam me Bardhin. Jemi edhe dy katundarë dhe nuk merremi vesh shumë mirë (qesh). Më mirë nga të gjithë, po them me sy mbyllur, kuptohem me Telushin”

“Titulli apo kombëtarja? Është viti i pestë te Partizani dhe e pres shumë një titull. Më mirë do doja një titull”, u shprehën mbyllje mbrojtësi i majtë, ndërkohë që ka folur edhe Bruno Telushi, mesfushori vlonjate që e vlerëson shumë faktin që është pjesë e Partizanit.

“Do të thotë shumë të luash me Partizanin, është nder i madh, është një fanellë që rëndon shumë dhe duhet të japësh maksimumin. E vlerësoj shumë këtë pjesë, që jam pjesë e Partizanit”, u shpreh mesfushori, i cili mungoi në Gjirokastër për të kuqtë.

Nuk mbetet jashtë diskutimit as ekipi i tij i vendlindjes. “Çfarë ndjej kur shoh Flamurtarin përballë? Mendoj ato kujtimet e mira dhe jo të mira që kam kaluar me Flamurtarin dhe mundohem ta respektoj sa më shumë fanellën e Flamurtarit”, shtoi Telushi, i cili pranon se nuk e ka pasur të lehtë në fillim me të kuqtë.

“Me thënë të drejtën mu desh pak kohë të përshtatesha. Jo se është e thjeshtë, por nga mënyra se si erdha, apo se si më shkuan gjërat, në fillim është dashur ta filloja sikur e nisja nga e para karrierën”, tha vlonjati i Partizanit.

Në fund edhe disa fjalë për ekipin dhe objektivin titull: “Skuadra e Partizanit ka bërë një grup shumë të mirë, shumë të fortë. E ka formuar me çuna të pjekur, me çuna me eksperiencë, plus me çuna të rinj që ulin kokën e vrapojnë shumë. Për titullin them se do të shohim ndeshjen e radhës dhe të japim maksimumin siç e kemi dhënë deri më tani”.

Gramshioti flet për fitimin e çmimit “Lojtari i Vitit”, tregon lidhjen e madhe me Partizanin dhe presidentin Demi, si dhe tregon objektivat e tij me klubin dhe për vazhdimin e karrierës. Kombëtarja është ëndrra e madhe e Trashit, i cili shpreson të transferohet dhe të masë forcat në një kampionat të huaj.

Keni një dedikim për këtë çmim?
-Këtë çmim ia dedikoj shokëve të mi, pasi pa ndihmën e ekipit nuk mund ta fitoja.

Jeni paksa rebel me sa dimë, si e fituat këtë çmim…
-“Lojtari i Vitit” zgjidhet për përformancat që jep lojtari gjatë vitit dhe golat, apo atë çka ka dhënë për ekipin. Pjesa e sjelljes ka qenë paksa problem për mua. Kam qenë paksa rrëmujaxhi dhe marr flakë shpejt. Është fakt që debatet nuk i kam bërë me kundërshtarët, por brenda familjes tonë, brenda ekipet të Partizanit. Ato janë gjëra që duhet të mësojmë.

Ktheheni nga ndeshja me Luftëtarin, u zure me ndonjë?
-Jo, nuk u zura. Pata një debat në fund me një kundërshtar, por vetëm një moment kur u nxeha, kur na barazuan, pasi ne ishim në fitore dhe ata shënuan golin e barazimit. Ishin nervat e lojës që i ka çdo lojtar.

A është ndonjë ekip që e di se mund të tensionohesh? Tirana ndoshta?
-Tirana jo, edhe pse është derbi. Kam shumë miq nga lojtarët e Tiranës. Është shumë e lezetshme pjesa e ngacmimit të tifozerive.

Kush mendoni se do ishte fitues, nëse nuk do e kishe marrë ti çmimin lojtari i vitit?
-Po marr një nga ekipi ynë. Jesir Asani është një lojtar me shumë kualitet, në moshë të re dhe mund ta fitonte këtë çmim.

Keni nënshkruar një kontratë që të mban të lidhur deri në vitin 2020 me Partizanin…
-Është viti i pestë që jam pjesë e Partizanit. Kur kam qenë në Gramsh kam luajtur me Lushnjen. Pas Lushnjes kam ardhur këtu me trajner Shpëtim Duron.

Mund ta quajmë se është familja juaj e dytë?
-Po, normale. Nuk është pak që të rrish 5 vite në një skuadër. Kam gjetur gjuhën e përbashkët me presidentin.

Ofendoheni kur ju thonë “morrat e kuq”?
-Jo, jo, fare. Nuk ofendohemi për faktin se sa jam unë këtu prej 5 vitesh dhe nuk kam humbur asnjë derbi.

Ke pasur oferta nga jashtë?
-Unë jam 26 vjeç. Kam pasur kontratë deri në 2019, por më pas jam ulur dhe kam folur me presidentin dhe kemi rënë dakord që të rinovoj edhe për një vit tjetër Kjo për të mirën time dhe të klubit, për të gjetur momentin për një transferim timin të mundshëm në një kampionat më të fortë jashtë vendit.

Ka një domethënie numri 19?
-Nuk e mbaj kot, pasi kam ditëlindjen më 19 maj dhe uroj që pas 19 majit të bëhet diçka e mirë për mua.

E shikoni veten në një skuadër tjetër shqiptare?
-Unë e kam shumë të vështirë të luaj për një ekip tjetër në Shqipëri. Mbase kjo nuk është profesionale dhe nesër mund të na ndodhë të luajmë me Skënderbeun apo një skuadër tjetër dhe ne duhet të bëjmë më të mirën. Unë e kam të vështirë edhe për raportet që kam me presidentin Demi. Fryma është fantastike këtë sezon.

Çfarë do të presë Trashi tani me statusin e lojtarit të vitit?
-Ky çmim është një shtysë shumë e mirë edhe për të ardhmen time, pasi prezantohem edhe me këtë arritje. Uroj që ta mbyllim me sukses dhe uroj të vendosim ato pikat mbi “i” për një gjë më të mirë për mua.

Kombëtarja…
-Kombëtarja është arritja më e madhe për një lojtar.

Ke pasur ndonjë njoftim?
-Jo akoma nuk ka ardhur, jemi në pritje. Dëshira është shumë e madhe, por kjo nuk është në dorën time.

Me jetën private çfarë ndodh?
-Unë i përkushtohem më shumë familjes.

Më tej ai foli edhe për gjendjen e ekipit dhe ndeshjen e radhës: “Luftëtari vjen pas një fitoreje ndaj Skënderbeut dhe moralisht është mirë. Gjithsesi, ne jemi përgatitur mirë dhe nuk e nënvlerësojmë kundërshtarin, renditja nuk ka vlerë. Uroj të dalim te loja që duam ne”.

OFERTAT – “Këto punë i di presidenti, nuk mund të hyj në këtë pjesë. Konkretisht nuk ka pasur ndonjë ofertë tunduese për klubin dhe për mua, ndaj kemi lënë gjithçka në pritje, të mbarojë kampionati një herë”.

Në verë u largua te Gabala Sabien Lilaj, i cili fitoi “Topin e Artë” të Superiore. A është ogur i mirë ky çmim? Trashi e komenton kështu: “Shpresoj të jetë kështu, por si fillim të shpresojmë të dalim kampion. Më pas gjithçka do shkojë mbarë për të gjithë”.

EKIPI SIVJET – “Partizani jo se nuk ka qenë ndonjëherë kaq i fortë, gjithë këto vitet e fundit kemi qenë pretendentë për titull. Këtë vit ndryshimi është se jemi shumë të qetë, ka një frymë tjetër në ekip. Trajneri ka bërë shumë mirë, të them të drejtën, dhe çdo gjë është ndryshe nga vitet e fundit për sa i përket qetësisë dhe harmonisë në ekip”.

ROLI I GEGËS – “Në aspektin personal, pjesën e komunikimit e kam pasur pak problem në të shkuarën dhe për mua është gjë shumë e mirë që të kem një trajner që komunikon shumë dhe sillet si shok, për të shpjeguar mirë atë që duhet bërë në fushë”.

MERKATO – “Besoj se për përforcime ka nevojë edhe Reali në këtë moment, jo më Partizani. Besoj se stafi do ulet të diskutojë për gjithçka pas përfundimit të ndeshjes së fundit. Ndoshta do kemi afrime, ndoshta nuk do kemi fare, të shohim”.

“Kundërshtarët po blejnë lojtarë, a keni frikë? Frikë nuk do e thosha, ne i njohim rivalët dhe nuk ka diferenca. Nuk është e thënë që kush blen tani do të jetë super i frikshëm në janar. Ekipet janë aty-aty, nuk mendoj se na frikësojnë blerjet e rivalëve. Pa ia ulur vlerat si sulmues, Shkurtaj ka qenë kundërshtari im, e ka bërë zgjedhjen e vet dhe mbetet rivali ynë në fushë”.

POZICIONI – Trajner Gega mendon se Trashin nuk e penalizon pozicionimi në mbrojtje për të dalë përpara dhe vetë mbrojtësi është dakord me të: “Realisht përgjigjen e dha trajneri. Unë pozicionohem në të majtë të mbrojtjes, por avancoj shumë dhe preferenca ime është mbrojtës i majtë, duke pasur lirinë për të shkuar përpara dhe për të ndihmuar ekipin”.

ÇMIMI – “Shpresoj që ta mbyll me një trofe meqë e nisa me një trofe. Nuk e kam pritur. Më thanë që jam i ftuar te festa e Federatës, jo që kam fituar këtë çmim. Nuk e kam menduar këtë çmim, ndoshta ndonjë çmim tjetër. U surprizova dhe ndihem i vlerësuar”.

KAMPIONATI – “I kemi ndjekur të gjitha ndeshjet në këto 2 faza dhe të gjitha ekipet i kemi parë. të tregohemi realist që kampionati do të jetë i ashpër në vazhdim. Titullin do e fitojë ekipi që do të bëjë më pak gabim”.

E ARDHMJA – “Është viti i pestë te Partizani dhe çdo vit është folur për transferim timin, por nuk ka ndodhur për arsye të ndryshme. Nuk e kam në dorë as unë e as presidenti, por uroj që të bëjmë një mbyllje sa më të mirë dhe në fund të kampionatit të vihen pikat mbi i se çdo të bëhet mbi mua apo ndonjë lojtar tjetër. Shpresoj që të kap një kampionat më të fortë”.

PREMIO – “Presidenti Demi është korrekt. Pjesën e premios e ka vetë merak. Kemi marrë premio të mira për ndeshjet e forta, si çdo president që vë për skuadrën për ta motivuar. Kështu ka vepruar dhe presidenti Demi”.

TRANSFERIMI – “Ekipet që kanë pasur interes nuk e kanë bindur presidentin dhe mua. unë dua të ndahem nga Partizani që të jemi të kënaqur të gjitha palët. Ka 5 vite që presidenti investon te unë”.

DILEMA – Më kanë pyetur sot para stërvitjes nëse do të ndërroja titullin dhe të shkoja në Kombëtare apo të shkoj në Kombëtare dhe të mos dilja kampion. I thash që luaj për titullin prej 5 vitesh. Më mirë të fitoj titullin dhe Kombëtaren për herë tjetër.

FALËNDERIMET – “Dua të falënderoj presidentin Demi që më ka mbështetur si dhe drejtorin Olsi Rama”.

E veçanta tjetër qëvjen nga Kamza lidhet me Bruno Telushin dhe Lorenc Trashin. Dy lojtarët ePartizanit po ndjekin nga tribuna sfidën mes Kamzës e Luftëtarit. Nuk është sepo bëjnë “spiunin”, pasi ndeshjen e radhës e luajnë kundër Kukësit. Veç tyre, edhe Jasir Asani është në tribunë gjithashtu.

Për kryesorin e takimit kishim të bënim me simulim dhe për këtë Trashi u ndëshkua me karton të verdhë. Mbrojtësi i majtë në pushim të ndeshjes u shpreh në “Supersport” kështu: “Të them të drejtën m’u duk penallti. Duke biseduar me gjyqtarin ma bëri të ditur se ishte simulim”.

ÇEKAJ – Një koment për rastin në fjalë e ka bërë edhe ish-gjyqtari, Sokol Çekaj. Ky i fundit mendon se Hamiti ka vepruar drejt dhe ka argumentuar se pse.  “Për të sqaruar këtë rast të vështirë për arbitrin në ndeshjen Partizani-Tirana, mendoj që arbitri Hamiti ka vepruar drejt, kur ndëshkoi me simulim lojtarin e Partizanit”, shkruan Çekaj në llogarinë e tij në “Facebook”.

Më tej ai bën edhe analizën e asaj që ndodhi në aksion: “Duket qartë në pamjet filmike që lojtari i Partizanit fillon rrëzimin, sapo sheh që kundërshtari i afrohet, për të marrë penallti. Mbasi ka filluar simulimin, kemi në rënie e sipër kontaktin me mbrojtësin”.

Jo vetëm kaq, por në takimin e djeshëm me Tiranën përfaqësues të klubit suedez zbarkuan për ta parë nga afër mbrojtësin e majtë. Hamarbi u rendit në vendin e katërt në kampionat këtë sezon dhe kalimi i Trashit në këtë klub do të ishte një hap i madh.

Klubi suedez është ende në garë për kupat e Europës, pasi ende nuk është përcaktuar fituesi i Kupës. Në rast se Hamarbi e fiton do të luajë në Europë, por mund të përfitojë edhe prej vendit të katërt. Nëse AIK, Norrkoping ose Malmo fiton Kupën, atëherë edhe ata shkojnë në Europë.

Te Partizani u treguan të shpejtë dhe i ofruan rinovimin futbollistit nga Gramshi, i cili nënshkroi deri në verën e vitit 2020 me të kuqtë. Kjo u jep mundësinë të kuqve të përfitojnë nga shitja e Trashit.

Për të ky është sezoni i pestë te Partizani dhe ndoshta është momenti i duhur për të provuar një kampionat më të fortë. Futbollisti 26-vjeçar ka treguar vlera në Superiore, madje duke shënuar edhe 10 gola. Së fundmi po aktivizohet në krahun e majtë të mbrojtjes, por në të shkuarën ka luajtur edhe në treshen e qendrës së mesfushës, por edhe si sulmues krahu.

TELUSHI – Edhe për Telushin kanë zbarkuar përfaqësues të Al Fujairah dhe Al Ittihad Kalba. Ata e panë me kujdes mesfushorin vlonjat, i cili janarin e shkuar veshi fanellën e Partizanit. Muajt e parë nuk ishin të lehtë për të, ndërkohë që edhe një dëmtim e penalizoi.

Gjithsesi Telushi këtë sezon është një lider te Partizani. Ai është rikthyer edhe të shënojë gola, siç bënte në Vlorë me Flamurtarin. Këtë sezon mesfushori ka gjetur katër herë rrugën e rrjetës me të kuqtë, duke qenë edhe shënuesi më i mirë i skuadrës.

NDËRMJETËSI – Ka qenë menaxheri Franci Bode,  ai që ka ftuar përfaqësuesit e këtyre klubeve për të ndjekur nga afër Telushin dhe Trashin. Jo vetëm kaq, por ata kanë pasur edhe një takim me presidentin Gazment Demi. Në bisedimet mes palëve është lënë e hapur mundësia për të bashkëpunuar në të ardhmen. Frytet e bashkëpunimit mund të shihen që këtë janar.

VLADIMIR PRENGA

“Të them të drejtën m’u duk penallti. Duke biseduar me gjyqtarin ma bëri të ditur se ishte simulim. I thashë që do e shohim pas ndeshjes”, deklaroi mbrojtësi i majtë i Partizanit. Pjesa e parë e derbit u mbyll në barazim pa gola.

26-vjeçari ka qenë i ftuar në emisionin “7pa5” në Vizion Plus, duke treguar fillimet e karrierës së tij dhe lidhjen e veçantë me futbollin. Trashi zbulon dhe objektivat e Partizanit, rivalët për titull dhe ndalet dhe te një ftesë e mundshme e Shqipërisë.

Kombëtarja është ëndrra e të gjithëve, por lojtari i të kuqve tregohet i qetë dhe insiston te puna e përditshme dhe rritja e tij si lojtar. I pëlqen të bëjë humor, por dhe acarohet ndonjëherë. Mesfushori flet dhe për jetën private, zbulon lidhjen e veçantë me motrat binjake dhe zbulon dëshirat e së ardhmes. Më parë duhet fituar titulli, që mungon prej 25 vitesh në kampin e kuq dhe pastaj dëshira për të provuar forcat në një kampionat të huaj.

DITA – “Zakonisht, e nis si çdo njeri tjetër. Zgjimi, një kafe në mëngjes dhe pastaj dreka. Më pas stërvitja e përditshme, për të luajtur ndeshjet çdo fundjavë.”

FILLIMET ME FUTBOLLIN – “Futbollin e kam nisur në qytetin e Gramshit. E kisha pasion, si çdo fëmijë i vogël, ndërsa rëndësinë ia kuptova rreth moshës 15-16 vjeç. Vendosa t’i përkushtohem më shumë dhe ja ku jam sot.”

MBËSHTETJA – “Pa dyshim, familja. Më kanë ndjekur dhe më kanë shtyrë për çdo gjë, veçanërisht babai im. Ai është personi që ka insistuar më shumë, por ia di për shumë faleminderit të gjithë familjes.”

FUTBOLLI NË SHQIPËRI – “Këtu nuk ke shumë mundësi, madje është dhe pak fat. Puna nuk diskutohet, por mendoj se fati është më i rëndësishmi. Ndikon dhe familja, mundësitë e saj dhe mbështetja që të japin. Jo vetëm këtu, por kudo, nëse nuk ke mbështetje nuk ia del. Mbështetja, besimi dhe puna janë 3 gjërat më të rëndësishme.”

PARTIZANI – “Më cilësojnë si një lojtar nevrik, por dhe karizmatik. Bëj shumë humor në ekip, por, ndonjëherë, nuk arrij t’i mbaj nervat e mia. Mendoj se është gabim, por njeriu mëson nga gabimet e bëra.”

KONTRATA – “E vjetra përfundonte në vitin 2019, por u ula me drejtuesit dhe rinovuam deri në vitin 2020. Të shohim nëse do të qëndroj deri në fund. Shpresoj të më vijë ndonjë ofertë e mirë dhe mund të lëviz.”

OBJEKTIVAT – “Unë kam 5 vite te Partizani dhe çdo vit kemi qenë pretendentë për titull. Për shumë rrethana nuk ia kemi dalë, por këtë vit është ndryshe. Jemi një ekip pa bujë dhe pa emra të mëdhenj. Po punojmë mirë, nuk e them se jemi për kampion, por shpresoj të jetë viti i duhur për të fituar titullin.”

RIVALËT – “Renditja tregon se ekipi për t’u mundur është Skënderbeu. Patën një lëkundje nga dënimi i UEFA-s, por janë një ekip shumë i fortë. Nuk i mendonte kush si pretendentë për titull, por kanë një bazë të fortë. Në lojë për titullin janë dhe Kukësi me Flamurtarin.”

KOMBËTARJA – “Gjithmonë më pyesin për kombëtaren. Do të dëshiroja shumë të isha pjesë e saj, por nuk është në dorën time. Mua më ngelet të jap 100% në stërvitje dhe ndeshje. Shpresoj që një ditë të më vijë ftesa dhe do të isha shumë i lumtur të tregoja aftësitë e mia dhe sa vlej.”

JETA PRIVATE DHE PIKA E DOBËT – “Akoma nuk kemi asgjë. Statuti im është beqar. Motrat binjake janë pika ime e dobët. I dua shumë fort dhe janë dy persona të veçantë për mua. E përkrahim shumë njëri-tjetrin dhe kemi marrëdhënie shumë të mira.”

OBJEKTIVI PERSONAL – “Dua të fitoj trofe me Partizanin. Shpresoj shumë që të fitojmë titullin. Si çdo futbollist, edhe unë preferoj të luaj në një kampionat më të fortë. Shpresoj që kjo gjë të ndodhë dhe me ndihmën e klubit.”

Gjithsesi nuk ishte e thënë që gjërat të merrnin vetëm për mirë. Një kalim në të djathtë të mesfushës e acaroi Trashin,  i cili pas ndeshjes me Luftëtarin iu drejtua dhomave të zhveshjes i nervozuar. Kjo nuk u prit mirë nga drejtuesit e klubit.

Jo vetëm kaq, por Trashi nuk ka dalë as me ekipin B në stërvitje. Nisur nga kjo situatë, gjoba është e pashmangshme për futbollistin e Partizanit. Ndërkohë kjo situatë e krijuar nuk ka lënë jashtë as tifozët.

Opinionet e tyre janë të ndryshme. Një pjesë mendojnë se Trashi duhet falur dhe kthyer në ekip, pasi kanë një ndeshje të vështirë të hënën me Skënderbeun. Të tjerë janë të mendimit se nuk ka asnjë mbi klubin dhe lojtari duhet të marrë një mësim që të shërbejë si mesazh edhe për të tjerët.

Por për të prishur “syrin e keq” ka menduar Lorenc Trashi. Pas ndeshjes me Luftëtarin ai iu drejtua menjëherë dhomave të zhveshjes dhe nuk festoi me skuadrën. Arsyeja: nuk i pëlqeu fakti që u zhvendos në krahun e djathtë të mesfushës.

Trajneri Skënder Gega nuk e ka pritur mirë veprimin e Trashit, që për më tepër në ndeshjen me Luftëtarin mbante shiritin e kapitenit dhe vetëm pak ditë më parë ka rinovuar kontratën me dy vite. Dje lojtari i linjës së majtë nuk ka dalë në stërvitje.

Nga ana e klubit nuk ka një qëndrim zyrtar, ndërkohë që vetë Trashi mbrëmjen e djeshme është takuar me drejtorin Olsi Rama. Nuk dihet për çfarë është biseduar, por duhet thënë se një klime e tillë para ndeshjes me Skënderbeun nuk i shërben askujt. Mbetet për t’u parë se çfarë zgjidhje do të gjejnë palët mes tyre.

Më vonë mund të ketë edhe batuta për këtë, si për shembull që Kristian Panuçi nuk e fton në kombëtare prej këtij fakti. “Ekipi im i zemrës aktualisht ndodhet në vendin e pestë. Unë jam tifoz me Interin, por më vjen keq që Juventusi është shkëputur shumë, që në fillim”, u shpreh fillimisht futbollisti i Partizanit.

NDRYSHIMET TE PARTIZANI – Pikërisht klubi i kuq ishte fokusi dhe Trashi foli për ndryshimet që kanë pësuar gjatë kësaj vere: “Shumë prej atyre lojtarëve që u larguan, erdhën në fund të kontratës së tyre me klubin dhe nuk ranë dakord për shifrat e kontratës së re. Unë jam ende nën kontratë dhe jam i kënaqur që vijoj të jem pjesë e Partizanit. Për më tepër, pastaj është normale që duhet punuar shumë në fushë, që të meritosh fanellën e Partizanit”.

KOMBËTARJA – Trashi ndihet mirë kur e lakojnë si kandidaturë për kombëtaren: :Nuk më bezdis, madje më bën të ndjehem mirë dhe deri diku i vlerësuar, por unë do të doja që jo thjesht emri im të përflitej, por të grumbullohesha dhe të jepja kontributin tim për ngjyrat kuqezi”.

Më tej ai thekson se nuk duhet të transferohet jashtë për të luajtur me kombëtaren: :Unë besoj që kjo nuk duhet të funksionojë kështu, pasi do të ishte ironizim i Superligës Shqiptare. Unë personalisht kam përshtypjen që Superiorja është një kampionat i fortë dhe lojtarët që luajnë këtu, mund të përfaqësojnë Shqipërinë”.

KUKËSI – Nesër Partizani përballet me një rival direkt për titullin. “Kemi një ndeshje shumë të vështirë me Kukësin dhe duhet të dimë se ata nuk ishin në ditën e tyre më të mirë ndaj Skënderbeut, ndaj duhet të mos bazohemi tek ajo ndeshje. Gjithsesi ne jemi maksimalisht të angazhuar për të dhënë më të mirën dhe shpresojmë që më pas gjithçka të shkojë me sukses”.

QETËSIA DHE ROLI – Me Bathën shpesh ishte parë një Trash agresiv. Shpesh i vërsuleshin arbitrave, por nuk ndodh më. “Strategjia është e stafit, pra e trajnerit, që është konsultuar me ne dhe na ka porositur që të jemi të qetë dhe të përqendrohemi vetëm te loja jonë, jo të merremi me gjërat e tjera”, thotë “xholi” i të kuqve.

Sigurisht nuk mund të mungonte pyetja mbi pozicionin që Trashit i pëlqen të luajë. “Të them të drejtën jam i përqendruar totalisht te loja ime si mbrojtës dhe dua të perfeksionohem sa më shumë në këtë pozicion. Më pas kuptohet që mundohem të ndihmoj skuadrën edhe përpara, sa herë që më jepet mundësia”, përfundoi 26-vjeçari, i cili luan sezonin e pestë me Partizanin.

“Zhvilluam një paraqitje shumë të mirë, duke ardhur edhe pas një ndeshje jo të mirë në derbi, por kur morëm tre pikë. E kishim vlerësuar në maksimum, i trembeshim euforisë, por u treguam shumë të kujdesshëm dhe ia dolëm me sukses”.

“Kombëtarja? Çdo lojtar do të dëshironte të ishte pjesë e një grumbullimi, sepse është kulmi. Gjithsesi, unë nuk mund të komentoj zgjedhjet e trajnerit dhe nuk më mbetet veçse të pres momentin tim, i cili shpresoj të vijë shumë shpejt dhe të jem pjesë e Kombëtares”.

“Ndryshimi i këtij Partizani me sezonet e kaluara? Ekipet e Partizanit në sezonet e kaluara, ka qenë pjesa që tifozët dhe mediat kanë pritur shumë. Na kanë bërë kampionë, para se të niste kampionati. Për ekipin e këtij viti, tifozët fillimisht nuk kishin shumë besim, duke parë emrat e rinj dhe përforcimin e rivalëve”.

“Ndikimi i drejtorit Rama dhe trajnerit Gega? Drejtori Rama dhe trajneri Gega kanë bërë një punë shumë të mirë. E kanë mbajtur ekipin me këmbë në tokë dhe na kanë qëndruar shumë pranë. Çelsi i suksesit është fakti se trajneri sillet si shok me ne”.

“Premio pas derbit? Sigurisht e kam thënë që presidenti nuk na lë pas dorë dhe na vlerësoi pasi fituam në derbi”.

Më pas Trashi ka folur edhe për mediat e pranishme: “Nuk prisnim një rezultat të tillë, por prisnim të bënim një lojë të mirë. Sa i takon pozicionit, kam folur me trajnerin dhe për momentin është menduar të luaj në të majtë të mbrojtjes”.

“Kukësi? Ata kanë bërë merkato shumë të mirë, do jetë një ndeshje shumë e fortë. Do i shohim dhe do i analizojmë. Pastaj ia lëmë fushës”.

“Rivali më fortë për titull? Janë 5-6 ekipe të forta. Ju mund ta shihni që edhe Laçi është 13 pikë sot dhe nuk mund të thuash që është Kukësi, Partizani dhe Skënderbeu. janë të gjitha në valle”.

MORALI – “Vijmë nga një humbje me Skënderbeun, që e kemi harruar.  Duhet të mendojmë për Kamzën, që e kemi studiuar. Ata kanë një ekip ë mirë, i pamë me Tiranën. Duhet të japim më të mirën tonë që të marrim trepikëshin”.

SHIRITI – “Kanë kaluar problemet e vjetshme. Është futur një frymë tjetër, janë ndarë disa gjëra, kush do jetë kapiteni, kush do të jetë zëvendëskapiteni. I kemi zgjedhur ne lojtarët dhe është gjë e mirë”.

NDRYSHIMI I PARTIZANIT – “Jam shprehur se ky ekip, ndryshe nga sezonet e kaluara, është më shumë pa bujë. Besoj ky do të jetë çelësi i suksesit. Të gjithë trajnerët kanë taktikat e tyre. Nuk mund të jap një mendim. Pozicioni? Unë luaj aty ku mendon trajneri, aty ku ka nevojë ekipi.

GJENDJA E SKUADRËS – “Çdo ekip në fillim ka probleme, ndeshjet e para studiohen kundërshtarët. Ndeshjet në vazhdim do tregojnë forcën e ekipit”.

ZËRA PËR TOLERIM – Për këtë çështje ishte trajneri Skënder Gega ai që foli: “Unë personalisht kurrë nuk do kem dëshirë dhe nuk do marr pjesë në asnjë lloj bamirësie. Ajo që ka ndodhur, nëse ka ndodhur, dhe ju keni qenë prezentë me Kamzën, është diçka që nuk më takon mua. Do dëshiroja më mirë të humbisja, se sa të përzihem me marrëveshje dashamirësie., Dua të marr atë që unë kontribuoj. Asnjë profesionist nuk duhet të ndërhyjë në të tilla marrëveshje. Jam i qetë dhe nuk më intereson asgjë. Duhet të sillemi ndryshe, si profesionistë. Nëse gabojmë, secili merr përgjegjësinë, unë i pari. Është presion, por është edhe për të ulur fokusin. Në fushë nuk do të ndodhin, të paktën sa të jem unë”.

Më tej, për “Gol pas goli” në Supersport ai shtoi: “Jam prej katër vitesh te Partizani. Është viti i vetëm pa bujë, nuk kemi bërë lëvizje të mëdha. Besoj ky vit do të jetë më i mirë”.

Para dy vitesh ishit për titull, nuk mund të jeni më mirë sivjet? “Jam dakord me pjesën që para dy vitesh ishim ekip më i fortë, por kishte shumë emra. Këtë vit nuk ka bujë, jemi me këmbë në tokë. Më parë na kanë fryrë mediat, kemi qenë në eufori dhe kemi ndikuar”.

Pozicioni? “E kam biseduar me trajnerin, ndihem mirë. Ndaj nuk ka asnjë problem. Nëse trajneri thotë kaloj para, unë do e bëj. Duke luajtur mbrojtës i majtë i jap mundësi lojtarëve të tjerë që kanë ardhur”.