Lorenc Jemini

“Jemini donte të sistemonte kampionatin”, Rama: Ja pse nuk ndiqte Kukësin!

Sport Ekspres — Mon, 27 May 2019 21:50:49 +0000

Safet Gjici, me të qeshur e të ngjeshur akuzon Lorenc Jeminin në emisionin “Procesi Sportiv” në Top Channel. Sipas presidentit të Kukësit, ish-arbitri i FIFA-s tentonte të vendoste fatet e titullit. “Jemini më mirë këtu në studio, jo se nuk dinte. Mundohej të sistemonte kampionatin. Duke qenë se ishte më mirë se të tjerët, bënte ca gjëra…

Donte të vendoste kampionatin. Bënte me kokën e tij? Unë njoh kokën e tij. Vjen në stadium vecc kur luan Partizani, s’e kam parë te Kukësi. Kur donte i mbante ndeshjet perfekt. Normal gabojnë arbitrat. Kur nuk ka tendenca, OK”, u shpreh Gjici, herë serioz, herë duke qeshur.

Olsi Rama ndërkohë në formë batute i tregon Gjicit se pse Jemini nuk e ka ndjekur Kukësin: “Jemini më tha se shkova për të parë Kukësin në Kamzë, ishin në Shkodër, pastaj në Elbasan (qesh). Keni shëtitur shumë”. Presidenti i Kukësit sigurisht nuk mund të qëndronte pa u përgjigjur: “Prandaj e fituat ju, se ishim vërdallë”.

“A ka nen që nuk lejon anulimin e golave të bukur?!”, Jemini i vë vulën

Sport Ekspres — Mon, 04 Feb 2019 22:50:26 +0000

Goli i Artim Pollozhanit kundër Kukësit ka tërhequr vëmendjen e opinionit publik në vendin tonë, ndërkohë që shumëkush është shprehur se arbitri Olsi Sokoli e anuloi në mënyrë të padrejtë. Ish-gjyqtari Lorenc Jemini në emisionin Procesi Sportiv në Top Channel u shpreh se vendimi është i drejtë.

“Është rasti më i përfolur, unë them që është faull. Është lojë e rrezikshme. Këtu thuhet, ‘anulohet ky lloj goli’. Ka edhe lloj lloj paralelizmi me golin e Ronaldos, që s’ka lidhje. Nëse hynte me kokë, nuk ka faull. Nuk ka kontakt. Nëse ishte më larg ishte gol. Nuk është me qëllim. Quhet lojë e rrezikshme, edhe pse nuk ka kontakt. Është faull. Nuk luhet në zonën e kokës me këmbë. Nëse ngre takën te fytyra, është faull. Rastin ua kam nisur edhe dy vëzhguesve të huaj dhe më thanë edhe ata që kemi të bëjmë me lojë të rrezikshme”, u shpreh Jemini.

Një ndërhyrje për rastin në fjalë e bëri edhe presidenti Gjici: “A ka nen të rregullores që nuk anulohet goli i bukur? Pse ulet lojtari i Kukësit kur nuk ka probleme. Është lojë e rrezikshme. Jepni mendimin sipas rregullores”.

“Lorenc, ky është karton i kuq”, polici rrugor befason ish-gjyqtarin

Sport Ekspres — Fri, 18 Jan 2019 09:18:25 +0000

Lorenc Jemini e ka mbyllur me arbitrimin, por mbetet aktiv në sport si specialist gjykimi dhe është vëzhgues pranë Federatës Shqiptare të Futbollit. Sot ai është befasuar nga një polic rrugor në zonën e Komunës së Parisit.

Pranë njërës prej degëve të Union Bank, Jemini është ndalur dhe ka parkuar makinën e tij. Makina e policisë, që po patrullonte në zonë, ka ndalur pranë makinës së ish-gjyqtarit dhe njëri prej policëve ka komunikuar me ish-arbitrin e FIFA-s: “Zotëri, e ke ndalim parkimi dhe është pa karton të verdhë, merr karton të kuq direkt”.

Sa duket polici është një ndjekës i futbollit shqiptar dhe e ka njohur Jeminin, të cilin e ka falur. “Dy sekonda punë kam”, është shprehur ish-gjyqtari, sikurse bëjnë me dije burime të “SportEkspres.com” nga vendngjarja e këtij episodi. Jemini ka kryer punët e tij në bankë dhe më pas është larguar.